District 8 (ELEMENTS圓方)

营业中

休息中

2道菜午餐$198。前菜選擇幾吸引，但主菜選擇頗悶，得豬柳、青豆意大利飯、鴨胸。主菜冇咩好揀。「煙燻豬腩肉沙律」豬腩肉燒得幾香，有煙熏味。沙律雜菜加上橄欖油、鹽同淡淡嘅果醬味，唔會太酸，溝得幾平衡，唔錯。「醃製油甘魚」油甘魚幾香，而且都算厚切，有口感。自製醃醬係橄欖油加蒜蓉，有少少魚子醬。整體都幾香滑。👌🏼「麵包籃加種子油」午餐麵包要另外加$35。佢唔係傳統硬皮嘅法包，比較似Pizza Hut嗰種蒜蓉包再焗到佢脆（不過冇蒜蓉味）。種子油口感幾輕盈，有淡淡的椰子香味。「法國鴨胸」即使係medium，口感都唔嫩滑，冇汁，乾噌噌。而且medium都幾粉紅色，其實都唔知係咪咁安全。早知倒不如食全熟，仲食得比較安心。反正medium嘅手勢又唔係整得嫩滑多汁。環境： ★★★★☆ 食物： ★★★☆☆ 推介： ★★★☆☆

Ms N 剛回港、Ms C 剛到港，原本Ms C 想我們去聽她講課，但我和 Ns N 都各有事情要處理，推了，並說：「有緣再聚吧。」星期二早上，我已出門約了朋友做運動並處理一些義務工作，Ms N說下午有3小時的空檔，找個中間點聚一聚。我但約了九龍站見，見面再決定食咩。2:20pm與 Ms N 在九龍站滙合，我正在和另一朋友 whatsapp ，因為 Ms C 和朋友在尖沙咀問我要不要過去 join佢哋，這時候，其實我的腿已跟著 Ms N 走到 District 8，我放低電話問這個相識剛一個月的朋友，妳怎知道我喜歡這餐廳？Ms N 說：「我不知道啊！但我覺得這裡舒服、服務好、食物亦 ok囉。」這就是心有靈犀嗎？那天風和日麗，坐在這餐廳的露天位置，很有巴黎下午茶 feel。四時半，Ms C 也到了，三個女人自然會變成。。。 嘻嘻哈哈的坐到日落，享受了一個悠閑下午。

今日試呢間牛扒見佢餐牌第一貢餐牌係主打牛扒，心諗試一下佢個ripeye steak叫左個medium既等既時間還ok不過成間野室內少人好啦個steak一上既一試，個steak係凍既諗住佢左邊凍啦，試左成舊都係凍既連邊位即時10成熟既位都係凍既係真係凍既佢炸個薯條就熱其實佢serve上黎已經切左件，都知不妙好既餐廳熟steak唔使切開睇幾成熟本身諗住去換，不過食落已經唔想食真係未食過咁柴既牛扒真心無下次大家唔好試唔好試

今日有啲事要去圓方，所以帶埋狗狗去食嘢同埋行吓街，選擇咗District8，因為可以帶埋狗狗喺戶外地方坐，夜晚氣氛好好，不過今晚都幾大風，有啲凍，下次可能會選擇下午。我哋叫咗medium牛扒拼薯條同埋豬頸肉，sauce味道係有啲淡，不過肉質幾好食，兩個主菜肉類都好淋。

性價比很不值, $160的brunch 只有两隻冷了及 overcooked 的 蛋 Eggs Benedict, 没有任何side salad or drink, 更没有任何cooking skill 可言, 不會再回來!

朋友推介依一間扒房，主要係性價比高、位置方便、唔使排隊。餐廳有分outdoor同indoor，outdoor係俾人happy hour飲下酒，都好chill，環境開揚。我同女朋友都叫左一塊Barcoo 牛腹扒 (350g) ，大概12oz既牛扒份量幾多，而且都偏厚，肉汁好豐富。配埋薯條普通人都會好飽肚。我個日比較肚餓，好彩女朋友食唔曬俾埋我食就啱啱好。牛扒厚的同時肉質亦好軟身，冇乜筋位，口感略帶口感軟韌芥末醬同我後加既黑椒，好惹味同香口。而薯條🍟就見人見智，同麥當勞薯條唔同，佢用既係粗身既著條，但又唔係原隻薯仔，都係用著蓉整。就算外皮酥脆，但總覺得口感比較粉。女朋友反而幾鍾意，我就鍾意用原隻薯仔整既粗身著條多DOverall食完好滿足，都覺得係Elements，District 8既性價比同質素都唔錯。

