影片
港铁铜锣湾站 B 出口, 步行约4分钟
继续阅读
电话号码
53270710
开饭介绍
手工汉堡包外卖店，主打的手打牛堡有西式及港式风味，另有限定款式及素食选择，而套餐会配搭小食及饮品。
继续阅读
营业时间
星期一
12:00 - 14:15
17:00 - 02:00
星期二
全日休息
星期三至日
12:00 - 14:15
17:00 - 02:00
公众假期
12:00 - 14:15
17:00 - 02:00
公众假期前夕
12:00 - 14:15
17:00 - 02:00
以上资料只供参考，请与餐厅确认详情
疫情期间餐饮业多咗好多营运方式，其中Freshlane就提供咗「云端厨房」俾唔同餐厅，令外卖、外送更方便。今次吸引到我嘅系湾仔Freshlane入面嘅Dirty Burger，OpenRice/ 几个平台都有，现场外卖机order价钱最优惠，满$100仲有减$20！| ᴅᴏᴜʙʟᴇ ᴅɪʀᴛʏ ʙᴜʀɢᴇʀ |自家制嘅十字包，比平时软熟嘅汉堡包更有咬口；双层新鲜手打牛肉几juicy够肉味，配上焦糖洋葱、车打芝士同大量酱汁，每一啖都好丰富。| ꜱᴡᴇᴇᴛ ᴀɴᴅ ꜱᴏᴜʀ ꜰʀɪᴇᴅ ᴄʜɪᴄᴋᴇɴ ʙᴜʀɢᴇʀ |比招牌汉堡更陀地嘅炸鸡堡，甜酸酱还原咕噜肉嘅味道；炸鸡好大块、炸粉亦唔厚，加上菠萝同洋葱天然嘅甜味，细食嘅分分钟会食唔晒呢～| ᴡʜɪᴛᴇ ᴄʜᴇᴅᴅᴀʀ ᴄʜᴇᴇꜱᴇ ꜱᴀᴜᴄᴇ ᴡɪᴛʜ ᴄʀɪꜱᴘʏ ᴛʜɪᴄᴋ ꜱʟɪᴄᴇᴅ ꜰʀɪᴇꜱ |普通嘅波浪薯条，点咗浓郁嘅白车芝士酱味道即刻提升几倍，沾上酱汁依然脆口，芝士迷必点！| ꜰʀɪᴇᴅ ꜱʜᴜᴍᴀɪ |最陀地嘅当然要数炸烧卖—烧卖炸过后加咗少许辣椒碎，食落更香口，烟烟韧韧几过瘾。
继续阅读
dirty burger@ fresh lane in causeway bay初初都唔知Fresh lane 系咩嚟以为系个小食街原来就系一个外卖嘅铺集中地咁今日其实我系search过铜锣湾附近边度有burger食见到啲人啲comment都唔错又叫做陀地咁鬼有趣就要试吓啦首先讲吓个盒已经好特别入边系锡纸做感觉呢就非常之高成本实际上呢就有作用嘅就系非常保温喇咁今日呢就同个朋友嗌咗三款burger咁本身个包呢个造型都几靓系有烘过同煎过嘅香得来咸咸地一个就系佢哋最简单嘅Double Dirty Burger顾名思义即系有两层肉加埋cheddar cheese佢地嘅cheddar cheese 系真 芝士会热融个种味道唔系死咸但够真一款系期间限定嘅Blue cheese burger另一款呢就系沙嗲牛肉burger而佢哋嘅Patty呢系好厚好juicy牛味都重沙嗲牛肉burger呢就好重satay 味牛肉都系patty本身以为系沙嗲牛面个种牛肉片仲惊外卖会干又唔会wo最后blue cheesecheese 融晒落个patty 度个浸强烈嘅味好独特中意食开d 外国blue cheese 嘅朋友会几中意够晒抢overall 黎讲burger 真系几高质值得专登黎试下
继续阅读
湾仔东区商业大厦新开餐饮工场Freshlane，内有多间餐厅提供外卖食物，其中这一间专做港式汉堡饱，可以透过外卖平台，又或者现场自动贩卖机购买。再透过扫瞄QR CODE于自取柜拎取。所有食物即叫即制，故可能需要点时间，都是透过外卖软件比较方便。外卖盒和纸袋均有锡纸物料，保温效果更佳。咕噜菠萝炸鸡汉堡汉堡用上自家制的德国碱水面包，较一般的干身，更有饱足感；夹著一大块酥脆的炸鸡扒，撕开雪白嫩滑的鸡肉，流出浓浓肉汁，加上整块酸甜的菠萝平衡肉腻感，再加上酸甜的港式咕噜汁，非常好特别。港式沙嗲手打牛肉汉堡由新鲜本地牛肉手打而成，特别松软嫩滑多汁，满满浓郁的沙嗲汁，充满港式风味。陀地炸鸡翼一共四只香脆的鸡翼有少少辣椒和蒜蓉。邪恶白车打芝士酱配香脆厚切梅子盐味薯条港式波浪薯条厚切特别有口感，梅子盐不会死咸带点柠檬的微酸，流质的车打芝士酱味道温和易入口。
