影片
港铁太子站 C1 出口, 步行约2分钟
继续阅读
附加资料
－晚市建议预约
－星期六及日，晚市只招待已预约人士
营业时间
*星期日: 有预订才开晚市
星期一
全日休息
星期二
12:00 - 21:00
星期三
全日休息
星期四至五
12:00 - 21:00
星期六至日
12:00 - 18:00
以上资料只供参考，请与餐厅确认详情
通常，去完一间食店后，如果讲得” I WILL BE BACK”这句，都应该系因为食店的食品值得回味😋，但系，今次版主去完太子的「共同社」后，之所以会讲上述这句话，原因系乜？🤔竟然系因为：我❗拣❗错❗野❗食❗(注：原本想写「我食错野」的，不过这个会有歧义，一阵大家以为我食物中毒就唔好啦🤣🤣)上星期六午饭时，版主黎到「共同社」，本来谂住食返个「特级全素早餐」的，不过，因为仲未系好肚饿，惊「全素早餐」太大份，于是，就要左个「素牛肉汉堡饭」。午饭出现时，版主一睇，OH NO….今次选的午饭看来有些「寡」了🙈。素汉堡是煎得挺香的，不过有少许硬，而整碟上只有素汉堡和西兰花，一边吃，一边看着餐单上的「素菜贝高(BAGEL)」、「素墨西哥卷」🥙、「和风腐皮卷」，口中吃着 的东西，和脑海中幻想吃着的东西，完全是两个不同的画面。所以，版主心中默默说着” I WILL BE BACK”，下次一定要再来试试其他素食的。讲返一些关于「共同社」的简介，这是一个由5间伙伴机构合组而成的小店，提倡公平生产、良心消费，并支持本地农业，会从八乡购入有机菜👍👍。此外，店内还有一些产品可供素友们选购：酱料：紫苏豆鼓酱、素XO酱粉 (POWDER)：大麦粉、猴面包树粉面：素菜汤面、素菜捞面 (含葱蒜)除了这些外，店内也有其他的生活用品可供选购。「共同社」的环境舒适寛敞，在太子区走得累时，这儿会是一处歇脚休息的好地方。
继续阅读
今日要介绍嘅呢间餐厅位于太子，系一间楼上嘅铺，入到去有种简单食堂嘅感觉，少少带家庭式气氛，餐具自助拎，系旁边仲有一啲摆摊系卖自家野、干果之类。坐低落柯打之后，最先到嘅系红菜头蔬菜汤，汤入口无味精够天然，清清嘅口味岩哂健康人士。而接住嘅藜麦鲜果沙律，卖相唔错，但实物其实个碗几大且份量多，沙律里面除咗藜麦，仲有西瓜、青提、紫提、黄肉柚、火龙果、苹果、青瓜、罗马菜同沙律菜，可以话系纤维极丰富嘅前菜，新鲜而且水份十足，另外加咗些少既沙律醋味道更加酸甜，令人相当开胃。主菜嘅牛肝菌大啡菇扁意粉到，非常吸引眼球嘅大啡菇，切开一半除咗好多汁，仲发出浓浓香菇味，整体菌类同扁意粉嘅调味都适中，唔会偏咸或太淡，就算食得多都唔觉溜，单调的话可以连同火箭菜食，别有另一番风味。其次，仲有一碟香草羊架拼薯菜，羊架烧得好香，但个人觉得有少少肥，食咗少少羊肉味极浓，岩哂食羊人士，伴碟仲有不少薯菜，除咗翠玉瓜、磨菇、南瓜等等，仲有薯蓉份量多，整体唔会太咸，食得健康。接住呢个时刻，柯打咗嘅饮品都陆续到，分别有荔枝Soda同冻Mocha。唔饮咖啡都唔知，原来呢间餐厅嘅起始系同咖啡有关，所以咖啡类饮品上嘅水准都系高啲，由豆嘅选择到调配嘅份量都相当有要求。提倡健康嘅关系，咖啡嘅甜度刚好，奶同啡嘅比重均衡，既饮到香浓豆香，亦有奶泡嘅口感。最后一样甜品柯打咗苹果UFO，个人觉得呢个甜品嘅份量足够两个人Share。饼底则新鲜即整然后焗，够哂酥脆同热；而上面个苹果预先炖好，最后连埋新鲜苹果片一同放面。卖相精致，调味恰好，唔会太甜或太溜。以呢个甜品作结，真系够哂饱。总结，餐厅味道真系推祟少甜少盐，所以岩哂少味精人士，觉得而家非常少餐厅咁坚持健康煮食，个人系极为支持。另外咖啡又的确系冲得几香，而且调配得个味道岩岩好，推荐。
