Feather & Bone

营业中

休息中

話說有日請咗假去了Donki， 中午時間睇下附近有啲咩好食， 見到呢間扒房就走咗入去。入到去個附近環境幾好，見到個餐牌有牛扒有麵， 跟住我見另一邊櫥窗有賣和牛，我便出去望下，職員見我行咗埋去就好殷勤咁介紹話可以即時order！甘我見到啲紋理都唔錯， 一心諗住反正都係叫扒食，不如食好啲。即場叫咗兩塊， 一塊和牛ware,另一塊七成熟畀我老婆， 雖然等得比較耐但係真係好好味。如果各位有意食牛扒，可以嚟呢一間試下。下次我都會試下夜晚來光顧。

這天來荃灣donki朝聖，看到這間有情調的西餐廳便決定一試。店員告知室內位置已全被預訂，安排我們坐室外，位置是第一排海景位，熱熱地都唔緊要了這裏最出名的是牛扒，可以自選不同國家同種類的牛扒，再跟重量收費，選擇十分多。朋友選了Wagyu Ribeye，決定好廚師會馬上幫你煎。我們先叫Salade Lyonnaise($138)，沙律都幾大碟，惟菜不太新鮮，有點硬，醬汁也較少。Steak Tartarte($158)，牛肉他他味道不錯，多士也脆脆的。差唔多食完牛扒就來了！牛扒好大塊，煎得剛剛好，肉質十分鮮嫩，口感juicy，非常好食！Side dish我們選了Corn Ribs同Chips，送牛扒一流。整體食物質素不錯，但價格有點過高，這餐飯索價一千大元，實在是意料之外。而且服務麻麻，好評還是靠寧靜美麗的海景搭救吧。

我之前朋友介紹咗此餐廳，位於商場內，環境幾清幽舒服，有露天位置，感覺完全唔似喺荃灣嘅餐廳，所以今日難得經過，去咗吃lunch。周邊環境十分開楊，店內都是英文的服務員，感覺唔錯，難得佢哋服務尚算細心。午餐叫咗個薄牛肉配蘑菇汁，牛肉生熟OK，啱啱四成熟，有肉汁又粉嫩。其實佢門口都有賣生肉，肉類水準應該有保證，另外蘑菇汁十分濃，用料十足。天氣好，心情幾好，我重叫咗個玉桂蘋果批，蘋果用料唔錯，幾香脆，表面焗得香口，但係可能是西式的關係-已經吃慣了日式蘋果批，玉桂粉落得比較重，有點蓋過其他味道。特飲朱古力，奶味又香又滑，可可味夠濃稠，最重要飲到一半冰溶化後-天氣太熱，不會似稀釋奶水的感覺。此店食物加上環境性價比不錯，值得推介！

好耐無見朋友，真係要鬆一鬆屋企附近開左間feather and bone , 三位女仕都住附順利成章食個晚飯我地點左個吞拿魚他他，炸雞，蘑菇，牛肉鬆皮卷，最尾梗係dessert ~~其實呢間西餐真係好大份，傳統美國菜～like~~~吞拿魚他他調味岩岩好但如果多番幾塊麵包就更加好之後炸雞扒塊雞扒其實三人食都好夠！炸得啱啱好入面塊雞係完全唔會覺得韌～～而且外面好脆對比起雞扒牛肉卷就失色咗少少，但味道都OK嘅，合格最後嘅甜品返嚟分量十足，朱古力味夠濃！每位都係3百幾，完美嘅晚餐

同朋友係Reception企左分幾鐘，staff完全當你透明！要開聲先埋黎，坐outdoor 位置，完全無人俾menu你睇，要再叫幾次先有人俾，成班根本係度發夢，d staff個個發緊夢，完全唔知自己做緊乜，我唔係要咩service ，但連最基本既都無，無心做就執左佢，唔好係度獻世！

