FREE D COFFEE (泰達商業大廈)

朝早想买咖啡嘅时候，排到前去店员处理紧单据 ，期间无理会过客人，以为等一阵完成咗就可以落单，点知当我忍唔住出声，佢先话坏咗一部机接唔到单。佢地一早知落唔到单又唔早啲同客人讲，唔好意思都冇句，服务好差！…查看更多

今次饮［你好椰］，有椰奶有椰子水味， 几香几顺滑，同咖啡几夹！有椰果既配搭，有啲口感，唔会斋饮咁dry, which is very nice.买左好多次，水准稳定。平时中午食完，买番杯提下神，不时有新产品，有啲搞怪咖啡，都几有新意，希望keep到呢个不断创新既模式！今次系假日咁啱系附近食完下午茶，再买番杯，同大只店长吹下水。由葵广店开始饮，后生仔有冲劲，难得系港岛区开，唔洗去咁远。生意难做，请继续加油！…查看更多

咖啡cp值高，价钱合理。咖啡师调味平衡得好好，香浓嘅咖啡配上特色嘅口味，令人有惊喜。连锁品牌咖啡分分钟价钱系佢哋嘅两倍，好开心发掘到一间有水准嘅咖啡店。☕️☕️我见仲有好多特式款可以慢慢试😆😆///////////适逢初三见到竟然有开舖，眼见得1位店员上班，收钱又系佢冲咖啡又系佢，以为要等耐小小，佢最终都好快手，值得一赞。店员态度亲切友善，全程面带笑容😊😄//////////高质咖啡☕️下次经过一定会再试期待呢间铺头有更多特色嘅咖啡俾我哋试。…查看更多

服务态度好好，staff 好friendly同talkative。饮开观塘同葵芳，最近经过上环原来都开咗间，水准都非常好同埋very consistent with other stores。良心咖啡店，price and quality ratio no complains ☺️我自己最钟意饮佢啲ToNic咖啡， 咖啡浓度，甜度都好合我心意。下次再try try 佢哋啲 creative drinks 先！ 希望佢哋keep住再开多啲啦！…查看更多

之前佢刚开张 有优惠 试过几次佢嘅iced latte ，都系普通口味，正正常常，无特别好饮，今次试佢menu上面其他特别d嘅item 就叫咗个伯爵茶咖啡，个奶系加咗伯爵茶去打，创意系有嘅，但饮落真心麻麻，伯爵茶同咖啡两样character 咁出嘅嘢加埋一齐唔夹之余 仲只系突显咗个苦味，无乜奶香，口感都算顺滑嘅，我饮咗两啖自己落咗糖就好返小小，但摆多阵都系不敌阵苦味我谂拣返佢嘅正常咖啡应该会稳阵d，有优惠价钱当买杯日常啡是ok得。…查看更多