euro go go

第一次食 pizza 啲材料系成只蚬连埋壳🫨，从来都系攞起件 pizza 就直接放入口，冇谂过要蚬还蚬食， pizza 还 pizza 食，如果冇睇清楚就放入口，咁就真系连棚牙都俾埋佢😖PS：唔知有冇龙虾 pizza，系咪都系原只龙虾连壳上🤤🤭…查看更多

呢度食嘅焗意粉同埋Pizza甜品都唔错价钱亦都好相宜, 叫咗个意粉加$10就可以有一份香蕉班cake，其实食完个意粉都好饱， 但系钟意食甜品嘅我点可以错过呢😙个意粉都唔错呀芝士味同白汁加埋都好match …查看更多

Eurogogo 系唔算好多既连锁西餐店，屋企人嫌价钱略贵。老实讲，佢晚餐既性价比系唔高，不过我经常黎食佢既早餐，推荐农夫比得包餐加通粉，个包好食，出边餐厅比较少有，成日食港早ABC餐既令一好选择。令一个近期常食系吞拿鱼法包餐，因为即叫即整，每次上黎热腾腾，加上吞拿鱼都唔少，呢个餐就包埋个通粉，食埋啱啱好，惟一美中不足既系间野除左通粉之外无其他面食类选择，咁多年都系咁，唔知有无机会改进下呢不过连锁店都应该好难有咩听意见啦！…查看更多

年三十早上，同朋友去元朗行山，行山前首要任务系医饱个肚先！殊不知大部分餐厅已经收炉，我地左扑右扑先揾到位于元朗广场嘅euro go go，骤眼睇门外嘅餐牌都几吸引，于是我地决定食呢间。排咗大约十分钟之后就可以入座，我地一行二人被安排坐喺一张窄窄嘅二人枱，张枱窄到放两个餐都有啲困难，如果大动作啲一定好易倒泻野。我地各嗌咗一个早餐C：火腿香肠鲜茄浓通粉配热脆牛角包，跟一杯热饮，盛惠$48。本身睇佢个餐牌，以为碟通粉会好大碟，点知碗口甚浅、份量极少；惟一嘅安慰系牛角包够大件脆口，但整体嚟讲仍然系偏贵，性价比低，用一句成语嚟概括：华而不实。…查看更多

早餐我成日都会黎食农夫彼德包。所以一定要推荐下。再叹埋杯咖啡，真系一份享受。坦白讲，呢间野性价比不错，一来成日有优惠券买，变相八，九折左右，当然有人会觉得给绑住，不过都要佢食得落口先得既，二来d位够宽落。唔会转身整到人。加埋一路食一路睇新闻，坐几耐都得。讲返个彼德包先，好健康，蔬菜搭配为主，d菜好新鲜，非常好食。我次次都食佢。有时比较饿，就会叫多个通粉，个通粉细细碗，容易入口，不过如果要食多d既人，可能未必够饱。…查看更多