Fast Taste (福華街) (已結業)

WFH就完啦，快啲試多啲唔同嘅小店做lunch，返反office就無咁多嘢揀😭。🐮『經典牛魔堡』 $57～牛有少少乾食（哩個無翻焗）🦀『橫行脆蟹堡』 $78～有型嘅蟹開心哋橫跨咗個漢堡🤣🐟『炸魚薯條』 $70～一份漏咗薯條嘅炸魚薯條；有三大片魚塊，其實份量都幾足，而炸漿仲要好薄，所以魚味好出🍟『小食拼盤(薯條，薯格，芝士條，洋蔥圈) 』$70🥗『田園沙律(芝麻汁)』 $35 ——加配料：煙三文魚 +$15。雖有送到嚟食物因為焗咗一陣而淋咗，但我哋自己焗返熱，焗返脆，又得啫！。📍 Fast Taste (福華街) (深水埗)深水埗福華街110號地舖

📍深水埗福華街110號地舖深水埗嘅餐廳食都食得七七八八😂😂所以就周圍行吓睇吓有冇啲未試過嘅餐廳試吓🤣🤣行過見到有一間有🍔就一定去試😏😏😏1. 經典牛魔堡🍔配薯條🍟$58，超級香口，嗰塊漢堡佢係well done 真心食落口就知佢係有幾咁juicy😋😋😋，個🍔包好classic有芝士🧀蕃茄 🍅生菜🥬，配薯條🍟好好食環境喺茶餐廳加酒巴feel，cp好高，lunch set食漢堡唔使$100就一定會推介俾朋友仔，真心好食😋😋😋我都會再去😂😂😂

出外食飯，我比較喜歡西式餐廳，而西式之中我特愛扒餐。不過近年西餐廳的扒餐越來越貴，稍為便宜的卻有點像茶餐廳貨色。看食評找到這間平靚正的西餐廳，特來一試。我們一行三人，點了經典牛魔堡配薯條、鴛鴦扒餐和雜扒餐。漢堡包微溫夠脆，餡料多又美味；扒餐的各種肉扒均調味適中而肉質不錯； 特別值得一讚的是炸薯條，外脆內軟，有薯仔味，調味剛好。跟餐有餐湯和一般飲品，都是正正常常，普通一點。但幾十蚊一個扒餐都足以說是平靚正！這間店舖面雖小，但座位設置寬敞舒適，店員的服務都不錯，是值得推薦的餐廳。

今晚我就特登試伏既係 burger 店，叫「迷迭香原隻燒春雞配薯格」首先，為免大家同我一樣，對呢碟野產生誤解，可以先澄清一下「平時食其他餐廳燒春雞，其實只係得半隻！得半隻！得半隻！」好，其實我睇名以為係半隻，當一上菜見到成隻雞時，呆左我俾一百鬆啲，就成隻雞上，咩料，今日仲要得我一個。好啦，唯有做好打包既心理準備。睇相係比較油既，實際上的確係幾油，比起燒雞，似炸雞多啲肉質ＯＫ，唔會極乾，油左啲雞大隻，我只係食左半隻，打半隻返屋企至於會唔會推介大家？食番 burger 好啲！除非想又食又拎，隻足幾餐！

Burger 店食扒餐, 擺明試伏, 午餐見佢有飯有意粉揀, 即管試下雞扒法蘭克福腸意粉包野飲西湯沙律抵食之作雞扒係煎得幾好, 食過兩三次都唔會煎得好老, 皮又脆沙律意外地份量多, 不過湯真係麻麻, 下次會叫佢走湯條腸長到呢, 最後係食唔哂, 味道就無特別而大家最唔關心既意粉, 都係食唔哂既, 份量太多第一次黎既朋友一律建議食 burger, 扒飯餐係午飯先有, 有人覆桌再選擇啦.萬一有人唔夠食係可以加錢叫小食 ... 不過我不了, 飽

