Espresso Alchemy (如心廣場一期)

营业中

休息中

今日出左荃灣同朋友行左一陣, 想搵間cafe舒舒服服坐下食少少野, 途經如心呢間Alchemy Coffee, 落地玻璃望入去環境好chill, 所以我地就係呢間cafe落腳😇入到去, 侍應好細心即刻遞上餐牌, 告知我地係cashier take order香煎虎蝦配蘆筍辣番茄汁意粉🍝大大隻虎蝦爽口彈牙無雪味, 配以少少辣辣地嘅蕃茄汁, 消除油膩感, 都幾開胃, 意粉煮到煙韌Al dente嘅口感, 份量亦頗多😋Homemade Loaf Cakes (Coffee & Pecan)呢個cake好有誠意, 看似一舊石頭咁, 實的的, 食落好綿密, 有好香濃嘅咖啡味, 仲有核桃, 口感豐富, 呢個出色, 估唔到咁有驚喜😁Matcha Latte🍵一向都係抹茶控嘅我必定飲抹茶😆😆😆拉花好靚, 入口有抹茶嘅甘甜, 牛奶嘅順滑, 我鍾意💚Iced Latte咖啡味幾重, 飲落好順滑, 飲到最後即使d冰溶左, 都唔苦澀

呢度地方好就腳，西鐵站經商場天橋行過黎就到！叫左杯咖啡、意粉同蛋糕，好飽！！白咖啡 有拉花好香濃，奶味較重但又不失咖啡既味道，岩我口味！！厚切煙肉卡邦尼意粉煙肉因為厚切，所以唔會好乾，好稔，有少少似煙鴨胸既口感😆有煙薰既香味！好食！意粉軟硬適中，個醬汁好好味！好多又好creamy !岩晒我！配搭得好好！👍🏻👍🏻香蕉蛋糕材料好足，上枱前會整一整熱。好香香蕉味，蛋糕鬆軟，一件好大件！！所以食完以上超飽！唔錯！會再食既餐廳！

平時想飲杯咖啡食個意粉，又想經濟啲就可以嚟呢一間咖啡店，因為佢有午市套餐$74起。有沙律、Panini、意粉、漢堡等等，加$11又有咖啡或者唔同嘅飲品,價錢算幾抵.我哋每人叫咗一個午餐。揀咗一個厚切意大利煙肉卡邦尼意粉🍝、一個檸檬汁烤雞煙肉芝士意大利三文治🥪。飲品揀咗一杯cappuccino，一杯朱古力咖啡☕️另外再散叫咗一個西多士作為甜品。呢度嘅咖啡好飲，咖啡味香濃。兩杯咖啡都唔錯。卡邦尼意粉份量夠多，而且醬汁香濃、煙肉幾香。另外烤雞意大利三文治烘得幾香。最後甜品西多士大大份，配上藍莓醬酸酸甜甜。

美好的一個早上來一杯 Ice Americano 🧊😋 加一件最喜歡的 咖啡胡桃蛋糕真的很爽，兩者配合得宜咖啡味互相輝映。友人的 cappuccino 心型拉花圖案出色， 咖啡的風味為主調，奶味不重。我們還點了兩份主食分享， 一份是牛油果碎蛋貝果沙律，貝果烤得脆脆的，配合冰冷的牛油果碎蛋很搭，旁邊的沙律菜好fresh 。 另一份是青醬烤雞蕃茄芝士意大利三文治，芝士溶化在蕃茄和三文治中間咸咸香香的烤雞嫩嫩的，整體美味值得再去。

荃灣西Espresso Alchemy.味道：7/10🌟抵食：7/10🌟環境：8/10🌟.今日帶大家黎到荃灣一間cafe hea下😌叫咗兩杯嘢飲同一份三文治🥪lce latte上到黎有好靚嘅分層😍咖啡豆應該係中烘，飲倒咖啡香味同微微酸味，唔錯👍🏻另一杯係熱朱古力🍫有好靚嘅拉花☕️朱古力唔會太甜，味道都幾濃郁，仲帶有小小苦味😋三文治入面雞肉都幾多，味道就普普通通😉不過小編平日黎，間鋪冇咩人，就覺得幾好坐😌.#香港 #食評 #foodie #食好西 #instagram #香港好去處 #香港美食 #打卡 #荃灣西 #荃灣西cafe #荃灣西美食 #荃灣西好去處 #打卡 #cafe打卡 #咖啡 #朱古力

