影片
一大班朋友连小朋友11个，见到新开又有8折就黎试下，疫情期间我见佢哋每一节个半钟后都彻底消毒，玩完就可以隔离食，小朋友最真实反应儿童餐系我哋食过咁多地方最好食小朋友系食晒所有嘢，其他食物都都比我想像中好食，地方够大唔迫👍
继续阅读
环境宽敞，清静，有大沙发，又有树景。正。下午2点几，order左Fantastic Space啲下午茶餐。$68 一个餐，有沙律菜，有咖啡，可以拣烟肉芝士三文治or 烟三文鱼牛角包or香蕉热香饼or甜甜圈配雪糕。我拣咗烟肉芝士三文治。份量十足😋。呢度环境宽敞，清静，有大沙发，又有树景，可以坐喺度慢慢食，上去网，睇吓书😆。宜家餐厅仲做紧8折，买单只系$60多啲,hea 足大半日😄。
继续阅读
今朝行返公司时见到附近有间新餐厅,见新张期有8折就即管去试试佢. lunch 时间试左待应推介既芝士汉堡,份量非常大份,食得晒个包就食唔晒d 薯条😂😂,埋单都只系$128 抵食🤩同事就试咗个冬阴功大虾三色螺丝粉，佢话个冬荫功味都几好👍，不过条友仔就无影相😂环境就都几舒服空矿,坐左近玻璃边既梳化位,坐得都几舒服,可能新张 未有太多人发掘到,见lunch 时间都唔系太多人,仲要赞一赞待应连lunch都介绍得几详尽, 唔错 唔错.
继续阅读