Gluttons

营业中

休息中

微雨探訪海南雞飯，午市九折優惠依舊貼心。招牌雞肉仍保持水準，油潤雞皮裹著嫩滑去骨雞肉，蘸上三色醬汁仍是經典滋味。惟發現配菜組合略作調整，過往畫龍點睛的紅蘿蔔酸菜與白酸菜雙拼，連同酥脆花生皆暫未供應，稍減層次感。凍奶茶茶香尚可，若能再濃郁些更佳。觀察到十二時許店內已坐滿七成，雨傘架擠滿折疊傘，顯見街坊支持度不減。整體而言仍是百元有找的穩陣之選，期待下次回歸完整版配菜組合。

昨天訂了 20人 晚飯私房菜，居然可以一張檯坐晒，香港好少有食店有這麼大的檯。有一個大轉盤方便夾餸，好正！ 我不喜歡分兩檯坐的，大家可以一齊坐 一齊講 一齊笑。 重有電動麻雀耍樂， 有玩 有食，大家都非常滿意。 食物質素令我們喜出望外，服務細心。 咖哩牛筋腩，汁香肉淋入味，跟薄餅或 蒜蓉多士也可。 蒸龍躉魚腩，粉絲墊底， 魚腩好肥美。 招牌 海南雞好好味， 好食到要打外賣包。重可以帶酒去，不收開瓶費，價錢非常合理添。適逢農曆新年，店舖還有鮮蔗汁馬蹄糕，年糕的紅糖味香濃，靚料蝦乾瑤柱蘿蔔糕外賣，季節限定，我們好好彩碰到有得買！

今日去觀塘見客睇吓食咩好, 行過觀塘碼頭區打算搭船, 見到一家餐廳, 睇落唔錯, 睇吓餐牌, 決定食咖哩豬扒飯, 等咗一陣飯到,  豬扒外脆內軟, 口感唔錯, 份量夠, 咖哩味道濃郁, 很香很好味😍配返個半熟流心蛋, $59蚊算抵食, 如果過返去對面海食都要80-90蚊, 下次再試其他。

油飯好好食～油飯好好食～油飯好好食講三次之後都想再講多三次行到嚟振萬廣場雖然有啲遠，但係呢度嘅海南雞飯真係我嘅comfort food，每次返工做到散晒嘅時候，隊返個海南雞飯就爽曬海南雞，用三黃雞，雞滑皮爽雞汁，除咗薑蓉黑豉油，仲有特製酸辣汁，開胃惹味必須要講嘅係油飯！呢個味道我喺香港好少見到，滿滿嘅蒜香味，加埋檸檬葉，香茅等等等等對於我呢個蒜頭愛好者，我完全覺得係滿分！跟餐仲有杯凍薏米水。清甜解渴，就係咁簡單。

睇得出廚師好用心製作，食物質素高，價錢合理，無味精，無諗過茶餐廳可以有咁靚嘅擺盤，好多野食都好想推介Top 1: 珍珠立魚，必點Top 2: 推介係蠔仔肉碎湯飯 Top 3: 海南雞飯好出色👍🏻, 早餐都好特色廚師自家製鮮果酸奶，厚蛋治，超厚超滑又好香蛋味真係諗都諗唔到係有K房可以book唱歌，CP值高. 唔可以唔提係杯咖啡☕️係會吸引到你會好想去幫襯. 中午人手係有少少緊張，作為顧客可能要體諒體諒一下，或者預先落訂order會有好大幫助😃

星期五 下雨天 本來想食沙律，但天陰陰，影響心情，結果去新的Gluttons叫咗「自由4食」。有小食，有沙律，有湯，有主食，有drinks. 放縱一下。salad 我忘記take photo。但唐心蛋好吃,，菜新鮮!南瓜湯加烘到脆脆麵包 一邊點 一邊喝。好正!越南春卷 小小機件炸物過吓口癮 不錯 （如果係放工時我會加個凍啤酒😀😀）辣肉腸意粉夠辣,蒜頭夠多，辣肉腸夠香，意粉做到 al dente。 食到停唔到😃a small guilty pleasure for a rainy Friday!

今日12:20我地3個人入去，諗住近近地公司附近食個快飯，我叫蔥油豬扒飯，兩個同事就叫喇沙同埋海南雞飯，佢地兩個都around10分鐘內到左，而我見我個仲未到，我就搵佢地個阿姐追第一轉，但個阿姐感覺係求其耍我話追下😓，因為佢餐廳分兩邊，我以為我坐水吧果邊出餐慢d,咁我見又過10分鐘都唔見影，咁我就行去佢另一邊出餐口度追佢，但d出餐阿姐佢就淨係識係度sorry sorry，最後等到1310唔再等，足足一個鐘都冇得食，谷到一肚氣！！