Dough Bros Pizza & Doughnuts (奧海城二期)

估唔呢间铺都几难揾,睇埋商场地图都唔系睇得明,原来喺外围～BBQ chicken个pizza饼底金黄微脆，酱汁甜中带烟熏，鸡肉嫩滑，紫洋葱同香菜增添清新层次，都好开胃～意大利辣味肠（Pepperoni）Pizza，饼底烤得金黄微焦，芝士熔化拉丝，铺满咗香辣辣味肠片，仲有洒上香草碎增添香气。整体就系经典又诱人嘅辣味Pizza！🍕 连两杯Dough Bros嘅酱汁，用嚟配Pizza食，提升风味。系配搭Pizza嘅好拍档。…查看更多

最近发现一间主打即叫即制手工薄饼嘅小店 DOUGH BROS，有多款特色酱料同爆酱冬甩，绝对系邪恶又满足嘅选择！  🍕 薄饼即制香脆，酱料超加分叫咗两款 9”件装薄饼一人餐（$118），套餐包薄饼、饮品同冬甩，超抵食！  - 至尊意大利辣肉肠薄饼：辣肉肠 + 意大利香肠嘅咸香组合，配水牛芝士同番茄酱，辣得过瘾！饼底外脆内软，仲附送 招牌蒜蓉香草酱，蒜香浓郁，沾薄饼食层次即刻提升！  - 夏威夷薄饼：烟熏火腿 + 菠萝嘅经典配搭，甜咸交织，加上牛至草香气，清新解腻。  朋友另外拣咗 7”迷你烤盘薄饼（$88），4片经典烤肉薄饼，满满嘅辣肉肠、烟熏火腿、鸡肉同烟肉，啖啖肉超满足！  🍩 必试爆酱冬甩！流心馅大爆发冬甩即叫即炸，外皮微脆，一咬开内馅爆浆！- 开心果白朱古力：坚果香浓郁，白朱古力甜而不腻。- 吉士酱：经典之选，奶香十足，流心效果超夸张！  …查看更多

食咗咁多年Dough Bro，真系越做越差，见佢出新嘢谂住试吓，点知中晒伏个黑松露pizza系完全冇黑松露味，另外叫𠮶个黑松露薯波都有黑松露味过佢，极度怀疑佢根本就冇落到黑松露！个冬甩系冇一样嘢好，个包又干又硬，觉得嘉顿面包都好食过佢，但系佢30几蚊一个。至于入边个酱，大家千祈唔好谂住佢好似Nutella同其他冬甩咁样样嘅质地，佢系好似一个干咗嘅膏咁，佢仲够胆死写爆浆三重奏，然后我也一个同事咬咗一半都未见到有酱，总共叫咗四个，四个同事一律劣评，建议大家唔好以身试法。…查看更多

今天叫了外卖，食物其中一样是薄饼，今天的用餐换来极度可怕经历，小朋友食食下薄饼中，感到有异样，立即吐出黎，我们非常惊讶，点知发现系一块尖尖的透明碎片，所以即时投诉啦，即时已经影了相片给对方，但是对方只给五十元卷作补赏，又话相片证据不足，不单止没有道歉，完全感到没有悔意，好彩今次小朋友识得吐出来，如果吞佐就不堪设想了，anyway冇下次，拒绝再帮亲此店，大家想有可怕经历的用餐，不防叫此餐室的外卖，就算堂食都要打醒十二分精神。。。。。…查看更多

屋企人突然间想食Pizza经过开奥海城记得呢度有间外卖Pizza店就即刻入左去帮衬😝拣左The Pepperoni🍕仲有朱古力冬甩🍩等左10分钟就有得攞喇 好快手🙈The Pepperoni $138一个Pizza有六件 配料有番茄 辣肉肠 罗勒Pizza面有好多辣肉肠同水牛芝士🧀食起上黎有拉丝😋劲正爆酱冬甩 $38拣左OREO朱古力酱🍫冬甩好大个🍩一咬已经流晒朱古力酱🤤甜甜的 好软熟 食完即刻饱晒🤣…查看更多