DX Bakery (已結業)

呢間小店做左都有幾年，平時唔覺好旺，但因為附近都冇咩bakery，得呢間，見佢門面都算企理 有心思，玻璃櫃既cake 賣相都唔錯，所以都幫襯過兩次。今次買左 $22 伯爵茶瑞士卷，見伯爵茶味好少見，所以買來試下。 個卷幾鬆軟，不過就略嫌太鬆軟，一切落去，較容易散，建議可以整得實小小，伯爵茶味算出，但可惜的是cream 沒有伯爵茶味，令到感覺較普通，建議可以連cream 都係伯爵茶味會突出啲。呢個卷都有個特點 就係食到一粒粒的「茶葉」？ 下次會試其他。

自從一次偶爾機會吃到後，現在每次經過都會買點東西吃，無論曲奇，卷蛋糕，切餅都做得唔錯，幾好味，蛋糕賣相都吸引，連鎖店之外的選擇店舖小小，卻企理整潔，，，很放心幫襯

離開工作幾年嘅崗位，好唔捨得一班好同事，今日最後一日返來執野，估不到一向靜靜的男同事會有禮物比我們（我哋走就話要請散水餅啫，估唔到有回禮😂）仲要係我之前講過想試嘅餅店（超超超超窩心）仲要係我最愛嘅伯爵茶味😍伯爵茶曲奇餅：簡約啡皮紙袋包裝，入面再有透明膠袋包裝，曲奇外表平實唔花巧，咬落鬆脆，好香伯爵茶味，茶味係比較難處理嘅，好難突出，呢度做得幾好，而且不太甜，好味！有一班咁錫我嘅好隊友，真係唔捨得走！錫晒你哋！

住係天水圍個fd啱啱好星期三係屋企開party，我就係負責買甜品既，於是就係佢屋企樓下間餅舖買左4件芝士撻上去呢件芝士撻一件啱啱好，唔會太過甜，而且食到好香既芝士味！咁啱原來個fd既媽咪係呢間都預購左佢既奶黃月，奶黃月超好食呀！我寧願要奶黃月都唔食個啲傳統好油既蓮蓉月餅叫佢留定一舊比我試哈哈，呢個係我影到既樣子

位於天水圍的DX Bakery，是我曾介紹過的黑馬面包店。曾嚐過餅店的曲奇，覺得質素奇高，令人驚喜。快要到中秋，大家一同賞月時，必要吃一兩件月餅吧。Deluxe奶黃月餅$258一盒八件的奶黃月餅，在9月10前預訂，更可以$220訂購呢。全新的月餅用上上等食材，例如不含反式脂肪的法國牛油，天然糖類海澡糖等，減肥一般月餅的油膩負擔。奶黃月餅叮後充滿蛋黃香氣，甜滋滋的味道在空氣中散發，令人陶醉。月餅採用海澡糖，甜度只有白糖1/4，重口味的我還時愛甜一點。

某日應約, 在 天水圍-天一商城 吃韓燒行行逛逛, 發現有這間門面光亮的 DX Bakery, 於是外賣一些餅食回家和家人分享 ~Tiramisu $ 22/件 : 這件意大利芝士餅的質地濕潤而柔軟, 口感層次豐富, 味道香濃又略帶酒香, 吃進口相當美妙 ~日本香橙蛋糕 $ 22/條 : 吃進口中就是驚喜! 蛋糕的質地濕潤, 吃進口是黏黏的, 有點紥實的口感, 蛋糕面上有三片糖漬香橙, 蛋糕內也有糖漬橙皮條, 整體吃落是橙味不假, 滿有甜蜜蜜的馥郁橙香！真的沒想到這家餅店會有這樣高的水準, 看來高手都是在民間 ~本篇完 ~

講起杏仁乜乜乜正常人都會諗起澳門特產,不過今次比我搵到有間係荔枝角的小型餅店入面既腰果杏仁脆糖都可以同澳門手信牌子比。雖然鋪面唔大,但老闆娘同我講原來佢地都有自己既工場,店內所有產品都係新鮮即日製造,唔怪得之咁受歡迎啦! 講返個產品,其實佢唔似普通既杏仁脆糖,呢隻係將所有粒粒變成片再加埋脆脆,入口唔算太硬,脆卜卜,就連屋企個小朋友都爭住食呀!!