朋友揀嘅放工中間點西餐廳～我地叫咗一個洋蔥湯，一份Rib eye (Medium Rare) share食。先嚟洋蔥湯，上枱已經for two咗，非常細心。洋蔥湯甘甜濃郁，不過麵包上芝士應該唔係我平時香港飲開會拉絲煙韌嗰款芝士。Rib eye 出色，熟度啱好，肉質腍身，有grilled 香味。💯最出色係薯條，非常酥脆呀！唔會非常乾身，外脆，入口仲有薯蓉感😍整體來講完美合乎期望，人量around 50%，非常適合dating, 又有outdoor位，淨係飲嘢都chill~

District 8 📍 尖沙咀ELEMENTS圓方金區演薈廣場頂樓R009號舖. 週末要來好吃的放鬆的餐廳才能好好感受生活。昨天我們駕車來到了西九龍的圓方商場，這個商場的泊車優惠很划算喔非常適合駕車人士。這家餐廳位於商場的頂樓，環境氣氛十分外國風，很多外籍人士在這裡chill~也看到很多住附近的居民來吃brunch。 我們這次order了兩個weekend brunch. 1. The district 8 $170 這個真的挺推薦的，豬肉香腸十分好吃，香草味的，而且烤的剛好，不是便宜的香腸； 煙肉不是我們平常那些很薄片的，而是非常厚，像豬腩肉醃製的，超級好吃！反而酸種麵包就一般，感覺沒有烤過，有點硬。另外，咖啡來說還是挺好喝的。 2. duck confit hash $155. 由於我近段時間在做運動，所以儘量多吃點蛋白質，所以我就order了這個。但是令我十分失望的是，餐牌上明明寫住油封鴨腿，脆新薯，我以為好似其他餐廳咁，會正正經經地有一隻完整的鴨腿，煎得脆脆的薯仔。可是，上來的卻是像肉絲亂燉那樣，而且味道也不好吃。這個就一點也不推薦了啦

今晚同男朋友拍拖再食埋晚餐🥰，大家都岩岩出糧想食好啲，我地就去左尖沙咀圓方呢間District 8 (ELEMENTS)😛我選擇❤️自家製燉牛面頰寬條麵，巴馬臣芝士哇哇哇〰️呢個一上枱已經聞到陣陣芝士香味😚，因為真係好多芝士，仲要係巴馬臣芝士，味道特別濃！燉牛面頰入口都好嫩，好香牛味✨男朋友選擇❤️肉眼牛扒男朋友呢塊肉眼牛扒份量十足，入口仲充滿肉汁，口感嫩得嚟又帶點嚼勁，味道真係唔錯🥰男朋友仲share左幾舊比我食，嘻嘻☺️

成功計劃帶男友去圓方食西餐💗今日全日都係拍拖日，日頭行完街買完野，夜晚就上來呢度，一入到去環境好好💖好有浪漫感覺，裝修帶點華麗，跟住比女友話事，佢發版🌯焗法國蝸牛，牛油，大蒜，歐芹，法國長麵包🌯法包加上牛油、大蒜、歐芹又幾入味，又幾好食，平時好少食法包，覺得唔錯阿‼️🧆牛腹肉牛扒🧆牛扒好新鮮，牛肉細嫩肉質豐富，馬鈴薯炸得好食‼️🥞檸檬撻🥞最後食甜品，係我男友至愛，佢話好好食，檸檬好濃好好食，好甜好夾，一向鍾情於甜品既佢話好食 ‼️最後我地都食得好開心同好滿意，呢度氣氛好好，好有情調，好少可會係度比好評🉐好味指數 🉐🉐🉐🉐🉐服務指數🉐🉐🉐🉐🉐浪漫指數 🉐🉐🉐🉐🉐

💡其實呢一間餐廳我已經嚟過兩三次，每次嚟都係超級多人，如果冇book枱嘅話真係有機會冇位坐！所以大家記得預約。西班牙鯖魚，慢煮茴香，番紅花，青口汁（ 舔舔脷指數:👅👅👅👅👅）經過上次之後我都一樣叫咗一個鯖魚，我覺得呢個鯖魚真係令我流連忘返！除咗佢嘅肉質比較鮮味之外，我認為佢個青口汁真係出邊食唔到。用咗青口肉同埋青口殼熬製，當中仲加入茴香慢煮，最後仲加入蕃紅花調味，所以醬汁出到嚟嘅效果鮮味十足。肉眼牛扒（ 舔舔脷指數:👅👅👅👅）今次呢就叫咗肉眼牛扒，因為上次已經試咗牛腹肉扒，唔知係咪因為我叫咗七成熟，所以味道比較失色少少。感覺上比較有咬口，但係牛肉味依然咁香濃所以都係好好味嘅！仲有啤酒！！！🍻

