Favaca Wine & Grill (已結業)

同女朋友慶祝生日，先上黎open rice睇下有邊間好食。見到Favaca有咁多好既食評，於是就揀左呢間。不過試完之後我只可以話，食物好普通，完全唔值呢個價錢。與其話佢係一間餐廳，我會話佢似一間酒吧比較多，仲要係一間細既酒吧。地方細同狹窄不在話下，枱同枱之間好近，無乜私隱可言。枱面面積好細，真係放多一碟餸都唔得。Salad︰三文魚同露筍都唔錯，只係三文魚略為少左D，如果可以多番少少既話會更好，話晒都成百蚊吖嘛。Rice︰之前有好多人都話好正，所以order左。但唔知係咪期望太大，最後只有失望二字。個飯係香噴噴既，不過原來只有好少既鵝肝同少少菇類。鵝肝的確係幾香幾好味既，但真係得好少，食完之後就只有飯，真係無咩特別可言，呢個價錢接受唔到。Steak︰亦係有唔少人讚話好食而order左，十分後悔！唔識講佢D牛係咪高級，但碰巧今次有好多筋，多筋多到根本都食唔到，好差好差，直頭差過快餐店既牛扒，但佢竟然要200幾蚊。Dessert︰點左流芯朱古力心太軟 ($68)，算係全餐最好食既，不過就甜左D。到埋單時，我用左Open Rice既$100優惠券，佢地竟然對我黑面。你一係就同我講話唔俾用，唔好

過黎之前都睇過不少openrice食家批評此店服務水準，當時心諗：你班友仔麻煩挑剔je。今晚親身上陣，兩個字：失望。開頭送既面包加個橙色牛油，得喎。由於見過有人o係openrice話可以叫佢再拎少少面包畀你for free，我就叫個男人畀多少少我，點知佢望一望個老細，就話先生唔好意思，要另外散叫先得。I was like "what the...", 唔係十零廿蚊既問題，少少面包值你幾多錢? 咁都唔肯送，真係覺得呢間野好孤咩寒。點左個乜鬼鵝肝飯，普通啦，略淡。另加一個唔記得咩意粉，又係一般。我連咩意粉都唔記得，佢個質素如何你真係諗都諗到，有時都無謂講到咁白。另外都唔記得叫左咩野，唔係唔好食，但唔係好食到會令我再黎囉。叫水又係要畀錢，心諗：咁細間野，幾舊水一餐咁平，你估你自己高級餐廳咩，呀老細，唔好做到咁肉酸啦。又要扮高檔餐廳賣收錢水，個客支持你個面包你又叫佢另外畀錢賣，呢間Favaca，to sum up in one word: CHEAP.

話說星期一吃完一個開心的下午茶，眨眼間又要再來LKF吃晚飯，為的就是和朋友們慶祝生日啦。12月真是忙碌的月份，好像有吃不完的飯局似的，是晚兩位朋友都在附近日子生日，所以當然由我來請客和負責想吃什啦。原本想過吃意大利菜，但突然想起上年生日才和朋友吃過意菜，所以就放棄了，最後來到這裡~ 眼見其他食評也不錯，而且生日者有蛋糕送呢~ 反正我也在頭痛 3 個人吃什麼蛋糕好，現在連時間也節省了，簡直一舉幾得~早幾天打來訂位，而且麻煩店員幫我在蛋糕寫上字眼等，店員非常有禮貌，而且又主動提出幫助我，真的麻煩他了。是晚準時來到，不過來到的時候店內一個客人也沒有呢~ 整晚看上去客人也不太多，難怪星期一LKF的餐廳特別多優惠啦~ 這裡環境雖不是特別寬敞舒適，但也不算太差的~ 可能不是太多人所以一點也不會太嘈，我們整晚坐了很久時間也沒問題~雖然大家都麻麻地飲得=)，但生日開心當然要飲返杯，house red飲落比較薄身，開初飲味道幾香，反而後期越飲越覺得有D酸喎~ 由於食左個下午茶，食呢餐飯既時候都仲幾飽，所以整晚我都要慢慢吃呢~麵包不算很熱但起碼也不是冷冰冰的~ 咬下去鬆軟好吃，再配上清新又香的蕃茄乾牛油，

