影片
周末早上同朋友去咗联和墟E Burger Cafe叹早餐，每次嚟呢度都觉得好舒服，令人感到放松自在😌我拣咗特色早餐（纽伦堡肠、蘑菇炒蛋、火腿、咖喱薯饼、牛角包）⋯牛角包真系my favourite😍，热辣辣好香口，咬落好松软唔会靭；咖喱薯饼都好好味，好少喺一般Cafe食到朋友拣咗份量十足嘅豪华早餐，黑松露炒蛋炒得好嫩滑，仲有汉堡扒、辣肉肠、薯饼、饺子同埋牛角包，啱晒本身系饿底嘅朋友😆配料仲有沙律菜可以refresh一下😋完美嘅句号由热咖啡和热柠茶终结😌不过好可惜呢间餐厅快要结业，餐厅喺艰辛嘅疫情情况下仍然坚持经营，真系好多谢店主同埋伙记们为粉岭街坊服务，希望有缘再会，多多保重👋👋
继续阅读
成日去粉岭揾个friend，通常都系返食早餐😅😅粉岭地方唔熟，梗系问我个friend啦，佢今次带我去咗呢一间餐厅😝餐厅坐得舒服，两边落地大玻璃够晒光猛☀️睇吓个Menu，原来有好多早餐都好平，好抵食。食物方面，特色早餐🥐🍳🥓味道正正常常。仲有🌹玫瑰鲜奶咖啡☕️，卖相、味道不错😋
继续阅读
今日食到一肚火，联和墟内一直都冇乜同类型嘅轻食或者Cafe Style嘅餐厅或者真系Cafe，就算系连锁嘅好似Subway或者再甚McCafe都系无。咁就入去试下。入去环境干净，舒服光猛嘅，咁我就叫咗个经典汉堡，同行就叫咗个辣肉肠汉堡咁，total 137～之后就系恶梦嘅开始，个包又硬又干，啲生菜一浸雪柜嘅味道，之后青瓜亦都系一啲味都冇。最严重系我地同行两个旧肉你食落系超级干，好似树皮咁，而且我𠮶份系有带少少臭味同一浸唔系新鲜干净肉类应该有嘅怪味。我地2个只系默默食完送嘅牛油栗米，同食一啖之后就冇再尝试嘅汉堡，埋单。有生之年竟然试到比m记12定13蚊包更加难食嘅汉堡仲要系3~4倍价钱。心痛浪费食物不过浪费佢地嘅唔系客人，系厨师。
继续阅读
外卖试咗几款甜品包括有佢地menu上特别推介嘅窝夫配雪糕、柠檬味芝士蛋糕，同埋另外两款：杨枝捞捞、焦糖炖蛋。每款都唔系特别平，对佢嘅质素都有一定嘅期望。🥲但窝夫$45半份，份量少之余，仲要系极度干身。柠檬味芝士蛋糕颇酸，完全唔系个种淡淡嘅柠檬味，$35一件仔真系出面大把更好嘅选择。焦糖炖蛋味道不过不失，偏流质似慕丝，性价比低，$30得好细杯。最后🥲真系得个杨枝捞捞系叫做正常，味道较淡，但份量适中嘅。总括而言，呢间嘢嘅甜品真系唔值得一试🥲
继续阅读
朋友即兴约食tea🙈 但系佢嘅要求系想食得light啲healthy啲😆 话想食沙律类，拣咗呢间喺粉岭联和墟嘅隐世平民cafe☕️试试，其实呢间cafe 本身最主打同出名系佢哋嘅手打burger🍔 不过今日未有机会试🫣🥗煮鸡胸肉杂锦沙律伴黑醋 $68本身朋友见到$68话咁平会唔会个portion 好细🤔 点知一上台好大碟😳 两旧鸡肉都够大旧🐔 鸡似煎得好香肉质好滑唔会好似平时鸡胸鞋口😌沙律比起其他cafe特别系有好多唔同类型嘅nuts,超级健康同埋非常岩健身人士🏋️，高蛋白质健康之选👍🏻 🌯韩式炸鸡墨西哥卷 $43呢个仲夸张，睇价钱又以为佢好细卷，原来系同正常墨西哥卷咁大😎，上台已切开两份，因为都真系够两😮个人share👩🏻🤝👨🏼 韩式炸甜甜地辣辣地，味道几好，而家份量都多，入面仲有好多菜🥬，半条已经feel 到饱🫢冻柠茶🍹跟餐只系加$8 , 如果想嗌其他cafe 嘅特饮仲可以半价，真系劲抵🙊
继续阅读