Elephant Kitchen (已結業)

食西餐嘅首選已經食過3次食物好有誠意，套餐包湯、沙律、飲品好抵食店舖細細間都坐到20個人———————————————————蘑菇湯&芥辣醬沙律世一蘑菇湯👍🏻細細碗但真材實料，好濃稠好creamy，食到粒粒蘑菇，唔係好似出面用粉沖出嚟。每次飲完碗蘑菇湯都意猶未盡😍好想再飲！———————————————————第一次食叫咗牛肋骨、蘑菇卡邦尼煙肉意粉、意大利飯牛肋骨要預早兩日預訂，好大條牛肋骨，好多肉😆好震撼食完啲肉揸住條骨影相📸️———————————————————第二次食叫咗十勝豬扒、三文魚扒第一次覺得豬扒可以咁好食，外脆多汁，層次豐富😍三文魚扒外脆內嫩，都係好多汁💦———————————————————第三次食叫咗西冷牛扒、魷魚龍蝦汁意粉西冷牛扒都煎到外脆內軟魷魚龍蝦汁意粉有原條魷魚🦑～～～～～～～～～～～～首選係牛肋骨&十勝豬扒😍

😛舊址既Location 係石籬，由舊店食到而加葵興😛（1）雞扒配沙津 一直都好鍾意食佢個雞扒，因為果皮煎得好香脆，肉質十分嫰滑😋🐤另外喺呢度嘅沙律都好值得一讚💓沙律菜好新鮮，一睇就知唔係cheap貨。 加上小店自家製嘅蜜糖沙律醬🍯 好開胃👅（2）三文魚排配薯菜🍠每一次叫呢一個個三文魚都會有返咁上下份量，好抵食🤭每皮脆卜卜。 唔使太多嘅調味，因為個三文魚好新鮮👏🏻好鍾意佢哋呢度嘅薯菜係用紫薯泥🍠食到紫薯獨有既香甜😋

新既一年，拜訪朋友屋企，朋友話附近有間西餐廳幾好食，所以就決定係度用餐。餐廳座位唔太多，而剛剛開門已經好多人湧入，好彩我另一位朋友就率先拎位，拎到最後一張枱，否則唔知等到幾時。餐牌有雞、豬、三文魚及牛的主食，可配薯蓉或沙律，相信總有一款岩你口味。最後我聽從朋友推介，揀咗烤胡椒雞扒+周打蜆湯。周打蜆湯：好足料，湯入面有好多蜆肉，而且味道濃郁，唔係用味精/粉開出黎既垃圾餐湯。烤胡椒雞扒：雞扒大大件，切開都幾厚肉，肉質嫩滑，只係略嫌唔夠胡椒味唔夠。至於薯蓉係比較少見既紫薯，同樣份量都幾大，飲完湯，食埋扒同紫薯都好夠飽。呢間西餐竟然不設加一服務費，明碼實價，真係難得良心小店！

呢間成日黎食, 係舊地止時都成日黎食。雖然無咗以前好味又抵食GE牛肩峰, 但其他嘢,尤其意粉同埋飯都KEEP都水準。今晚食咗個原隻燒魷魚意粉,同埋三文魚。三文魚唔記得影相, 但都好味, 皮夠脆,肉夠滑。好食GE三文魚好難整, 好多時會煮得太耐, 好乾, 但呢份唔會,夠滑, 份量又夠多。至於魷魚意粉, 意粉夠CREAMY, 魷魚超大隻,唔算腥,但海鮮味點都會有。份量真係好大, 食完超飽。

食物係ok既，呢一區來講都做得幾好，煎3文魚同牛扒幾出色. 煎雞扒都好大塊幾惹味，但有樣野比較反感既係用餐時間. 我明白中午放飯時段人多會限制用餐時間，但我去左2次，每次個姐姐都會走來望住你進食情況，又有意無意既俾壓力你，連基本60分鐘正常用餐時間都無，就算你比前一台遲入只要你食得快佢一定會催你走…食物有幾好食都假，我同班同事都決定吾會再幫襯，食西餐接近過百元價錢仲要好似茶餐廳咁食快餐速度真係好難理解.

