影片
营业时间
今日营业
11:30 - 21:30
星期一至日
11:30 - 21:30
*截单时间: 20:45
以上资料只供参考，请与餐厅确认详情
影片
相片
E for Egg芝士奶盖招牌窝夫
金沙软壳蟹三文鱼籽海鲜沙律盒子吐司
+1.9K
+94
食家推介
放假同班friend想揾个舒服嘅地方gathering.今次就揾到西环呢间Cafe.首先讲吓我朋友叫咗啲乜嘢食先：香浓日式咖喱猪扒饭 (HK$78)朋友俾咗一件猪扒我试.猪扒厚身, 外脆内嫩.不过咖喱就冇咩特别, 系普通嘅日式咖喱.松叶蟹·蟹籽明太子天使面 (HK$108)慢煮加拿大猪鞍 (HK$128)配咗甜渍苹果莎莎同埋薯菜.朋友话个猪鞍食落唔会韧.香煎比目鱼扒伴西式薯菜 (HK$118)和风烤鸡扒定食 (HK$88)呢个定食劲丰富呀.鸡扒都烤得好香, 肉质嫩滑, 好好食.配菜都样样味道唔错.开心果特调 (HK$56)开心果味超浓, 味道咸咸地咁.里面仲有啲软滑嘅豆腐花, 饮落口感都几特别. 不过我觉得试一次就够啦.烟肉芝士薯条 (HK$78)芝士酱多到夸张, 烟肉都好香脆.我觉得呢个系必试!呢个系期间限定嘅雪の豆腐巴斯克芝士蛋糕 (HK$62)好浓豆腐味, 配埋啲脆脆都几好食嘅.但系食到尾段我就觉得有啲干.E FOR EGG芝士奶盖招牌窝夫 (HK$88)依个窝夫打卡一流.系食到有芝士奶盖味嘅.夹心似云呢拿味雪米糍.唔系唔好食嘅, 不过我觉得都系试一次就够.整体嚟讲, 环境几好, 坐得好舒服嘅.系gathering唔错嘅选择.
继续阅读
今次经过，见到佢哋出咗新嘅special menu，感觉几吸引，一于试下先蟹籽烟三文鱼忌廉扁意粉 $108扁意粉表面铺满蟹籽，仲有整成玫瑰花形状嘅烟三文鱼放系中间，整体意粉偏干身，口感弹牙烤焗鲈鱼伴薯菜 $148另一样主菜叫咗烤鲈鱼，配搭薯蓉、萝卜、芦笋等，用上意式香草汁，鲈鱼好大份，薯蓉香滑，真系好滋味酱渍火炙三文鱼定食 $92 定食有白饭、味噌汤、中华沙律、野菜沙律。主角酱渍火炙三文鱼有四块，酱渍嘅关系令到三文鱼好入味，带有甜酱油香，送饭一流抹茶栗子蒙布朗窝夫 $96表面充满绵密嘅栗子蓉，最顶仲有一个代表餐厅嘅鸡蛋形状奶盖，味道香甜，加埋抹茶忌廉、红豆蓉、糯米糍、入面烟韧嘅窝夫，以及侧边有唔少坚果碎，增添口感雪の豆腐巴斯克芝士蛋糕 $62呢款芝士蛋糕系期间限定款，表面有一层薄豆腐，入口芝士味浓郁，口感烟韧开心果特调 $56呢款特调用上开心果+鲜奶+豆腐，记得要搅匀先，香浓嘅开心果加上顺滑嘅豆腐，隐约带有鲜奶香气，杯边一圈仲有开心果碎点缀添玫瑰花红茶 ( 热 ) $52玄米茶 ( 热 ) $22另外都叫咗两款热饮，分别系玫瑰花红茶同埋玄米茶。玫瑰花红茶份量足够两人饮用，入口先有玫瑰清香，最后有红茶嘅香气
继续阅读
❣️最近去e for egg发现原来有新menu，一系列日式西餐性价比高又味道唔错！❣️必点当然都系蛋形状麻糬窝夫，打卡之余都好难忘❣️店内好有空间感，有塔塔米位又有动物friendly 位置✨香槟忌廉汁智利蓝青口$86-都几大粒，粒粒都系肥美青口肉，好新鲜，而且分量都多🦀松叶蟹-蟹籽明太子天使面$108-推介！全部捞晒我最钟意嘅食物 - 温泉蛋、明太子、蟹子、劲多鲜甜鲜拆松叶蟹肉，啖啖滋味又creamy，配上明太子辣辣口感🧇E FOR EGG芝士奶盖招牌窝夫$88-超级推介！外观好适合打卡，入面系麻糬包雪糕，麻糬烟韧，窝夫脆，超级正！🍜猪软骨拉面$78-非常难得，猪软骨做到软骨软淋入味，拉面口感唔错 🐔芝麻鸡翼伴日式蛋黄酱$62-外皮脆香，肉质嫩☕️竹炭黑芝麻咖啡（热）-芝麻香得来不失咖啡香，好balance☕️招牌奶盖咖啡$48 -咖啡伴上酒精香，几清新refreshing🍰期间限定-雪の豆腐巴斯克芝士蛋糕$62-上面一层豆腐,滑得来甜度适中，本身巴斯克蛋糕滑身，加脆脆口感丰富🍸清新柚子柠檬气泡水（冻）$45-同样系refeshing之选， 酸酸甜甜滋味无expect新menu同样高性价比，下次约朋友再去~
继续阅读
Always wanted to try this resto after seeing many people recommend their waffles on social media. The original branch in Tai Wai was too far for me, but since they opened a second branch in Sai Wan, I've visited twice - first with my sis and the second time with my whole family..On my first visit, I ordered the Beef Tongue & Soft-boiled Egg Teishoku. The Teishoku included kimchi, egg shreds, salad, rice and miso soup. The black pepper beef tongue was tender, with a balanced ratio of saltiness and spiciness, creating an extremely savoury combination. The soft-boiled egg on top enhanced