euro go go

营业中

休息中

來這間餐廳吃食物價錢方便午餐畀下午茶的價格便宜餐廳環境不大容納人數不多， 服務可以接受的。火腿焗意大利粉我就覺得口感可以但沒有什麼特別， 反而焗薯蓉芝士的幾香口幾後口感美佳。法式焗田螺這個必要試，因為幾抵食同埋味道是不難食的，不是普通餐廳可以吃到。蕃茄肉碎通粉我就夠覺得味道一般但下午茶比較抵食尚可接受。 焗薯蓉最好是火腿碎和肉碎 所以這個可以比起法式焗田螺冇咁抵食！比薩Pizza， 批底是薄脆的最好的還是超級的那款，用料比較多，價錢方便比較貴一點，其他辣肉腸 也可以接受的一款。有時是這裏餐廳的營養餐， 蒜蓉包味道口感可以，在會所裏健身我練習肱二頭肌的長頭和短頭的肌肉，我去金沙灘在高台當值救生員時，當富豪的人家鏡頭影過來的時候我會將個整肱二頭肌發漲到盡，手瓜養了隻葵鼠寵物鼓起隆出示人富豪的人家用軟尺， 證明我夠充足營養和能量。

呢間店既食物有好多選擇，如果下午茶唔想太過飽肚，就可以叫一碗蕃茄火腿通心粉及兩個牛角包。蕃茄火腿通心粉蕃茄味好濃，火腿唔太咸，整體酸酸的很開胃。牛角包牛油味重，一層一層的，很酥脆。熱檸檬水很清新好飲。

蜜糖雞翼是我每次都必點的，雞翼外皮金黃酥脆，內裡肉質鮮嫩多汁，口感極佳。蜜糖的甜味適中，恰如其分地提升了雞肉的鮮香，而不會讓人感到過於甜膩。辣肉腸火腿煙肉意粉都係我好鐘意食的，意粉的份量相當足，不僅有辣肉腸和火腿的美味，還加入了煙肉，令整體風味更加豐富。意粉的煮法恰到好處，醬汁濃郁，讓這道菜充滿層次感。

買左蜜糖雞翼同煙肉蘑菇薯蓉蜜糖雞翼正正常常，同平時一樣但煙肉蘑菇薯蓉有燶味，見到個底燶燶地應該煮過龍，原本上面無燶想照食，但燶味重到唔想食，希望注意一下……..

好耐都無係沙田食早餐，今日咁啱過開來附近食早餐，所以就上來連城廣場的euro go go。好耐都無來，早餐的選擇唔算多，但經典既番茄湯通粉依然係有得揀由於最近經常都出街食，所以揀左健康清新之選-酪脆香蕉🍌杯配法包，配熱咖啡☕️開頭都糾結左一陣，覺得依個份量未必夠飽，因為轉頭仲要行好耐，但係又唔想專登加個通粉，因為額外加要$12，小貴。意外係，食完都夠飽其中一定要讚下個多士，烘得啱啱好，可能因為早餐時段唔多客，可以慢慢整，所以質素真係唔錯！

上星期六帶咗班細路出沙田行個圈，諗起好耐冇去幫襯過eurogogo，咁啱班細路又想食pizza 意粉，Perfect Match 😎上到去，已經有條小龍，我哋排咗大概20分鐘都有位啦，今次我哋撞啱係下午茶時段，我哋叫咗3 set 下午茶再A-La-Carte左個pizza 和意粉。食物好快上枱，首先係蒜蓉包，味道方面尚可，我嫌佢唔夠蒜味，濃多小小就perfect 啦。跟住落嚟係最好味嘅蜜糖🍯雞翼，估唔到有咁好味，呀囡呀仔爭住食，叫咗2份都唔夠喉，🍯雞翼入口好Juicy，甜蜜蜜既味道充滿成個口腔再刺激你嘅食慾（好似有啲誇張咗😂），不過真心真係好好好食😋，係必食推介。到Pizza上枱，我覺得佢哋嘅pizza冇以前咁出色，味道加口感退步咗，希望下次再幫襯有改善喇。至於其他食物&飲品中規中矩，冇乜特別，不過要讚吓既就係所有食物都係熱辣辣上枱。💚Tea Sets 1）蒜蓉包 4片 $422）蜜糖雞翼 5只 $60 x 2份🤪跟餐加$加購▪️鮮茄湯通粉+$12▪️酪脆香蕉杯 +$22💚餐飲（凍飲+$5 / 特飲 +$10）1）凍蜜桃茶 +$102）凍荔枝茶 +$103）凍朱古力 +$10💚A-La-C

