EC Kitchen

如懶得睇大篇食評我先總結:味道難食,食材非常唔新鮮我叫左一個手打雞堡,一個手打豚肉堡但外賣黎到,我根本食唔出邊個雞邊個豬因為兩舊肉都好大陣雪藏味同超咸,另外就係d肉梅既,真係m記都新鮮過佢好多好多雖然價錢唔算貴,但平均50蚊個餐,元朗大把選擇,唔需要食呢種垃圾食品再另外我加左個全日早餐,腸蛋薯角都正常既但條煙肉一睇一食就知係合成肉不過有野樣要讚既係出餐快,所以落單連外送都係20分鐘不過已經係唯一優點,食物係…查看更多

元朗有好幾間食漢堡包的食店，今日只係去雞地呢頭，唔行遠了，所以去EC kitchen 幫襯下。呢度有好多唔同種類的漢堡，食過幾次都覺徥唔差，幾好食，食過啲複雜的，今日試返個最經典的，試一下真章，睇下最簡單的漢堡，佢地處理成點~點左個經典芝士牛肉漢堡($36)，升級做餐可有埋罐裝或紙包飲品，所以加左薯條($13)。 7點左右無乜人，所以好快就有得食,見到個包個陣簡直喺或者下,漢堡扒好厚大哥個漢堡得出嚟添,但係喊了就唔算好豐富都係好驚點有個芝士生菜,麵包係用芝麻幾包咁薯條黎喺變粗仍嘅薯條茄汁已經預先黎節奏上去架啦,拎起個包一啖咬落去肉嘅口感，漢煲的肉有咬口，入面的肉質應該有筋的部份，但食落好鬆化，但唔係油脂好嗰種，而生菜係好爽脆，咁成個包我係食嘅時候，開始懷疑點解仲會喺M字頭嘅餐廳度食漢堡包😨。 不過食食下黎發覺有個情況可能餐廳要注意下，就係漢堡扒嘅調味相對好淡。 🤔頭一啖食落就會覺得好驚喜，但係食左半個包之後開始發覺個漢堡扒其實個味唔喺好足夠，調味呢點餐廳就要注意返呀｡整體黎講50蚊樓下，有一個份量都幾大個嘅漢堡包，薯條份量亦都有好多。而且係罐裝可樂，哩個價錢比較質素我都算幾滿意。…查看更多

外賣到醫院吃，但收到黑到咁的包，焦到完全吃唔到，想退都無得退，無嘢吃先咬半個就吃唔到落去，而且叫左個加餐all day breakfast 蛋汁漏到成個外賣袋都係，更加唔好提外賣遲到，好難唔負評！…查看更多

幫襯咗好多年食物水準係好但禮貌越來越差想落單十問九唔應要大大聲叫佢唔該佢先肯hea爆應你一句「等陣！」香港經濟因疫情咁差人人都好努力保住份工放工買個包食都要受氣個包係好食但都無晒心情了可能佢地生意好唔志在啲生意唔知點解成日係香港都遇到呢啲無禮貌食店我成日去旅行都未遇過啲食店會咁樣對待客人包括以前去大陸食野啲服務都無佢咁hea爆呢間店係影衰香港人影衰元朗人咁唔想做生意其實可以唔做架喎幫襯埋今次我以後都唔會幫襯…查看更多

之前都有食開覺得幾好食，漢堡幾juicy，今次食諗住打電話去叫定外賣之後自取，電話一通就有一把男聲粗聲粗氣講喂，本身以為自己打錯電話，後尾問一問先知係ec kitchen。之後把男聲態度惡劣地講喂講野啦，但係無奈家人想食就照叫外賣。後來喺叫野食嘅過程中依然態度惡劣，好似唔休做咁。叫左2個芝士牛肉漢堡同2份薯條，後尾拎到外賣返到屋企，其中一個漢堡入面塊扒好多硬嘅野，應該係筋，嚴重影響食物質素。客人唔係老馮要受你氣架，野食好食有咩用？…查看更多

見到呢間小店重要都係賣漢堡，但今次下午茶，唔係好肚餓，所以淨係叫左啲小食試下👅👅黑椒薯條🍟炸得幾香口，唔算太油，不過黑椒汁有啲太辣，唔食得辣既就要留意🤭仲叫左芝士炸雞🍗，炸雞同樣香口唔油，但可惜係芝士味唔算太濃。…查看更多

Another time using online dining platform for food delivery 🚚. A bit disappointed opening the app as all the promotions and coupons have come to an end😢.With no coupons, price becomes again my first priority when choosing restaurant. All the burgers from EC Kitchen are handmade which can keep the original taste of the meat and make it more juicy.One reminder: the name shown in the online dining platform app is "Cooking NaNa"😊…查看更多

話說, 耐唔耐經過都見有人去食, 終於走去試下今鋪真係一試難忘叫左個自家制手打牛肉漢堡同芝士薯條先講個漢堡原來我係食緊肉餅漢堡...個牛肉勁中式肉餅feel, 唔可以有任何期望. 真係唔敢想飲佢其他款式係點...個漢堡係得茄汁, 咩醬都冇包, 芝士, 肉餅, 生菜, 茄汁, 包就係咁, 食左一個中式肉餅包到個薯條冇炸過既感覺, 勁淋, 似係食緊一個薯仔加左廿幾蚊要芝士薯條, 但唔多覺眼有芝士...食起上黎仲要一餅野...點先咪玩我啦呢間野…查看更多

