影片
以上资料只供参考，请与餐厅确认详情
食家推介
招牌菜
早排男朋友同旧同事去食晚饭，返到屋企就同我讲湾仔原来有间西班牙tapas餐厅，餐厅名翻译完叫一只猪，个名好搞笑！佢话好味话要带我去试下。本身谂住上星期日去，点知原来呢间餐厅逢星期日休息。之后我哋搁致左，点知男朋友兴起话不如今晚去，我哋两个放工之后就去左果度开饭。个menu由肉/海鲜/蔬菜/饭类/甜品都有好多选择。我哋就叫左五款tapas ！Croquetas de Jamon / ham croquets : 火腿咸咸地加埋薯肉，个皮好脆口㖞！其实我想试墨汁croquets，不过佢唔食海鲜，唯有等下次！Chickpeas/ Chorizo with tomato sauce ：冇谂过咁好味，chickpea 煮到唔太淋同埋加埋蕃茄汁酸酸地好开胃！Chorizo 够惹味Crispy Pork belly - 呢个就要《必试》！肉嫩皮脆简直系好似中式脆皮烧仔腩大件版，其实得两件真系唔够喉！食左咁多油腻野，系时候食下啲菜，本来打算叫西班牙青椒仔，男朋友话去亲食tapas 都叫，今次不如试吓新嘢。Grilled Asparagus/ 64C egg/ Serrano Ham ： 呢个就好似食紧Spanish breakfast 咁，流心蛋加Ham 加埋露荀，三种简单材料，配搭好味。Moorish spiced meatball / Tomato sauce 蕃茄肉丸：肉嫩松软，最后一碟都唔觉得腻！食下食下原来都几饱，可能大部份都系肉类。最怕tapas好咸，呢度tapas完全唔咸而且仲好好，价格合理。今次冇试到西班牙海鲜饭觉得有啲走宝，下次一定要试吓！👍🏻
继续阅读
第一次正式接触地道西班牙菜就系由El Cerdo开始，之后久不久就会番黎回味！有别于其他西班牙餐厅，一系就卖到贵一贵，大大碟一道菜；又或者都系贵一贵，份量就一啖就食完。El Cerdo的份量一直控制得好好，令食客可以尽情品尝到每道菜嘅滋味，同时唔会感到太多太腻。今次同朋友点了两个Set Lunch一同分享 - Set Lunch A: 餐汤 + 炸黑毛猪火腿球 + 传统蕃茄酱煮肉丸 + 香脆玉桂条配榛子朱古力酱 (+$10); Set Lunch B: 餐汤 + 铁板烧蒜蓉辣椒炒大虾 + 西班牙蟹肉奄列 + 餐饮 (+$10)。时日嘅餐汤系蕃茄浓汤。非常幸运每次光顾都遇著唔同嘅汤品。这次嘅蕃茄汤伴著独特嘅香料，非常开胃。Ham Croquetas 炸黑毛猪火腿球：基本上就系炸火腿球，特别之处系炸粉唔厚，用料足，入口有著浓郁嘅风干火腿味，喜爱香口食物嘅朋友一定钟意。Meatballs & tomato sauce 传统蕃茄酱煮肉丸：因为同朋友分享，所以再点了一款方便分享又唔会太饱肚嘅菜式。大概系烹调方法唔同，呢款肉丸味道同意式肉丸大不相同，简单但另见西班牙菜风味。Sizzling prawns, garlic & chilli 铁板烧蒜蓉辣椒炒大虾：一如其名，铁板上菜时嘶嘶作响，非常吸引。大虾配上蒜片、辣椒味道，味道浓烈，同样适合钟意香口嘅朋友。Crab tortilla 西班牙蟹肉奄列：不同价目嘅Set Lunch都可以选配 tortilla，个人推介为必食之选。不同于大众对奄列嘅认知，tortilla其实就是薯仔煎蛋饼，而薯仔比重较多。这次点选的蟹肉奄列，在薯香、蛋香中更夹杂了一丝丝嘅蟹肉，口感非常细腻，浓味中带著少许清新，令人眼前一亮！Churros with nutella 香脆玉桂条配榛子朱古力酱：作为套餐加添嘅甜品，却一点都不马虎。Churros非常酥脆，加上榛子酱，以及少许砂糖，每口都有著鲜明嘅层次，不过份甜、亦不过份腻，以性价比而言绝对超值！除了食物出色外，El Cerdo嘅环境亦很适合与朋友闲聊。店员非常有礼、服务周全，在繁忙嘅湾仔区绝对为食客带来一段平和悠闲嘅用餐时光。每次在El Cerdo都有很好嘅体验，之后有机会会再来！
继续阅读
Visited El Cerdo for a couple times for Happy Hour, but their Tapas lunch offers unique Spanish flavours which was delicious! Mini Cheese Burgers, Quail Eggs & Chorizo //Pork Belly & Quince Aioli //Squid with Garlic, Chilli & Sherry //Mushroom Tortilla //Churros with Choco Sauce & Cappucino //Zucchini SoupYou may be skeptical on whether tapas can fill your stomach for lunch, but it surely can! I’m satisfied not only for its reasonable price and portion, but also the quality authentic Spanish flavours offered. Do come have a try! 📍El Cerdo Lockhart Rd, Wanchai
继续阅读
🙌招牌西班牙炒饭 Paella🥘 $158 色香味俱全 海鲜种类丰富 除左有青口 虾 鱿鱼 仲有 最靓既猪腩肉～一字既之曰 正👍食之前 加啲柠檬汁 味道立即升华唔少传统蕃茄酱肉丸🥫$78认真 就唔识煮🤣粗略估计个sauce应该加左多种香料parsley 薯仔? 唔知点解有阵好香既薯仔味😆求证实🙌脆皮猪腩肉 配 蜂蜜蛋黄酱🧆 $88猪腩肉 超正 必点！！油脂丰富 肉质弹牙 蜂蜜蛋黄酱 亦系神来之笔 一抹油腻感 令人可以一口接一口最后 点了一个香脆玉桂条 配 榛子朱古力酱$58 作结Perfecto 👌餐厅主打 Tapas 所以可以叫多几款同朋友开心Share😆
继续阅读
由于我老公系西班牙人，而我亦住过西班牙，当然要系香港寻找家乡的味道啦。系香港我地大大话话食过唔少西班牙餐厅，总之一思乡既时候就食，当然仲有好多未试既，但El Cerdo暂时系我地最喜爱既西班牙餐厅。普遍香港既西班牙餐厅有一个好大既问题，就系又贵，又细碟，但味道又唔够正宗，食完唔饱仲要感觉比人汤左一颈血，但呢间既性价比，食物质素同服务都好好，不论lunch 定dinner 我都系常客。正如我所讲，我地要求比较正宗既味道，所以有时会有要求厨师例如个Tortilla 唔要沙律酱，厨师都会配合。推介菜式有太多，蕃茄多士，炸薯仔火腿球，西班牙青椒，俄罗斯沙律，Tortilla，炸鱿鱼圈，蒜片虾，猪腩肉，血肠同Chorizo，甜品就芝士蛋糕，churros, 千层酥。。。唯独个肉丸我地认为唔应该落cumin，我地两个人通常嗌5个tapas 加甜品就饱，埋单7百数左右。提提你可以嗌面包用黎送tapas，好似系实收一个价钱，但食完晒再嗌就唔会再收钱（请同侍应查询），因为西班牙人冇面包食系会死架。
继续阅读