Favilla Cafe (已結業)

Today I was alone and decided to back to one of my favourite “on-my-own” lunch spot.This is my fourth time here. And the place is nice and relaxing as usual. Except that I came today during the peak lunch hour. Luckily the queue is not long, otherwise it’s quite chilled today to wait outside. Next time I will definitely avoid the peak hour because it also have 15% discount for non peak hours. I got a few stamps from the previous purchase allowing me to redeem a cup of coffee. I chose the Scandi

今日返工食完lunch，同事問有冇興趣飲咖啡？因為有做緊買一送一嘅優惠，見食完飯唔係太飽，就飲啦！ 原來佢講緊嘅咖啡店就係上次我地食鰻魚飯個度！落到去又唔係好想飲咖啡，見到menu最後一欄有朱古力咖啡。等緊嘅時候，我地又撞到另一個同事，佢自己帶左杯黎買咖啡，可以平d架！佢本身係澳洲人，對咖啡品質有要求，唔會去連鎖咖啡店，Favilla係佢approve嘅咖啡！證明哩間咖啡真係專業同地道。講返我地杯朱古力咖啡先！我地叫左細杯，係正確嘅選擇，因為佢非常濃郁！首先佢地係用72%朱古力，已經比起坊間嘅朱古力冇咁甜。另外，佢地用嘅咖啡好講究，分別有日式咖啡豆blend同普通版。朱古力咖啡飲落去一d都唔甜，係好高濃度黑朱古力味，不過飲落去好舒服，唔係開粉嘅味道。佢濃到我放工都未飲完！哈哈！不過價格就比平時貴，細杯都要$42，好在襯買一送一試左！

難得幾個帶飯嘅同事一齊出去食lunch，梗係要食好d！平時經過Favilla cafe都比較多人，因為cafe好細，今次我地12點正即刻衝落去，成功攞到3個位！Lunchset有All day Breakfast，日式定食套餐，我地三個最後都揀佢地嘅招牌鰻魚定食。定食有麵豉湯同飯，配鰻魚、南瓜蓉、滑蛋、沙律。我反而比南瓜蓉吸引住，好甜好滑，仲撈左g果仁，感覺健康，比起平時嘅小菜特別。不過個日好凍，我地坐門邊位有d大風。支持小店！

筆者最近來過這家店2次，無論食物、服務跟環境都不錯，好吧，就給他們寫個食評 這裏店面很小，一個人吃的話可能要跟人搭枱，但來這裏的人都斯斯文文，以女生為多，所以絕對不會介意。食物選擇方面有全日早餐、定食、素麵、三文治及甜品糕點類，當然亦有咖啡啦。筆者兩次來訪都是午餐時段，分別選了滑蛋鰻魚定食和慢煮芥末醬雞肉卷定食，另以套餐優惠價加一杯咖啡。先講滑蛋鰻魚定食，盤子佈置很精美，碟上除了炒蛋和鰻魚外還有沙律菜和一球拌有杏仁碎的南瓜蓉，另配白飯和味增湯一碗，相當豐富。主角鰻魚不多，只得面積不太大的一片，但算厚肉（雖然我看見別人的更厚，妒忌死我😝） ，質感味道都不錯，作為“鰻魚控”的我真的想再多吃一兩塊呢。至於炒蛋加入了味增，比較特別，也不會過熟或太乾，不過蛋香不足，有點兒失望。南瓜蓉我倒是很欣賞，內有粒粒南瓜肉，還加入了杏仁碎，口感豐富又美味，且感覺十分健康。咖啡方面我不是專家，也沒有什麼心得，但我覺得也不錯還可以的。再講雞肉卷，以慢煮方式烹調，肉質十分嫩滑，吃得到雞的鮮甜，外面薄薄的一層皮大概是煎過，香口得平時不吃雞皮的我都忍不住把它吃了。雞肉卷表面及中間皆有芥末醬，層與層之間更夾有點蕃茄肉