之前已推介過 Fast Taste上次淨係一個人食試唔到好多食物今勻裙姐終於call齊人馬去大吃一頓我哋七條友叫咗六個晚餐有豬肋骨 肉眼扒 羊架 豬扒 鹹豬手肉類質地同味道都係正的最正係鹹豬手外皮酥脆肉嫩好juicy又唔會太鹹豬肋骨朋友也大讚好食肉眼扒有牛味咁嘅價錢算很好意粉都有驚喜意大利飯係我本身不好所以no comment佢嘅炸物都好出色酥脆炸漿剛好餡料都幾有鮮味總言之Fast Taste的食物CP值超高我哋七條友6個dinner set再加多一個意粉同其他小食唔駛$1200你話邊度搵呢？只要一出深水埗站就到近黃金地點方便好就腳#黃店#西餐#深水埗#福華街#FastTaste#裙姐深水埗推介#裙姐的生活良消

可以一個人搵食既時間,係要好好珍惜,去鴨記補給開工野,毫不猶豫行入fast taste,一個人坐面壁位剛剛好,唔洗霸住人d 大枱,又唔洗望住人地馨馨我我,星期六下午黎講,哩度唔算太多人,坐得幾舒服.lunch menu 都係果d.不過都總算豬雞牛魚螺絲粉樣樣齊,見到人地食個雜扒,好心動,但份量太大啦隨時返到屋企食唔落飯,比大人發現就gg啦,都係食隻包過下癮就算啦.經典牛魔堡配薯仔條$58,加$8有酸瓜,包埋餐湯同飲品,加$10有小食,要雞翼啦.餐湯先黎,係南瓜湯,甜甜地,冇咩特別喜惡,味道ok,餐飲要蘋果汁,今日唔飲肥仔水啦,成個餐係咁樣,除左配薯條,仲有一堆沙律菜.經典牛魔堡,有牛肉漢堡扒,蕃茄,生菜,芝士,同個醬汁,另外我加左酸青瓜,沙律菜有羅文生菜,狗牙菜同紅毛生菜,配芝麻沙律汁,薯條炸得香脆,雞翼皮脆內滑,大大啖咬落去,肉味濃,又有汁,好食,酸瓜同牛肉漢堡味道實在太夾啦,好正,食完,原來都幾飽...$76,抵食.都係行多陣先返屋企啦...食唔落飯就慘啦...

Fast Taste環境舒適，而且食物價錢經濟實惠💰，岩曬一班朋友👫🏻一齊食野傾偈。—————————————————📍焦糖鵝肝牛肉漢堡(8/10) 漢堡🍔份量十足，麵包仲要特登放隔離，show到所有材料🥩，賣相非常吸引💯。漢堡🍔包括漢堡牛肉🐂、焦糖鵝肝🦆、番茄🍅、生菜🥬、芝士🧀。漢堡肉好厚身，啖啖肉，但係依然好juicy，肉汁豐富，而且有肉味🐮。焦糖鵝肝🦆細細塊，味道好rich，有豐富既油脂滲出黎。另外用左微微辛辣既蜜糖芥末醬平衡返鵝肝既油膩感👍🏻。芝士🧀處於半溶狀態，同漢堡肉合為一體，味道好夾，質感濃郁🤩。番茄🍅同生菜🥬口感爽脆，兩樣配料都令到漢堡口感更加豐富🥰。麵包🥯口感非常鬆軟，烘得外層好香脆。除左好有口感，烘脆左唔會索曬d汁，小編影左相一陣都維持鬆軟脆身既口感👍🏻。📍烤紐西蘭羊架配薯條(7/10)烤紐西蘭羊架🐏條骨清得好乾淨🦴，而且煎得好香，配埋薄荷醬🌱味道清新得黎唔會騷，只係肉質有少少韌，要用多d牙力先食到🦷。薯條🍟份量好多，炸到裏面好鬆軟，如果炸得再脆d就更加好🧐。