終於嚟到呢間我好想食嘅District 8 (ELEMENTS) 😍，之前已經同男朋友講咗好耐好想試吓，終於等到佢忙完project抽到時間啦🥹《西班牙鯖魚，慢煮茴香，番紅花，青口汁》(っ●ω●)っ評分5/5💓西班牙鯖魚肉質好柔嫩，加上慢煮茴香，番紅花，青口汁燉煮，散發淡淡的香味😋太出色嘅配搭。《牛腹肉牛扒》(っ●ω●)っ評分5/5💓真心推介呢個牛腹肉牛扒，我第二次食都一樣保持到水準🥹，粉紅嘅顏色好吸引，味道仲要好香牛肉味，啖啖肉都好鬆軟。《檸檬撻》(っ●ω●)っ評分5/5💓甜品時間到啦，叫咗一個檸檬撻，呢個檸檬撻嘅撻皮好香牛油味，檸檬酸酸甜甜咁好開胃，食完感覺上都冇頭先咁飽飽濟濟，做飯後甜品就最合適😋

《西班牙鯖魚，慢煮茴香，番紅花，青口汁》鯖魚分量十足，都幾厚肉，外皮煎得香脆，所以有分會比較多少少。我自己相對上會鍾意油份比較多嘅魚，因為食落口冇咁乾身。配埋旁邊嘅茴香蕃紅花青口汁，會令到魚肉嘅鮮味更加突出大家可以一試！《肉眼牛扒》肉眼牛扒好大塊，好多肉汁，牛肉味好香濃，啱晒牛魔王，我哋自己叫咗七成熟，所以會有少少咬口，但筯位唔算多，所以都OK 㗎。旁邊仲有香草牛油，大家可以放少少牛油喺肉眼扒入邊再放入口食，味道會更加特別。陣陣嘅香草味長流於口中。爭啲唔記得咗介紹佢哋嘅焗薯！雖然係配菜，但係同樣滋味！香脆可口，令我一試難忘。

平時住係附近既我通常都叫外賣，🫶🏼今次咁岩係廣場行街見到一間新開，心郁郁想試下，於是叫左成家人出黎食個晚餐，🤭好彩今晚唔係好多人，😝咁就可以有位入得去坐，好靚阿裝修各方面都印象良好，😗我地都叫左好多野食，難得唔洗針卡，可以坐係度舒舒服服咁食得好d，我地叫左好多野食，其中介紹下小小野先😙☺️焗法國蝸牛，牛油，大蒜，歐芹，法國長麵包哇，唔知係咪好耐無食過法國麵包，總覺得特別好食，總係覺得同出面既包唔同，好特別又香濃，好岩我胃口，份量好多，食唔晒可以打包 ☺️白酒會青口，大蒜，歐芹，烤法國長麵包呢個法國長包又係超好食，估唔到有咁多青口，仲有好醇既白油係入面，好香夠惹味 ☺️自家製燉牛面頰寬條麵，巴馬臣芝士呢個真係要再讚，賣相好吸引，就咁望都覺得多汁又多料，食落口真係成個口都充滿晒芝士既味道，一向被人講鍾意食好多芝士，鍾意到比人叫芝士怪，今次再私下加多少少，真係好食 價錢合理☺️☺️☺️☺️☺️好食☺️☺️☺️☺️☺️地點方便☺️☺️☺️☺️☺️

終於完成左一日忙碌嘅工作，想好好獎勵下自己辛苦左成日，決定食好啲，去左尖沙咀圓方呢間District 8 (ELEMENTS)食飯😊我叫左《西班牙鯖魚，慢煮茴香，番紅花，青口汁》，平時好鐘意食魚嘅我真係一試就愛上呢個菜式🥹，西班牙鯖魚外皮煎到金黃色，外皮有啲香脆，加上魚肉好鮮嫩，仲有加左慢煮茴香，番紅花，青口汁配料調味，真係廚師用心烹調嘅傑作呀🥰一個人仲叫左杯啤酒慢慢嘆🍻，一路食啲咁好食嘅嘢飲啖啤酒，成個人心情都特別靚😍呢間餐廳仲有個露天茶座🌴，環境都幾舒服，下次同朋友一齊嚟食個tea都幾chill😳