影片
今日是BB 生日. 在3星期前就 book 定台, 食餐团购生日饭 ^^.到中环 around 7:30pm 多, 但找了很久, 在打电话去餐厅指示下,才找到餐厅.到步时人客不多, 只有2台客 (我猜也是团购的)接后就 Order . 之前见网上食评讲 menu 全英文, 现在的 menu 是中英的, 有改进 . 我们点了 :烧鸡胸田园沙律伴芝麻汁, 熏鸭卷伴梅子酱烤排骨伴薯菜粟米, 招牌汉堡伴薯菜粟米dessert 就要了 朱古力软心蛋糕, 荔枝焦糖炖蛋 先来2杯 drink . 我同 bb 都是 pine apple juice. 灯光好好好暗, 好难影相呢.所以以下的相片多不靓. 先来熏鸭卷伴梅子酱 味道 Ok, 份量不少. 可当主食了.不过皮比较难切开. 接下是烧鸡胸田园沙律伴芝麻汁好大份呀 !可惜是烧鸡胸肉硬了小小, 但都可接受 . 主菜来了.烤排骨伴薯菜粟米烤排骨都不细份, 而且好多 side dish. 团购来说十分满意.肉质好淋, 好易切开.味道是 BBQ 酱带点甜味...不过我觉得淡了小小, 再加重小小烧酱味道会更好. 另外一份主菜 : 招牌汉堡伴薯菜粟米.size 又是惊喜 la.汉堡要了 medium, 但出来是 full cook 了.味道 good. BB 都讲好味. 最后甜品先来朱古力软心蛋糕这个是用上 dark chocolate , 有点苦, 我俩都不太 like .也不是心太软, 所以无流心的. 荔枝焦糖炖蛋这个就好好味.面头焦糖好甜, 可以不吃但内裹的炖蛋好 soft 好滑 , 又不太甜, 也有荔枝粒.好食 ! 这就当生日 cake 了 ..haha.这2份餐, 团购是 $99 位, 再加一so totally $220 以团购来说, 份量, 味道 & 服务都十分满意.esp 服务好 nice, 不停自动帮我加水 , 不会因团购给我 "特别服务" , 赞 !
继续阅读
哈哈，小弟自己嘅生日饭（正日当晚去食），竟然系自己请自己。唔好以为小弟无人陪，只系以团购买咗两套晚餐，扯埋老婆试试间新嘢之外，就当埋庆生日，费事煮啫！Elgin’s晌伊利近街9号，实查有啲僻，不过小弟晌中环做嘢，对依头都算熟，只系晌公利蔗汁行过一条街就系，所以唔难揾！虽然试新嘢有少少风险，但以$99个价，包括前菜或沙律、主菜、甜品及餐饮，全部自选，随你喜欢，弹性几大，值搏率高，所以计过度过不妨勇于一试。晚上7:00到，门前一层台阶位摆咗几长小圆茶几，系俾人饮吓啤酒，睇吓街景，倾吓偈。至于里面，近门口系用餐区，大概30个位左右，入啲系饮酒区嘅吧位。客人唔太多，但环境好够气氛，除咗超高楼底，装修几雅致，并配以极之柔和、而昏暗嘅壁灯，餐枱面就近乎靠晒枱上嘅小小蜡烛灯，气氛浪漫，适合撑枱脚，但就不利我部傻瓜DC影相喇，ISO已经尽大，所以，相片质素较差，请见谅。Elgin’s卖嘅菜无话主打边个地方，中式、西式样样夹杂，睇睇餐牌就知，所谓中式梗系唔系整碟干牛河俾你啦，都系中菜西做，卖相都系西化，讲造型。个套餐包一杯果汁，但竟然唔可以转热饮㖞，就算成本最平嘅柠水都唔得，依个做法真系有啲奇，所以我哋要咗一杯西柚、一杯菠萝，当系迎宾果汁，清新吓味蕾等食好嘢！第一道菜（沙律或前菜）沙律有3款选择，而前菜就有7款选择，可以晌沙律或前菜中任拣一款，因为见前菜比较有特色啲，所以我哋同样拣前菜，我拣咗个芦笋及红椒三角卷（$48），太太拣熏鸭卷伴梅子酱（$58）。芦笋及红椒三角卷（Asparagus and red bell pepper parcels）：一客两件，三角造型，骤眼睇落仲以为系咖喱角。其实系以酥皮纸包住芦笋同红灯笼椒焗，外层酥皮纸香脆，里面嘅芦笋好嫩，而灯笼椒爽，夹埋晒一次过咁咬落去,，口感几特别。