继续阅读
而家好多餐厅都开系新型酒店中，食物质素都唔错，今次唔系我揾地方食，系朋友之前教会有活动系餐厅举行，朋友先到都几舒服，静静地坐下，都几唔错，呢度系“共同社会” 有迷你功能场地，适合小型朋友聚会，有机产品售卖，仲有餐饮，香港租太贵啦，呢个模式都几特别我迟到叫朋友叫住野食先，人手有限，上餐比较耐少少，要耐心等候，我上到去朋友佢个意粉已经食左一半，无影到相我叫左盐曲鸡脾3色米饭，味道唔错，可惜鸡脾唔够热，熟既入面无红同血水，个3色饭唔洗𩠌同汁，慢慢都好食，加$10有即磨咖啡，味道几香，但店员问无糖无奶你ok吗? 感觉有点奇怪，是但啦，近得男友多我而家转左斋啡多呢度同其他新式餐厅一样，都系自助，取餐/餐具回收，全部自己动手，香港人郁多d都系好事
继续阅读
经朋友介绍同屋企人去左太子食晚餐，系一间楼上健康餐厅！刚刚入左去门口有一架旧式三轮车，好有新意。很吸引我，入左去坐在一个角落四人枱！好似老板娘的女士过来问我哋，想食用咩餐，佢又介绍左佢餐厅的特色食物。仲提醒我哋所有食物自己攞返，食完后餐具自己放入回收箱，感觉好特别！我哋点左特级全日早餐，我之前以为所有早餐上周先有点知。佢哋呢度到晚上都可以食到（早餐）有创意，早餐里面有鸡蛋、焗烤的番茄、司华力肠、烟三文鱼、香菇片、麦包和我唔识的蔬菜类！所有味道清清哋！好好味，好吸引我！
继续阅读
正所谓万事起头难，万丈高楼都要从地起啦，所以，做咩都要有第一步。无第一步，你又唔知行得啱唔啱，最讨厌𠮶啲斋讲唔郁嘅人，而小弟就应该属于行动型。所以，今日晏昼就嚟到太子嘅「First Step Coffee」，同夏总及佢老婆一齐食晏，唔好讲咗几星期都唔行动。餐厅位处砵兰街一间精品酒店楼上，无专用楼梯，要乘搭酒店电梯，而酒店本身都唔起眼，酒店门口亦只栋咗一个大餐牌以表示餐厅嘅存在。走入餐厅内，由「First Step Coffee」、「苏妈厨房」、「家家士多」……等等所组成嘅共同社，唔单有社企嘅影子，更有种砵兰街贴地嘅感觉，完全唔觉得自己走入一家酒店餐厅，所以，感觉轻省随意。由于喺以一同共用嘅空间形式，所以，感觉几特别。装修简约，无太多花巧嘅装饰，但地方大，摆嘅枱櫈唔多，楼底又高，另一边更有个活动空间，故此空间感十足。收银柜枱上嘅大黑板写齐有咩食物选择，当然，唔想「头岳岳」，攞份餐牌埋位慢慢睇。基本上，4张餐牌就显示晒有咩食物，包括：沙律、小食、主菜、甜品及多种饮品。此外，收银旁仲挂咗块黑板，写上每日供应嘅特色菜，有沙律、意粉，甚至羊架，附送热茶，或有加配咖啡优惠。正如时下好多文青咖啡店，采取自助模式，自己动手拎餐具，而用餐后就自己收拾。最大好处就喺唔收加一嘛，哈哈！餐具旁仲有少少调味料，供客人自行稍作调味。基于环保理念，晌枱上你会见到「走饮管」嘅讯息，所以，等阵你会见到杯饮品喺以钢饮管奉客。更甚嘅，佢哋更有埋钢饮管作零售，希望客人为环保踏出第一步。同时，仲见到店家提供由植物做嘅Oatly「燕麦奶」，喺Pacific Coffee饮过一次以燕麦奶冲调嘅咖啡，味道上都OK架。讲开咖啡，除一般嘅意式咖啡，佢哋仲有单品手冲咖啡供应，是日所见就有嚟自埃塞俄比亚、印尼、肯亚及哥斯达黎加共4款豆。虽然小弟都喜欢咖啡，但情有独钟于鲜奶咖啡，仲未有功力识欣赏手冲咖啡，因为喺一门唔易嘅学问。