今日特登黎這間店舖吃個All day breakfast，諗住充下電啦，點餐時個男店員說話不清晰，但又不解釋是什麼只是重複講？態度不友善😤之後我忍不問你想說什麼？原來係一些咖啡粒名濃度口味，先生這一定要識？到我忍不問有什麼分別他才講口味上，個様不耐煩個態度又差👎🏻以為自己好巴閉😤，食物是不錯，坐的位置唔多，店也不大，咖啡飲時覺得有點苦，問佢取糖同奶，佢話「下」你要咩話？依舊唔耐煩的表情，要再講多次到最後只俾左糖，真係無見過真係態度👎🏻到甘（男店員）。

住喺元朗，銅鑼灣同大坑真係去到最盡。早排有事去到鰂魚涌咁遠，當然要搵下嗰頭有咩好食啦！去咗Favilla X Bless Cafe食lunch，舖頭好細，位置唔多，我230pm到好彩坐係最後一個位！點咗鰻魚All Day Breakfast($118)，有原生態養殖鰻魚，味噌炒蛋，香腸，是日沙律及牛油多士。鰻魚厚肉肥美，肉質柔軟稔身，味道鮮嫩。炒蛋採用日本鮮雞蛋，味噌唔係太濃，反而蛋香濃郁，份量亦唔少。其他材料則不過不失，未算驚喜。對比主食，呢度嘅重點絕對係咖啡！店員好專業，會按照客人喜好推介較為fruity或者較為nutty嘅咖啡。今次我試咗嘅呢杯Mocha($42)都係我飲過最滿意嘅一杯，用咗越南74% 精品黑朱古力去沖，咖啡香醇濃郁，同時又飲到精品黑朱古力獨有嘅苦澀帶酸！本身隻朱古力仲帶有水果香味，所以整杯Mocha味道極有層次！可惜鰂魚涌太遠，如果唔係我應該成日都會嚟幫襯，哈哈～

呢間小小的咖啡店位於商業區的一條橫街內，如果唔係朋友介紹，我諗我都未必知道。店內的坐位唔多，我同朋友剛到時係full 晒.好彩我地都係等左10分鐘到就有位。Menu除左有classic的 all day breakfast 外，仲有款和式all day breakfast同埋日式定食。作為鰻魚發燒友，一定要叫個和式All day breakfast黎試下。和式全日早餐份量唔少，而且材料都幾多。沙律菜好新鮮，加埋酸甜的柚子醋，有開胃同解膩的作用👍主角鰻魚好有驚喜，又嫩又滑又肥美，仲要無骨杉口，質素真係拍得住日式料理店😍配埋好有蛋香又炒得濕潤的scrambled egg同埋烘得脆脆的牛油多士食就已經非常好食😋洋式全日早餐洋式雖然無和式咁大驚喜，但都好好食。scrambled egg加黑松露呢個組合係無得輸。比起和式的普通多士，我就更鍾意洋式用的sourdough,有又脆又煙韌的口感。煙三文魚食得出係靚貨，味道唔會太鹹而且有淡淡的煙燻味，三大片一個人食晒或者會有啲膩，兩個人share就啱啱好兩份all day breakfast的份量都幾足，我地兩個女仔食完都幾飽下。呢度啲咖啡都好飲雖然係f

約左coffee 控fd, 想搵間野食coffee 都唔錯cafe, search 完一輪決定黎呢間Favilla同朋友各自選左個all day breakfasts share鰻魚好肥美，而且口感香滑，每一啖都係滿足. 份量亦唔少. 一邊salad 用左柚子醋做dressing, 伴有d 提子，幾refreshing. 仲有條德國德倫堡腸，肉質比較實淨，都重肉味. 雞蛋可能因為用左日本蛋，蛋香味比平時食雞蛋更濃，而且好滑. mashed potatoes 夾有薯仔粒，青瓜等所以口感就更豐富. 另款洋式all day breakfast $108, 比起日式平$10. 取代鰻魚係3卷smoked salmon，每卷其實由兩片組成，都幾肥美，香味頗出. 呢款炒蛋一樣香滑濃蛋味，而加左black truffle 就更香.sourdough 香脆，個人較喜歡sourdough 多過牛油toast. coffee 朋友選左Cappucino, 我選左matcha latte. matcha 味幾香濃，特別係最頂一層拉花，一口抹茶甘香. 飲到底仲沉左好多抹茶粉coffee 之前試過印象唔錯，今