熏鸭卷伴梅子酱（Smoked duck in tortilla wraps with plum sauce）：以墨西哥卷包著生菜、红椒、烟鸭胸肉，份量十足，大份到点止系前菜，直情当主食都不为过。点少少西梅汁，酸酸甜，令鸭胸肉嘅烟熏味更突出，配上生菜、甜椒，口感更清新。第二道菜（主菜）去到主菜，6拣1，价钱由$58到$148，幅度都几大，但个团购套餐就无限你，平贵都可以拣，所以有几款都想试，结果拣咗最贵嘅烤助排伴薯菜（$148）同较平嘅胡椒虾炒面（$78）烤助排伴薯菜（Elgin’s Oven BBQ ribs / half slab with Asian slaw and potato wedges）：首先无话系团购，就将货就价，半份嘅烤助排十分够秤，水准又不赖，外皮烤得香脆，难得师傅再加少少芝麻，有啲画龙点睛之效，肉质、肉汁都做得唔错，唔嚡，多汁，咁就够晒滋味啦；伴菜仲有炸薯角、椰菜沙律。 胡椒虾炒面（Stir fried noodles with peppered shrimp）：绝对系一个中菜西做嘅例子，炒面唔系食开嘅中式炒面，唔系幼面，唔系伊面，面条似油面，圆形而粗身，质感有啲烟韧，炒得唔油，配上豉油汁，配菜有青椒、红椒、西兰花、椰菜花，都几特别。至于炒面之上，放有三只烤凤尾中虾，去晒壳方便食用，胡椒味唔算太厉害，所以仍食出虾嘅鲜味，肉质都几爽弹，所以，依个胡椒虾炒面都几有惊喜！第三道菜（甜品）经过第一、二道菜后，都几饱吓，不过，嚟到第三道菜－甜品，再饱我个肚都容得下。甜品选择唔多，只有三款：朱古力软心蛋糕、荔枝焦糖炖蛋、绿茶慕丝，都系卖$48，太太最唔好系慕丝，嫌忌廉多较肥，所以甜品好易拣。朱古力软心蛋糕（Warm chocolate cake）：需时20min，原个焗杯上，卖相唔错，但焗过笼，无软心，变咗有少少似Brownie咁，当然无正式Brownie咁实净，朱古力依然味浓，唔太甜！荔枝焦糖炖蛋（Lychee crème brulee）：炖蛋几软滑，只系荔枝味未够出，好薄，而焦糖脆面都做得OK。服务整体唔错，一对男女侍应都好有礼（好似系菲藉），不过有少少生手，而仲有一个系经理阿Jack，都好好招呼，惊你唔明个套餐，都解释得好详尽，事后都有问我哋啲嘢啱唔啱食？仲解释因为餐厅新开，想睇吓有咩改进，所以搞团购，宣传以外，就希望多啲食客嚟俾啲意见，故此，都同阿Jack吹咗几句！环顾今晚餐饭，我同太太都好满意喇，系除咗个朱古力软心劲失准，就算以正价都有兴趣再光顾。补充一下，下面嘅是次消费，是以正价计，等大家有个参考，因为团购都系做个一次半次，唔知第时仲有无，所以计番个正价好参考！
继续阅读
团购既威力，所以我买左两张 ($99 + 10% / set) 餐券 餐厅环境唔错，无咩人，较静，可以同老公仔避开嘈音，唔洗同人迫，唔洗等位，静静地拍下拖食下饭。头盘 - 鸡胸沙律 & 烟鸭卷鸡胸沙律︰ 鸡胸好硬........ 沙律ok烟鸭卷︰好食! 主菜 - 肋骨 & 汉堡扒肋骨︰熟过头.... 有点干.... 味道ok (但我啲同事话呢个系最好味的，而且好淋。 唔通转左厨师????)汉堡扒︰这个是连埋个包的，食唔晒啰。汉堡扒ok 好味架，但有略微有点 "散"甜品 - 朱古力蛋糕 & 焗蛋(荔枝味)朱古力蛋糕︰好食，软硬适中，唔会太甜，不过有点苦，是因为用了黑朱古力吧。焗蛋(荔枝味)︰good!饮品哎左两杯橙汁︰饮到食主菜既时已经饮完，大杯啲更好 (是我太贪心了吧，呵呵呵~) OVERALL，呢间餐厅唔错，但最好有埋中文菜单啦。希望佢做多啲promotion，咁就会多啲人黎食，同埋等我地再有机会买到平餐券hehhehehheheh....