經過沙田，唔太肚餓又想食小小野，就去咗euro go go 度食 （相信大家都對佢唔陌生，因為都幾多間分店）。時間岩岩好有tea set 😂😂😂 🌟 菠菜汁魚柳闊條麵芝士味都幾濃郁，闊條麵口感好軟，而且唔會太硬好難咬🌟粟米薯蓉薯蓉係用真薯仔做既，非常之有咬口，唔鍾意食一pat pat薯蓉嘅人可以試呢個，真係唔錯！ 值得推介 ❤️🌟凍既蜜桃茶有好香嘅蜜桃味，仲有唔少既蜜桃肉喺入邊，凍冰冰，啱晒夏天飲👍🏻👍🏻

Shopping完去食嘢，有意粉、pizza 餐的輕式快食「Euro go go」 啱曬。餐廳內座位唔算多，但若然天氣涼爽，戶外的那些座位都不失一個選擇。Order咗蘑菇肉醬意粉餐，跟餐有送飲品，還可配蒜蓉包或田園沙律（杯）,揀咗要蒜蓉包，加$10有班戟:香蕉和蜜桃味，揀咗蜜桃味。意粉夠味道，可見紅蘿蔔粒粒，片片蘑菇，真材實料，本人最驚喜的是份班戟，蜜桃肉多多，搭配忌廉，好有口感另外一份餐係半份超級pizza，跟餐要咗沙律，紙杯盛住，薄批，有牛肉粒，菠蘿，味道尚好。食完又追加咗半份百寶 pizza 餐，好似唔見餐牌可揀鬆厚定薄批，就冇特別問了，來的薄批。呢款唔同之處係有少少青椒，椒最後撇開咗，忽略。

每次出街諗唔到食咩，第一時間都會諗起euro gogo，點解？！因為性價比高之餘，仲要坐得都幾舒服，今次黎到沙田行街，緊係要幫襯呢間euro gogo啦～～～蜜糖雞翼一如既往咁好食，大隻雞翼，配上滿蜜糖，真係好好食🤤千島海鮮pizza(半份）雖然只有三塊，但勝在味道唔錯，千島醬同海鮮好夾，個簿餅底好脆，絕對唔會食一件就飽鮮茄磨菇腸仔意粉每次都必點，茄汁味好濃，好多磨菇同腸仔，意粉焗得岩岩好，一點都唔乾

由細食到大嘅餐廳，從來都未遇過態度咁差嘅員工，唔想做不如唔好做😿每次見到女員工都勁bad trip，決定食埋今次唔會再食，食餐飯都要俾人呼呼喝喝，做錯事仲叫我地睇cctv🤢

