影片
港铁奥运站 C1 出口, 步行约1分钟
继续阅读
营业时间
星期一至五: 12:00-14:00; 17:30-22:30
星期六: 18:30-22:30 (必须预订)
星期日休息
以上资料只供参考，请与餐厅确认详情
其实星期日谂住去食, 点知冇开, 打电话又熄机飞左线...都算啦...因为冇留意佢系唔开星期日...系我唔岩既....星期二特登同男朋友一齐DAY OFF就谂住试下D海鲜...谂住食蛏子刺身, 生蚝, 龙虾, 蟹 等等...因为报纸杂志讲到好巴闭咁...点知去到...原来LUNCH真系只有咖哩饭or素面线, 再配唔到海产...我同男朋友order左蚬面线($60) & 龙虾仔面线($80)...店员又provide左栗米茶, 老实讲, 杯栗米茶系仲难饮过759几蚊支果d...本人系钟意饮栗米茶的, 不过佢果d真系冇味ga wor...唔知边度买定系自己整?坐既环境当然系唔舒服啦, 对住条马路, 又热又晒, 强烈建议秋冬天先好去...d面到左喇....一句讲哂, 好难食, 非常失望...个汤有好浓烈既菇味...明明order左蚬, 但当然完全冇蚬味啦, 有沙不特止, 好细只, 唔鲜味...比d菇味完全掩盖哂~ d面系衰到冇朋友, 淋哂, 冇口感, 只有菇味...好耐未试过出街食饭食过d咁淋既面...究竟佢系咪煮完再煮, 定系煮耐左...d面淋到唔驶咬就咁吞都得....然后有d海带, 冇海带味既, 总之非常多菇...个口腔除左菇味, 就只有菇, 不停用栗米水漱口都仲有好重菇味...个龙虾系非常细只, 只有半只, 算啦80蚊仲想点, d肉系爽口既但唔新鲜...同埋有咸水味...不过一啖就食哂lu...好似好伏咁...因为去既时候系12点, 烈日当日, 个太阳系正头顶, 一路食一路出汗...个头顶热到可以煎熟只蛋...真系顶唔顺结果叫店员俾个袋拎返屋企食...两分钟既路程返到屋企开大个冷气食, 都系冇可能食得哂...事关真系好难食, 而家写食评系岩岩食完呢餐隔左1个钟...期间饮左两杯栗米水, 同埋3杯温水, 个口腔仲系好大阵菇味...一阵仲要买返d香口胶先...重菇味唔紧要, 但系蚬冇蚬味, 海带冇海带味...完全唔新鲜, 唔明点解讲到呢间野又净化又新鲜咁, 中伏了...雷到爆...我希望佢晚餐真系好似其他openrice食评讲到咁好味啦...因为我想试佢个$1,100位的蟹宴...希望系值回票价啦...但我强烈建议, 千其唔好帮衬佢个lunch既面...你会非常后悔的...
继续阅读
之前看过杂志介绍此餐厅，感觉几吸引，决定试一试。餐厅在街角，座位不多，所以早已Book好了座位。前菜首先是三只生蚝及一只Cherry Stone。生蚝新鲜鲜甜，Cherry Stone大大只好有口感。再来是原只波士顿龙虾刺身！龙虾肉好甜，充满鲜味，十分好味！轮到鲍鱼上场，先来一只鲍鱼刺身，配以泰色辣汁。鲍鱼刺身很弹牙，有嚼头，配埋啲辣汁，好醒胃！跟住系三只汁煮鲍鱼，鲍鱼煮到很稔身，很鲜甜！大厨跟住炒咗碟蚬比我地，是清炒再洒上葱花，很鲜味，蚬肉很肥美，生熟啱啱好，一啲都唔老。食到中场有人参鲍鱼鸡汤，汤内有半只鸡，2只鲍鱼，红枣及糯米等，人参味超浓郁。头先的龙虾，大厨用牛油炒香龙虾钳同埋啲脚成另一道菜。最后是蟹肉Pancake，Pancake内有蟹肉，芝士，绿豆，外脆内软，绿豆爽口，芝士香浓，作为总结再好不过！全晚的食材超新鲜！Like! Like! Like!
