Espuma (H8) (已易手) 新餐厅

尖沙咀-Espuma：魚蝦蟹下午茶（HK$258/2人set +$15轉果茶 +10%)-星期日，閨蜜日，主要想搵個地方傾下計，今次就選了位於H8既espuma下午茶，呢期以「魚、蝦、蟹」為主題，有齊鹹點、甜點、鬆餅，用轉盤上，中間仲有3粒白骰朱古力，圍住既有魚：杏仁豆腐錦鯉蝦：牛油果蝦多士卷蟹：吉列蟹棒、蟹仔紫菜蛋糕雞：黑椒雞粒伴約瑟布甸金錢：蘋果金寶其餘有冬瓜蘑菇紅菜頭撻、鮮果雪糕漢堡、蝶豆花鬆餅，都係少見既下午茶item💓-最喜歡no. 1 係熱水果茶，大大壺，欣賞佢係用蠟燭慶住，坐左兩個鐘去到尾仲有熱茶飲🤤唔怕傾到口水乾。no. 2 係鮮果朱古力雪糕漢堡😂其餘味道食材都係一般水準，食創意同擺盤搭夠！-總結呢個下午茶幾有趣岩哂打卡，仲可以慢慢坐，但份量偏少同埋味道就唔特出，不過一分錢一分貨，呢度人均只係百幾蚊，壺茶都值$50啦，想平平地食個tea可以考慮下。—------------•

巴馬風乾火腿薄餅~餅底薄薄脆脆，上面鋪上切功了得，大小均勻嘅"巴馬風乾火腿"，味道甘鹹。加配香葉和蕃茄，不覺半點油膩，一種清新大自然口感！醬燒豬肋骨配炸薯條~秘製醬汁燒製而成，整排豬肋骨汁料均匀入味，肉汁豐富，鬆化幼嫩，味道濃淡洽宜 ; 薯條更用上新鮮食材，水份控製非常有水準，外焦內嫩，新鮮薯香，香脆可口！窩夫雪糕~窩夫微暖鬆軟，配上冰冷雪糕，兩者踫在一起有很好化學作用。輕輕甜度，再以細緻鮮果點綴，味道清甜芬香。再來一個生日祝福，比一個普通生日蛋糕更有特式，好一件美麗藝術食品！讚呀…

其實自己未黎過食，係因為有朋友生日，話想食就book左呢間，上到黎覺得環境幾好，燈光ok，影食物相一流。唯一係枱同枱比較迫，同埋唔知係樓底矮定咩原因呢度講野啲聲好嘈咁囉~野食黎講相對不錯，都幾別緻。磨菇湯，好白磨菇味又唔會太油膩~呢個跟餐嘅小食，都幾好食，佢地啲帶子都好香，底下果塊肉朋友話好似蠟腸🤣🤣🤣呢個係香煎帶子配牛油果汁，凍食嘅都幾特別，不過係粒帶子細粒左少少，同相片比較有落差咁…海鮮西班牙燴飯，我自己唔太鍾意食西班牙燴飯，同Risotto唔同，呢個燴飯係會再硬身啲，感覺再生米啲咁囉，不過佢上面海鮮都幾多種類同幾好食，呢個有誠意，值得一讚。牛扒，我地叫7成熟，廚房都做得不錯冇多冇少，係個牛扒本身唔係太靚咁~巨形Oreo甜品，好得意呀！個味都好好食，甜度OK，唔會太漏~最後我地仲係餐廳訂左個生日蛋糕，佢地仲幫我地影左張寶麗來送俾我地添~但個生日蛋糕就唔多好食，太多cream~好漏~

