影片
以上资料只供参考，请与餐厅确认详情
ICED AMERICANO S $24嗌左少冰，一出比我已经即饮，但都觉得好淡，饮到少少nutty味，其余好多风味都沟到极淡，或者可能本身只豆系偏淡？ICED MATCHA LATTE S $33都系少冰，呢个反而有惊喜，奶同茶味都好浓厚，比好多手摇舖头更加重料，可惜呢间系coffee shop无得加料加珍珠😂
继续阅读
🤔 知道依个连锁咖啡店好一段时间，每次经过开都未系想饮咖啡嘅时候，或者已经饮咗杯。依日朝早小编去荃湾做嘢，见未够钟，入咗买嚟试一试！☕️ Cappuccino 😋😋😋😋咖啡同奶都调配得唔错，温度啱啱好！饮落好温和！😌早餐 💵 约港币$30/人 💁🏻♀️ 依一间分店有设堂食座位，另外见到佢哋提供早餐、套餐优惠！第时经过开，咖啡瘾起，平平地，可以再试试！🙆🏻♀️ 最后，喜欢嘅话，欢迎follow @foodirectory.hk！
继续阅读
呢排气温急跌，唔知有冇人同我一样手脚冰冷🥶 想饮啲暖嘢，留意到Flash Coffee 推出seasonal special，冻得滞表示顶唔紧喇～佢哋呢个The Ultimate Joyful Treats 系列系用姜糖做主打，今次同姜糖屋企人一人一杯🤪姜糖热朱朱(S $32)饮落朱古力味同姜味平衡得好好，甜度拣咗regular sugar都唔会太甜，而且落咗奶所以饮落去特别滑，自己平时唔算好钟意姜味饮品都觉得好正🥳玉桂姜糖鲜奶咖啡(S $34) 第一啖饮落姜味都好出，玉桂味反而会系后段更明显，而且啲ginger latte饮完好似真系特别暖💛其实今次系第一次嗌热饮打开盖，原来系有拉花㗎ヾ(´︶`*)ﾉ♬ 另外佢哋去到12月25呢个系列，只要用手机落单，买第二杯就会有半价优惠🤩
继续阅读
今日 (21-1-2023 Sat)年三十朝,同老公送爸爸入急症室后冇耐,大哥到嚟接应,咁我同老公去食早餐先,由于一行出嚟系德华街,唔行返去街市街揾嘢食喇,咁去边呢?我记得呢喥有间茶餐厅(https://www.openrice.com/zh/hongkong/r-%E8%B6%A3%E8%8B%91%E8%8C%B6%E9%A4%90%E5%BB%B3-%E8%8D%83%E7%81%A3-%E6%B8%AF%E5%BC%8F-r100108),点知已经收炉,咁去要揾人顶手嘅满粥啦,途中经过呢间睇,知道系食三文治𠮶类,睇吓又好似几吸引,咁就试吓啦.攞menu睇,套餐只包咖啡饮品,咁我无缘享受,老公就要$41.00嘅松饼套餐,佢拣蓝莓芝士流心松饼,要美式咖啡,再要个$36.00嘅蓝莓芝士蛋糕,店员问佢蓝莓芝士流心松饼使唔使翻热?佢答要.而我就要$24.00嘅玉桂漩涡酥,饮$42.00大嘅朱古力榛子鲜奶,店员问我要咩奶?有鲜奶,脱脂奶,豆奶同燕麦奶,我拣脱脂奶;亦问要唔要减甜?我答唔须要.同样地问我使唔使翻热玉桂漩涡酥,我都答要.等咗一阵,全部嘢都有齐就开动喇.老公一试蓝莓芝士流心松饼就大赞好味,我见到芝士真系流心,食落味道系唔太甜,OK 嘅.味道:4分我嘅玉桂漩涡酥呢?玉桂味唔太浓,一感唔太松脆.味道:2.8分 朱古力榛子鲜奶呢?唔知系味我要脱脂奶嘅关系,感觉唔会好heavy,味道仍唔太浓,唔错嘅.但原来饮到底有好多溶唔晒嘅砂糖,可能因为我冇攞搅搅棒搅啦.味道:5分最后到蓝莓芝士蛋糕,呢个比较偏甜,而佢嘅边系脆口.味道:2.8分抵食系2.8分
继续阅读
行过见到荃湾都开左间flash coffee，以往都系港岛见得多。难得呢边唔使排队wo。入去念著叫被咖啡醒下神，点知原来有优惠。一个good afternoon set，包括一杯咖啡+一个muffin，都只系36蚊。二话不说，就点左佢。店面好干净，当日室外只有10度，入到入面觉得好暖，好舒服。店员好窝心咁帮我加热左个muffin。好好食，咖啡都好香浓。真系好正wo。如果呢间野开公司隔离就好啦，咁就可以多d帮亲。厨柜仲有好多选择，紧有一样啱大家。推荐一试！
继续阅读