今日中午同幾個同事試下附近依間cafe。依間小店真係好細間，得十幾個位。所以好多人都係叫外賣同只買咖啡☕️。而堂食比較少，因為要排隊。不過我地都係揀咗堂食，排咗十幾分鐘。⏱入到店內，真係比較迫，空間較少。活動空間不多。.我同幾個同事都係點咗定食（set meal ),因為比較抵。大家都係揀咗蒲燒鰻魚滑蛋定食$98配飯．湯．是日沙律🥗。而我點多杯鮮奶搽茶$27（原價42，但配餐-15蚊）。🍵不過整體都係偏貴。.講下杯鮮奶搽茶，搽茶味🍵真係好濃郁，好有搽茶本身嘅香。飲落下有鮮奶嘅順滑同香，而冇咩苦澀味，所以容易入口，值得一讚。.而個鰻魚定食，份量都ok, 但大食嘅人可能會唔夠飽。啲滑蛋好滑仲有蛋香。啲沙律🥗菜好新鮮而爽脆，蕃茄仔甜甜地。而個飯上面有少許芝麻同紫菜，真係同粒粒分明又軟身嘅飯好夾。😀條鰻魚真係好好食，唔太硬身又唔過份軟身，配上甜甜地嘅日式燒汁，真係好有口感。加上鰻魚無骨，啖啖肉，配飯一流。（不足嘅係鰻魚好細舊）.整體好食，不過價錢真係偏貴。

這一間是我最喜歡的餐廳之一，完全是我的口味，已經來過多次了，絕對是值得介紹給女生們的咖啡店。咖啡一點都不馬虎，可以選咖啡豆的產地，酸度等，除了一般的 cappuccino, latte, 仲有好多其他煮法，long black, flat white etc.... 非一般茶記咖啡，可惜就係個餐係唔包野飲的，要另叫。早餐有四款，值得一讚係竟然有全素早餐，好小可有咁貼心。個南瓜係日本的，所以好好食，沙律菜都好新鮮。三文魚黑松露 toast 又係正正正之選。雖然望落好易整，不過又唔會自己係屋企整囉。早餐有曼魚真係第一次，仲要係煮得好入味，好好食。不過份量較少，男仔其實係未夠，所以呢間我只會推俾對食物有要求的女仔。另外最值得一讚係我全次食完都唔會覺得口淡口乾，食完反而覺得好舒服，店家應該係無用味精/ 好小味精的誠意之作，所以百多元的早餐我覺得絕對物有所值。

門外的門牌跟餐牌都是木製的 感覺好日系🎎店內坐位不多 只有十二個位 所以繁忙日段用餐時間只有50分鐘⏳點了【煙三文魚all day breakfast $108】另加$15 有飲品 我點了一壺玫瑰普洱茶我最欣賞all day breakfast沙律既醬汁同埋個酸種包沙律汁好香芝麻味 同出面食開既醋/其他salad dressing唔同 香啲好食啲!酸種包口感鬆軟 又有啲煙韌 但唔係好脆/好難咬嗰隻加埋個黑松露芝士味噌炒蛋我食唔停口整間舖由裝飾到食物既用料配撘都睇得出係心機小店 亦都有唔少人泥買咖啡外賣!☕️ (外賣杯好靚😂）

