影片
对我嚟讲，食鸡蛋仔试佢咩料一定系食原味先嘅。如果连个底都做得唔好嘅，就唔好搞咁多嘢。呢间嘢原味鸡蛋仔，高分！因为真材实料。完全食得出佢个蛋味系唔同嘅，同埋好够蛋香。再讲鸡蛋仔不可忽视嘅嘢，就系整唔整到外脆内软嘅口感。一半实心一半空心。自己睇图啦。当原味做得好嘅时候，先会令我想食其他整色整水嘅嘢。废话唔多讲。抹茶麻糬鸡蛋仔以我所知，佢嘅麻糬系自己手造既。佢嘅麻糬唔算好烟靭，刚刚好，但系加埋啲鸡蛋仔就好夹，仲可以拉出丝！抹茶味，正常发挥！！重点:3样嘢加埋一齐就系啱啱好！猪柳蛋鸡蛋仔Wow！呢个配搭，啱晒已经对麦当劳冻冰冰嘅猪柳蛋汉堡失望嘅你。或者下午茶有少少肚饿嘅时候，咸咸甜甜。不过不过，繁忙时间预咗要等🫠🫠🫠
继续阅读
一直住开屯元天，最近黎元朗咁多次都系第一次食呢间既开心果格仔饼。即叫即整，外层脆卜卜，入面d开心果酱又香又浓，仲带少少咸香味，唔会死甜。咬左2啖之后就开始爆馅，啖啖都系开心果，几满足😂格仔饼本身都松软得黎有少少烟韧，成件事夹埋一齐有惊喜，估唔到街边小食都几有水准！😂
继续阅读
今日经过元朗市见到有间新开的鸡蛋仔店舖，就同仔仔Order左个期间限定既士多啤梨问鸡蛋仔，大约等左8-10分钟就已经拎得喇☺️很香士多啤梨味道，我觉得再脆一点比较好吃😋，不过我下次也想试试格仔饼🧇😂另外他们也有手工蛋卷的，听说可以试味的
继续阅读
今日天寒地冻，谂住落街买个热辣辣既鸡蛋仔暖下胃。之后就去左间YouTuber 经常介绍既隐世鸡蛋仔，试一试佢。本身怀住一个好期待既心情黎食鸡蛋仔，因为见网上都好多正面评价，点知换拎既系非常大既失望。去到有2、3个客人系前面。我就叫左个苹果肉桂鸡蛋仔。系客人唔多既情况下，都要等左10几分钟先有。个鸡蛋仔一拎上手就好失望，因为似系摆得太耐冻左，食落口个鸡蛋仔系冻。至于味道方面，个苹果肉桂味就同麦当劳个苹果批系一样，但佢个苹果肉桂就甜左少少。如果要我拣，我会觉得麦当劳个苹果枇仲好食。总结系我唔会再帮衬，名过于实。
继续阅读
之前喺沙田嘅时候已经试过喺店𠮶度即买即食，个猪柳蛋真系好过瘾。但结咗业之后有时都心思思想食。咁啱入开嚟元朗探朋友，食完午餐之后成班劲黐线话未够饱要再食下午茶。咁就索性叫呢一间外卖返嚟食。用外卖平台叫都差唔多百几蚊两片鸡蛋仔。贵咗少少，但系胜在唔使行。虽然系外卖，但系嚟到嘅时候都冇淋到仲系卜卜脆。个猪柳蛋都系熟悉嘅味道。我就钟意搣开一粒粒嚟食，但啲朋友就话要夹住成底食先爽。另外今次有惊喜另外买咗麻糬味，烟烟烟韧几过瘾，唔太甜感觉唔会有咁强嘅罪疚感。
继续阅读
您可能会有兴趣的...