自從蘭桂坊果座嘢重建, tuscany by H 又無咗, 見到有間favaca呢間餐廳又想試下, 上黎openrice睇下咩環境先, 有d讚到不得了, 有d彈到話以後唔去添......點都好, 耳聽三分假, 眼見未為真, 自己去經歷下最實際.......係openrice download 咗張coupon, 擘大我隻死人眼睇清楚, 免得又話果張唔用得, 呢張唔用得, 又打去餐廳問下, 哦, 原來用either一張coupon都得, 咁又岩既, 優惠不能同時使用嘛, 我明白這個意思......唔通拎晒xfood, x假期 d coupon 一次過用晒咩~~~~去到餐廳, 還早, 6:30, 我見到餐廳入面d staff未ready, 可能人地食緊晚飯掛, 咁我就坐係出面等一等, 睇下風景, 吹吹風都好呀, 有個類似老細既人就出黎同我講話執一執張枱就可以入去坐........真係唔該晒 入到去坐低, 果個類似老細既人即刻拎個menu比我地睇, 又介紹今日有乜新鮮, 又講佢地有乜出名, 又問我地有乜想食, 講到好似我叫乜佢整乜咁....其實佢都真係非常好, 我生蠔又唔食, 海鮮又唔食,

之前都黎過favaca 3次, 1次係用生日優惠, 另外兩次用團購.打電話訂位果陣時已經講清楚會用coupon, 所以食飯果陣都無咩問題發生.但我睇其他人寫的食評, 大多數都係爭論關於優惠或者團購的問題. 其實你地有無細心睇過d條款? 我都用過d優惠, 都冇問題. 如果自己冇睇清楚就怪人, 我覺得好似對間餐廳吾係咁公平.值得推介的是, 鵝肝石頭飯, 好多食評都有講, 我就最鍾意d飯焦. 麵包 – 外面脆, 入邊軟熟. 因為要焗, 所以要等耐少少~我最鍾意朱古力心太軟, d朱古力勁濃郁, 配咪雪糕一流. 果日係我生日, 佢地幫我係隻碟度寫左happy birthday, 我覺得佢地好有heart.其實人地整咁多優惠都係想益我地d食客姐, 吾通想倒自己米咩!

之前見咁多食評都話麻麻，所以我期望不大，亦都有心理準備同佢地嘈，因我亦都係買左coupon（比$200食$400野）。我book檯時已同佢地講我係有coupon嘅。喺電話度佢地都好有禮貌。餐廳都真係好細，檯同檯之間得好小位，要則身慢慢行，如果唔係會掃跌隔離檯啲野。張檯一早放左佢地嘅出色牛油（但冇包），我見之前有人話要問先有，所以我就問個waiter(佢應該係manager黎嘅)啲牛油係要黎做乜, 佢就好有禮貌話陣間會比啲麵包我地。啲包好軟熟，唔錯叫左:Nacho - 唔錯鵝肝野菌石頭飯 - 真係幾好味，又夠熱Platter (腸，豬手etc) - 隻豬手幫我地起晒肉，所以食得好方便心太軟（大）- 個manager話呢個係跟兩個球雪糕，我哋話我哋有三個人，佢即刻話會比三個我地我地食完都坐坐好耐，冇吹我哋賣單，我哋飲完自己嘅野飲，問左佢攞水，之後keep住幫我哋斟水，斟左成五六次，完全唔駛我哋提

買了coupon所以去試。我下午四點先訂位話用coupon，完全無問題。以這個價位，我expect我去一間restaurant食反。但他們只有高腳枱及高腳櫈( 我坐嗰張連靠背都無)，幸好我們坐近吧台可以用掛勾，如果唔係都唔知點攬住d袋同d褸鋸扒。而且張枱好細，放不下一碟main course + 二只細share碟。好彩同男朋友去，可以你一啖，我一啖咁食。我們叫了橄欖油寛意粉，炭燒安格斯肉眼扒+紅酒(coupon)，還有一支水。意粉味道一般，牛扒卻很好，很juicy，很tender。總括而言，食物同服務態度是可以的。但以這個價格( $328coupon + $188= $516)，要找一樣水準而又坐得舒服的餐廳會有許多選擇。