继续阅读
新年刚过，决定跟一班朋友聚下，之前试过此餐厅的chocolate cake，实在是朱古力迷的必食之选，于是叫起朋友食开年饭。8点到达餐厅，由于提前book位，老板Ian早已留足8人台给我们，7人围坐反而有点空旷。餐厅不大，灯光暗暗的，每张台有蜡烛照明，很适合情侣撑抬脚。耳边环绕Jazz的乐声，墙上是大幅的袋鼠相，唔怪得老板是澳大利亚人。我们7人叫了2个starter，5个main，加上2个dessert大家share，分量不会太多，但也足够吃的很满足了。starter是Prawn wrapped in noodle with sweet chili sauce，脆脆的干面环绕在新鲜的大虾上，在蘸上酸甜酱汁，非常惹味。还没来的急影相，已经被大家吃的只剩最后一只虾了。接下来就是main course了。老板非常细心，一定等starter全部吃完，帮大家换了餐具之后再一次过上齐所有main courses。最好味就是这个面了Stir fried noodles with peppered shrimp，似乎是跟starter一样的干面，浇上香喷喷的黑椒汁，加上新鲜的大虾，蘑菇，青椒，一上台已经香气逼人。轻轻一拌，脆脆的干面蘸上酱汁立刻变软，吃到嘴里有点脆又有点轫，感觉奇妙。Poacehed sole fish with baby pak choi, 这个鱼同白菜的结合也是一绝。滑嫩的鱼片卷成一个圈，中闲留空包住小白菜，聼来有些奇怪，但是味道却出奇的夹，米饭里也有些菜碎，配上creamy的酱汁，清淡好味。唯一的缺点是配饭的酱汁少了一点，最后的米饭有点淡了。Grilled hoisin chicken with seasonal vegetables, 烧鸡也是被大家最快清嗮的，本以为鸡肉会鞋，但是却出乎意料的紧致，就算入面也有烧汁的味道。Elgin's BBQ ribs的碟真是超大，作为一个main如果一个人吃一定吃不完，由朋友执刀，正好分为7份肋骨条，一人一份。别以为肋骨很难啃，用刀轻轻一切，立即骨肉分离，微甜的酱汁配烧得很入味rib，就连唔中意猪肉的我都忍不住多食几啖， yummyQuilty burger with mixed salad, potato wedges and corn on a cob, 唯一麻麻的就是汉堡了，里面肉太干了，似乎没有酱汁存在，所幸配的薯角跟沙拉很好味，补回一些分数。对于我这个朱古力迷，最后的甜品踩是正餐哈哈。两个甜品一上台就吸引了大家的目光，特别是，造型十分精美，大家纷纷拍照。这里的dessert都是HKD68，不算平，但是分量很大，也算物有所值。先说焦糖炖蛋Lychee creme brulee，虽然老板教了我法国名，我还是很难发音，算了，吃了先讲。脆脆的表皮下是软滑到几乎流出的蛋，香甜可口，特别适合喜爱甜食的朋友，唯一美中不足的是很多店中此甜品的表面会再烧制一次，以求又热又脆的效果，但是这里就有些凉了。最后就是我的最爱，Warm chocolate cake又厚又脆的表皮很像brownie，内里是软热的似乎要流出的chocolate cake，但是又不是心太软那种液体，入口香棉，最重要是chocolate浓度相当高，一点不觉有糖的成分，如果怕苦之人千万不要尝试。总之rick chocolate就是我的最爱了，所以最后的一份cake完全被我清嗮（我是可以一个人吃掉整个cake的，现在还嫌不够呢）最后买单8xx，7个人每人120，前提是我们没叫任何饮品，外加老板给了10% off。 Thanks Ian!!!I'll definitely come the next week, for the dessert~~~
继续阅读
o系beecrazy买左两张coupon...同女朋友仔一齐黎食张coupon系$99有个前菜or沙律, 主菜, 甜品, 饮品正价好似系$249d野食不过不失...如果$99真系劲抵...但正价就一D都唔抵啰~而且个waitress唔知系边度人...D英文发音比较奇怪...听到我地一旧旧(可能系我地英文屎 =. .=)由MTR行过黎要10几mins...有D唔方便
继续阅读