影片
K11 musea开咗都未去过，前排朋友生日就约佢去食饭庆祝，拣咗间喺里面嘅餐厅，顺便行下。但社会问题，大家都曾经担心食唔食得成，𠮶日下昼都仲话会开，点知我地行紧去餐厅时就话8点几会关😅😅😅不过佢地都好好，知道我地都就到就话尽量做俾我地。餐厅唔大，适合三两知己食饭聚下影相，因为餐厅格局都几啱影相打卡！野食方面叫左一个鳗鱼茶泡饭，而我地都好想食窝夫，选择困难症之下叫咗个mix嘅窝夫，有齐四种味😆分别系牛油果鸡扒+三文鱼+香蕉+士多啤梨。茶泡饭会有一个指引话你知应该点食，跟住佢做之前我地都小尝咗一口鳗鱼，食吓原本个味道。鳗鱼厚身，口感好好，而且煮得刚好，唔会太un。加埋茶一齐食，会觉得中和咗啲肉嘅腻。窝夫四种味，主食𠮶两款其实都无问题，不过可能食得都系甜品嘅味道，或者系啲酱？就会觉得容易融合啲，可能系食惯咗，主食两款味道会系有种三文治嘅感觉。我同朋友分别叫咗两款花茶，佢叫咗玫瑰洋甘菊乌龙，我就叫咗菊花杞子薄荷，本来我唔想叫薄荷，好怕𠮶浸薄荷味，但店员话无咩好劲嘅薄荷味，我就信佢，事实都系嘅😆😆由于我有少少唔舒服，所以无试到朋友𠮶个茶，但闻落都好香。由于舖头系采用出去叫嘢食俾钱嘅做法，所以叫嘢食时看都静静鸡叫咗件蛋糕。见朋友叫玫瑰花茶，我就拣咗个「玫瑰花果茶及荔枝洛神花的美好相遇」，个名好长😆不过都觉得会几清新。事实上件cake都系好清新嘅味道，感觉唔会太腻。👍🏻最后要再次多谢店员做埋我地生意，呢餐饭来得不易🙈我地走咗之后仲要洗嘢先走得。
继续阅读
今日特登约咗好朋友嚟呢度食嘢饮嘢, 本身想落酒吧饮， 但今日想清肠胃同饮啲健康，所以拣左呢间。Dialogue 太古城都有分店，而呢间就系K11 musea一样系新开既，玫瑰果茶侍应帮手加左少少蜜糖，令本身微酸既花茶更加香浓。我就喜欢用呢一个茶壶同茶杯，因为茶杯用胶做，唔系用玻璃。拎上手较轻巧，加左花茶既茶杯特别靓靓。杂莓窝夫 香蕉窝夫香浓既窝夫上加左纯原味乳酪和士多啤梨，很match. 朋友食另一款香蕉窝夫也赞不绝口安格斯牛秋葵茶泡饭侍应送上指南一份，令食落既泡饭特别唔同。个饭加埋牛肉汁好饱满，连埋秋葵好有层次。餐厅迟d出新set, 特别整左新口味既小甜点，加入左茶叶既糕点很精致又好食。好期待呀。因为餐厅系新开张嘢，所以暂时都唔系好多客人。以呢一间呢就最配衬到k11 musea果种艺术感。茶室行优美路线，加上好热情年轻既侍应，我哋真系不知不觉倾咗两个钟计。很愉快既一天。
继续阅读
一间几趣致的餐厅，茶主题的中西fusion特色菜，不过我其实系去尖沙咀中心那间舖，本打算轻食份三文治，但竟然当天没有三文治供应，便试了特色的茶泡饭。莲藕野菌普洱茶泡饭，presentation 很趣致。个普洱茶好滑，另跟一杯蕃茄汤，好酸，我本身不太喜欢!还有食泡饭的说明，颇有意思。饭是珍珠米很软糯，混有冬菰和藜麦，酱汁调较得很好。加入茶后就是泡饭，但沟淡了酱汁。莲藕是大种爽口那一种，几好味，但全幅盖了饭，要开泡饭有点阻住。最后跟一杯餐茶。全素菜，我喜欢!
继续阅读
花日布置, 简约有品味的环境, 完全进入了清闲mood, 点茶点蛋糕就是了! 蛋糕好几款, 荼又是, 挣扎下决定贪心点, 点了三各具特色的蛋糕及一壶优质茶。茶是抗氧南非蓝莓博士茶, 香, 酸, 甜, 浓处于一身, 清新易入口, 配蛋糕好夹, 尤其开番个胃, 不会太腻。三种蛋糕分别是洛神花的美好相遇(玫瑰花茶及荔枝), 日本茶与柑橘与黑豆的惊喜配搭及玫瑰橙香茶慕丝。见面都感受到其茶与水果的新意配搭。每种口味都独特, 不会过甜, 而且味道鲜明, 但能带到层次。酸甜, 香浓及清新口味, 每件都突出。如果其质感可以再实正点, 每口将变得更好食!
继续阅读
大约在 10月中的周末，当晚要出席细堂妹在半岛酒店婚宴；为了方便，加上当日下午 2:00 在尖沙咀钟楼有人集会事件，为免交通影响，我一放工，便直接走到中环搭船到尖沙咀！在尖沙咀梳士巴利道 Victoria Dockside 的新商场 K11 Musea，有很多新餐厅，当中有些我也几有兴趣帮衬！星期六中午，商场内都算多人！ 之前，经过一间装潢优雅的和风轻食店子 Dialogue by SP，可是刚刚收舖中，找天来帮衬！ 意想不到！星期六中午出奇地少人帮衬！供应：和风轻食、甜品、茶类...等！先到 counter 付款，随即店员给予一个号码牌，稍后由店员送上食物！ 不用加一服务费！慢煮走地鸡肉牛油果蜜糖芝麻酱窝夫2件 $68两件只是同一款，而并非9款口味的其中两款！ 况且，牛油果与鸡肉梅花间竹夹住，份量都好少吓！鸡肉雪藏味都几突出，牛油果新鲜即切，保持翠绿，质感软身，尚算成熟！窝夫边位香脆而甜度恰到好处，质感松软富弹性！抹茶玄米茶 跟餐 +$30适合入口的水温，口味清新解腻！甜品：令我花多眼乱！SP Bouquet 玫瑰花果茶及荔枝、洛神花的美好相遇 $48集果酸与花香于一身！以薄身的蛋糕卷住，切开软滑紫色的慕思，原来更内有干坤，软绵绵的海绵蛋糕上下也有口味软酸啫喱的质感！ 内外兼备又有心思！整体来说，只有甜品较为出色，少人帮衬也有其原因吧！
继续阅读