之前見網上COUPON 好抵 所以一次過買左兩張, 但係兩次去都發現佢地做生意手法好有問題第一次去.BOOK位0既時間已經問左佢用唔用得COUPON, 佢話得, 到我地去到0個日, 我地SHOW張COUPON侍應A話:你冇講過用COUPON WOW, 0甘我地話:我地BOOK枱時問過用唔用得WOW, 你地話用得WOW, 侍應A話:係我TAKE ORDER WOW, 我冇聽你講過,同埋我地要BOOK左先訂貨WOW. 0甘好LA 佢叫我地比張COUPON睇,(我地張COUPON係比錢買一個SET, 比就0甘食平D,即係我地比左錢架la) 0甘侍應A同侍應B傾左一陣, 就返轉頭同我地講,好LA, 0甘啱我地有貨, OK LA .0甘我地就坐低LA過左一陣, 有一對情侶入黎, 坐0係我地格離, 0甘啱佢地有生日COUPON,(0個生日COUPON應該係送d唔知咩)點知今次到侍應b話:你book枱0個時冇講有生日coupon wow, 0甘女人話唔係WOW, 我有講WOW, 點知侍應B竟然講同一番說話:我TAKE ORDER WOW, 我冇聽你講過.,(因為佢地張COUPON 係只係優惠, 唔係

與友人一行六人來到Favaca, 店裡偏小，但五臟俱全，竟然還有一個open kitchen 我們order了1個沙律和4個main course, 皆因有4個食肉獸 牡丹蝦帶子沙律 – 牡丹蝦&帶子好新鮮，蝦頭用油炸過，非常香口，沙律菜配上酸汁和wasabi汁，竟然十分match。澳洲和牛漢堡 – 麵包很好吃，牛肉鮮嫩多汁。烤龍蝦配墨汁意粉 – 是用鐵板烤的，十分香口，龍蝦很新鮮，正！意粉就不過不失啦~ 烤羊肉 – 這個是看到店內海報後才決定一試的。羊肉要的五成熟，烤的剛剛好，朋友們都話正。我倒是比較喜歡旁邊那串烤雜菜。下次來的時候可以試試海鮮串。 鵝肝石鍋意大利飯 – 看到好多食評都讃好，決定試試看。侍應端出來後，鵝肝香味四溢。我最喜歡裏面的大菇，超有菇味，鵝肝味入晒飯裏面，而且還有飯焦 Yummy~! 今餐吃得很滿足，還喝了Halloween Special Drink! 裏面還有1粒荔枝&藍莓扮成的“眼”， 超有心思^_^

一心都係諗住見D人評語話唔錯,氣分唔錯而加上有COUPON就諗住O黎試下 ,而且係突登O黎同男朋友興祝生日,地方非常細,而且當晚佢地安排我地坐高枱,成餐飯坐得非常唔舒服,感覺餐廳既人好HARDSELL,佢地一O黎就介紹OYSTERS,是日當晚有3款,由30蚊至60蚊不等,我就每款ORDER O左兩隻,3隻生食,3隻熱食,熱食竟然比生食好食,最好笑係,個個人都話佢地既牛油可以一試,而且好多人都話佢地既餐包一時要收錢,一時又話免費,最後係我自己主動問佢地,乜你地唔係有隻出名既牛油O架O羊??佢地先話有,然後拎比我,要唔要收錢我唔記得O左喇,不過我真係覺得好出奇,作為一間係中環開既餐廳,唔係咁樣呀 餐包唔係預先放係枱,要問先話有!!而且有COUPON又唔可以用生日O個個優惠 ,當晚除O左叫O左3款不同價錢各兩隻既OYSTER,仲叫O左炭燒20安士安格斯西冷牛扒,鵝肝野菌石頭飯同甜品流芯朱古力心太軟,西冷牛扒好快就比O個度強勁既冷氣吹凍晒,"SHU"條一般,鵝肝野菌石頭飯係全晚最OK既一樣,流芯朱古力心太軟佢話無用面粉做,口感好差,一PAD PAD,完全唔好食而飲品就ORDER O左一杯STE

就係因為睇左openrice食評, 見d人食完都好似唔錯咁, 於是就同友人去此慶祝生日.我亦都係openrice print 左d coupon 出黎, 打去book位時已問清楚係可以用呢d coupon的.星期五晚上因為我地都早收工, 我原本係book7:30的; 6:30左右到達Favaca, 於是入去問佢可唔可早d入去, 佢地就叫我地係門口等一等, 要執一執張檯.安排入坐後, 發覺張檯細到不得了, 除了兩隻水杯外, 幾乎只可以擺上一碟菜式!!! 而且每張檯之間既空間亦幾乎過不到一個人!!!心諗算啦, 好彩我地早到了, 應該都不太多人吧, 食物好食便可以吧!坐下了就立即問一位應該係經理既男人係咪可以用coupon, 佢居然問我地係咩coupon, 心諗你地好多coupon咩!!?? 之後佢話係, 叫我地睇下食咩先.之後有位應該係老闆既男人拎上menu, 問我地想食咩, 我就再俾張coupon 佢, 問佢係咪可以用… 佢黑晒臉咁問係咩coupon, 之後仲話用左coupon 就唔可以用優惠價叫餐牌上既食物… 我地睇一睇, 就只有5-6款係有優惠吧, 咁我地話再睇下食咩先啦..我就問老

