影片
招牌菜
果日禁啱有个朋友(女的)生日，陪佢行完街之后，打算一齐食餐晚饭，禁啱行过呢间餐厅到试下。间餐厅虽然比较细，而且....有啲贵，不过D野食都算唔错，算系物有所值，最令我深刻既系服务XD个沙律D蔬菜食得出几新鲜，之后个汤，我个人觉得个龙虾汤唔错，只系我朋友觉得个杂菜汤有D淡。之后既主菜我同我朋友都觉得唔错，我食果个羊架D肉几嫩，又无咩酥咩，加上D汁，几好食，只系份量比较少，好彩个侍应肯帮我个食咗一半既菜加个饭。而我朋友食果个龙虾天使面，佢话觉得个龙虾好香，又多肉，可能女仔食得少啲，对佢黎讲份量刚刚好，食完主菜已经话好饱。到上甜品既时候，我点咗个芝士蛋糕，我个人就无咩特别既感想，点系....可能个侍应误会啦，佢系我朋友个芝士蛋糕上写咗D字，我谂大家都应该知道大约字咗D咩啦(奸笑)。可能因为呢件事，我同果位朋友(依加要改口啦XD)关系有所拉近(笑)。呢间餐厅对我黎讲，感觉颇特别，有几深刻既记忆。
继续阅读
老婆突然提起一间见到好多年，但从没帮衬过的餐厅，晚上七点半走去睇睇，星期六预左多人要等，点知成间餐厅只得四人外籍客人，仲好！最怕等位。睇下个menu，价钱都算几进取，咁我当然对佢的出品有要求了。老婆点左个大虾卡邦尼宽条面set+龙虾汤，我就点左白雪鱼set+意大利西兰花忌廉汤，waitress几有礼貌，上菜都好快。同老婆都有一个疑问，星期六晚得咁少人客点生存？是否价钱比较高？但以前间雅阁都好多人，不停地有问号。上头盘沙律，不过不失，D蔬菜唔算特别新鲜，但个黑醋几香。龙虾汤唔够热有d fishy，其实龙虾汤超易整得好，所以应该系唔够新鲜。西兰花忌廉汤比较watery，咸左少少， 我唔识呢个汤，唔俾评语了。宽条面几弹牙，大虾都弹牙，老婆话个卡邦尼好"溜"，唔食甜品了。我个鱼煎得几好，里面几juicy，可惜个汁味道好flat，食唔出用咩材料打出黎。奇怪在个汁，表面有层衣，唔会用mircowave同我翻热卦？仲有两个main course的碟崩得咁严重既？餐茶冻饮+$3，我就+$15要杯Iced Mocha。杯Mocha饮一啖我即刻俾返佢，成杯低糖谷古咁，一D咖啡味都冇，换翻杯餐饮热咖啡算把啦。餐厅硬件不算差，相信开业初时老板几花心机想做好佢，不过出品真系要管理一下，咁少客人一定有原因的。坚持咁多年唔通系自置物业？唔系自置物业，咁的质素又点做到咁多年呢？真系一间非常难得的餐厅！埋单加一$433，无计我之前果杯Funny Mocha的$15，个人认为要收咁的价钱就要提升出品质素。就俾够你$460(听到话之前的客人只俾$3贴士，唔想再令职员受打击，呵呵)，下次再试你的Set Tea ，希望有改善啦。
继续阅读
午膳时间，小小的餐厅坐满食客，侍应有礼。怕Set lunch的食物质素普通，order了比Set lunch 贵一倍的扒餐。 先上面包餐汤，蒜蓉包和餐汤一样，淡而无味。 主菜的鸡扒肉身又硬又"鞋"，另一个鱼扒又㶶又硬，薯菜虽然薯条多，可惜"林林"的，不要看两个主菜的汁料颜料不同，但味道却是一样。 估不到连餐饮也令人失望，奶茶又稀又淡，连最基本的茶味也没有，而冻柠水，真的是柠檬加水，连蜜糖水也没加。这午餐真的是极度失望。
继续阅读
环境很好，播放优雅既英文旧歌，可惜食物真的太逊了，下午茶点了三十九元黑椒牛柳丝炒扁意粉，扁意粉淡而无味得过份，而且烹煮时间太长，已失去意粉应有弹性及淡淡小麦味，加上厨师试用大量黑椒掩饰，反而令意粉更失败。焦糖咖啡，亦没有焦糖味，咖啡亦很普通，这样咖啡也需要另加十元，未必太没用心了
继续阅读
话说系一个无心理准备既时候经过呢间野…咁岩男人又肚饿~就企系门口望下个餐牌啦~点知个老细﹙应该系啦~﹚就好殷勤咁系咁介绍佢d lunch~咁又未食过咪试下啰~价钱有平有贵~$40+ - $90+都有~咁我见唔饿就无自己叫一个餐~男人叫左个蒜汁鸡排饭~咁我净系饮个餐汤+沙律+cake都够饱了~餐具放法好一般…先泥个沙律…唔太得…个sauce好酸好水…成碟野好冰冻…之后系汤~我叫左白汤~忌廉海鲜汤~唔错~都几creamy~之后到主菜~鸡排唔错！够味~ 口感都几好！泥埋个Cheese cake~ 其实有Tiramisu、blueberry同new york cheese cake拣的~我要左New York~不过好可惜…太甜…芝士味唔够…有d失望…更加美中不足既系…佢无比多只叉我食cake…不过值得一提既系个装修~好有心思！灯光唔错~我见佢上面仲有排射灯~我谂夜晚会开的~男人话下次试下个dinner wo~有机会再写dinner既食评啦~~^^
继续阅读