起葵興區返工，平時收工就想急急腳離開葵興，唔係碌返屋企休息就係衝出去其他區覓食。最近先知道光輝圍有一間唔錯嘅西餐廳，之前試過一次已經回味無窮。今次再嚟幫襯，就想將第一次嘅食評獻俾Elephant Kitchen‎，希望更加多人知悉哩間哩間出色嘅餐廳😃耳聞過哩間餐廳好多人排隊等，不過我同男朋友一收工就過嚟，都係平日夜晚6-7點幾哩個時段就相對比較靜。入內之前店員都會提醒一般用餐時間係90分鐘，但無人嘅話可以繼續坐，暫時起平日夜晚食過兩次都未見過出面有人排隊所以要急急腳走嘅情況。今次我哋兩個人食，一人一個餐，又可以Share，就叫咗一個扒+一個主菜。前菜：沙律偏大份，餐湯（周打蜆湯）味道非常濃郁，好味到好想叫店員比多一碗我哋飲😂炭燒黑安格斯西冷扒12oz（大約340g）：原價係$298，咁啱今日做promotion $250一份。上菜個時嘩咗聲，竟然二百幾蚊食到咁大塊西冷！我哋叫咗三成熟，不過食落應該似4¬5成，稍為熟咗啲啲但完全唔影響口感同味道，每一口都好厚實好滿足。味道就有少少炭燒嘅焦香味，真係非常出色。另外可以自行配搭牛油同埋焗蒜，兩樣都係牛扒嘅絕配，又有另一番風味。配菜方面，外表係

朋友介紹話呢間西餐好高汁，咁襯星期五一於食貴dd啦！不過以呢個地段，lunch time黎講都偏貴但雖然貴價，但都有好多忠實fans等位！我地都要排一陣隊先有位我自己order左一份黑毛豬配薯菜！個賣相相當唔錯！而且份薯蓉係用紫薯整！跟餐有一份細湯一開始見到以為唔飽點知其實個黑毛豬好厚切而且有一大舊紫薯蓉食極都食唔晒黑毛豬大得黎都幾多肉汁，有點點鞋口，但味道係好唔錯朋友個意粉🍝汁有d過多。但整體味道都係好出色賣相亦得人歡喜

之前來過幾次都無咩事，今次換咗個阿姐就出事喇！今次喺我哋食到一半嘅時候，個阿姐就拎張單擺喺我哋檯面，以前完全無出現過咁嘅情況，明顯係想趕客吧。跟住過咗幾分鐘，個阿姐又行埋嚟同我哋講：「你哋係咪差唔多完？」再望向門口：「出面好多人等緊啊！」我哋真係O曬嘴囉！隔離張檯早過我地嚟都未趕，就趕我哋先。（正常速度食）呢間食物質素係真心唔錯，以前喺石蔭就經常去，知道佢哋轉咗喺呢邊，都好開心開翻，又有得食好野喇～但今次之後，真係唔敢再去喇

雞扒等了35分鐘也沒有出餐不斷催促也沒有用 現場只有一半客人 一直在說下一個是我的但卻遲遲沒有出餐 已經在下單是提問需要等多久 員工說10-15分鐘就會有 整體來說是失望的 員工態度也不好本人並不建議吃。

終於開番啦💕💕💕💕‼️👦🏻🐖其中一間最愛既餐廳👦🏻🐖成日都話係梨木道果間好好食既西餐廳無左🫶🏻佢間唔時就search下🫶🏻終於開返炭燒原隻魷魚沙律 $120原隻‼️勁大隻 超新鮮 彈牙 有魷魚鮮味💕💕好正一試愛上🤣如果叫沙律建議叫少醬 會健康少少~炭燒美國黑豬肉眼 $188豬肉眼好多肉汁 唔柴醃製豬味岩岩好 唔會死咸🐖👦🏻🫶🏻表示好好食💕每個set跟一個湯 沙律 同杯野飲💕💕高質已經諗定下次再同👦🏻🐖去食

🔖 𝑬𝒍𝒆𝒑𝒉𝒂𝒏𝒕 𝑲𝒊𝒕𝒄𝒉𝒆𝒏 | 𝑲𝒘𝒂𝒊 𝑯𝒊𝒏𝒈去葵興出job，除咗嘉寶之外仲有咩好食？係光輝圍個邊比較偏僻，呢間餐廳似係最有格調🫣 所以冇諗太多就入左去食，小店竟然有驚喜！.叫左個胡椒雞扒配紫薯薯蓉，一上菜個下已經嚇咗嚇，塊雞扒真心大過我塊面，仔細啲睇下面仲有塊細嘅🫣！心諗塊雞扒成本都唔少喎。胡椒雞扒調味特別又好味🥹舊紫薯薯蓉都好夾，冇一般薯蓉咁滯，感覺好健康🤟🏻。見到格離枱叫嘅沙律都超大盤，就算係男仔份量都一定夠！👅*烤胡椒雞扒 配紫薯薯蓉 $108