今次係第一次幫女友小熊D朋友睇風水! 小熊一直都唔多信占卦風水，就算批中佢遇到賊，正正第二日佢就遇到賊! 佢都唔多相信，只係拋底一句 "有咁啱得咁橋開口中啫....".佢唔信我都矛計! 今次係佢同事住係沙田中心，想搵人睇睇風水，見到小熊手袋掛住D風水小飾物，一問之下才知詳情，姻緣際遇下就咁上咗去睇風水.睇完風水，小熊話肚餓，提意去 Eurogogo.Eurogogo 有兩件事難忘，第一係 pizza 可以買半份，第二係我於 open 寫文見意佢地售賣西湯，轉個頭佢地真係出西湯!所以幫襯 Eurgogo 咩都可以唔叫，西湯一定要幫襯.首先要讚一讚沙田哩間分店，餐廳廚房面積細細居然可以出到咁多款菜式，速度又快，抵俾個大讚! 西湯野菌忌廉湯濃郁又熱到辣咀! 飲果時要小心，而用個紙杯裝湯感覺有D奇突.點咗半份 Pizza 名叫"百寶" 餡料有蘑菇辣肉腸菠蘿雞肉茄肉同青椒， 最欣賞係餅底，香脆口感係我杯茶.香港已經唔多餐廳有薯皮供應，Eur 嘅薯皮最緊要點酸忌廉汁，一點上惹味提升，小熊都食到褶褶聲!"喂喂喂! 小熊! 餐飯你未俾翻錢我喎....""做你女朋友唔係應該你請咩!"原來..... 我先

一個人食野冇咩所謂，叫左份法式薯蓉焗田螺同超級pizza（半份）。我欣賞餐廳的出餐速度非常快，碟碟野都熱辣辣。超級薄餅Pizza上面鋪滿各款肉類，味道豐富多層次。值得推介的是法式薯蓉焗田螺。薯蓉當中有一粒粒的薯仔粒，增加口感！加上香濃的牛油，一條條的芝士，再配上田螺，是最好味的薯蓉！

這幾天天氣很好，相約朋友出外走走大家諗起很耐沒有行山，所以今日就約中心點沙田起步。行山前去醫肚先在附近商場搵餐廳，快吃個早餐啦！假日早餐有幾款🥪芝士吞拿魚法包🥖(2件) 配鮮茄湯通粉 $48火腿香腸鮮茄湯通粉 配 熱脆牛角包 $48鮮茄湯通粉都幾足料，湯底香濃酸酸地而通粉夠煙韌，還有雜菜很醒胃。熱咖啡☕️幾濃厚又幼滑，熱檸茶個茶底濃了一點喝下帶苦味。牛角包🥐新鮮即點即焗，所以很鬆脆。芝士吞拿魚法包🥖估唔到都幾好味，餡料豐富配合芝士一起焗很惹味，法包熱辣辣很鬆脆。

今日行完山，返沙田食野，最方便當然在火車站搵食。我們叫左個全芝士蕃茄pizza餐。Pizza係傳統意大利薄餅，濃濃既蕃茄醬，厚批底，好飽肚。甜品係香蕉班戟，味道中規中矩。

近來出親街食飯，都偏向簡簡單單。就算想食下意粉，鋸返塊扒，首選都是一些性價比高的大眾化餐廳。這一天，同太太二人來到沙田買野，行街前想先把肚子醫好，於是我們想起《Euro Go Go》這一家連鎖西餐的老字號。簡單地，每人一個意粉餐，吃飽就好。最簡單，最經濟的選項，就是一人一份午市套餐。其中一個前菜是餐湯，所以就有一片蒜蓉包給我。厚度適中的一片，內心亦充滿了蒜蓉牛油，是香脆可口的一片。餐湯是味道濃郁的野菌忌廉湯。已經不理會這是現煲或是用湯粉煮開的湯品了。總之，熱辣辣的湯，給予我們的感覺是香滑可口。配合蒜蓉包一起吃，味道更佳。另一個前菜，是田園沙律。味道雖是不錯，酸度亦令大家滿意。但食食下就吃得出，杯內的蔬菜，唔係樣樣都咁新鮮。素食的主餐，是意式青瓜蘑菇鮮茄意粉。很重很濃香的蕃茄醬，已經立即令食客感到開心。酸甜的味道，加上清新可口的蔬菜及芝士作為整個焗意粉的靈魂，令我可以這樣說：『沒想到素食也可以這樣的美味。』肉食的主餐是芝士白汁海鮮意粉。因為有海量的芝士同海量的白汁，整份焗意粉直頭是香濃香滑。內有不少的蝦、魷魚，魚肉等等，用料算是十足的啊。非常好。前菜小食的其中一個選擇竟然是蜜桃班戟。所以