位於天水圍的Dx Bakery，是一間新開設的曲奇蛋糕店。作為一名住在天水圍的吃貨，我竟然不知道開設了一間如此高質的曲奇店呢DX 4 MIX COOKIE $148個人很喜歡吃餅類和曲奇等的零食，打開罐子，那甜甜的香氣引人撲鼻。DX Cookie 內有四種不同囗味，紫薯紅豆，奶皇松子，比利時朱古力，果仁。每盒曲奇有48片，份量十足，小女子一次過吃掉12片作零食，就知道它有多美味吧。第一片嚐試的是 奶皇松子，奶黃味道超級特出，奶黃濃得像正在吃奶黃月餅，令人驚艷，是四片中我的最愛第二片嚐試是 果仁曲奇，內藏不少果仁的曲奇，用料十足哦。包括: 腰果，杏仁，開心果等，粒粒囗感，足料得可以咬到牙軟阿。第三片嚐試的是 比利時朱古力。朱古力的味道超級濃郁，苦甜比例好，苦度較甜度高一點點。囗感最鬆化，值得嚐嚐。第四片是 紫薯紅豆，個人最愛紫薯紫色曲奇令人期待，紫薯味道剛好，內有紫薯絲絲質感哦。Dx屬高質的曲奇，用手進食，竟然手上沒有油份，是天水圍新黑馬之一哦。

朋友送過「曲奇」姊妹店的曲奇給我們吃， 我們吃過 ... 唔 ... 那是不錯， 那天往天水圍探另一位朋友，相約在「酒店」下的韓國餐廳午膳， 大家吃完後順便逛逛「酒店商場」， 竟遇見一間與商場內其他店舖截然不同的蛋糕店，是一間頗精緻的西式蛋糕店，內裏售賣的蛋糕款式真多。兼售賣麵包與 ...曲奇，這隻曲奇款我有吃過，今次再 share 買多一些糕餅回家吃。有寒天的卷蛋，三種口味，我買了其中的一款來吃，綠茶寒天青蘋果卷 $ 35 中間那件綠色，如啫喱質感的東東就是寒天，它有青蘋果的酸甜果味，拼在鬆軟的綠茶卷蛋上，綠茶的味道是慢慢滲出來的茶味，鮮奶油吃下去也是不會膩，整體的配搭亦算新穎。雪櫃裏的小西餅，看樣子也是不錯吃，買了幾件來分享吃，我較喜愛下面的意大利芝士 $ 22 吃這個的時候千萬要小心，因為蛋糕面上的可可粉是非常容易在吃蛋糕的時候吸進氣管裏。 芝士的膩口剛好能被帶濕潤的蛋糕所溶化，不過芝士與咖啡的味道還算濃郁。相比之下，個人覺得 Rum 酒提子芝士蛋糕 $ 20 的味道會更吸引自己，酒味重，提子香，芝士蛋糕的質感重，冰涼涼的吃落也不會覺得芝士膩，喜歡它帶酸酸甜及有酒的滋味。 4

近來口味偏向濃和重，加上經常"口淡淡"，所以對香口的"口立濕"情有獨鍾，但又要吃得健康，選擇範圍變得非常狹窄。 Deluxe Bakery - 這家出品的蝴蝶酥早在荔枝角店嚐過，那低糖、用料天然是其吸引之處，原來天水圍也有分店，相對路程較近，心血來潮想吃低糖甜點也不用遠走。副線天水圍店 - DX Bakery，同樣主打售賣蛋糕、麵包，當中還有不少款式的曲奇餅，不過包裝則走更年輕化的路線。 陳設方面同樣以簡單為主，實而不華，用盡店內空間去展示其商品，琳琅滿目中又有一點目不暇給。 選了盒曲奇餅和腰果杏仁脆糖作為下午茶點。 4 Mix曲奇 $148鐵盒包裝的印花圖案精緻美觀，用來送禮也不失體面呢! 而且價位比過時過節所吃到的藍色鐵罐曲奇相對便宜一點，拿起來重量亦相當"聚手"。 一盒有四款口味，包括: 奶皇松子、紫薯紅豆、比利時朱古力和果仁，賣相平實的外表，沒有過份的裝飾點綴，也沒有唧花花紋。盒內的曲奇有四層之多，每層都有牛油紙隔開，不過因為沒有間隔，所以曲奇難免會因搖晃而"走位"。 每塊曲奇像一隻手指般的長度，三兩口就吃得完，所以不其然的一塊接一塊。質感硬身中帶點脆口，