Sunday 黎到荃灣西。呢區多左好多西式餐飲店。今日就係想食個輕食西式午餐. benedict egg： 好足料！ 2隻蛋咁大份！ 今次我揀左煙三文魚，好厚，雞旦就未夠生，切開冇流心蛋的感覺，只可以話係糖心蛋。下面有一層波菜。不過我就麻麻地個酸醬..😔 ....加左$10 toast, 我係鐘意食麵包既～ 呢個toast 又香又脆！好味喎！入得黎坐～ 最推介緊係佢個outdoor 啦！ 好relax! 又有海風～ 望住個天都值回票價！嘆下咖啡咁😋⋯

Happy Sunday!這個星期天特別肚餓！絕對要把這家餐廳記錄起來，然後將喜好次序從頭排起!歡迎參觀我的 ig : @esther.diary /// @esther.dino喔！寶貝們都覺得這家牛扒真的很好吃！而且蜀道亦非常符合要求的！她她最喜歡的當然是Rare 的牛柳Medium rare 的西冷鼻比袁超級推薦的生牛肉他他也很好吃！！！麵包是脆脆的！粟米是意外點上的，表現卻融化大家的心！直接把粟米分4分切！中間的芯不能吃卻讓你慢慢把一粒一粒的粟米咬出來！調味是大滿足！雞胸肉也很好吃！Fish and chips 的魚超級超級好吃！薯條方面我覺得不是我的菜啦～～西蘭花苗俾我的寶貝們都說成是超貴價版的菜心🤣🤣簡直是笑到爆炸！另外亦有蘑菇！味道不錯，但個人認為算是比較heavy~~~總括而言，一定要再去食！❤️❤️❤️

今次係第二次光顧，上次跟二個女性朋友聚會，氣氛熱鬧，好似去咗蘭桂芳一帶的餐廳，因為這裡全是用英文溝通，連訂枱都係用英文😬餐廳特色係有個牛扒、豬扒、羊架嘅櫃（好似超市買扒專區）揀心水肉類後，向㕑師講出想幾成熟，加甚麽配料，然後返埋位等食叫咗半打生蠔，偏貴約$36一隻，但好鮮甜牛扒羊架都好正👍🏻今日慶生，為咗生蠔而再次光臨，但無奈lunch 係無生蠔供應的，真失望😞見lunch menu 有牛扒叫，於是order咗一份及籃青口，可能我哋坐sofa位，部冷氣出風位太大，啲牛扒嚟到好快就吹凍晒，青口出色，好香白酒，點麵包一流，薯角好食，值得稱讚係我哋order咗白酒，但試味後覺得偏酸，於是可以改另一隻口味👍🏻個人認為呢度識合一大班朋友聚會，至於二人世界就不是太識合，提提大家有happy hour ，啲酒更抵飲，一杯平$30蚊㗎。

由第一次試過呢度嘅Dry Aged Wagyu 就一直都想返黎再食。 因為某啲原因嘅關係我要食全熟，本來對全熟嘅牛扒冇乜嘢期望，但係出到黎係非常出奇地咁好食，連我老公都係咁講😋 Dry age嘅牛排相比起其他普通牛扒係貴啲，要$162.8/ 100gram。我通常都食大概250至300 gram嘅, 所以淨係塊牛扒都要成五百蚊,我覺得因為唔係好多餐廳有得食dry age所以都冇乜所謂，但係試完我覺得值！油脂分佈得太好，淡淡都有牛油香味，出邊煎到燶燶哋又有少少脆口，真係好正👍🏻 差唔多試晒佢嘅sauce, 我覺得 Diane 係最好味嘅。當晚仲有另外叫mussels，羊架同豬扒, sides 揀左薯蓉同粟米，Add on 加左bone marrow。 羊架同豬扒好失色，太太太乾了.......Mussels 就正正常常冇咩特別Bone marrow $68太低了，每次都會叫，不過口味好過個人，有人會覺得好肥膩，間唔中食OK啦😂

荃灣分店，戶外坐位可飽覽荃灣海濱的景色，但熱浪迫人還是在室內嘆冷氣吧。Egg Benedict with pork belly + cappuccino 同一款式，灣仔店質素較好麵包底部過火有點燒焦味，但整體還算不錯。

