Eggcellent 852

营业中

休息中

對我嚟講，食雞蛋仔試佢咩料一定係食原味先嘅。如果連個底都做得唔好嘅，就唔好搞咁多嘢。呢間嘢原味雞蛋仔，高分！因為真材實料。完全食得出佢個蛋味係唔同嘅，同埋好夠蛋香。再講雞蛋仔不可忽視嘅嘢，就係整唔整到外脆內軟嘅口感。一半實心一半空心。自己睇圖啦。當原味做得好嘅時候，先會令我想食其他整色整水嘅嘢。廢話唔多講。抹茶麻糬雞蛋仔以我所知，佢嘅麻糬係自己手造既。佢嘅麻糬唔算好煙靭，剛剛好，但係加埋啲雞蛋仔就好夾，仲可以拉出絲！抹茶味，正常發揮！！重點:3樣嘢加埋一齊就係啱啱好！豬柳蛋雞蛋仔Wow！呢個配搭，啱晒已經對麥當勞凍冰冰嘅豬柳蛋漢堡失望嘅你。或者下午茶有少少肚餓嘅時候，咸咸甜甜。不過不過，繁忙時間預咗要等🫠🫠🫠

一直住開屯元天，最近黎元朗咁多次都係第一次食呢間既開心果格仔餅。即叫即整，外層脆卜卜，入面d開心果醬又香又濃，仲帶少少鹹香味，唔會死甜。咬左2啖之後就開始爆餡，啖啖都係開心果，幾滿足😂格仔餅本身都鬆軟得黎有少少煙韌，成件事夾埋一齊有驚喜，估唔到街邊小食都幾有水準！😂

今日經過元朗市見到有間新開的雞蛋仔店舖，就同仔仔Order左個期間限定既士多啤梨問雞蛋仔，大約等左8-10分鐘就已經拎得喇☺️很香士多啤梨味道，我覺得再脆一點比較好吃😋，不過我下次也想試試格仔餅🧇😂另外他們也有手工蛋捲的，聽説可以試味的

今日天寒地凍，諗住落街買個熱辣辣既雞蛋仔暖下胃。之後就去左間YouTuber 經常介紹既隱世雞蛋仔，試一試佢。本身懷住一個好期待既心情黎食雞蛋仔，因為見網上都好多正面評價，點知換拎既係非常大既失望。去到有2、3個客人係前面。我就叫左個蘋果肉桂雞蛋仔。係客人唔多既情況下，都要等左10幾分鐘先有。個雞蛋仔一拎上手就好失望，因為似係擺得太耐凍左，食落口個雞蛋仔係凍。至於味道方面，個蘋果肉桂味就同麥當勞個蘋果批係一樣，但佢個蘋果肉桂就甜左少少。如果要我揀，我會覺得麥當勞個蘋果枇仲好食。總結係我唔會再幫襯，名過於實。

之前喺沙田嘅時候已經試過喺店嗰度即買即食，個豬柳蛋真係好過癮。但結咗業之後有時都心思思想食。咁啱入開嚟元朗探朋友，食完午餐之後成班勁黐線話未夠飽要再食下午茶。咁就索性叫呢一間外賣返嚟食。用外賣平台叫都差唔多百幾蚊兩片雞蛋仔。貴咗少少，但係勝在唔使行。雖然係外賣，但係嚟到嘅時候都冇淋到仲係卜卜脆。個豬柳蛋都係熟悉嘅味道。我就鍾意搣開一粒粒嚟食，但啲朋友就話要夾住成底食先爽。另外今次有驚喜另外買咗麻糬味，煙煙煙韌幾過癮，唔太甜感覺唔會有咁強嘅罪疚感。

這家店早前已在鄰居群組有推介，因在我居住居苑對面很近工廈，想試下，但近都未有去買，剛星期日朋友入來元朗睇樓，順道路經這店原來有門市，所以買了玉桂蘋果格仔餅一份兩人吃，因為天氣冷果蓉較凍甜度適中、玉桂味夠看，餅底不太厚脆中有少少韌度口感。。幾好👍，蛋卷有試食，三種味道試過，全部都好香酥脆，牛油味比較甜，綠茶味茶較微，朱古力味較濃香好味，買了兩盒給十幾位朋友吃，每個吃完都太讚好味道😋，馬上問在那裡買，要去再買😂，不過價錢較貴$188/24條，如果可以平啲就更加好🙏😁

見社交平台 推介， 特登過嚟食雙重開心果格仔餅第二底有9折，買咗一底雙重開心果格仔餅 + 一底煉奶花生格仔餅唔難食 亦唔好食 咸咸地 好多開心果 好硬個格仔餅無蛋味 吹棒太勁，期望太高

