影片
中环港铁站D2出口.
继续阅读
特色
庆祝纪念日
包场派对
营业时间
星期一至三
11:30 - 15:00
18:00 - 00:00
星期四至五
11:30 - 15:00
18:00 - 03:00
星期六
18:00 - 03:00
星期日
全日休息
以上资料只供参考，请与餐厅确认详情
招牌菜
同女朋友庆祝生日，先上黎open rice睇下有边间好食。见到Favaca有咁多好既食评，于是就拣左呢间。不过试完之后我只可以话，食物好普通，完全唔值呢个价钱。与其话佢系一间餐厅，我会话佢似一间酒吧比较多，仲要系一间细既酒吧。地方细同狭窄不在话下，枱同枱之间好近，无乜私隐可言。枱面面积好细，真系放多一碟𩠌都唔得。Salad︰三文鱼同露笋都唔错，只系三文鱼略为少左D，如果可以多番少少既话会更好，话晒都成百蚊吖嘛。Rice︰之前有好多人都话好正，所以order左。但唔知系咪期望太大，最后只有失望二字。个饭系香喷喷既，不过原来只有好少既鹅肝同少少菇类。鹅肝的确系几香几好味既，但真系得好少，食完之后就只有饭，真系无咩特别可言，呢个价钱接受唔到。Steak︰亦系有唔少人赞话好食而order左，十分后悔！唔识讲佢D牛系咪高级，但碰巧今次有好多筋，多筋多到根本都食唔到，好差好差，直头差过快餐店既牛扒，但佢竟然要200几蚊。Dessert︰点左流芯朱古力心太软 ($68)，算系全餐最好食既，不过就甜左D。到埋单时，我用左Open Rice既$100优惠券，佢地竟然对我黑面。你一系就同我讲话唔俾用，唔好对我黑面吖唔该。用左优惠券之后都仲要600几蚊，但系换来咁既环境、食物质素同服务态度，never come back again~~
继续阅读
过黎之前都睇过不少openrice食家批评此店服务水准，当时心谂：你班友仔麻烦挑剔je。今晚亲身上阵，两个字：失望。开头送既面包加个橙色牛油，得㖞。由于见过有人o系openrice话可以叫佢再拎少少面包畀你for free，我就叫个男人畀多少少我，点知佢望一望个老细，就话先生唔好意思，要另外散叫先得。I was like "what the...", 唔系十零廿蚊既问题，少少面包值你几多钱? 咁都唔肯送，真系觉得呢间野好孤咩寒。点左个乜鬼鹅肝饭，普通啦，略淡。另加一个唔记得咩意粉，又系一般。我连咩意粉都唔记得，佢个质素如何你真系谂都谂到，有时都无谓讲到咁白。另外都唔记得叫左咩野，唔系唔好食，但唔系好食到会令我再黎啰。叫水又系要畀钱，心谂：咁细间野，几旧水一餐咁平，你估你自己高级餐厅咩，呀老细，唔好做到咁肉酸啦。又要扮高档餐厅卖收钱水，个客支持你个面包你又叫佢另外畀钱卖，呢间Favaca，to sum up in one word: CHEAP.
继续阅读
话说星期一吃完一个开心的下午茶，眨眼间又要再来LKF吃晚饭，为的就是和朋友们庆祝生日啦。12月真是忙碌的月份，好像有吃不完的饭局似的，是晚两位朋友都在附近日子生日，所以当然由我来请客和负责想吃什啦。原本想过吃意大利菜，但突然想起上年生日才和朋友吃过意菜，所以就放弃了，最后来到这里~ 眼见其他食评也不错，而且生日者有蛋糕送呢~ 反正我也在头痛 3 个人吃什么蛋糕好，现在连时间也节省了，简直一举几得~早几天打来订位，而且麻烦店员帮我在蛋糕写上字眼等，店员非常有礼貌，而且又主动提出帮助我，真的麻烦他了。是晚准时来到，不过来到的时候店内一个客人也没有呢~ 整晚看上去客人也不太多，难怪星期一LKF的餐厅特别多优惠啦~ 这里环境虽不是特别宽敞舒适，但也不算太差的~ 可能不是太多人所以一点也不会太嘈，我们整晚坐了很久时间也没问题~虽然大家都麻麻地饮得=)，但生日开心当然要饮返杯，house red饮落比较薄身，开初饮味道几香，反而后期越饮越觉得有D酸㖞~ 由于食左个下午茶，食呢餐饭既时候都仲几饱，所以整晚我都要慢慢吃呢~面包不算很热但起码也不是冷冰冰的~ 咬下去松软好吃，再配上清新又香的蕃茄干牛油，是个好的开始呢~先说Caesar salad，这里来到的时候给我感觉反而麻麻呢，卖相比较一般~ 吃下去生菜新鲜爽口，面包粒加上芝士亦香口好吃，不过如果沙律汁再多一点就好了，现在感觉味道较淡呢。朋友想吃墨西哥芝士鸡肉脆饼，不过这个其实不算小吃或前菜吧，像一个大pizza呢~ 我吃毕已饱了一大半，不过这个味道真的不错，脆饼里有很多红黄椒，加上芝士和鸡肉，很香味道很夹~ 芝士还可以拉成丝状的，表面的蕃茄酱酸酸的令味道更开胃，喜欢芝士的朋友吃得很开心~ 青口虎虾墨鱼汁意粉这个来到份量感觉比较小一点，但吃下材料丰富，也没有欺场的，除了青口虎虾还有颇多鱿鱼圈~ 虾肉既大且爽口，加上意粉也弹牙好吃，再配上香香的蕃茄酱，虽然小一点但也不错啦。