Eat Bar (已結業)

同肥髀出去赤柱闲逛兼食lunch!来呢度因为同学仔妈咪介绍新出咗半自助午餐，特别带肥髀来试！来到人客都几多！坐内围二人枱！落单之后可以去店中央攞沙律/甜点！（每人$88）沙律吧选择唔多！幸好蔬菜新鲜爽脆，但烟三文鱼有啲腥，螺丝粉比较硬！甜品方面，我同肥髀都喜欢佢嘅布甸，好滑好重蛋味，布朗尼蛋榚浓香！好味！讲番午餐：炭烤澳洲肉眼配香草汁（$78）卖相靓，点知切开嘅时候，发觉一块牛扒，一边做到要求嘅medium,一边就全熟（系连少少粉红色都无！）忍唔到同店员讲，佢反映比落单𠮶位经理，经理即收走再做过，经理自己都讲未遇到一块扒有两种熟度嘅情况！ 第二碟上卖相都靓，我预咗会生啲，结果系大约3成熟左右，肉质鲜！不过对肥髀来讲太生，所以我叫肥髀食牛扒外围嘅，有5成熟，中央我食！拌碟嘅薯菜唔错，薯仔爽，南瓜粒甜！酱汁似烧汁！慢煮鸭胸配菠菜意大利饭（$62）意大利饭米粒肥大饱满，索晒索饭嘅汤，保有米心，卖相似菜饭，加咗好多菜碎！鸭胸系失望嘅，虽然皮脆，但啲肉太霉，一叉就散，一啲肉嘅弹性都无！（因为同学仔妈妈大赞鸭胸先叫）唔知问题出咗在那里！跟餐热柠茶：够热，西餐嘅红茶唔会太浓，解腻唔错！跟餐冻柠茶：肥髀饮讲真今次主菜系失望嘅，尤其个牛扒，不过服务系窝心嘅，发现牛扒过熟问题就即刻攞入厨房再做一份，仲会同肥髀讲唔好意思（因为佢知系肥髀食嘅）上咗新嘅一碟牛又会过来问肥髀ok?等待期间另一店员又来问想唔想上咗餐饮先，等我哋饮下嘢！尊重呢样都加晒分！食物偶有失手！服务上抵赞！肥髀用过厕所，赞好大好干净！…查看更多

偷得浮生半日闲！假期难得阿囡唔使去拍拖，于是佢就话不如去赤柱行吓，咁阿囡出得声，作为阿妈既我就一定支持到底喇系未食午餐既环境下，就当然要医饱个肚先行喇！所以去到赤柱后，我地就去左揾吓有咩好食，上网睇左一阵后就行左去这餐厅食野:):)这餐厅系食西餐的，店舖都几大，装修都好新，感觉良好我地点咗一份脆皮德国咸猪手，食肉嘅朋友都可以试吓~点解会点咸猪手? 因为系入来时见到前面大大嘅recommendation度大力推荐咗秘制脆皮德国咸猪手（又岩岩好足够供应两个人食）        德国咸猪手味道不能更加赞讲话系”“咸”猪手，其实味道真系好正，份量十足，胶质又多，最适合我同阿囡，加埋又薯菜又白饭，坚系好饱，而猪手仲炸得外脆内嫩，食落觉得好味外仲好满足~另外我地还叫左份忌廉白酒煮蚬，份量同样系多，蚬肉仲好鲜甜弹牙，好味道呀~~…查看更多

经理推介，买2送1，No.1 法国生蚝，真系好肥美好清新！我和先生食完一盘又一盘😋 平均一只都系$40，唔食都对唔住自己！仲有个蟹肉鲜牛油果香芒沙律都劲好食！经理Mr. K服务超好，大家有机会去赤柱的话，推介此餐厅 …查看更多

难得踏入三月份，有阳光和微风的日子，经过赤柱市场附近，一条小巷见到一间不大起眼西餐厅，一张烧乳猪相片，吸引我和妈妈的目光，而且店内侍应亲切介绍，抱著一试无防心态。侍应介绍烤乳猪有大约六小件，询问我们想食边一种类食物，我们想试8oz牛扒，而且推界蟹肉芒果沙律。除了沙律头盘很快上，已告知制作需时，沙律卖相出色，口感清新。再等一下，牛扒和乳猪上枱，牛扒是安格斯牛，可能我点7成熟比较少肉汁，但口感唔错有肉味。最出色是烤乳猪香脆，肉质软滑，好入味。我想下次入赤柱都会再试！…查看更多

离不开香港都可以去个小trip既，集风景和美食于一身既赤柱系我假日轻松首选。黎到eat bar chill一弹再行下海旁，eat bar 环境不错，好似去左旅行既感觉，地方宽敞，又有海风吹入餐厅，提供食物和酒类饮料。我地叫左两杯cocktail 作为starter，调的味道不错，易入口而且几清新；黎紧既系餐汤罗宋汤和蒜蓉包，非常贴心的是蒜蓉包是一口的size，不会弄脏嘴边；沙律方面系箭猪菜parma ham加自家调制的意大利沙律汁，酸酸尾尾几开胃；而all day breakfast 好full啊！有面包之余又有薯饼，岩哂d对面包忠情既人；仲有烟三文鱼啊蘑菇，炒蛋非常香滑；另外一个main就是三文鱼扒配饭，鱼皮煎得好脆，但鱼肉是不会老的，一口白饭一口鱼是何等的享受；最后一个小吃是鸡翼达人都喜欢的，香煎鸡翼，煎得锁住了鸡汁，呼，吃饱可以去走走海旁。…查看更多