呢間餐廳好奇怪，係門口經過唔知係餐廳，以為係賣食物，一行入去有好多西式既料理、芝士、hem、牛扒.....扒類你可買走亦可點完即煮，好似外國噤，裝修都好靚，全部waiter 都係講英文，唔知以為係灣仔食緊野。✨燒五花煵卷-呢個好得意，五花腩入面再卷左層肉碎，配埋個蘋果將醬同酸菜，好夾✨ Caesar salad-好大盤，第一次見caesar salad 除左雞肉再加埋一片腩肉✨蒜蓉包配芝士醬風乾肉-得3件好似少左d✨炸芝士條-入面似係洋蔥蓉，有d 油膩

服務態度差到死，餐具又唔比，落雨又冇安排，彩都唔彩，好多台坐出面既客都比佢激走牛排叫左5成熟，一d紅色都冇，超級乾，仲煮左50分鐘（由落單開始計）差d走人食左一半果陣叫多杯酒，到埋單果陣（半個鐘後）先攞黎，我地話唔要因為走，好彩check單... 佢夠膽照收杯酒既錢

好多朋友吃過荃灣的Feather & Bone也有不錯評價，尤其户外用餐區環境聽說很不俗，趁著這天不太熱便去一嚐戶外假日午餐！ 店子入口是販賣區內裡有著各式蔬菜、芝士、肉類、調味料等出售，愛弄西餐的朋友可在此尋寶呢！ 往前走便是室內用餐區中間附設開放式酒吧，這陳設絕對有鬼佬吧的感覺！ 而我們則選擇在戶外享用這頓午餐，須然天色有點陰暗但餐桌大多有太陽傘就算下雨也不用太擔心！ 其實好想坐吊椅的位置可惜已坐滿了人，剛巧有客人走時但又已經開始下毛毛雨所以亦沒法轉坐！唯有望著帶點淒美的下雨海景午餐吧！ 午餐餐牌選擇也有不少我們各自選了心水的食物，之後欣賞著週遭美景之餘等待美食臨。 車爸爸選了全英式早餐＄148，內裡包括有煎蛋、英式早餐腸、煙肉、焗豆、磨菇、薯餅及酸種麵包，好豐富的英式早餐而且整體味道也教人滿意。 酸種麵包被蛋汁滋潤過口感更強還添上一份蛋香，英式早餐腸、煙肉味道屬正常，而焗豆則是自家製好好吃非一般罐頭貨可比媲，另外磨菇菌香十分濃郁質素很高，唯獨薯餅就不夠薯香和脆口了！ 而我則選了邪惡的黑松露芝士通心粉、香草沙律＄148，一上檯

因為是母親節特意book 枱食九點早餐，侍應拒絕幫忙拼枱，多過4 人入座衹能坐高枱或 bar 枱，時間太早不開冷氣亦不開放戶外餐區，高枱位置不斷被㕑房油煙熱氣攻過來。份$298二人早餐塊斧頭扒又鞋又乾，腸仔無油脂無肉汁幾硬下，柸凍mocha好淡，得啡味無朱古力味，其餘炒蛋muffin 牛角包衹是一般，唯獨血腸幾特別。水要自己添，侍應淨做送餐，不要期望有咩服務，整體來說不推介，亦不會再來。

海之戀商場開幕，入去試吓佢哋嘅餐廳先。呢一間餐廳嘅裝修好英式，一半係售賣食物，另一部分係餐廳。我們大約下午4時入座，我們沒有訂位。座位於開放酒吧前，我們只係食了四隻生蠔及fish and chip. 凍Mocha及熱朱古力!生蠔新鮮, 炸魚薯條的薯條係厚薯角，味道不過不失。熱朱古力的棉花糖實在太甜！凍Mocha不過不失!這裏的環境很好設有露露天座位, 黃昏可以看到日落!@室內大約60個座位，室外大約50個座位@加一服務費