影片
落雨天就系行街嘅日子，呢间位于葵涌广场2楼嘅fresh tea都饮过好多次，今次又出左新品种啦！睇落去几吸引,今日就同朋友各叫一杯,一杯系芒芒甘露，一杯系鸳鸯甘露，两杯都系沙冰质感，芒芒甘露系芒果沙冰加西米底加淡奶，又饮到芒果肉，西米爽口，口感都几丰富，另一杯鸳鸯甘露就系草莓加芒果，底就系西米露，一样加左奶，一口落去，草莓芒果西米就似会响口腔里跳舞甘，特别。酸酸甜甜都几开胃，有时仲饮到草莓嘅一粒粒籽。
继续阅读
葵芳呢间分店真系越做越差，由开始冇学生优惠入面嘅姐姐同男人就越嚟越态度差😅。最离谱系我买过几次Oreo鲜奶朱古力，都有唔知边度嚟嘅酸味….饮多几啖就发现系士多啤梨或者柠檬，怀疑系冲嘅用具洗得唔干净，搞到成日有浸味。之前有一次同姐姐反映过，佢话下次免费，但系佢依然每一杯都系有浸酸味😅如果好彩就系洗唔干净嘅味，唔好彩就系啲奶酸咗😅仲要已经唔系第一次希望改善吓。而家已经唔会想再回购。$40一杯嘢，但系每次饮饮几啖已经俾浸怪味到唔想饮。
继续阅读
事缘系有一日，我带埋小朋友喺葵芳店买咗一杯嘢饮，有个中年女人喺柜面挂住揿电话，到佢终于帮我落完单收完钱，手都冇洗就去冲我杯嘢饮。之后我就问呢位女士，有冇洗手先冲嘅饮，佢极度唔耐烦话「唉，冲过杯比你啰，边有可能冲一杯洗一次手架，咁惊落去7-11买野啰。」听到咁样我话咁算啦，你唔好冲，我唔要喇，跟住就有个男人凶神恶煞走出黎话我，「点呀，嘈完未呀你？」吓亲我个仔我真心嬲。我明，系出面买手摇唔会干净得去边，但系都比人见住佢摸完钱，摸完银机，玩完电话，你都做个样去洗下呀？仲要理直气壮话无可能冲一杯洗一次，大佬，你唔系洗一次连续冲几杯，系摸完咁多其他野，数埋钱先去冲一杯。做饮食既，摸完其他野，埋位整野食/野饮前洗手系常识吧？
继续阅读
经过葵广想买杯嘢饮，见到好耐冇饮过嘅开心柠檬嘅menu同之前唔同咗，就买咗杯桂花荔枝绿茶试下，估唔到佢系成个茶包丢入杯入面，虽然茶味都ok嘅，但咁嘅设计我都唔知话佢真材实料定求其好同埋佢除咗茶包之外仲加咗啲水果片（橙同苹果之类）落去，似落系几fresh，不过我本身无expect过系有其他水果，有啲抢过咗本身嘅桂花同荔枝味，似饮紧一般水果茶多啲，如果佢喺menu到有写明包埋水果就好，可以畀啲唔中意水果嘅人知提前叫定走水果。
继续阅读
Happy lemon分店唔系好多,平时钟意饮oreo奶茶见到葵广竟然有新分店仲有coupon一定要试试啦~ 最终决定挑战下新饮品- 芝士花生深培奶茶，用优惠卷满$25 减咗$3本身都有啲怕中伏，因为之前试过饮其他舖头花生味嘢饮，叫咗少甜都好甜，味道又怪不过呢杯都有惊喜几好饮，唔会太甜，花生味同奶茶味都均匀，唔用饮筒直接入口仲有芝士奶盖口感！下次会想试吓热嘅(只有中size)或者加Oreo,味道应该都几夹
继续阅读