继续阅读
怀孕初期，十万样野唔食得，加上麦生知道我有孕之后变成牢头，一日三餐都要报到。怀孕三个月结果仲瘦左几磅。上个月产检，问左医生话刺身等生冷食物只要新鲜，间中都可以食小小，终于得到牢头恩准，一个月可以食一次。。。为左好好珍惜呢个机会，又要顾及安全同埋多选择，本身已经打电话去Bostonian订位，但唔觉意上网见到净化海鲜，好有兴趣，终于揾到位于大角咀的 Exotix Venue。一问之下，原来星期六得set dinner，一埸去到，都唔紧要啦。佢地系open kitchen，可以清清楚楚睇到佢地点样处理所有食材，食得好安心。第一度上既系 coffin bay 生蚝 同 cherrystone 。新鲜滋味一D都唔简单，特别系cherrystone，清甜夹唔系好多地方食到，仲要蚬类如果唔新鲜，就会好大阵腥臭味，呢个一D都无，10个LIKE。第二度上既系 韩式鲍鱼仔，呢个夹埋紫菜同小小饭一齐食，个鲍鱼好入味，又好淋，唔错。第三度上既系蛏子刺身，因为我唔敢食生既，大厨就将一只刺身上，一只煎左上。麦生话蛏子刺身佢都系第一次试，热食既完全唔一样，好鲜甜同爽口。到左我既热上牛油煎蛏子，无试过咁样食蛏子，比想像中好食好食好多，都好爽口。麦生就话2样做法都好好，意想不到的惊喜。第四度上既系龙虾刺生，系红肉既龙虾刺生，在澳洲同台湾都食过几次，但在香港真系第一次。龙虾刺身真系我既至爱，无得顶。佢地有个dipping 系配刺身食既，好特别，同个刺身好夹，鲜味升级。第五度上既系牛油龙虾，其实佢个set dinner 系一人一只龙虾，刚刚可以两种食法都试埋。个味道同热食蛏子有小小似，但多左香草既味道。全晚净系影左呢张相，热得刚刚好，爽口，同埋唔"鞋"。呢个时候老板问我地净化左既海鲜同平时食既系唔系有好大分别，老实讲，刺身食既明显系鲜味D，但煮熟左既就唔系好识分，佢就话呢个龙虾净系落左少少盐调味，主要都系想我食返食物本身既鲜味。讲返个龙虾，因为之前刺身个头用钳都拎埋黎一齐煮，所以每人有2只超级大既龙虾钳，食钳最憎就难剥壳，呢个一分就得左，啖啖肉，正。其实食到呢度，都差唔多饱左。呢个时候，就上第六度既海鲜蚬汤。问返大厨，个汤其实食用好多海鲜既壳连蚬一齐煮，一睇碗汤入面有成十几只大蚬(size比花甲大)，好足料，唔敢食咁多海鲜，我饮哂D汤，蚬就麦生食哂。其实真系好满足，当我以为呢一餐完满结束既同时，完来仲有一度蟹饭呢个时候上。麦生系蟹痴，食左一啖就已经赞，但真系太饱，最后呢个饭要打包返屋企。食完之后都已经差唔多11点，2个老板都好好，好细心咁解释每度菜，因为系坐街既关系其实都几冻，老板好细心放左暖炉比我地。其实大角咀最近都多左好多餐厅，良莠不齐，而位于街角位既呢间最叫人惊喜。麦生话下次要星期四去，因为有酱油生蟹，我就话如果下次有赤贝刺身就好。我太爱贝类了。佢地除左堂食，仲有home delivery，方便大时大节屋企开party。
继续阅读
早前同朋友饭局去左大角咀一间小店吃饭，当曰一坐下就吃生蚝同托托蚬，生蚝很新鲜比平时食开果d特别清甜，原来D生蚝要净化左72小时后先出售所以特别好味，厨师介绍左一个韩式酱油活蟹刺生，韩式酱油完全带出蟹鲜味，肉质结实好味，原来猪腩肉可以做沙律出于好奇紧系要试吓啦，厨师用左日本黑毛猪腩肉加自家制芽菜，味道特别芽菜很脆口爽甜惊喜之作，再来个龙虾香草炒饭，炒饭够干身由其本人十分钟意香草味.吃过不停。我们几个朋友在这小店吵吵闹闹过左一晚
继续阅读
约朋友食饭,决定食餐好的,最紧要食物新鲜好食。结果撞入左呢间系大角咀街角既小店,好似系D杂志见过介绍,标榜新鲜及经自家活化既海产,我同朋友都钟意试新野,啱哂。因为无订位所以系街等左一阵。餐厅细细的,是半露天式,有几个位系坐Counter的(高脚櫈),因为少位,所以有订位会较好;食客系直接见到大厨煮野,大厨又会介绍下即日有的新鲜食材,几有亲切感。Order时,大厨问我地有咩吾食,跟住由佢发板-->即omakase,吾知会食mud,好玩! 先来:第一次食生既Cherry Stone,好鲜吾猩好大只!跟住系韩式酱油生蟹!系香港少食生蟹,因为要蟹好新鲜及干净先吾会出事,蟹一死好易出虫,所以对上一次食生蟹是在日本既蟹道场;而我十年前系某出名贵的京沪菜饭店食完醉蟹后第二日要睇急症,可想而知,生蟹既风险较一般其他刺身高。呢度既生蟹如图所见,是爆膏的,膏既颜色好靓,睇得出既新鲜! 店主话是自家浸制,而D蟹在店主自家工场的过滤系统活养过一阵子,所以泥蟹的污秽物及泥味都无哂。蟹膏好鲜甜,而蟹肉非常甜,好好味,大满足。Baby Blue Mussel ; 通常Buffet 既青口都好老,我本身怕难消化既食物,所以青口通常吾系我会主动要食既野; 但呢度D baby mussel好嫩,一碗好多,食极都有!再来一道盐焗蟹;跟生蟹有不同风味,个人较喜欢生蟹,因少见少食;盐焗蟹D膏好甘甜,令我有食大闸蟹Feel!但焗蟹蟹肉有点干身,变成膏是精华所在。间场既Crab Cake, bite-sized, 可口! 最后结尾的是韩风海鲜汤,内有大量海鲜(青口,蚬,蟹肉),翠玉瓜,杂菜等,少少辣; 为丰富晚餐划上完美句号。总括来说,看得出店主放了很多心机系食材之上,食物吃得出鲜味, 所以虽然价钱并不便宜,但绝对物有所值。
继续阅读