落好单之后，之会俾个讯号机过你，听到响声表示菜式已做好，不过，都仍然要你亲自埋柜枱取。牛油果羽衣甘蓝沙律 $68近年多咗好多羽衣甘蓝嘅踪影，尤其做沙律，更喺近年新兴。以为就咁牛油果加羽衣甘蓝，原来仲加入好多食材，如：青瓜、车厘茄、火龙果、樱桃萝卜，非常丰富，并淋上油醋作调味。牛油果熟得啱啱好，软腍却喺无暗哑瘀黑位，而羽衣甘蓝爽脆到嗦嗦声。滑蛋烟三文鱼手制贝高包 $68以小木盆盛载登场，极有田园气息，贝高包铺满黑白芝蔴，烘得脆口富芝麻香，但咬落口感带烟韧，喺贝高包嘅特色；以生菜垫垫底，唔会让啲蛋汁整腍个包底，而啲炒蛋十分滑溜，仲带有少少蛋汁，配合埋烟三文鱼嘅咸味，令整体嘅味道啱啱好。伴碟有大量火箭菜及红提子，已淋上柚子醋，味道不俗。牛肝菌大啡菇扁意粉 $85咪睇佢哋嘅厨房细细，做起菜嚟都有办有眼，呢道扁意粉做得确喺有水准。因为啲扁意粉柔韧而甚咬口，每炷意粉都沾满忌廉汁，汁底亦带微微芝士香；意粉内混有好多牛肝菌，睇都睇得见，而且，挺有菌香，加埋一大只多汁嘅大啡菇，都无甚挑剔位嘞。柚子焗珍宝鸡脾饭 $78友人都算算哋喺「饭桶」，呢个鸡脾饭就啱佢，话晒鸡脾打人口骹软，夏总成人车埋我去球场，点都要益吓佢嘅。唔喺讲笑，只鸡脾果然好珍宝，而肉质都算软腍，因为老友三两吓手势就轻易拆晒肉，方便大家食用，不过，味道方面就唔喺太够柚子味，欠缺咗个性；饭嘅豉油汁底亦较淡口，未知喺咪因为店家都喺主素有关？！Latte +$15因为临尾都会试试呢度嘅招牌甜品，加上睇店名，以至餐牌，真喺无乜理由唔试佢哋嘅咖啡啰，心水就喺我喜欢嘅拿铁。茶杯好别致，以小木盆及木匙配衬，甚文青；简单嘅心形拉花，但花纹细致，图案亦好对称，口感均匀，每口都同样细腻，带出咖啡嘅醇香。Hazelnut Mocha +$15友人就试试杯榛子味朱古力咖啡，同样都做出纹理细致嘅拉花，比较似喺想拉一朶花。据友人分享，话杯味朱古力咖啡真喺好唔错，榛子嘅香味、朱古力嘅浓郁及咖啡嘅醇香，三者都平衡，唔会话单独边一方太抢。Pineapple Ade $48简单嚟讲，可以讲喺菠萝梳打，睇落就好似无乜特别，卖点喺以新鲜菠萝打蓉整成，入口几清爽嘅，唯一大问题喺支钢饮管喺幼管，啲菠萝蓉会塞住条管。事后同店主倾开，原来佢哋都知个问题，亦订咗啲粗管，只喺未有货。苹果UFO $78事前睇人家嘅食评已见到呢个「UFO」，卖相吸引，亦颇有特色，以酥皮作为底层，先铺上薄薄嘅苹果片，一块叠一块已经令造型好有飞碟感，再晌面面放上原个苹果，焗得金黄而带点焦㶶。酥皮底好脆口，富牛油香，而苹果暖暖哋，焗过后令果肉收番少少水，显得特别清甜。上文都提过吓，共同社里面仲有家「家家士多」，就顺便略略介绍吓，同样喺家社企，主力推动良心消费及合作运动。近咖啡店一边有组大货架，售卖唔少本土农产品、公平贸易产品，以及跟韩国最大嘅消费者合作社iCOOP KOERA结成伙伴，引入公平、有机、优质嘅日常食用品。晌公共活动空间𠮶边有另一组大货架，有好多本土嘅手工护肤品出售。依家较多人认识社企，及明白佢哋唔喺单纯一家商店，希望有更多大众人士支持。环境轻松，上菜一道接一道慢慢上，不急不缓，叹住咖啡，食住件苹果酥，唔经唔觉坐咗差唔多两个钟咁滞。虽然，服务「自决」，但店主不时跟客人交流吓食物质素，亦都好耐心咁听，我哋都从客人角度表达一下愚见，一家餐厅懂得咁做，已经喺走出好嘅一步。特别一提，星期日嘅营业时间喺12:00pm-6:00pm，晚市只会做预订客！
继续阅读