Lunch可以試試來這家人氣高嘅cafe，無論早上或是lunch時間都好多人去食，食物質素不錯，環境優美，舒適。今次同同事就系2點多來，都系要等位，但都快入座。主食：香煎虎蝦配蘆筍辣蕃茄汁意粉呢個主食都好多人推介，虎蝦大隻而鮮甜，份量適中，可以兩個人share 食。意粉彈牙，蕃茄汁香濃，汁又吾會太辣，而且好開胃。沙律🥗：煙三文魚沙律配檸檬醋醬三文魚多又大塊，食落都新鮮，沙律菜好多，檸檬醋醬帶來酸甜酸甜味道。但建議撈一撈先，因為醬汁系底，撈一撈比較均勻。如果想要更多汁，可以問問侍應加。呢兩份都系lunch set,可以配杯咖啡。而今次都系加錢加大Cappuccino,同埋叫左杯Honey Earl Grey Latte. Cappuccino 咖啡同奶調得剛好，而且拉花又靚。而杯Earl Grey 都好重茶味，超喜愛😻

青醬雞胸沙律新鮮爽脆嘅沙律菜沾上檸檬醋醬，酸酸哋好開胃。仲有車厘茄、黑橄欖同埋最愛嘅意大利油漬乾蕃茄。主角雞胸肉，低脂健康得嚟又腍又滑又入味，青醬香味好濃郁，非常可口。檸檬汁烤雞煙肉芝士意大利三文治麵包外皮香脆，內裡鬆軟，夾住一層煙肉、一層芝士再一層雞肉，層次分明，香味濃郁，味道豐富。厚切意大利煙肉配卡邦尼意粉意式煙肉質感柔軟，口感豐富，味道鹹鮮。軟腍嘅意粉配上濃稠適中嘅忌廉汁，口感creamy幼滑，香味濃郁。All day breakfast豐富的全日早餐，有菇菌、薯仔、蕃薯仔、煙肉、香腸、炒蛋、牛油果、蜜瓜同牛角包，搭配得宜，味道豐富。生酮竹炭黑芝麻忌廉卷外表雖然係黑掹掹，但蛋糕好鬆軟，包裹住濃厚軟滑嘅忌廉，芝麻香味好出，加上生酮概念，值得一試。Earl Grey Chocolate香濃順滑，朱古力味香甜可口。Honey bee酸酸甜甜，夠汽解膩。

All Day Breakfast 食材多元化，一次過滿足晒個人需求😉營養豐富又美味😋牛角包🥐炒蛋，炒雜菌，腸仔，煙肉，車梨茄，哈蜜瓜，牛油果🥑青醬雞胸沙律配檸檬醋醬健康之選，fresh 得黎又美味！雖然係雞胸肉，但好嫩，豐富嘅蛋白質，連小朋友都鍾意食👍🏻😆厚切意大利煙肉配卡邦尼意粉檸檬汁烤雞煙肉芝士意大利三文治外皮香脆，各種食材好夾，一啲都唔漏👍🏻生酮竹炭黑芝麻忌廉卷芝麻味濃郁，蛋糕卷配埋忌廉，入口即化，而且無糖，冇麵粉，連糖尿病嘅人都可以食用👍🏻Flat White (Large)朝早黎杯咖啡☕️，個人都精神啲😉Earl Grey Chocolate (Large)伯爵茶配朱古力，口感濃滑得黎，又唔會太甜

今次叫埋朋友過嚟呢間cafe,一如以往都有免費泊車就泊咗過去如心廣場!泊車非常方便有很多位而且一上到去就到咗cafe雞胸沙律配檸檬醋醬9/10分。呢個係非常健康嘅一道菜，上次食咗雞胸都係比較可以的，今次就要點個沙律，發現佢呢個嘅沙律。分量非常多無論菜同肉方面都係檸檬汁烤雞煙肉芝士意大利三文治9/10分。足夠一個人食嘅早餐。食完仲有d飽肚而且味道正常法式西多士配雜莓醬8/10分。雜莓醬唔會太甜比較天然的，西多士都整得啱啱好唔會過頭。推薦飲品方面叫左Double expresso，佢呢個可以揀咖啡豆有兩種我就揀咗朱古力味比較重，整體質素正常

雖然鋪位唔大😬比個望街嘅窗口位吸引咗位置人流唔算多，至在靜靜地食下嘢享受下～·～·～·～·～·～·～·～·～·～·～💁🏽‍♀️青醬雞肉忌廉長通粉 $92每一條通粉都平均沾滿醬汁清清地唔會好肥膩雞肉好有驚喜，一啲都唔鞋雞胸肉都可以煮到咁滑🤩唔知有咩袐訣呢？💁🏽‍♀️香煎虎蝦辣蕃茄汁意粉 $122酸酸味味好易入口蝦我以為會係連殼上，但原來係蝦球味道唔係唔好味，不過就相對上冇乜特別💁🏽‍♀️Unji Matcha latte 跟set + $11(regular)最鐘意濃茶🍵甘甘地無糖好好飲💁🏽‍♀️Milk Chocolate 跟set + $11(regular)好香滑又重朱古力味🫶🏽我係其他地方飲過最差嘅朱古力係水同朱古力味妹似分開咗咁😑真係畢生難忘