前日係我死黨個女，兩歲生日既大日子，身為契媽既我二話不說收工買蛋糕衝上佢屋企同佢慶祝生日，今次就買左呢個oreo cheese cake 。你知啦，小朋友口味好難講，買個oreo味既蛋糕就實無錯唔知係咪小朋友太興奮，佢好快手咁已經用叉插落個蛋糕到(導致我影唔切相)不過見到小朋友咁開心，拍哂手仔咁，咩到值得哂啦 haha幾個大人都讚個蛋糕好食又香oreo味，小朋友又食到lam lam利，值回票價！

公司雖然係旺角，但係即將離職既同事都好有心，專程係天水圍既DX Bakery買左盒散水餅比各位同事食，成間office大部份都係女仔，一打開個蛋糕盒，嘩！不得了！正所謂相機食先，不過d蛋糕真心精致同好食我就簡左抹茶捲，唔會太濃搞到”利”口，中間仲好creamy！老老實實，自己就真係對抹茶無咩好感，因為成日疑住會有陣苦味，但呢個抹茶捲令我對抹茶改觀，巧吃！

踏入七月, 係小妹的生日月, 各方好友都好有心, 月頭已送定生日禮物, 有實用的, 也有食得的, 不論是什麼, 我同樣很喜歡, 因為每份禮物也代表他們的一份心意, 要好好珍惜。暫時要收到有Line Friends熊大的精品, 還有一盒六味曲奇和一盒四色曲奇, 兩大盒曲奇!? 月頭已可以吃得飽飽, 哈! 拿出這盒DX Bakery 品牌的4 mix曲奇, 鐵盒以白色和淡粉紅為主調, 封面印上花朵, 設計高貴優雅, 大方得體; 而盒底也清楚貼上成份、件數和食用日期。把其打開, 共有四層, 足足有四十八塊, 每層有放了四款口味。每塊曲奇也是呈長條形, 長度和厚度也相若, 不竟是自家製作, 只每塊形狀總有少許不同, 並不是工工整整, 但反而多一份手製的親切感, 更有意思。四款口味分別有紫薯紅豆曲奇、果仁曲奇、朱古力曲奇和奶皇松子曲奇, 決意一次過試齊四款, 但當然慢慢逐一品嚐。先嚐最吸引我的紫薯紅豆曲奇, 邊個話紅豆一定要配抹茶, 紫薯也可以跟紅豆做好拍檔。紫薯紅豆曲奇呈深紫色, 咬一口, 質感厚實, 挺脆口, 紫薯味不算非常突出, 只嚐到淡淡的紫薯香。內裏不止有脆口的紅豆粒, 還加了煙煙韌韌

曲奇呢店市場，不斷都有新店加入，最近友人送嚟一盒有4mix曲奇俾小弟，包裝外觀精簡，有點格調，品牌名字叫「DX」，似喺一個新嘅品牌，因為未曾聽過呢間店，感覺比較陌生。再細心睇睇個包裝盒，原來喺Deluxe Bakery嘅出品，早前就啱啱試過其部份出品，感覺不俗。盒底印住官網網址，上去八一八，網頁設計比較簡單，不過就唔喺有見到有關「DX」的介紹。但友人就話喺想開拓年輕人市場嘅副線，為針對年輕人市場，故產品都偏向迎合年輕人嘅口味。打開包裝，內有4層，每層都有12塊曲奇極齊咁排列，分別包括4種口味，其實，之後食落去，有啲喺有13塊一層，總之比盒底標明總數量48塊有多無少，跟住就同大家分享吓4款曲奇喺點。堅果牛油曲奇第一個印象就喺堅多堅果仁，曲奇內混入好多開心果、杏仁碎、腰果粒，所以，口味唔算咩新奇嘢，卻喺勝在極有口感，雖然牛油味唔算重，但曲奇本身十分鬆脆，此外，甜而不膩。紫薯紅豆曲奇比較期待嘅一款口味，以紫薯作為曲奇嘅口味，加入紫薯粒提升個煙韌口感，再配合紅豆嘅清甜，但似乎未做到預期，因為個人覺得紫薯味未夠突出，紫薯粒亦發揮唔到煙韌感，而紅豆粒咬落比較硬身。奶皇松子曲奇4款口味中，以依款較有

最近瘋狂愛上藍莓，所有甜品都要點藍莓味的。有次朋友到訪我家，就帶我一件佢屋企附近餅店既藍莓tart！賣相非常討好，而且藍莓大粒又甜又多味！如果tart底再加多d 吉士就更好啦！