FREE D COFFEE (駱駝漆大廈第三座)

营业中

休息中

Free D咖啡喺觀塘都有名嘅經過駱駝漆工廈就試佢一試啦本身飲開黑咖啡見到佢有菠蘿黑咖啡同蘋果黑咖啡菠蘿與蘋果我首選先試蘋果黑咖啡叫完等既時候再望下間舖舖仔細細喺正入去駱駝漆大廈3期條路右邊地方有限應該無咩機會有張枱坐下慢慢飲由2個哥仔打理手腳好快杯咖啡唔使5分鐘就出到温度剛好可以即刻飲入口唔算好香但咖啡味還好特別在飲到少少蘋果肉除左有蘋果既香甜仲平衡左咖啡既酸令到咖啡更易入口唔怪得唔少人都俾到唔錯既評價下次經過會再試其他款式

FREE D COFFEE (駱駝漆大廈第三座) 駱駝漆大廈地舖位置既一間咖啡小店 主打凍椰奶咖啡你好椰🥥 飲過兩次都覺得好好飲 好幼滑充滿椰香 唔會太甜唔會假 今次試左焙茶咖啡 好失望 飲唔到焙茶味 只係有D酸味 咖啡味亦唔濃

今朝有要事在身，好早要去觀塘果頭處理，眼都未擘開就要搭車出去，臨落車時就search 附近嘅coffee shop買杯開眼茶嚟飲提提神。但應該真係一間間分店店員沖的手勢問題，今次呢間差少少，有伯爵香氣但飲落去唔太大中夾，有少少澀，同我第一次係灣仔試果杯有啲距離。

今日試了一杯名為「老板正西柚」的凍咖啡。原來咖啡加了西柚汁的味道可以是這樣的特別。咖啡裡不但充滿了柚子嘅幽香氣味、每啖也有回甘、齒頰留香的餘韻、清新可口，極力推薦！！

Free D 咖啡就喺公司附近，有時朝早早餐或者做野攰攰地都會落去買一杯黎飲。性價比高之選，出品十分穩定，飲品有時比起觀塘某啲一啲cafe 仲更有質素。喺openrice 有得訂外賣實在太好了，可以節省walkin 排隊落單時間有時真係好多人排架，特別係lunch peak hour既時候。有時會有驚喜，有幾次打開杯蓋見到，連外賣mocha 都有拉花，呢下都幾開心，好似喺忙碌中打打氣咁。以這個價錢設定，加上穩定水準既出品，物有所值。

先試過本人一貫喜愛飲的Latte和Cappuccino,真係好味！啡味香滑Talle杯賣緊$29/杯的確抵，然而茶啡mix的烏龍球王個人覺得咖啡味稍遜。但伯爵茶mix啡的味道却配合得不錯！店家還有買5杯送1杯，做會員還可另享每次惠顧享95折！最近新蒲崗也開了分店,相對更便利本人

人大咗就越嚟越離唔開每日一杯咖啡關注咗呢間咖啡店好耐☺️ 終於有機會試到！賣外賣咖啡嘅佢除了有大路咖啡選擇外仲有好多比較少見嘅咖啡口味例如係梳乎𝙳咖啡系列、需要有𝙳神蹟咖啡系列配上椰子、豆腐花、香蕉、薄荷椰子等等價錢都幾親民，我自己就幾鍾意🥰𓂅 蕉蕉慕慕 ᴴᴷᴰ 33香蕉迷🍌表示一見到就即刻想叫🫶🏻奶啡底加上少許朱古力，加入打成漿的香蕉啖啖都飲到果肉，又同咖啡好夾咖啡/ 朱古力份量唔重，好啱週末飲✨

駱駝漆大廈樓下位置，鋪面都算顯眼呢間咖啡只做外賣，所以成日都見到有人排隊主打凍椰奶咖啡 🥥 “你好椰”，但係都好多特別既配搭，同埋佢地全部咖啡名都起得幾鬼馬去過幾次，叫過唔同野但係好多都未試，以下係個人試過既：🥤🥥「你好椰」(椰子咖啡）$35 呢個一定要叫凍飲，第一次未飲過一次叫左熱既，雖然都好飲但係就好似變左椰子味牛奶latte 飲落會偏甜，相反凍既杯底有椰果，體驗口感即刻翻倍☕️🍯「四季蜂神」(蜂蜜四季春茶咖啡）$38 呢個... 可試可唔試，有蜂蜜香但係始終都系一杯咖啡，可能凍既會好飲d🥤「老闆正西·柚」 (西柚咖啡梳打) $33正常配搭，清爽解暑，夏天飲大推，同埋塊西柚好食佢地價錢算合理，分量正常，打卡都唔錯 

我每天都靠咖啡提神，不能有一天沒有它。又很喜歡椰奶，喜歡有椰奶的飲料和甜點。Free D Coffee竟然把它們混合在一起！這杯咖啡叫你好椰，它真的很椰，不只有椰奶，還有椰果。可是個人覺得，沒有椰果會更好喝，我本來也喜歡飲料裏面有配料，椰果也是其中一個喜歡的配料之一，但是椰子咖啡和椰果好像有點格格不入的感覺，而且會有點太甜。而他的椰奶咖啡，調配很恰到好處，真的很match。香濃的咖啡味，滲著椰子香味，好喝不膩。重點是，一杯咖啡grande 也只是三十多元真的物超所值。

