Dessert @ Desert (已結業)

牛油果青醬帶子意粉（⭐️⭐️⭐️）手工意粉即叫即整，對得住呢個價錢。好大份，女仔食一半就好飽。牛油果就唔係好食到，青醬都夾嘅，唔會好滯，但帶子帶點鹼水味，食落就麻麻哋。香茅青檸茶（⭐️⭐️⭐️⭐️⭐️）勁refresh，小小甜，有成條香茅係入面！其他特飲選擇仲有泰式奶茶、檳城白咖啡、五花茶、自家製花茶，全部都好吸引！跟餐沙律係哈密瓜同西瓜，新鮮嘅。點樣feel到老闆有良心？佢推介隔離日本餐廳，介紹人仲多過介紹自己。可以WhatsApp同老闆落咗單先，咁就唔洗等啦（雖然都唔係等咗好耐）。希望老闆都整下外賣自取嘅服務，等多啲人試到佢嘅手勢啦😋。

兩隻大大蝦煎得好香好好味，pasta 又彈口，同埋分量比我想象大好多！太飽食唔哂😅！$76 有蝦，homemade fresh pasta 仲有fruit salad 同埋一大枝drink 我覺得好抵!仲有其他涼茶揀，超級大枝! 會再去幫襯, 下次試吓第二個sauce! 🤤其實本來想試佢個鮑魚意粉, 不過啱啱冇晒鮑魚所以老闆介紹蝦！吓諗住係蝦仁嗰啲，點知兩隻大虎蝦真係開心！揭開個盒嘅時候真係有驚喜！下次會返去再試鮑魚啦！