Friendmily (已結業)

工廠大廈的好選擇！人少又好坐！lunch time可以遲少少1:45後每人可以減15蚊✌🏻呢個肉眼扒每日限賣，好juicy，十安士。絕對係物超所值，又湯又個熱辣辣的餐包！好味！仲有呢個帶子意大利🇮🇹飯，真係好鐘意，d飯好入味又多料！飽肚之選賣相又靚…查看更多

難得今天返半日，即刻搵朋友仔食個lunch，通常一喺觀塘食嘢，就一定去工廈，仲要lunch係平過dinner起碼一半，堅抵食！今次就試吓間喺APM後面嘅，地點非常方便！餐廳環境冇咩特別，冇室內室外，我地又怕凍又唔食煙，一定揀室內。Lunch menu 每日唔同，我揀左「帶子意大利飯」，朋友揀左「咖哩雞排」，食物唔錯，餐湯都幾好！我欣賞佢地係用迷你牛角包，而唔係普通 read roll，可惜牛角包唔夠熱，所以已經有啲淋唔夠鬆軟！餐飲我地都只係揀左普通奶茶檸茶，因為當時只有一個樓面職員，佢好忙，冇專人沖咖啡，加錢飲其他飲品都未必好飲，都係叫番茶記飲品安全啲！總括黎講，食物係ok既，但裝修佈置同飲品選擇未必會令我短期內再去！…查看更多

食物質素好好，特別是羊架，表面有草香，內裏肉質嫩滑，另外，澳洲生蠔15元一隻，也食得下，整體來說，好滿意，不過聽經理說做埋批貨轉做日式餐廳，真的浪費了大㕑的心機之作…查看更多

一想去坐得舒服d嘅餐廳，就諗起Friendmily, 佢個勁開揚嘅環境，係超鍾意嘅！今次試「香焗保雲酥羊架配大蝦意粉」，再配幾出名吓嘅藍蝶花茶，當然有依然都係咁好味嘅牛角飽同南瓜湯。個羊好香，唔Un, 易切，證明師傅無偷懶，落足料！:):)隻蝦嘅黑椒味都好香！$100唔洗，有兩件羊同蝦，抵食！意粉唔硬加咗佢地嘅醬料上去，成件事升咗呢！侍應都細心，叫我臨走要拎齊嘢。lunch仲唔收加1！觀塘嘅西餐廳中，呢間會係我首選！…查看更多

每次經過巧明街都見到Friendmily 嘅燈箱，又提醒我上去食個超值lunch! 今次試煙三文魚忌廉意粉。一舉手就有侍應，好快手即刻幫我落咗個order. 亦好快手上到菜！一上菜個忌廉好香！個煙三文魚份量適中，唔太咸中覺得新鮮！意粉軟硬都好適中！份量比其他西餐廳算多！環境一向保持係幾好，開揚又唔嘈！成個場唔算好多人，所以唔嘈, 可以慢慢係度枓啖氣。我杯飲品係熱藍蝶花茶，落蜜糖好正！好飲！如果有打工仔最喜愛餐廳，我會投Friendmily 1 票！…查看更多

今次已經係第7次黎啦! 一來勁近公司, 二來食開有感情, 三來覺得絕對值得長期支持! 12:45前入座即減$15, 咁我梗係12:45入去啦, 無咁多人, 唔使同人迫~~~~平時食得意粉多, 今日試輕煮帶子黑松露意大利飯~~ 上菜依夠都係快手~ 帶子夠大粒~ 飯唔硬~~林得黎入口唔差~ 加再上黑松露既香味, 整個配搭好香! 個牛角飽依然勁好味~ 好香~~今年仲免收加一服務費, 好抵食!!!!!  聽聞四眼哥哥講黎緊仲會有唔少優惠~絕對係送街坊! 叫我密切留意facebook, 即係like咗去先!  …查看更多

已經第5次黎幫襯啦! 今日補返個食評先! 日日lunch都要搵間餐氣枓枓氣, 第一時間都係想起friendmily! 坐得舖服, 食物質素100分, 侍應風趣幽默, 食得過癮開心!  經常留意住佢地facebook睇吓有咩優惠, 今年唔收加1, 好吸引呀! 四眼侍應哥哥推介咗個香煎肉眼扒配紅酒磨菇汁, 果然推介無錯, 好香 ! 唔UN, 100分! 相比起同區其他餐廳, 呢間絶對值得長期支持!花茶特別! 繼續支持你地, 加油!…查看更多

本人非常鍾意周圍試新嘢, 行過巧明街有4格燈箱都係佢地既廣告, 寫唔午巿唔收加1, 幾有誠意, 上埋facebook索吓有無咩料, 加$10有蝦刺身, 仲有唔少優惠,  好, 試試LUNCH! 上到去見到有個大露台, 好開揚, 據聞可以BBQ! 因為開揚, 所以都係舒服既! 坐係度既客都斯文又Young咁.  待應都好快手行埋黎落order, 等咗5-10分鐘就上菜, 食咗個T骨扒, 唔錯, 入味, 唔UN, 大塊! $118食到T骨扒係OK!,  音樂係五月天、陳奕迅, 入流!!整體覺得呢間friendmily唔錯, 由食物、到推廣有見心思, 值得成為我的最愛餐廳之一! …查看更多

