影片
只可以话食物系晤错, 但服务真系晤得。1. 上菜极慢，由点餐开始计20分钟上面包、30分钟左右上薯条、1小时左右才上15oz US Prime Rib Eye。2. Menu 有标价面包 $28。正常思维餐厅晤会提供免费面包，所以我都冇点嚟食。点完餐大约20分钟，妹妹仔侍应捧住一碟面包放卜枱，话系新鲜出炉，以为系免费。点知隔离有2枱客，陆续都系咁样放上枱，其中有人问道，侍应先话系餐厅 "Default"，所以即使客人冇点，都需要收费 $28。3. Wine List 近乎全部都 per bottle 标价钱，以为冇 per glass. 点知隔离枱话，原来 bubble, white, red 都各有1款系按杯收费，写住 $78/g. 我孤陋寡闻，真系未见过系咁样写. 最终我系 order 1 bottle of French Red Wine ($468).4. 隔离枱客人专登嚟食Oyster. 点知佢地入座时，原来已经卖晒。侍应只系放低 Menu 就掉头走，完全冇讲声今晚已经冇晒 Oyster。通常晤系一俾Menu，就讲你今晚冇咩食物供应咩？5. Menu 有 French Fries($78), 又系以为所有 Main 都晤会有Side Dish 跟， 所以点餐时嗌左US Prime Rib Eye, French Fires ($798). 我已经问 ‘’薯条个 Portion 有几大，2个女仔会晤会食晤晒㗎？‘’ 侍应话都几大㗎。咁我都照order.点知原来Rib Eye 系附送大大份薯条！！咁点解我问有几多 Portion 时，晤讲声牛扒已有？最后真系食晤晒。只可以话态度系轻柔温和，可惜妹妹仔侍应咩都晤讲，晤解释，就同你收费; Menu 又写得晤清晰，只分Starter, Main; Wine List per glass 就写 “$78/g”; 感觉几差，食物系ok, 但冇下次喇！又晤系平！
继续阅读
正！误打误撞去咗就觉得系一个放工避难既好地方 外国红砖小餐馆咁样！去咗几次都差唔多食哂成个Menu食匀都冇中伏！！！！！！呢样好重要 bluecheese猪扒 慢煮方式令到肉质好鲜嫩mushroom soup讲明系real mushroom 就真系饮得出有蘑菇粒 白酒青口大大只 用个汁点面包冇得顶 生蚝都好新鲜 直接叫店员帮我拣就唔使烦 正！必食法国蚝王Gillardeau 啖啖海水啖啖肉觉得纪念日生日去都唔错 临走前见到隔篱枱庆祝生日叫做个疏乎厘好似好正 巨版太平馆疏乎厘咁 下次一定要试吓先
继续阅读
位于中环Soho 好热闹地段的小酒馆 。👌🏼生蚝 ：试咗唔同款式，overall 都鲜甜，法国生蚝例如fine de claire 最好味。其他正正常常。餐包：暖暖地，软熟好味带子沙律$298：带子熟度刚刚好，沙律系嫩菠菜叶，酱汁调较得清爽唔会太heavy，味道okay。👌🏼焗法国春鸡 $268：听餐厅介绍话系signature，但系食落正正常常冇乜特别。🤔烤Premium 澳洲毂饲猪扒 都系听餐厅介绍叫的，但觉得冇咩特别。味道同质感都系正常。猪扒其实唔系西班牙黑毛猪下次都可以唔使叫。觉得主菜鸡同埋猪扒都系正常味道，唔系伏，但又冇咩记忆点。唔知牛扒会唔会好啲。环境： ★★★☆☆ 食物： ★★★☆☆ 性价比：★★☆☆☆ 推介度： ★★★☆☆
继续阅读
朋友叫我去试咗间Fridge餐厅，真系一个不错嘅选择。话说个oyster真系打开我嘅味蕾，每只都新鲜弹牙，顺滑嘅口感加埋海水嘅鲜味，真系正😋！跟住我哋叫咗个Australia black Angus striploin，口口肉香呛鼻，外面煎到微焦，里面仲保持住肉汁，嚼劲十足，捞啖餐包汁啊👍！过嚟讲吓个carbonara，浓郁嘅蛋汁cheese味同那口烟熏嘅bacon味，轻嚼之中都能感受到面嘅软滑，简直系完美。最后呢，话说个risotto，米粒煮得啱啱好，质感creamy得黎不会太稠，系咸香中带点酒香，劲舒服🍚。就算我哋食得太投入，都唔觉得等得耐，因为气氛好得嚟，服务又好，加埋间restaurant装潢得舒服得嚟有格调，真系一个食饭聊天嘅好地方。总之，Fridge俾我嘅感觉就系：舒服、美味、心情都好！下次再嚟，一定要再食番份Premium Australia grain-fed pork，想起都流口水！
继续阅读
当日同朋友聚会，眼见地方不太大，但反而有啲小餐馆感觉。一边食一边饮酒倾计呢度真系不二之选！头盘食左 Ham & Cheese Platter 、生蚝，只只都好新鲜冇壳碎，成件事再衬埋白酒非常夹。青口粒粒都好滑，口味清新好食。其中有几道main courses好推荐，冇睇餐牌唔肯定叫咩名。但反正个猪、牛、羊架呢几道，肉质刚刚好熟，超级淋，冇筋亦唔韧！呢3道个肉系煎到刚好有层crust，食到又脆脆地又嫩滑juicy既口感😭超值得试
继续阅读