🥩西冷牛扒配紫薯泥/沙律 跟餐湯$118雖然環境無咁靚，佢既質素直逼出面貴價西餐廳，餐湯係磨菇蜆肉白湯，好creamy💯仲有幾粒蜆肉，好足料！主菜上到黎，賣相好靚，紫薯泥食材本身香甜，唔係人工甜，扒統一五成熟，表面有火煎香味，咬落肉味唔濃但勁juicy。呢塊西冷都幾厚，所以好有口感🔅另外叫左龍蝦汁帶子意大利飯$75望落好似湯多過似飯，不過食落好有驚喜，個飯浸左咁耐汁，煙韌適中。帶子用左細細粒版本，都幾多粒，唔洗慳住食。汁既濃度剛好，香而唔咸，又唔會好稀。整體黎講真係好enjoy!

話說因為突然想吃扒，有段時間hea 左無咩點出去覓食，所以決定碌出去開心下.因為鄰近葵涌附近，基本上好少有扒房（連鎖既都無～陰公）所以得知Elephant 再開，心郁郁去嘗一野！.我地就order 左1. 三文魚扒 配 紫薯蓉2. 西冷扒 middle 配 紫薯蓉另配兩野飲.首自講個西冷先，去据扒點可以唔食牛先！首先佢有一定厚度，而切開中間紅紅微嫩肉，半熟口感好豐富，而家火喉煎得岩岩好～再熟d 就會變好un!! Very good~.另外三文魚扒亦有一定份量，睇圖就知道貨實價實，魚皮同肉之間係煎完有一層油脂感，食落口份外滑口，而皮亦整得有d 脆脆，唔錯～.值得一提既反而係個紫薯蓉，纖維滿滿好full ,亦有應有既香味同smooth 既口感，加上其他小配菜類，男仔食應該要飽都無難度。.btw~佢既座位一時時，要睇當日你去會唔會好多人，同埋時間點都好重要～大家唔想迫可於office lunch hour 後1:30pm 左右去較舒適～

Elephant Kitchen仲喺梨木道嘅時候已經係我嘅飯堂，我搬左後久唔久都會返葵涌食，上年諗住去食，到左我至知已經執左，攪到我好唔開心左好耐。上年突然知佢喺光輝圍重開，係重現希望，可惜佢只係開左短短10日就6點後禁堂食，我真係好擔心佢地頂唔住。今日經過葵涌知道佢地有開就一定要去食。今日2點鐘到Elephant竟然得一枱客，我記得佢以前個雞扒係幾好但係偏鹹，但都諗住畀個機會佢，餐湯係番茄傻仔濃湯，本來我好like佢個周打硯湯，但本住Elephant從冇令我失望嘅信念，我冇乜考慮就點左餐湯了，但湯好快就嚟左。What the heck!!!!!!個番茄湯真係好好好好好飲，濃郁而彭拜嘅番茄酸味，非常醒胃，加入Thicken Cream令個濃creamy左好多，入口順滑，呢個湯真係令人印象難忘，最後我印唔住要叫多一碗嚟飲，真係完全冇得輸。塊雞塊都等左成十幾分鐘，但我知佢地啲野係正，所以耐心等待。塊扒嚟到時我已知係好野，雖然我預左佢個雞扒會好似以前咁有啲偏鹹，嘩頂！真係估唔到個廚喺呢段時間仲可以進步，塊雞扒鹹味恰到好處，外脆、內嫰，仲要爆晒汁，細佬一直對雞扒有好高嘅要求，而呢塊絕對係我咁大

之前停業👦🏻表示傷心，仲成日走去睇下社交平台 page 會唔會再開😂終於俾佢盼到！·🐮炭燒紐西蘭西冷配薯泥（$98）大食仔最愛炭燒🥩.見到網紋已經好high😂薯泥仍然係紫薯泥，味道微甜👍🏻仍然抵食不過好似以前有驚喜d. 而家望落好似細碟左同埋無左餐飲（不過都好飽既😂）·🐟燒刺身級三文魚扒配薯泥 （$88）比起牛扒我更愛魚. 煎既火喉剛好，保持魚既油份食落唔鞋口唔乾.好好味·🥣餐湯. 我最最最掛住佢既湯！平時我唔鐘意飲餐湯，一係味精重一係例水咁～但elephant kitchen既餐湯係勁足料，口感帶creamy!!!次次黎都唔同款，好正😍😍·🥗沙律.仍然係honey mustard dressing❣️fav fav📍Elephant Kitchen葵涌光輝圍39A號昌偉大廈地下28號鋪