年尾同朋友聚會, 一行8人, 見facebook有聖誕餐, 就去試吓. . 食物質素OK,   我地分開咗幾次嘢叫, 侍應都好有耐性, 亦友善, 有求必應. 起菜都算快, 唔洗點等,~除咗聖誕餐, 仲叫咗個見多人介紹既脆皮豬手:)  香又唔un, 又唔會太乾, 亦夠味. 食物與過往評價一致, 都係幾好~羊架並半隻焗龍蝦都唔錯, 羊架好香. 龍蝦入味. 做餐廳確實唔容易, 租金又貴, 食物又要維持質素, 又要keep住爆場, 確實唔易. 見佢地既facebook keep住post新料, 宣傳都花咗唔少心思. 聖誕餐出面油尖旺銅一係貴一係爆場無位.呢度聖誕餐$368有咁多嘢食都係誠意價~…查看更多

因為有團購第一次食。128 有六道菜黎講，份量幾足，味道都唔錯，侍應服務幾主動，幾舒服。係比一樣野破壞哂。。。話說食野個晚得8 度。凍到high high.佢安排我地的座位係最近最近窗口位個到。都算，唔開窗咪得。室內無乜所謂。有冷氣通風。佢就係開比你。8 度呀大佬，全店得一個通風位，係我地隔離，呼呼聲，吹到頭髮都郁，我女友凍到食唔到野。我講左幾次，叫佢關左佢。侍應都helpful. 有做。但一個疑似老細的人物就次次過黎開返到最大。我聽到佢話『凍佢地就會走』原來係咁！！為左做多兩台生意，明的。咁我寫返個食評比你，大家無數。…查看更多

因為之前買左團購 所以趁未過期之前黎食個晚餐 Book左8點 我地7點半就到左 店員(?經理)安排左我地坐係個雪櫃隔離 好嘈 而且經理既態度同語氣都好差當晚6.7成full 臨近聖誕都有唔少聖誕佈置 環境都ok 在場既後生哥哥仔服務態度相對就好好多煙鴨胸沙津 有芝麻醬同凱撒沙律醬2種汁可以揀跟餐既羅宋湯 胡椒味比較重 但係我接受到 唔會太酸餐包真係幾好味 咬落去個下有牛角包個種脆口 但係食落就軟綿綿 有啖啖既面包香 好岀色泰式生蝦 新鮮鮮甜 不過唔係平時泰式既酸辣味道香茅雞翼 其實就係可以點酸甜醬既炸雞翼安格斯T骨扒10oz一放上枱個一下覺得真係好大份 成件事好有聖誕氣氛 肉質唔錯 一塊牛扒2隻口感:)香草燒春雞拼珍寶虎蝦燒春雞既香草味只停留係表面 而無滲入深層 不過都還可以虎蝦比想像中細隻好多 而且霉口左 藍蝴蝶雪糕梳打 (+$15)右 粒粒菠蘿柚子特飲 (+$10)飲品賣相好靚 但係飲落會有少少失望…查看更多

今日行開觀塘，梗係要搵野食啦！經過工廠大廈樓下啲廣告牌，見到呢間環境幾好喎，咪上去找吃的🧐🧐上到去門口望望下，都成兩分鐘，冇人理我地，正想走之際！見個廚師行過咪問下有冇下午茶🤔佢話有，我地就行入去，點知坐都未坐低，waiter 就話：得返上面四款食物，所有包同pizza都冇😔😔😔🤦🏻‍♀️我咪唯有響嗰4款野裡揀3款law😫$38/@(另加一）呢個意大利飯，一般，茹味幾香！芝士火腿意粉，都係一般，個汁吾錯，始終有芝士，吾會差得去邊呢個係三個之中我覺得比較好，蕃茄味濃😋😋總括意粉係整得好食過個飯！😎…查看更多

觀塘巧明街工廈的泰式食店Friendmily，樓下水牌show出來的泰式豬手都幾吸引，不過午餐冇得食，menu 睇落去，大部分似西餐多個泰餐。Set 1 安格斯牛賣晒，還有一個特別set 10 … 名為唔一定有的特別套餐…果然冇。那就 set 3 牛肋排意大利粉。正中西式的牛肋排，燒得適中，肉質也保掉鬆軟，加上醬料那肉味更出。不過意粉較乾硬，點了醬好少少。同事點了另一款西式牛扒，都幾大塊，大半成熟，中間紅色那種，味道也不錯。餐廳環境舒服，服務都ok。價格為一般的觀塘價，少許mark up，但不收加一。…查看更多

觀塘午飯小發現, 見呢間friendmily巧明街有燈, 上去試吓, 食咗個香煎香茅豬扒配泰式沙爹醬意粉, 合! 坐得亦舒服, 有露台位, 顯得個場都寬闊, 仲可以加$10換生蝦或者泰式蝦餅, 幾抵! 睇返佢地facebook, 晚巿仲會送生蝦或者泰式蝦餅. 同事上次話甜品OK, 就試咗個"雪山熔岩蛋糕", 又真係得喎見個Lunch menu由扒到海鮮、沙律都齊腳, 下次試海鮮!留意返lunch hour 12:50前埋單, 13:35後入場可每位平$15呀~…查看更多

係facebook見到有泰式刺身蝦送就去試試, 因為就算係正式泰國餐廳都未必有刺身蝦, 既然有得送, 就去試試. 因本人是刺身蝦fans~ 刺身蝦是新鮮的~ 讚~! 然後叫咗個安格斯牛扒, 5成熟, 算幾大塊~ 幾香~ 然後叫一個德國炸豬手~餐廳可以幫手開埋, 幾好~ 甜品是驚喜, 叫咗個雪山鮮果窩夫, 即做~ 超好味~ 食完可以係露台出面抽埋支煙, 吹多兩句先走~ 唔錯~~ 勝在地點易搵, 近APM, 下次會再去試埋其他嘢!…查看更多