呢間專食西餐同漢堡既小店,原來搬左過黎呢邊 午餐都幾抵食既最平套餐$60起 有意粉,漢堡等選擇~12點至5點半都可以叫到午餐呢個特價餐極上和牛漢堡配薯格 包飲品一杯 可加錢要埋餐或沙律 即點即做 鬆軟既漢堡麵包先烘再抹牛油,加生菜番茄和牛漢堡大大件,煎至七成熟,咬開鬆軟有肉汁,仲好有油脂香夠肥夠滋味加埋芝士汁同芝士仲有一匙黑松露醬,食起上黎所以好香又口感豐富!單點雞翼一客5件,炸到好脆口好有肉汁啖啖肉110 Fuk Wa Street, Sham Shui Po消費$133

呢度食西餐 午市幾抵食,介紹比大家香煎豬扒併烤菠蘿片燒汁飯香煎豬扒煎得好香脆 淋上自家燒汁 甜香惹味 仲有一件燒波羅肉同沙律配飯 份量非常大碟都係50幾蚊 沙律菜夠新鮮 豬扒脆又大件 汁撈飯一流咖喱天婦羅鱈魚柳飯 鱈魚好有誠意，50蚊個餐有兩大塊炸魚柳仲要好食咖哩汁係辣既配上比較味淡既魚柳,令到味道更加濃香豐富 魚肉夠嫩滑又好食包飲品同餐湯 南瓜湯甜味自然口感夠滑平均消費$70評分8/10深水埗福華街110號地舖

焦糖鵝肝牛肉漢堡 ($99)：漢堡幾足料，漢堡扒咬落夠juicy，另外鵝肝煎得啱啱好，唔會過熟，仲有油脂滲出嚟，鵝肝表面有一層薄薄嘅焦糖，夾雜住油脂嘅香氣令到漢堡味道生色不少。跟餐加左份薯格 ($18)，啱啱炸起熱辣辣夠脆，而且份量都幾多，食完一定夠哂飽！德國鹹豬手配酸椰菜及薯條 ($148)：除非係好拆得嘅人，如果唔係嘅話依個豬手其實兩個人食都夠😂份量多到嚇死人，而且仲要有質素，皮脆肉腍，豬手嘅肥膏全部迫走哂，剩低嘅就只有厚厚嘅 #骨膠源，膠感十足，性價比真心高！糧尾果陣食唔哂真係可以打包返屋企，食多餐…唔講住，我哋都係繼續返工先…🥲

上次要我行鬼咁遠果個朋友又約我食飯,今次我更係問清楚要唔要行先彩佢啦,佢話就地鐵出口,好囉,不過點解次次要我過海架呢下?約左佢地鐵等,佢帶我行去排檔側邊既巷仔,又係d 咁既地方架,入到去,暗暗地,有d 舊式西餐廳既感覺,門口右邊係單人high chair坐位,左邊放滿文宣同寄賣既產品,放曬係度,唔怕人偷架咩?坐低係卡位,咁靜既?冇其他客既?星期六黎喎?睇下menu,都幾多野食吖,又唔算貴,依家食個包都$70-$80 架啦,哩度幾十蚊有set lunch喎,包湯包飲品,朋友話哩個鋪位置唔起眼,依家哩區又多左好多外賣新派漢堡包店,咪搞到咁囉,見佢主打係漢堡,但係呢我早兩日先食完雞煲,唔想食肉啦,見佢地都有幾多素食選擇,食個黑松露雜菜意大利飯啦.加錢要set,有飲品同湯,哩個人真係麻煩呀又跟人食黑松露雜菜,不過佢食意麵,見牆上有寫有法式焦糖燉蛋,$28?平到咁,點都試下啦係咪?點好菜,過左冇耐,侍應就奉上餐湯,蕃茄湯,素湯黎,杯飲品好搞笑,係扮白酒杯既膠杯,果汁裝到滿一滿咁再等左陣,個飯都送到啦,黑松露雜菜意大利飯,感覺幾好呀,有甘筍絲,西芹絲,有菇菇同翠肉瓜絲,飯有咬口,個汁幾creamy