元朗YOHO MALL附近有一間專係外賣嘅小食店主打漢堡包、熱狗及其他小食好出名的就是「手打」漢堡都有報章雜誌介紹過印象中都做咗幾年生意都幾多人幫襯小店來說實在已經不錯👍🏻☝🏻其實門口有幾個位都可以堂食熱辣辣其實係最好食！所以如果有時間建議堂食係最佳選擇👍🏻☝🏻價錢非常大眾化款式亦都非常多真係有排你揀好多都係特色同fusion 口味☝🏻蘑菇蝦堡都足料和好味全部都係新鮮炸同製作☝🏻經典熱狗味道OK…查看更多

星期日下晝嚟到食嘢， 舖頭 雖然冇坐滿人位置亦都唔多，但係入到去叫嘢食竟然話要排隊等十五分鐘但係即叫即做15分鐘係合理時間， 我哋坐低等嘅時候有另外一啲人入嚟落咗order仲畀咗錢跟住我哋就問點解我哋唔使畀錢啦發覺原來我哋嗰個order畀佢排咗去最後添， 所以呢食嘢記得要 畀咗錢先。 薯條即炸十分好食， 漢堡包味道都唔錯中間舊肉厚度 一口爭啲食唔曬， 不過牛肉都有少少差唔係最香爽嗰隻， 但係亦都唔覺得佢好肥好油膩， 自取汽水，成個套餐 為40蚊價錢算係相當親民合理。 結果都係等咗十幾分鐘就有得食。 如果麥當勞同佢揀我會揀佢因為感覺比較真材實料而且價錢亦都同麥當勞十分貼近。 汽水食物樣樣都好過麥當勞。…查看更多

食完飯後唔係好飽又口痕想搵啲小食於是就嚟試下呢個元朗版時新漢堡小店位於食肆林立嘅橫街唔算好難搵不過小店好細，座位大約十個左右比較適宜買外賣漢堡有好多款配搭亦都好多可以配薯條小食同飲品，價錢都好親民我揀咗個黑松露西蘭牛肉手打漢堡，再配埋薯條同紙包飲品都係加八蚊由於漢堡係即製嘅關係所以落單後都等咗成20分鐘 先有得食漢堡size唔算太大，肉都幾厚身，個包好香黑松露味但食落就冇乜黑松露味西冷牛肉幾厚但好多筋，牛味唔算太重，反而薯條就比較出色，又厚又粗熱辣辣，整體都算唔錯…查看更多

朋友介紹呢間漢堡包店，來到就坐左係門外木枱，但坐左一陣，可能因為隔離餐廳關係導致d蒼蠅不停甘飛來飛去，好在餐廳入面甘岩有人走，即刻轉反入去坐見到好多人介紹呢款海膽黑松露，但我地無叫到，叫左鵝肝芝士牛肉漢堡包$88，另加$10要埋薯條同罐裝飲品薯條來先，岩岩炸起，食落熱辣辣，但呢隻粗身薯條食落一d薯仔味都無因為同朋友share來食，預先叫左店員幫忙一分為二鵝肝較細，同埋唔係太熟，店員話係正常，但可以幫我地再翻煎，但我地廢時麻煩，就無翻煎喇牛肉漢堡好厚，麵包鬆軟，但汁太少有d乾身，反而食完成手牛油…查看更多

黎到元朗搵野食，但又唔係好肚餓，所以就搵左間burger鋪食。我地叫左兩個burger跟薯條野飲，一個蘑菇雞肉同芝士漢堡加煙肉，蘑菇雞肉食落普通，雞肉較鞋，但麵包香脆可口。芝士漢堡吃落似免治牛肉剁成的漢堡，味道一般。反而薯條有驚喜！…查看更多

住元朗朋友極力介紹下去左呢間Ec kitchen 買左個黑松露西冷牛肉包，肉餅即叫即做，多汁好味，配上脆卜卜洋蔥圈，有埋飲品但飲品只得罐裝飲料及紙包飲品，價錢大約八十元都算抵食👍👍👍…查看更多

好朋友由九龍區入元朗搵我掃街，然後佢係網上報導得知呢間店，見到個「海膽黑松露菌芝士牛肉漢堡包$98」賣相姣好，於是就慕名而來朝聖一下。是日中午唔多人，門外擺放咗啲枱櫈，氣氛幾輕鬆寫意。坐低拎張menu望望，點餐就入店內。由於我地一心掃街，所以只係簡單揀咗一款漢堡包配薯條汽水。店內員工唔多，所以製作時間都頗長。但幸好天氣都算不俗，有微風傾下計慢慢等還好。最先到嘅係薯條，份量適中，但熱度略嫌唔夠熱，可能人手唔夠，炸起後放咗一陣先送出泥。如果新鮮熱辣啲，應該好好食。雖然薯條到咗，但都再等咗一段時間漢堡包先到。先講講包嘅大細，唔算十分大個，但女仔份量應該會飽。打開個包睇落其實好足料，但食落因爲每款食材味道都好特出，重味蓋重味，所以此配搭令我有啲詫異。生菜新鮮爽口但份量太少，芝士面上熟透嘅海膽添幾份口感；而味道大部分都係重重嘅牛肉同黑椒嘅味道，相當可惜嘅芝士味、黑松露味同秘制海膽醬味都消失得無影無蹤。以上只係我認為呢個漢堡包配搭有啲不足，但其實佢地包內夾住嘅牛肉漢堡，個人覺得係相當唔錯，所以我同朋友都一致覺得，或者最基本嘅「芝士牛肉漢堡包$30」應該表現唔錯！ 其後係網上碌人地啲Video Vlog見到店內嘅「鵝肝芝士牛肉漢堡包$88」都好似幾抵食同出色，有機會試試。…查看更多