Food Lab (香港科學園)

营业中

休息中

餐廳空間頗大，裝修明亮。👌🏼蒜蓉法包 ： 味道符合預期。酥皮焗牛肉洋蔥湯 洋蔥湯味道好淡，唔係濃郁嘅牛肉清湯。湯上面冇鋪芝士喺面。亦都因為個湯太清，味道唔係太襯酥皮。麻麻哋。白酒煮法國藍青口配薯條 唔係預期中法國藍青口嗰種好嫩滑鮮甜嘅質感同味道，係似普通荷蘭藍青口嗰啲次一層級嘅味道。忌廉汁比較少。麻麻。 西班牙蒜油蝦 $118呢碟勁失望，因為西班牙蒜蓉蝦一般就咁用橄欖油煎香，但佢加左好多番茄醬，完全唔係嗰回事。👌🏼黑松露蘑菇意大利飯全餐飯最符合預期嘅味道。沙律 ：正常味道

I recently visited Food Lab, and it was an incredible dining experience! The food was absolutely delicious—each dish was packed with flavor and made with such care.What really stood out, though, was the exceptional service. The staff was friendly, attentive, and made sure every detail of our meal was perfect. The modern and cozy atmosphere added to the overall enjoyment, making it a great place to relax and enjoy a meal. Especially good to come with Kids, coz they can play outside the restaurant

新年前約埋朋友帶埋小朋友去科學園放電！去咗一間我超鍾意嘅餐廳，每次去都有驚喜！今次食咗慢煮牛柳石頭伴飯, 咖哩羊脾肉燴意大利飯, Fried Chicken Sando (酥炸難扒漢堡）, Chargrilled Pork Steak (BBQ汁烤豬柳配薯菜）. 小朋友最鍾意食豬柳，好soft! 我試飲咗佢地個Maple Cinnamon latte, 係咁凍嘅環境飲完真係覺得好幸福❤️仲有Beyond burger可以揀，素食人士最愛！ 佢哋d Set lunch 抵食，嘢食大份，咖啡好飲(聽講d咖啡豆係黎自泰國,好特別)!食物種類多! 環境舒服而且baby friendly! 餐廳外面都有位可以坐，帶埋狗狗去一流! 值得再訪!佢哋仲有做午餐盒外賣添，如果我係嗰度做野一定會去買！

屋企人生日約食飯～叫咗好多嘢可惜我當日有事要早走，就諗住隨便搭啲細細份輕食，一見到餐牌有蒜蓉包即刻叫（最愛試包🤤），後來驚唔夠又叫多份沙律試下～/個蒜蓉包超級！無敵！香！！個包整得好靚，仲要係外脆內軟嘅口感（睇相都回味到🤤），同外面食一片片個種好唔一樣！/個凱撒沙律就加咗三文魚，一上到枱大家即刻問係咪叫錯咗，因為份量超足，本來驚細細份仲諗住叫多份，侍應姐姐話因為餐廳見我地一家咁多人慶祝生日，特登整大份少少大人同小朋友都夠食！/成間餐廳上下都好nice，book枱個陣知道我地一家多人安排咗間私人獨立嘅房比我地慶生，環境好，乾淨衛生，泊車都好方便！科學園好似dog friendly 之後有機會試下帶埋狗狗嚟✌🏽

週末又去到科學園, 見到有唔少新餐廳開左有新野當然試一試佢我大概12點入座, 當時得2-3枱客, 8成吉位呢個都係香港飲食業既困境, 真係無人消費望一望餐牌, 價錢大約係1個意粉 / 飯 百幾蚊 去到 牛排 / 三文魚 2百幾蚊絕對唔係貴, 但亦唔係平民價, 定位黎講算清晰, 主力針對平日呢度番工既中級管理層吧我地先點左個法國藍青口配薯條, 賣相好靚仔但一食落口真的世紀大騙案, D青口係極度唔新鮮應該係買D 本身已經整熟左既急凍貨, 再有order果陣撈埋個汁煮番熱佢但有試過既人應該知道, 呢D急凍熟青口, 無論你點樣再煮, 個汁都完全唔會入到味百幾蚊一份青口, 以青口黎講完全唔貴, 但咁樣交出黎就非常差之後點左個午餐 - 大蝦龍蝦汁意粉首先, 蝦大唔大我就唔評論, 大家對大細既定義都好大分別, 可能餐廳覺得大但「龍蝦汁」既成分應該無限接近零, 係零龍蝦汁既味連茶記果D龍蝦汁都叫有D蝦味, 呢個係零如果佢個名叫大蝦蕃茄意粉, 咁我無話可說, 但佢偏偏要叫龍蝦汁Sorry, 真係接受唔到另外點左個燒春雞配蘑菇意大利飯大家有冇係茶記食過D 所謂意大利飯, 好多時會加左成堆三色豆咁樣呢碟野上

今日去Food Lab食lunch。比起其他科學園餐廳這家環境非常不錯，裝修靚，聖誕裝飾都好有feel。lunch set好多option同埋好食，但最好訂位😋。我揀左caesar沙律做頭盤，好好味，夠大份。主食揀左吞拿魚芥末risotto，對我黎講有d辣，但味道其實都幾夾。我好鍾意我杯flat white，比起出邊好多coffee shop 啲咖啡好飲好多，奶超smooth，豆都唔錯。個friend話個西班牙豬扒好好食，下次再試。

Foodlab 開左第二間，最近吃了一次午餐，一次晚餐，食物好味咗好多啊！我哋同小朋友去，特別鍾意食的是燒肉汁牛柳意大利飯（sous-vide beef risotto）、羅勒煙三文魚意大利飯（basil x smoked salmon risotto）、牛短肋骨配沙律（beef short rib）同黑松露薯條（truffle fries）。餐廳裝修咗，環境又正，又坐得好舒服！非常Kids friendly。要推薦同給一個讚

連續兩日嚟咗food lab 食lunch ，四色芝士pizza超正，上嚟夠熱，芝士夠多，pizza夠鬆軟，非常推介。至於黑松露蘑菇pizza，可能冇咁夠熱，我覺得比較遜色，但係味道都唔差。

重新開張,當然要去試一試的水準啦！ 新開幾日,都幾多人去試,室內所有枱已經訂滿了😱幸好室外仲有一兩張枱☺️等咗5分鐘,安排好坐室外位置！好彩唔太熱😅點咗一個lunch set. 包括沙律或湯, 主菜一份, 一杯熱飲.我點咗凱撒沙律西班牙豬鞍同埋一杯熱茶.凱撒沙律,菜都幾新鮮...但西班牙豬鞍就認真麻麻哋.. 似用水煮熟再煎一煎,然後放D汁調味...連杯茶都唔好飲...好似要加10元🤔上餐勁快,絕對係茶餐廳速度！ 我懷疑所有食物唔係接單後先煮... 埋單連加一,大約$150...一D都唔平...物非所值😥

食物美味，殷勤招待，環境優美每張相片都變成網紅照😂🫶🏻鹿兒島豬腩肉勁好食，有多款Pizza及意粉選擇。Dirty coffee 雖然細杯，但很香滑。過了一個很chill的下午✌🏻

假期都有tea set另外，推介青椒牛柳粒串68元好抵食又美味地方乾淨又寬闊，hea下好舒服，服務態度好，見到個碗碟污糟會自動換過，香港要再出發就是靠這種服務態度！