平時喺香港食飯唔係食西餐就係食日本菜，好少食西班牙野，今次同朋友來尖沙咀試吓呢間西班牙餐廳😁😁呢個深海八爪魚作為前菜真心推介，八爪魚有少少鹹鹹地，去買橄欖油同沙律菜一齊食，健康之餘又好味😋😋蜜糖單骨雞翼，好用心咁將雞翼剪咗做單邊，接觸蜜糖嘅面多咗，好甜好好味😆😆青胡椒天使麵，雖然係白汁，但係因為有青胡椒係入面，同平時嘅白汁唔一樣，少咗好膩嘅感覺☺️帶子好好味，食得出好新鮮，感覺上同牛油果醬唔係太夾，不過都唔影響我覺得佢好食😉三重芝士pizza，如果冇記錯佢係有羊奶芝士係入面，可惜我係唔食羊奶芝士，最後只好叫朋友食哂佢😜😜最後呢個甜品，為一餐飯畫龍點睛，好似雞蛋糕既味道但鬆軟好多倍🤤🤤🤤🤤

今日突然想食西餐, 便選了這個未試過的餐廳試試。一入去，發覺環境很闊落，佈置也很有心思，可是不知為何人很少，整個地方只有3到4張枱有人，所以很安靜，很適合聊天及渡過悠閒的下午。這裡的午餐包了任食沙律、餐湯、主菜及飲品。最平宜的話$78已經有交易，真係幾抵。任食沙律: 這裡的任食沙律選擇不是很多, 大部份都很大路，味道屬正常水平，特別一點是佢有煙三文魚呢，拉高了整個lunch的性價比~~餐湯: 幾好味，不能有點過咸主菜:  香焗鮮蕃茄豬扒飯($88) 好好味，好大份，芝士焗得超香, 令人想食哂佢, 豬肉水準亦可以。雙重芝士蟹柳棒薄餅 ($78) 其實也很大份, 不過我不太喜歡它用的芝士，所以有點減分了。飲品: 點了一杯凍檸茶及+$15叫了杯招牌水果茶, 杯水果茶真係好鮮甜，$15絶對物有所值。整體食物質素不錯，環境非常好，值得再次光臨~

呢度嘅tea set出名多花款我同好姊妹已經係第三次嚟架啦～一個美好嘅星期日下午，睇下有咩新搞作先環境一如既往嘅舒適今期tea set嘅主題係「魚蝦蟹 $258 / 2位」餐牌同上菜碟都別具心思先來嘅係「葫蘆蝶豆花鬆餅」小巧精緻，鬆餅烘得剛剛好仲加入咗而家好流行嘅蝶豆花配埋忌廉同果醬食一樣咁夾「黑椒雞粒伴約瑟布甸」有啲中英cross over嘅感覺!因為黑椒雞粒味道有啲似珍珠雞個種，幾好味「冬瓜蘑菇紅菜頭撻」非常吸睛嘅紅色撻皮裡頭嘅蘑菇類似沙拉嘅調味「牛油果蝦多士卷」我好鍾意食牛油果，外層嘅多士又夠脆幾特別，坊間好少見有得食「吉列蟹棒」香口野係好姊妹嘅最愛炸蝦就食得多，炸蟹棒你食過未～「蟹仔紫菜蛋糕」見到兩隻蟹仔係蛋糕上面，造型可愛而中間真係食到一粒粒紫菜「蘋果金寶」充滿肉桂味嘅蘋果粒配上面層嘅粉糠完全係同食緊一個大嘅蘋果批一樣，好味！「鮮果雪糕漢堡」個人認為係成個tea set最可愛嘅一款迷你漢堡入面嘅"漢堡扒"係朱古力雪糕而"番茄"就係士多啤梨一啖一個漢堡包，完全冇問題哈哈！「杏仁豆腐錦鯉」喜歡杏仁味嘅我就非常喜歡因為佢嘅杏仁味好濃～唔好唔記得中間嘅「白骰朱古力」呀～仲有我每次來必

Book 左星期五晚 dinner, 用餐時限2小時，人很多，門口keep 住都多人等，部份食物製作時間要半小時至45分鐘，但餐廳店員態度欠友善，食物質素很一般, 不會再光顧。

