影片
星期六既早上落街揾食，行过Bar Pacific门口见到贴住啲热狗餐既poster，头几秒仲以为自己眼花🤣原来佢一店两用，夜晚本身系酒吧，日头就摇身一变做轻食cafe～应该暂时无乜人知，所以可以任拣位，座位又新净又阔落，同旧式Bar pacific既风格好唔同，如果唔系有张beerpong table系隔离，基本上就系一间靓靓仔仔既cafe，空间感系同区小店比唔上既～Menu主要系hotdog, 另外staff仲介绍左off menu item- 沙嗲牛肉意粉🍝因为炒意粉，唔会好似茶记咁咁多酱，比较干身少少，每条意粉都沾到啲沙嗲味，牛肉都好淋易咬，沙嗲甜甜地，唔错～芝士肉酱热狗好足料，又开胃，面包有轻轻烘过，够香脆跟餐既薯条必须要一赞！炸得好香脆，调味又够👍🏻👍🏻始终疫情对酒吧影响都好大，做埋cafe都系一条出路～
继续阅读
餐厅采用黑玻璃设计，外面睇落去有啲暗，配合佢夜晚系酒吧设定，日头就系普通餐厅，有啲快餐同轻食俾大家选择，价钱都几亲民，而且所有食物即叫即做，上枱嘅时候都热辣辣嘅(⁎⁍̴̛ᴗ⁍̴̛⁎)我哋叫咗两个餐，分别系松露芝士热狗同埋秘制鸡翼配薯条，跟餐再加咗鸡翼同薯条。秘制鸡翼可以拣柚子酱或者黑松露酱，我哋拣咗柚子酱，味道有啲似韩式嘅柚子蜜，酱会另上，可以倒落去或者点鸡翼，夹埋啱啱炸好嘅鸡翼食，别有一番风味。热狗包有焗炉翻热，入面嘅煮一条好粗嘅香肠，上面有满满嘅松露酱，再铺满芝士，一上枱已经香喷喷，咬落去更加唔洗讲，松露味同芝士味都好出，好味道！薯条系粗薯条，外面脆卜卜，入面仲会有软心，炸得刚刚好！松露芝士热狗 秘制鸡翼配薯条跟餐鸡翼跟餐薯条芬达 & 忌廉
继续阅读
上水bar pacific 既清晨☀️就系一间cafe ☕️因为佢原身系间酒吧，所以舖内的位置都比较阔落，好适合几个三五知己一齐嚟闲聊！可能大家都以为佢净系一间酒吧，所以唔系太多人。但系如果想无聊揾个地方倾偈，都可以。佢主打唔系Cafe，所以食物选择有限松露芝士热狗（$42）芝士同松露酱都好足料❣️面包岩岩焗起，够香脆。简单，但唔马虎。肉酱意粉新鲜热辣辣即整，分量唔算话太多，适合下午茶。秘制鸡翼配薯条（$52）都系新鲜即炸，我哋拣咗柚子蜜比较开胃，佢有鸡锤同鸡翼，一次过满足晒🥰食呢啲一定要配返几罐汽水 如果下午冇嘢做又黎上水，都可以喺呢度chill下，当然比唔上其他Cafe，因为佢始终都系做酒吧，但系大家都可以支持下，始终酒吧喺疫情期间嘅生意都比较淡～想简简单单，无止境吹吓水都可以而我都相信夜晚酒吧提供嘅小食都唔差，呢啲嘢食送酒一流👍🏻👍🏻
继续阅读
经过见到窗贴上热狗嘅相片，卖相都非常吸引，所以立即入去一探究竟😊内在环境非常宽敞，干净企理，坐落先知原来佢夜晚系经营酒吧～日间先系餐厅😙价钱非常相宜，$24起跳，款款都非常吸引，最终选择了一款热狗餐及鸡翼餐😊只有汽水选择,但系非常贴心地喺炎热嘅夏天自动送上冰底😍加分！秘制鸡翼薯条餐～有柚子酱及松露蛋黄酱选择，而我选择咗后者，由于系即炸嘅关系，都等咗一段小时间，但上菜品尝后，就觉得等得非常值得，鸡翼、鸡锤均非常入味，炸到脆卜卜、热辣辣 👍🏻松露芝士热狗～满满嘅酱汁已经非常吸睛，热狗肠更加系带有脆皮，多重口感，令人非常满足。薯条～附上包装茄汁,感觉非常卫生,用上带皮嘅薯条，别有一番口感，非常香脆👍🏻不得不赞嘅系佢哋嘅餐具都系一次性，喺疫情期间，令到食客非常放心👏🏻
继续阅读
之前都有去呢间Bar Pacific，今次经过发现佢朝早都有开，原来佢而家日头会做埋cafe。呢间Fastcasa系Bar Pacific嘅副线，相信系因为疫情关系而变阵出嚟嘅。餐厅日头系卖轻食，夜晚就做返酒吧。因为餐厅较新嘅关系，我哋拣左热狗同意粉试吓。热狗叫左芝士肉酱热狗、五香肉丁热狗，份量下午茶嚟讲几够。芝士肉酱香浓，连埋热狗肠食好丰富。五香肉丁口味嘅热狗第一次食，但原来都唔突兀，肉片都几多，面包有烘过，有微微脆口。意粉就叫左一款，沙嗲牛肉意粉，似港式茶餐厅嘅味道，意粉索晒啲汁几惹味。加配薯条同嘢饮（$12），薯条就系普通油炸，都几脆口。下午茶餐chill下，三十几蚊都ok，可以试吓。
继续阅读