the smoothness of the tongue. My sis ordered the Sweet Shrimp & Salmon Roe with Rice Crisy Ochazuke. The portion of sweet shrimp was generous, and the rice included egg shreds, seaweed shreds, furikake, corn and rice crisps, all topped with hot tea. She didn't appreciate the addition of corn in the ochazuke though. We then shared the E FOR EGG Waffle, visually appealing and cute dessert made of two waffles forming the outer wall, with a cheese milk topping sandwiched in the middle and rich chocolate brownies surrounding it. The waffle had a solid, extremely crunchy texture even when it cooled. The cheese milk topping was not overly sweet or greasy, and two vanilla mochi hidden in the full milk cap added a chewy texture to the dessert. For my second visit, my mom and I ordered the Japanese Grilled Salmon Teishoku. We found it slightly disappointing that the grilled salmon was actually smoked, making the combination with rice somewhat strange. My dad ordered the Beef Tongue & Soft-boiled Egg Teishoku, while my sis ordered the Spicy Tonkotsu Ramen. The pork cartilage in the ramen was well-cooked with a soft texture, and the moderately spicy soup base contained ingredients like kelp, soft-boiled eggs, shredded fungus, green onions, scallions and white sesame seeds. We ended the meal with the E FOR EGG Waffle. .The cafe offers a variety of delicate desserts and features a spacious layout, including a unique pet-friendly area with fake grass and folding camp chairs for a picnic-like setting. They have a tatami area as well..On weekdays, they offer a 10 percent off student discount, making it a good place for HKU students to enjoy their meals.
继续阅读
收工路过条路比较暗，行行下俾呢到嘅灯光吸引左，望入嚟仲有狗仔🐶喺入面㖭呀，环境气氛都啱晒，同朋友餐牌都唔睇即刻入黎！呢间餐厅性价比真系高㖞，我地叫咗：🍄🟫烤大啡菇黑松露鲜菌天使面 $88- 浓浓嘅黑松露酱沾满天使面，大啡菇多汁加埋温泉蛋，系天衣无缝嘅配合。🍝松叶蟹-蟹籽明太子天使面 $108- 睇个名已经够吸引，卖相又靓。大大旧啖啖肉嘅松叶蟹配埋蟹籽同明太子，口感有层次，味道又鲜甜又有啲啲辣味。好食！🍖慢煮加拿大猪鞍‧甜渍苹果莎莎及薯菜 $128- 软淋嘅慢煮猪鞍，配埋苹果莎莎嘅酸甜味，好夹！个薯蓉好滑，烤蔬菜亦出色！🥨香脆鱿鱼须伴日式蛋黄酱 $65- 鱿鱼须真系小食中不可缺少嘅项目，热辣辣脆卜卜。酥脆嘅外皮，烟韧嘅内在，点埋蛋黄酱，yummy!!🥯E FOR EGG芝士奶盖招牌窝夫 $88- 压轴甜品！个样好可爱呀！唔舍得切开佢。外脆内软嘅窝夫铺上满满嘅忌廉同奶盖加埋朱古力粉，睇得又食得！☕️招牌奶盖咖啡(热) $45- 第一次饮加奶盖嘅latte，好棉滑呀！咖啡香左多左份淡淡嘅盐味咁。🍸开心果特调 $56 - 望见餐牌，有豆腐花喺入面？咁得意就叫左嚟试。开心果味真系好浓好浓，但估唔到啜到豆腐花时，一啲都唔会盖过左豆腐花味！🍹手工菠萝热情果香草气泡水 (冻) $48- 两款都咁清新香甜嘅水果夹埋，饮左好似去左阳光海滩咁，消暑解腻！餐厅设施非常之好，有宠物友善专区，下次可以约埋有宠物嘅朋友一齐过嚟用餐!😊
继续阅读