呢個weekend冇乜特別野做就同左媽咪去食afternoon tea!新嘅下午茶set就過嚟同媽媽打打卡啦！下午茶時間都幾多人見到呢個Menu急不及待帶返個set先每次嚟到都好期待食佢哋自家製嘅鬆餅真係好好食小甜點小咸點都各有少少有蝦多士、魚形椰汁糕、蛋糕、渣蟹柳、炸春卷......啲點心全部都好的骰！🤩🤩🤩好鍾意食呢一個朱古力雪糕漢堡！成粒入口解暑嘅感覺！有啲signature嘅飲呀做咩我哋都係揀番啲水果茶

去到先發現食過幾次依間餐廳😂以為係未食過！不過唔緊要啦見到menu好吸引而今次黎主要想試下豬手~✨豬手$238份量都幾少🤔但味道還是不錯的好快就上枱外皮焗到有少少硬 媽媽話會介口✨鵝肝黑松露醬意粉$148依個好食~配料幾多又夠入味我地成碟清晒😆✨巴馬風乾火腿薄餅$118有小插曲…本來係叫左另一個pizza但個邊焗到好燶同侍應反映後好好咁換左俾我地~大讚換左個薄pizza 餅底好香脆~✨招牌水果茶一開始少少淡 放耐d飲會更濃味☺️好飲!✨流心軟芝士麻糬厚鬆餅$108我就為左佢黎既!勁鬆軟!!一切開入面既餡就流晒出黎😍但視覺效果雖然好吸引 個餡其實就無咩味好彩個蛋糕好軟熟~唔會好難食總括而言, 同朋友聚餐依度係幾適合~不過價錢就少少貴啦 因為d野都細份味道：★★★☆☆價錢：$$$

假期要去chill翻餐見到哩度推出左個平平地又好豪華嘅tea set, 忍唔住就要黎試下$258兩位有鹹有甜真係好食得過咖！見佢地又有新出嘅夏日凍飲，所以一人叫左一杯黎飲哩杯佛系假期，溝左apple cider, 感覺好fresh 哩杯Aloha! 就用左plum，好少有餐廳用來整mocktail, 味道特別，值得一試！Tea set 黎啦！假期見到整到咁靚嘅食物係特別賞心悅目嘅就等我續樣介紹則邊嘅係藍莓嘅鬆餅，夠晒鬆化，dip cream 同 blue berry sauce 都好match! 後面粉紅色嘅tart係用紅菜頭整嘅，溝埋入面嘅蘑菇，前所未有嘅配搭！炸蟹柳炸得夠脆，好味蟹仔紫菜蛋糕，鹹鹹地又帶小小甜牛油果蝦多士卷個皮捲到薄薄地，加埋牛油果同蝦，good 雞粒布甸，襯埋下面個tart好軟鬆，加埋黑椒雞肉睇落係鹹嘅burger, 其實個餡係朱古力雪糕甜甜地又鹹鹹地杯仔Apple Crumble，暖暖地嘅蘋果肉加埋面頭嘅玉桂，真係夠哂香杏仁豆腐錦鯉，唔太甜，又好滑，正合我意

一大班朋友聚會時會鍾意玩下魚蝦蟹， 今次朋友帶我來。Espuma 吃魚蝦蟹 Hooheyhow下午茶... 說實話，好喜歡～～ 轉盤好cute 😍😍 中間三粒白朱古力骰仔，感覺好真實，在玩緊魚蝦蟹~~ 冬瓜蘑菇蓉紅菜頭撻: 紅菜頭撻配上切粒的蘑菇的確是很好吃，更是爽口 葫蘆蝶豆花鬆餅: 口感鬆甜，配上果醬食，不會平淡也不會過分強勢，口感方面更加豐富 黑椒雞粒伴約瑟布甸: 雞粒有黑椒調味，香味很足，夠惹味又juicy 吉列蟹捧: 包裹的蟹捧，大咬一口，新鮮爽脆，超級好吃 香脆觸仔紫菜蛋糕: 蛋糕上層有脆口蟹仔， 蛋糕口感鬆軟，就十分美味了 杏仁豆腐錦鋰: 口感上清新，杏仁味濃， 甜甜的是夏日不可缺的一部分甜吃 鮮果雪糕漢堡: 提提你漢堡中間是朱古力雪糕，要先吃搭配士多啤梨及奇異生果，好看又好吃 黃金蘋果金寶: 香甜金黃的、果肉厚實的蘋果，酸甜順滑的口感帶來視覺和味覺的雙重愉悅 牛油果蝦多士卷: 營養價值豐富的牛油果搭配鮮甜彈牙的蝦肉，每一口爽爽，讓你幸福感滿滿 環境十分舒適，可以來嘗試一下哦！