倆口子因為沒有記下地址走了一大段的雲咸街最後都找到 原來就是在LKF TOWER 旁鋪子不大, 桌子都是小小的揀選了窗邊的座位看到街的位置坐下來MENU 上的選擇都幾多倆口子用了一點時間「討論」先要了Sparking Wine 跟 Rose ($60/glass)再選了 1個沙律+ 1個APPETIZER + 1個主菜 Classic Caesar Salad ($72)沒有太特別, 生菜爽口, 面包粒烘得脆脆的, 還好 脆香煙肉薯皮 ($68)薯皮都OK. 烤得不夠干身不夠香, 食起來有點膩, 焗咸豬手跟肉腸盤 ($258)咸豬手不錯, 皮脆又不太肥, 份量都頗多. 配上蜜糖芥苿醬 + 酸椰菜 + 茄汁豆肉腸沒有太特別, 味道不錯頗濃的.倆口子追加了Sparkling Wine吃得太飽了胃部沒有甜品部整體來說食物OK由於店內已換上了HALLOWEEN 的佈置氣氛怪怪的.在寫食評的這一刻才知道CITI BANK VISA 有DISCOUNT該死的店員都沒有提示一下. dislike 他.

禮拜三和同事二人來到FAVACA吃午餐， 我選擇了餐湯和魚。同事的是海鮮意粉。湯是意大利雲吞湯，清清淡淡的，喝著很舒服。魚煎的很香，大概是銀鱈魚。甜品是奶茶布丁，正！ 餐飲要了奶茶， 居然是港式奶茶，特別的是可以無限量免費添飲價錢方面在中環算很划算。就是餐廳略顯小了一點。

一心想去食餐舒服嘅Dinner, 點知一坐低就感覺好迫好唔舒服, 同隔離枱差不多可以同埋一枱咁(好近) 但由於老公買咗團購嘅coupon, 睢有照一試, 希望食物方面會有驚喜！團購網話依個兩人餐值 HKD9xx, 而coupon可享用半價。 但當個 waiter 拎個 menu 我地一睇, 個餐 for 2 is HKD4xx, 跟住我地問個 waiter 係咪唔係依個餐, 應該係HKD9xx 個餐喎? 但個waiter表情有點奇怪咁諗左一陣, 先答係依個餐呀! 我地當時有點被騙既感覺, 但心諗: 都係試一次啫...算啦, 淨係想快D食完依餐。 (因實在太迫同好大陣油煙味, 所以好唔 LIKE )食物終於到.....OK 美味喎, 配埋紅白酒 perfect match ar...尤其係配食咸豬手果時, 好 yummm 其他就 soso la.. 總結, 如果第時會好掛住又好想食德國咸豬手果時, 都會考慮打電話去問下可唔可以 take away 既, 如果唔係就算罷啦~~

6 日前訂位, 準備為妹妹興祝生日, 講明會送生日蛋糕一個, 2 次電話confirm 中, 都說蛋糕及坐位已安排好. 當晚一行8人準時到達卻安排坐在廚房門口位, 廚房門一開, 大量油煙湧出 ! 加上open kitchen, 前面煙, 廚房門一開,重大煙, 食完餐飯,(廚房門大概閞咗40-50次), 個個成身油煙味, 擺位勁密, 人家吃什麼, 講什麼都一清二楚, 總之坐得勁不舒服 !!! 之後重激氣, 叫waiter上埋個蛋糕, 點知他說咩蛋糕呀 ?! 無喎 ! ( 吓 ! 2次電話confirm 都話OK ! 依家話無 !) waiter 行去check, 之後話如果有coupon, 就有得送, (吓 ! 咩 COUPON 呀 ?!? 2次電話confirm 都無講要coupon 先有得送!) (家人提出用電話上網做E-COUPON 得唔得?) waiter 話: 唔得 一定要print 出來 ! (無就無得送 !) 終於一餐極有意義的生日飯, 就給一闇無誠意, 無口齒, 無heart, 無service 嘅XXXX抺殺咗 ! 奉勸 各位要慶祝重要