最后就是鹅肝野菌石头窝意大利饭啦，这个来到大家也垂涎欲滴呢! 鹅肝煎得不算过火，内里软身加上渗出的油香，令整个RISOTTO更好吃~ 比起鹅肝我更喜欢那些野菌啦，味道不会太腻又有菌香，吃到底还有薄薄的饭焦都几香口的。吃毕所有店员就递上朱古力心太软蛋糕再加几杯香槟，他们又会主动帮我们拍照，真好! 不过其实我已经很饱啦，也不太吃得下这个心太软，大家也比较想吃它旁边那个雪糕多一点。简单说这个心太软够流心，中间的朱古力酱是几热的，而且味道香浓又不太甜，配雪糕吃当然是好吃啦。吃光所有食物我们还慢慢聊天坐了不短时间，胜在气氛和环境都不错，店员招呼又好~ 是晚吃得几满意，但最重要的还是寿星 1 号 + 2 号开心满足啦。只要在一起，做什么都是快乐的***
继续阅读
自从兰桂坊果座嘢重建, tuscany by H 又无咗, 见到有间favaca呢间餐厅又想试下, 上黎openrice睇下咩环境先, 有d赞到不得了, 有d弹到话以后唔去添......点都好, 耳听三分假, 眼见未为真, 自己去经历下最实际.......系openrice download 咗张coupon, 擘大我只死人眼睇清楚, 免得又话果张唔用得, 呢张唔用得, 又打去餐厅问下, 哦, 原来用either一张coupon都得, 咁又岩既, 优惠不能同时使用嘛, 我明白这个意思......唔通拎晒xfood, x假期 d coupon 一次过用晒咩~~~~去到餐厅, 还早, 6:30, 我见到餐厅入面d staff未ready, 可能人地食紧晚饭挂, 咁我就坐系出面等一等, 睇下风景, 吹吹风都好呀, 有个类似老细既人就出黎同我讲话执一执张枱就可以入去坐........真系唔该晒 入到去坐低, 果个类似老细既人即刻拎个menu比我地睇, 又介绍今日有乜新鲜, 又讲佢地有乜出名, 又问我地有乜想食, 讲到好似我叫乜佢整乜咁....其实佢都真系非常好, 我生蚝又唔食, 海鲜又唔食, 佢都仲好好人咁讲有个mushroom risotto好食, 岩啦, 我最钟意食菇!!去片~~~牡丹哈带子沙律我个frd话好正㖞, 带子同哈都好新鲜, 我净系见到好大只啰~~~mushroom risotto我食得多, 我未试过食一个有饭焦既risotto, 仲要系石头窝上, 出黎果刻系"滋滋"声的, 一绝!!!! 加埋块鹅干, 哇, 系腻咗少少, 但好味到一谂起就流口水~~~~~饭~creamy but not too sticky, 鹅干~大块, 外脆内滑!!! 但一个人食都算几大portion......我个frd就order咗呢个, 我顾住食我个饭, 净系试左少少猪, 肉厚有汁juicy唔干, 但我又唔太好猪......我同frd叫咗支白酒, 免得又话人针多针少又乜又物.........一支就一支, 最多咪醉 再叫亚经理比杯水过我地, 佢问我地要有汽定无汽....我谂宜家所有高级餐厅都会咁问㗎啦.........出得去食饭都无乜所谓~~~~饮酒都要饮吓水缓和下dessert time~~~我最想食个creme brulee, 但我个frd又话唔想食, 终于叫咗个唔知咩banana crepe, 有d朱古力sauce, ok, 普通嘢, 不过下次真系要试下个creme brulee, 个老细讲到有几劲几劲......总括黎讲, 我觉得呢度d food系好食的, service亦ok, 老细仲好吹得水添, 有几分搞笑, 成个atmoshere好似屋企咁, 系张枱细d, 要d course分开上, 慢慢食........我仲要坐bar櫈, 早知早d订位, 咁就可以坐入面d 枱~~唔洗坐高櫈脚fing fing...........仲有, 最抵死系个奶茶, 真系同茶餐厅有得挥~~~~一定有下次~~~再download过 openrice coupon!!!!!!!!!!
继续阅读
之前都黎过favaca 3次, 1次系用生日优惠, 另外两次用团购.打电话订位果阵时已经讲清楚会用coupon, 所以食饭果阵都无咩问题发生.但我睇其他人写的食评, 大多数都系争论关于优惠或者团购的问题. 其实你地有无细心睇过d条款? 我都用过d优惠, 都冇问题. 如果自己冇睇清楚就怪人, 我觉得好似对间餐厅吾系咁公平.值得推介的是, 鹅肝石头饭, 好多食评都有讲, 我就最钟意d饭焦. 面包 – 外面脆, 入边软熟. 因为要焗, 所以要等耐少少~我最钟意朱古力心太软, d朱古力劲浓郁, 配咪雪糕一流. 果日系我生日, 佢地帮我系只碟度写左happy birthday, 我觉得佢地好有heart.其实人地整咁多优惠都系想益我地d食客姐, 吾通想倒自己米咩!
继续阅读