食少女風夢幻感覺既tea set就食得多，今次黎個特別，玩味感十足既tea set，名堂係魚蝦蟹HooHeyHow~一如以往，有齊鹹點甜點。食品有有吉列蟹棒、牛油果蝦多士卷、黑椒雞粒伴約瑟布甸、冬瓜蘑菇紅菜頭撻、蟹仔紫菜蛋糕、杏仁豆腐錦鯉、鮮果雪糕漢堡、蘋果金寶、蝶豆花鬆餅、白骰朱古力。同埋包左兩杯飲品，價錢算抵食， $258/2位我最鍾意係個鮮果雪糕漢堡，好特別，好得意～我地叫左兩壺花茶～

本身實在太短時間傾計，係附近搵左一輪餐廳，最後揀左呢間食。佢有tea set，但我地無揀到，想食啲熱食。左揀右揀，最後要一份pizza share，好似開心啲。呢個我地真心讚（可能係我地係無任何期望），好好味，pizza唔算簿，咬落去係豐富，有芝士唔會好「漏」，味道剛剛好，等都值（係下午茶無人點呢個，係要時間整）。飲品方面，朋友唔想飲咖啡，有果茶可以揀。忘記咗佢係點咩茶，佢話味道都ok，唔會係好死實嘅果味，唔會話太甜。我就叫咗泡沫咖啡，加咗咖啡粉上去，味道可以。

今日开学了，葵涌石蔭真的沒有什麼特色的食肆，入到翠河叫左杯奶茶，雪菜夕肉米線，茶味夠适中，带甘，米線湯底夠热，早餐來讲算係甘上下，服務員态度接受，不过不失!!!

親愛的自從嫁人生子搬至新界後，甚難約會見面。難得她能抽出半天，找個環境較舒適的地方與她暢談，吃個下午茶，便想到這裡了!原本想試最近推出的tea set，但tea set 似乎不夠填飽她的胃，故此還是點她喜歡吃而又飽肚的食物吧! xp 最後選了兩款她愛的主菜和一款我愛的甜品。炸魚柳配薯條 ($98) 有兩大條魚和份量不少的薯條! 雖說炸魚看上去頗大條，但實質魚肉沒有很多，但質感尚算滑身；炸粉頗為香脆，但有點過厚了，炸皮與肉中間仍有空間，如炸粉弄得薄身一點會更好呢! 薯條配上人他醬和茄汁，香脆又惹味!天多利香草烤雞腿 ($158)份量不欺場呢! 雞的香草味頗為濃郁，外皮烤得頗為香口，肉質雖不至於嫰滑，但亦不鞋口乾身，每一口也能嚐到雞肉；下層是烤薯，能增加飽肚感，也不錯!到我最期待的甜品-流心軟芝士麻糬厚鬆餅 ($108)，上次來時已很想吃，今次終於能試到! 鬆餅比我想像中大件! 真的是即製的的甜點，一上桌時熱烘烘，一切開去流心的軟芝士餡傾瀉而出，完全令我們著迷! 鬆餅其實就是蛋糕，質感鬆軟，外皮也帶點微脆口感，蛋香頗濃，與濃郁的軟芝士餡真的是邪惡又好吃的配搭! 正在好奇麻糬在哪裡，原來藏於