影片
成日听人地介绍上水热狗，行开等人时顺便行去8卦下啦。一望之下见前面得一个人就去排队试下于是就叫左只芝士热狗加肉酱，再配芝士薯条同益力多沙冰都只系60蚊咋因为即叫即整，所以order完就系侧边行下，行完等多阵就有野食勒因为外卖关系所以返到屋企都已经系30分钟后既事，不过只芝士热狗认真不错奈可肚饿既关系急不及侍就食左完全忘记左影相但真系好好食！面包软硬适中，肉酱份量刚好，芝士有拉丝效果，仲要食既时候依然系暖既薯条都系暖，但倒汗水整林左，相信即食应该不错！而沙冰味道正常。可惜既系老板唔知系做唔住既关系门口贴左张纸想揾人顶手，老板你地热狗真系好好食，希望你继续做落去等大家有好味道既热狗食
继续阅读
已经好一段日子黎食过，但到而家仍然十分回味，印象深刻，因为呢度嘅老板夫妻系呢个只为揾银嘅食界中，为数十分少嘅超有心厨师!!其中我最爱嘅都系牛油果奶昔，烹调淡味食材最难嘅地方，系保留食材原有嘅独特味道!但呢杯牛油果奶昔一饮，令我成个人叮左声!竟然有超浓厚嘅牛油果味，而且口感超smooth超足料。一问之下，先知原来每杯都用左原只牛油果即叫即做，只要你饮过，就会知道老板绝对冇呃你!另外，就系炸粗薯条，可能你会觉得薯条去M记仲平啦，但我好欣赏佢个薯条。如果你细细品味，你会发现佢口感系外脆内松化，当你咬落去之后，就会有浓浓嘅薯味溢出。有人会觉得，薯条不嬲都系咁，而且等候食物需时，但我真系想为老板平反一下。因为呢度嘅食物全部即叫即做，而呢个薯条即使放耐左，都仲keep住脆，而唔会好似M记果啲软晒谢晒。秘诀就系啲油只会用一次，唔会重用，而呢度选料亦十分严格，所以先会有咁嘅口感!最后，当然要介绍呢度嘅主角，邪恶热狗，热狗包嘅口感岩岩好，而粗嘅热狗肠超多汁超juicy，盖面嘅芝士饱而唔会食济。因为佢系纯芝士，而唔系mix左好多野偷工减料嘅芝士酱。我已经系食得好慢好慢，但食到最后一啖，个邪狗仲系热辣辣，会出白烟果种，真系超满足!店内仲有好多种唔同野食，为数太多，不能尽录。后来同老板两夫妻倾起，咁烹调虽然真系好正，但成本高，有啲客又唔愿等，好难回本㖞! 老板就话，系好难呀，但系觉得如果好似外面咁偷工减料，用千年油，落过多调味料，会对唔住自己良心，所以虽然好难做，都坚持落去! (当时接近收舖，请我食左块大大块嘅手制曲奇饼，超惊喜!)听完我觉得好感动，觉得有良心有坚持有理想嘅食肆真系好难能可贵。如果大家经过，不妨细细品味，你都会食出果种味道!
继续阅读
试左魔鬼个款45$..好可惜原来无堂食,等左10MINS有了,跟两包酱,酸青瓜粒制成个D酱,同黄芥一包.个包就烘过偏软与硬之间,温度都够,,芝士为卖点,,10足10食梗薄X HUT个种可以拉出丝的芝士,几好的,加上份量都好足够,至于入面司华力肠普普通通,再黎+20$要埋薯条(15条左右,,一般般唔算好金黄,小小偏隆色.都唔再重要..反而杯益力多奶昔就唔错..好足味又唔会觉太甜)整体有种似帮衬梗贵价版M记(MOS XXXXXXX)又系3X-4X一个包 转餐+2X 咁...唔太多食..
继续阅读
芝士热狗兴了好一段日子，也没试过难得在上水旧墟出现这新鲜小店，一于满足一下对芝士的欲望点了魔鬼芝士热狗，是店中芝士份量最多的热狗。店主即叫即做，热狗到手时，上面的芝士仍然处于半流动状态，做到拉丝的效果味道够哂香。芥末酱及茄汁都是自己后加的。热狗中的肠皮脆不太咸，是司华力肠的大小，面包则没有什么特别。建议二人分一只热狗，因为芝士份量不少，一人一只实在奈不住那份腻腻的感觉加上芝士多得二人吃就刚好，小吃多滋味
继续阅读
食左碗米线都唔够饱啰，加多只巨狗就应该差不多喇。问老板邪狗同魔狗有咩分别，魔狗贵 $1 蚊，比邪狗有更多芝士㖞。$1 蚊会多几多芝士呢？收银妹妹似系新手，胶袋未平衡就攞起，搞到斜埋一边，茄汁同芥辣撞埋一堆，大混战，死得好惨啊，好采都唔系太肉酸。魔鬼芝士热狗，一只手揸唔晒既巨狗，芝士、茄汁、芥辣到塞到满泻毫不吝啬，落足本钱绝不手软，视觉上已非常澎湃震撼！加上被香喷喷芝士及肠仔气味冲击著，我忍唔住喇！比上次个芝士肉酱更好美味！大量芝士，多到食食吓我觉得自己食紧 pizza，比芝心批既芝士还要多，香浓幼滑，乳香占据整个空间，浆口黏黏既感觉好鬼正！大量茄汁混芥辣，酸酸甜甜又带辛，醒神活脑，跟芝士味道夹到不得了！实在太好味，要出必杀连理咬先得！魔鬼芝士热狗，巨大热狗我要将口擘到尽先免强咬得到个横切面影相乍，真系辛苦晒！明显睇到面包跟肠仔跟芝士既比例系 1 比 1 比 1 啰，果然魔鬼够夸张！满泻既材料当然一咬爆浆啦，都食得几狼狈，一手都系，好采外卖系屋企叹乍。脆皮大大碌巨肠，肉汁劲到射出黎，搞到我只手湿晒。肉香浓厚又香喷喷，超好味！高质外脆内嫩面包夹住靓肠，简单配上芝士、茄汁、芥辣，咁已经系满分美食喇！推介，唔洗走去中环揾热狗咁远啦！芝士热狗，基本芝士热狗年尾仲系 $21 蚊依家加到 $25 蚊，生意认真难做，个个都系替业主打工！奇怪地茄汁、芥辣、青瓜酱都转左独立包装？成本平啲？卫生啲？硬系感觉上唔系唧唧既无咁好。我咁贪心梗系全部加晒去，一滴都无剩啦！芝士热狗，放上手够晒份量，外观非常讨好，美学既处理，摆位骨子有条理，颜色鲜艳夺目。枣红色香肠富光泽，烤到干爽皮劲香脆，外脆内嫩，而且充满肉汁，填满每条齿缝！面包皮薄带脆，面包肉软棉棉，惊喜万分！夹住脆皮肠多重质感，非常有趣！澎湃芝士气味扣著热狗肠温柔肉香，食欲倍感大增，沾上热狗混酱三宝跟大量浓郁半溶芝士，大啖啖无需羞怯抢住咬，迅间整只狗已蒸发得尸骨无存，不败的美食！刚才一碗麻辣粉点会够我饱呢，路过整多只芝士巨狗就差不多喇！上水未揾到有质数既肥美炸鸡髀及炸鸡翼，如果 Frozen Fruit 有得供应就好啦，我唔洗再专登搭的士落大埔揾 Baby Q 同三多啊！
继续阅读