继续阅读
放假先嚟落大雨唔通连个天都唔钟意我😭唯有叫外卖啦意外发现大渣哥个舖位依家变咗外卖厨房—————————————————————虽然前几日先食完汉堡包但中岛今日都好想食🙈所以都系照叫左包食不过今次有软壳蟹😋原来佢哋个包系碱水包唔怪之得食落唔同无俾水气焗到变淋仲保持到胀卜卜平时食开𠮶啲仲唔湿晒咩😂软壳蟹下面仲收埋左块汉堡扒❤️微辣酱汁加上炒洋葱够开胃另外本身仲有个沙嗲牛堡但卖晒转左做招牌汉堡好彩都有水准大量碎洋葱+厚切汉堡扒👍🏻但我依然好想试个沙嗲牛堡啰🙂另外都不得不提个云呢拿奶昔无坊间嘅咁杰身同甜度似牛奶但好香云呢拿兼见到大量云呢拿籽食完呢餐闷气全消❤️❤️—————————————————————☘︎ 招牌陀地汉堡 $63☘︎ 避风塘炸软壳蟹汉堡 $112☘︎ 白车打芝士酱配薯条 $36☘︎ 薯饼 $15☘︎ 云呢拿奶昔 $46
继续阅读
喺铜锣湾买完嘢时间都唔早，搭车返屋企之前揾吓有乜啱食买返去先。鹅颈桥附近有Freshlane，近期继续做紧外卖自取优惠🥡，所以就帮衬吓。云云餐厅之中「Dirty Burger」最为吸引。小店嘅汉堡包口味富有自家特色，并带点港式风情🇭🇰，例如有沙嗲牛、咕噜鸡以及用上港式辣椒酱等。汉堡包设有单点或套餐，套餐包小食同饮品，两者价钱相差$40，性价比一般般。双层陀地手打牛肉汉堡Double Dirty Burger($123/套餐)，汉堡包好大个，而且仲要有两层肉，食完超满足🍔。面包系由小店自家制作，并非采用入货嘅牛油包，食落几有咬口，但唔干身，而且亦无被酱汁浸淋。由于酱汁唔浓烈，所以并无盖过汉堡扒嘅牛味🐮。同时，汉堡肉口感结实又多汁，系用手打先整得出呢个效果。主角汉堡扒系有质素嘅！港式沙嗲手打牛肉汉堡Hong Kong Style Satay Beef Burger($113/套餐)，本身误会咗佢系夹沙嗲牛肉片，但原来都系用上厚身汉堡扒，不过唔同嘅系个酱汁，而酱汁正正系精华所在。沙嗲超级惹味🤤，好重沙茶酱香，但又唔会过咸，估唔到配面包食都咁搭调！另外，汉堡包仲配上焦糖洋葱🧅同埋车打芝士，两样都好味。香脆厚切盐味薯条Crispy Thick Cut Salted Fries(原价$29)，🍟粗薯条看似平平无奇，但调味唔错，除咗盐之外，佢仲落咗啲糖，成个味道好丰富。香炸港式烧卖Fried Shumai(原价$28)，炸烧卖有五粒，炸皮几松，一啲都唔硬，并撒上麻辣粉，非常香口🌶，但略嫌定价稍贵。陀地炸鸡扒Dirty Fried Chicken($48)，炸鸡扒面积大过我手掌🖐️，外层炸得劲酥脆，但难得唔觉油腻，而肉质就保持嫩滑，用一个字简单形容就系：正🍗。其他韩国炸鸡抑或乜大大鸡排完全被比下去。饮品方面，我哋要咗蜂蜜青柠梳打Honey Lime Soda(+$10)同埋罐装柠檬茶。小店得好少饮品系自家制，前者可能因为落咗蜜糖嘅关系🍯，所以似茶记柠蜜多过梳打，哈哈。佢好似有手工啤卖，有兴趣嘅不妨一试。题外话，呢度嘅外卖包装盒整得几有心思，银色内胆，令我联想起太空主题🚀👽。总括嚟讲，小店嘅乌卒卒汉堡包具卖点，佢将陀地元素融入于Burger之中，令人印象深刻。我特别推介佢嘅沙嗲牛汉堡包同埋炸鸡扒👍。最后，我留意到佢啲汉堡包好邪恶啊，因为冇任何食材系蔬菜嚟㗎！
继续阅读