周日好去處 工廈shopping工下美食梗係好多啦！ 地舖靚啡又真係又新開咗喎😍😍我第一次飲佢蕉蕉慕慕係喺葵芳，估唔咁快又開左觀塘分店💪🏼🫶🏼👍今次揀咗, 入口鮮奶嘅味都幾濃，一入口Earl Grey 嘅佛手柑香味都幾香，但有少少蓋過咖啡嘅味道， 到後面嘅餘韻…就有返咖啡嘅味道，飲開手沖嘅朋友 ，就未必鍾意飲呢啲mixed咗嘢嘅特調咖啡☕️總括嚟講，係好唔錯嘅一杯啡，有啲層次，算可以叫啡、茶、奶嘅味都出到，但印象係…覺得有飲啡+似飲伯爵奶茶咁🤣🤣🤣😋😋$33杯，算飲到特別口味， 合理價錢😌🫶🏼#freedcoffee #coffee #coffeelover #coffeeshop #travelcoffee #咖啡 #hkcafe #hkfoodie #discoverhongkong #coffeeholic #igcoffee #coffeedaily #hk #coffeetime #coffeevibes #cafelife #Café #啡癮 #foodabelee #coffeelifestyle #eatplayfunclub

你好椰 Tall $31我今次係聞風而至，一聽到佢新開咗觀塘就去咗幫襯，必試佢哋嘅椰奶咖啡。本身以為佢用嘅椰奶係厚重啲嗰款，但係飲落係薄身唔肥膩嘅椰奶，入口容易、甚至有種清新嘅感覺，我個人就覺得佢幾啱食完飯飲。呢杯椰奶咖啡真係唔話得，尤其當佢喺底比埋啲啜極唔完嘅椰果比你，啲口感mix埋冇衝動，甚至可以話係增加咗層次。最唔話得係可以免費比你轉豆，有堅果香同花香兩隻比你揀，只係我飲開nutty啲就冇轉到，期待有其他食家試完比返飲評！！！嗰日去到，佢哋咁啱接咗張大單 😂 見到佢哋做到踢哂腳就知幾受歡迎，聽講好似要做20杯一單 🤐 所以等咗都有啲耐，不過好在叫做值回票價，係可以返轉頭再試嘅靚啡，開喺駱駝添都算幾方便，可惜佢哋淨係做外賣，冇位比我喺入面慢慢歎 🥲 如果唔係做嘢一流。

路過駱駝漆大廈咖啡癮起見到free d coffee就試一試佢新出嘅系列到底揀男神好定女神好？今次就試吓佢新出嘅四季蜂神同伯爵戰神熱嘅四季蜂神飲落甜甜地之後慢慢有啲四季春茶嘅茶味走出嚟四季春茶有清香同花果香但係又唔會蓋過啲咖啡味呢杯會encore 另一杯凍嘅伯爵戰神好香嘅伯爵茶味咖啡味喺後段再慢慢跑出嚟滿足到又想飲茶又想飲咖啡嘅要求睇返介紹原來佢哋用冷泡嘅方式將茶味迫入牛奶當中要花嘅功夫都唔少希望下次試埋杯女神

薄身少甜椰奶咖啡🥥，配搭新鮮有下次👍！・・・・・・・・・・・・・・・・・・・・☕️ 你好椰 Granda HK$35・味道：未飲時以為好厚身漿口嘅椰奶加重身咖啡，點知係薄身嘅椰奶，似乎係低脂椰奶，配薄身nutty咖啡，加埋椰果都唔怪喎，不錯👍・口感：驚喜到我嘅light，椰奶加咖啡都可以做到薄身夠fresh，果然係「你好椰」🤭🍵 茉莉女神 Grande HK$38・味道：茉莉花茶mix Latte，幾fresh而且兩者幾夾，平衡得好好唔會一個搶晒fo。一入口先係茉莉花茶淡淡花香，Latte嘅奶啡味慢慢滲出嚟。・口感：薄身夠light。・・・・・・・・・・・・・・・・・・・・🤰性價比：高～🤰9衝度：9衝～🤰結論： 其他配搭都好似好正，而且大杯都唔使$40， 有下次😈・・・・・・・・・・・・・・・・・・・・

☕️☕️☕️嘆杯啡，幾好飲行過見到駱駝漆地下新開咗間coffee shop ，啲咖啡幾特別，有豆腐花咖啡、蜜瓜奶咖啡、伯爵茶咖啡等新潮口味，價錢都吾算貴，做緊優惠，$30幾蚊就有一杯，所以試下。☑️你好椰 （Tall) - $31呢個係本店no.1，椰奶咖啡黎，可熱飲或凍飲，叫左凍飲少冰，用透明杯裝，睇到層次好靚，上啡下白，椰味都幾濃，估唔到同咖啡又幾夾，下面仲有大量椰果，記得拎粗飲管，個人覺得好好飲，會Encore♥️#coffee #咖啡 #特色咖啡 #觀塘 #提神咖啡 #你好椰 #freedcoffee #駱駝漆 #椰奶咖啡 #cocountcoffee

之前試過葵廣店好正，見新開觀塘店又近自己，所以再黎幫襯！一如以往咁好！地點又方便，好近地鐵站，又近番工地點，一定會經常幫襯！叫番飲過既你好椰，同葵廣店一樣咁好飲！有咖啡味，又有椰奶味，聽店員講椰奶佢地係佢地自己打架。我最鍾意一路飲，一路食入面嘅椰果，有咬口，飲到尾都仲有椰果食，性價比極高！平時我都好鍾意飲茶，今次飲埋杯伯爵茶咖啡，茶味突出，又有啡味，好有層次！聽店員講係用冷泡方法無加水茶葉浸一晚奶沖出黎！下次試埋佢另一杯‘女神’先