呢一日去咗深水埗一日遊，因為又要去訂月餅丶去黃金整電話貼，所以都響深水埗食返個lunch。之前有經過Fast Taste ，見到幾吸引，但係因為個時已經食咗lunch。所以今日決定黎食。我哋叫咗set lunch ，因為set lunch 抵啲，包埋一杯飲品同湯。我地都係叫咗經典牛魔堡配薯條丶蘋果汁丶蔬菜湯🍔🍟 經典牛魔堡包括生菜丶蕃茄丶車打芝士丶牛肉丶蜜糖芥茉醬。雖然聽落好似好少料咁，但係個漢堡包好大個，而塊牛肉好厚丶好juicy 丶一啲都唔乾，所以我哋都要切開4嚿先可以容易啲拎黎食。個牛肉好厚，食咗呢個包好滿足😌另外，d芝士都幾多😍。個包仲係暖暖地丶好軟👍🏻。而杯蘋果汁都係普通果汁，不過個蔬菜湯就真係自己煮個啲，都幾好飲。

有次睇完戲經過長沙灣見到呢間餐廳比burger吸引左入去食入到先知係黃店雖然平時揀餐廳都會盡量揀黃店但食過好多間都覺得伏今次食呢間係食過咁多間覺得好好食既一間黃店我地幫襯左一次長沙灣分店已經執左之後黎左深水埗分店食左2次食物質素都係好好！今次我地叫左公司漢堡套餐個餐有薯格送，有野飲，有湯/沙津揀 我地揀左沙津之後再叫左個和牛漢堡，再加多個菠特菇起上面好似+$18有野飲同小食 小食叫左薯條佢呢2個包都有黑松露炒蛋 同和牛肉 真係好正！！！蛋雖然賣相唔算好好 但食落唔老 係好滑！！加埋少少黑松露唔會漏和牛就係呢間既招牌 一定要試！！！至於公司漢堡入面既手打牛肉就冇和牛咁好食但都幾好食！識嗌一定係嗌有和牛既包！個菇好juicy 唔會乾個包入面仲有蜜糖芥末汁同芝士 加埋好正！包既皮都落左牛油 同埋少少脆 幾好食！薯條係幼薯條 唔算好油同好老沙津就正正常常 個汁酸左dd 可接受而環境方面 就覺得要加強下清潔因為地下同座位都係食物碎但總體而言我地覺得呢間餐廳既漢堡真係好好食每次黎都係見到得幾個人食點解咁好食都咁少人知同黎？好驚呢間餐廳會執笠

放工揾野食，上Wolipay睇附近有咩黃店好食，一眼睇到呢間漢堡包，咁就㩒入去睇吓，見好多好評就決定要try try佢。一入到去好多文宣🤩，燈光偏暗，感覺好似舊香港咁。佢仲分咗兩個區，近門口嗰邊係類似吧枱，可以盡享一人之鏡！再行入少少就for多啲人坐~8點半都仲坐滿7成人，但好彩唔使等位～我哋兩個人嗌咗一個dinner set同一個小食。✨Dinner Set(公司漢堡配薯格$118)Dinner set 配咗一個沙律/是日餐湯，另外仲有跟一杯$16以下嘅飲品。黎到Fast taste緊係要試下大受好評嘅漢堡包！所以我哋二話不說即刻揀好要嗌公司漢堡餐(平時一定冇咁快)公司漢堡包分層係黑松露炒蛋、和牛漢堡、煙肉、車打芝士、再嚟一塊和牛漢堡、生菜蕃茄with honey mustard 。個包係香港舊式快餐店用開嘅芝麻漢堡包，外脆內軟，好香芝麻味。佢跟咗薯格做配菜，夠熱又夠脆唔會過鹹。沙律係最basic嘅田園沙律跟莎莎醬，上面仲有4舊烘過嘅麵包粒，上到黎都仲脆！而野飲我哋就揀咗凍嘅柑桔檸檬，用酒杯裝住，不過唔係好夠凍，柑桔同檸檬味都唔係好出~✨香辣茄蓉煮青口($50)食得出個茄蓉係好有心機