元朗都算係雞蛋仔嘅福地，同一個位附近有三間好味嘅雞蛋仔。今日食埋呢間總算食過晒呢三間：媽咪雞蛋仔、嘉發同呢間。今日呢間叫咗兩味，一咸一甜。一個豬柳蛋雞蛋仔，另一個開心果夾餅。先講豬柳雞蛋仔：佢個雞蛋仔皮香脆唔會太甜，唔會好似食mcgrxxx咁太甜襯鹹好奇怪。佢呢個雞蛋仔皮嘅味道啱啱好夠熱夠脆。跟住個豬柳蛋好香。豬柳好有黑椒味個味幾出，蛋都多，餡料豐富食落好滿足🥰😋跟住到個開心果夾餅：勁多開心果粒，唔會好似其他食過的醬多開心果粒唔夠，會太甜，個味唔夠真實。呢個係好原味，食開心果加埋個皮又有蛋香，一樣係外脆內軟又夠熱，口感一流😍😋中間佢仲俾咗啲蛋捲試食係抹茶味，其實好食好鬆化，可惜太貴。我唔會用接近$200買一盒蛋捲囉，佢平返$50-$80應該銷路多好多。 就算買得一次都唔會買第二次，咁貴真係要諗過先買，但係價錢平返啲啲會一路繼續買。希望店主睇到知道，唔好嘥咗咁有心機出產嘅自家製蛋捲。薄利多銷才是策略，做起個咗個名再大展拳腳！

之前見好多人吹捧。平日3點左右經過，見無人排隊就試下想試好耐嘅開心果雞蛋仔，價值$42等左一陣左右，初初以為一抵雞蛋仔，開心果醬係夾心咁，原來係一半雞蛋仔對摺，中間查開心果醬雞蛋仔做得幾脆，開心果醬入面有粒粒 nuts, 個醬好”張口“，但又唔覺好濃開心果味，仲帶少少苦味，唔知邊度嚟總體嚟講，我覺得試一次滿足下期望就夠，食落有啲失望，本身都有諗過試佢地出嘅蛋卷，但試完呢個雞蛋仔，應該都唔會試了，一盒成$178

食之前滿心期待，等佢由樓上鋪到地下鋪先嚟到元朗食，點知拎出嚟嘅時候原來只得半底，不過好食都唔緊要，真心係好多醬嘅，望見食慾大增，不過咬落去第一下覺得好油膩，好似食緊花生醬咁，開心果香味都唔太濃，而且雞蛋仔原有的質感都冇咗，好似食緊一Pat開心果醬嘅威化，兩個人食咗兩啖都覺得好濟，個肚好辛苦如果多返啲雞蛋仔內餡，醬嘅比例少三份一就好啲，但係$42，真係有啲貴。不過各花入各眼，重口味人士應該鍾意

元朗新開咗間雞蛋仔鋪頭，晏就經過開買咗一底試試！門口有好大張紙寫有咩味道，見到豬柳蛋 雞蛋仔幾特別同吸引，就叫咗呢款，等咗一陣就有，唔算等好耐。佢個雞蛋仔餅底夠脆，仲好香蛋味，入面咬到有粒粒豬柳漢堡，不過搞笑嘅係佢將一整底摺埋咗一半去做，所以其實得半底食，以$42來講都幾貴。個人覺得味道係唔錯，幾好食嘅！不過豬柳蛋味食一次就夠，價錢相對貴，下次我會想叫份普通啲嘅味道，睇吓係咪同樣好食先！另外見佢門口寫有蛋卷買，感覺唔錯，有興趣嘅大家都可以try try！

雙重開心果雞蛋仔$42 8/10係今次唯一嘅雞蛋仔😋因為見佢雞蛋仔好似好好食😂😂雞蛋仔嘅部份係好香脆而且燒得香香軟軟至於最期待嘅開心果醬部份佢都係比得非常之多🥰🥰但係小編就食得出有一種花生醬味😅😅😂但係整體嚟講開心果味都幾出加埋開心果碎都真係好唔錯💕💕

第二🥈次食，去開元朗睇燈籠🏮街，今次仲要落大雨☔️，第一☝️次食鮮奶麻糬雞蛋🥚仔，皓皓仔，今次反璞歸真order原味雞蛋🥚仔$20，個名叫初戀，可能係一生人第一☝️次食咁解，等咗10分鐘，真係好大雨，好彩有少少🤏瓦遮頭，攞住咗大雨下食都有少少🤏初戀既感覺，當然最皓就係有人分享，雞蛋🥚仔外脆內軟，熱辣辣，蛋漿較得適中，有蛋味，甜味都適中，讚👍🏻一路食住去睇燈籠🏮街

門口位已經比雞蛋香勾哂魂兒～👃 直奔主題，佢哋嘅【鮮奶麻糬雞蛋仔】簡直喺味蕾嘅小確幸！😋 外殼金黃酥脆💥 咬落去，入面細膩嘅口感，搭配住濃郁嘅牛油香，簡直喺雙重奏嘅享受！🎵而且佢哋嘅雞蛋仔啱啱好甜度，吃多都唔會膩，反而乏人欲罷不能，一個接一個，根本停唔到！😎 師傅手藝嫻熟，每個雞蛋仔都飽滿圓潤，睇落令人人心情大好！👨‍🍳總結一下，🌟🌟🌟🌟呢次探店體驗滿分，雞蛋仔外脆內軟牛油香，強烈推薦t你哋！下次路過元朗，記得打卡「Eggcellent」，保證你唔會失望！👍

山長水遠入元朗Eggcellent852食雞蛋🥚仔，皓多款式，仲有開心果味，我揀咗鮮奶麻薯雞蛋🥚仔$28，等咗10分鐘，新鮮整，熱辣辣，個漿做得好好👍🏻，甜度適中，外脆內軟，白色麻糬皓有口感，可以拉絲，食完皓飽