呢間cafe有落地玻璃，有透光感，給人悠閒舒適的感覺。最吸引我的係雞胸沙律，其肉質特別嫩，今次還發現有生酮甜品，好味且份量夠同友人分享。青醬雞胸沙律配檸檬醋醬 $89雞胸熱辣辣，帶好香的青醬味，有甜羅勒香，味道咸咸地，雞胸不但嫩滑無渣，仲好多肉汁夠濕潤，份量多好夠飽。沙律有幾款蔬菜，加左火箭菜，微甘苦帶香，仲有醃製蕃茄乾，味道更濃，還有黑橄欖，整個沙律味道好豐富，而且用檸檬醋醬，清爽開胃又岩夏日食。Earl Gray Chocolate （L) 跟餐$16朱古力味唔會好重，令茶味無左甘苦，朱古力同伯爵茶味平衡，也令朱古力減去甜膩感，味道幾好。生酮宇治抹茶忌廉卷 $61味道有驚喜，抹茶味濃郁，有茶甘也帶茶香，忌廉好香甜細滑，甜度唔太高，抹茶蛋卷濕潤鬆軟，入口即化，好好味，必食甜品。

今日想食panini做早餐不過唔係度度都有而且仲要係好食但見到呢間cafe有就去試下今次order咗煙肉芝士火雞panini 咬落去十分香脆而且好多餡口感好豐富而且一d都唔乾仲幾juicy有少少似食緊pizza咁而男朋友就order咗炸魚wrap一黎到見到都幾大碟炸魚整得剛剛好而且入面沙律菜好新鮮本身以為唔會太飽因為都只係菜同魚但比想像中飽仲order咗一杯mocha同milk chocolate 為今日嘅開始充滿能量

今日食左個early lunch, 11點半就到左，仲有好多位選擇, 呢度有落地大玻璃對住出面廣場的小花園環境都唔錯，但亦因為近門口，冷氣有d唔夠。點左煙鴨胸菠菜扁意粉同雜菌豬頸肉burger配芥末籽醬同朋友share；黎cafe就一定要點咖啡試下，因為覺得有d熱就點左ice mocha同ice cappuccino。先講下咖啡，咖啡味比較淡，而且偏酸，我同朋友都唔太喜歡酸的, 所以覺得一般。食物方面，煙鴨胸意粉個汁好淡，而且係闊既扁意粉汁唔夠味淨食意粉就會完全無味，要配埋煙鴨胸一齊食先好d。豬頸肉buger份量真係超大，而且勁厚係無可能夾住一啖咬的，雜菌主要係鮮冬菇同白本菇，菇味唔夠香，如果用磨菇味道會出d，於是件事就變得好分開，唔夾個burger。初初以為係平時食泰式細細片的豬頸肉，點知係非常厚切的豬頸肉扒，都好好味的非常爽口同重油脂，但burger個醬食唔太出芥末味就覺得只好普通既沙律醬。無比較無傷害，呢度食物都可以既，但當食過更好的就唔會再選擇呢度了。

附近做完野都成兩點，又唔想食唔係好夠飽既下午茶，見到呢度午餐供應到2:30，就坐低食啦！Lunch set 有好多款，沙律、三文治、burger 、意粉都有，總有一款岩。最後我叫左個好豐富既午餐鴨胸菠菜扁意粉鴨胸厚切，好嫩滑，唔會鞋晒，好好味！菠菜都幾多，加埋個汁食好creamy!藍梅合桃蛋糕蛋糕鬆軟，好香藍梅味，面頭有一粒粒既合桃，食落唔會油淋淋，應該唔係加左好多油。最後飲返杯抹茶latte 就完美啦！抺茶好濃好香，好好味，唯一不足係唔夠熱，如果呢樣都做好就無得彈啦！好滿足既一餐，食完繼續返工

今日本身諗住過嚟荃灣搵朋友,然後想飲杯咖啡就嚟咗如心廣場,佢入邊有免費泊車一小時,非常吸引我呢啲揸車的人餐廳環境非常唔錯，有落地玻璃商場外面，非常開揚座位就正正常常唔會太逼每次都會點我最愛嘅朱古力咖啡8/10👍朱古力咖啡算正常不過，咖啡味可以重一啲，朱古力亦都唔算好甜啊我呢啲唔鍾意食甜嘅人！賣相亦都比較靚菠菜忌廉雞肉長通粉：9/10👏我都比較長冇食菠菜忌廉汁，今次呢個菠菜嘅分量較多比較濃郁汁水唔會太稀，而且雞肉，煮得啱啱好唔會太柴，啱曬我鍾意食雞嘅人最後叫咗個甜品，抹茶忌廉卷甜度啱啱好，唔會太甜而且抹茶比較濃！