試過早餐，午餐，淨飲。試過自己一人試過同朋友同行。咖啡豆顯然地有兩個選擇，是nutty d or fruity d 簡單易明的兩款style兩款均試過各有千秋，都好飲！之前同朋友食lunch 佢嘅牛油果 三文治好食，另一個 egg toast 都好食...如果認為係盲讚嘅不妨自己去試。自己準備杯外帶佢地亦都表示支持會略減三蚊🤔 一次lunch 兩個人又足球草七八個印仔...稍為草到十個就送杯啡🤷🏻‍♀️容乜易所以呢，係有心經營嘅小店... #值得支持 #鰂魚涌

原本今天要來一個Quick Lunch,怎料等待外賣佔了10分鐘，早知道就進店慢慢享用，哈～平常也會光顧favilla,它是高質的小店。午餐選擇大概有10款選擇，而我點了即烤蒸的鰻魚飯定食，所以久等了～外賣為客人提供折扣優惠；點選午餐可半價加購咖啡飲品。午餐附送面鼓湯；我另加購Latte,所以有兩杯飲品。鰻魚飯定食相當吸引，野菜沙律配上南瓜沙律，單看顏色已覺美味非常！鰻魚是即烤煎，所以苦等了接近10分鐘⋯但真的很好吃；份量也是剛剛好。它的咖啡是專業咖啡師沖調，而且客人可選咖啡豆哩，絕對不是一般粗製濫造的食店！相信很快就會成為我的飯堂哩～

#和式全日早餐（$118）日式的all day breakfast 入邊會有鰻魚、炒蛋、香腸、南瓜沙律和牛油吐司🍞鰻魚頗肥美而且肉質結實，魚肉既面有塗上醬汁和少量紫菜調味，味道不錯👅香腸則是類似德國香腸的肉腸。🥗南瓜沙律有驚喜，沙律菜好新鮮。而且綿綿南瓜蓉上面有落少少果仁增加口感，再配上小蕃茄和甜提子吃🍇感覺特別之餘都幾清新。炒蛋用了日本雞蛋加少量牛油和調味料炒，口感嫩滑且蛋味重。值得一提的是吐司用了無添加的麵包整，相對會比較健康。.#鮮奶抹茶（$47）🍵明治牛奶做底加抹茶整，有少少似台式飲品的抺茶鮮奶，都幾好飲。但建議大家飲品送到後要盡快飲用，溶冰後味道會較淡哦👅.店員好Nice，臨走仲問我食唔食朱古力😂😂食物即叫即整，質素頗有誠意。經過可以一試～.🏠Favilla X Bless Cafe (鰂魚涌)鰂魚涌海光街7-9號龍景大廈地下5A舖

早前經朋友介紹，得知這裏有很特別的日式All day breakfast,於是就找了一個周未來試一試！ 這間Cafe的食物不添加味精,採用無添加麵包和日本雞蛋，令人感到安心。看完餐牌後，我決定要和式全日早餐，因為它有的至愛的鰻魚！除了鰻魚，還有味噌炒蛋，香腸，是日沙律和牛油吐司。飲品要了杯抺茶鮮奶。朋友則叫了份雙倍芝士炒蛋三文治和拿鐵。等待期間，店員送了兩塊朱古力結我們試，這裏的朱古力飲品就是用這款朱古力製成，它的味道帶酸，很有水果的香味。下次想試試它們的Mocha呢！ 我的和式全日早餐來了！賣相很精緻，鰻魚很大的一塊，而且無論口感還是調味都很不俗。味噌炒蛋也很特別，有點似在吃茶碗蒸的感覺。本身想加$15轉牛角包，但竟然售罄了，所以就轉了酸種麵包。 麵包沒有烘，所以不太脆，但麵包質地吃得出沒有任食添加，很天然。 朋友的芝士炒蛋三文治也很吸引，炒蛋很厚身。 但我最喜歡的竟然是它的配菜：南瓜沙律！ 南瓜很粉很綿，加上蛋黃醬，很合我心意！ 本身是為了和式早餐而來，想不到它們的咖啡很有驚喜！ 拿鐵可以喝出咖啡豆的微酸，而且奶味白濃之餘，咖啡味又夠突出，質素頗高。抺茶鮮奶亦是很美味，抺茶味香濃，