Délifrance (中央圖書館)

营业中

休息中

今日去開中央圖書館，肚餓就走去delifrance 度搵嘢食見到佢哋嘅餐牌都幾吸引，而且仲有小食家添呢間中央圖書館附近嘅Délifrance環境都唔錯，又有室外又有室內我揀咗佢哋嘅焗豬扒意粉其實佢哋比較細份但係呢個豬扒真係好差，好似擺咗好耐嘅豬扒一樣，每一嚿都黑鼆鼆仲要啲意粉冇汁嘅感覺就係一堆冇味嘅意粉一樣不過加$20換佢哋嘅小食雞鎚味道就唔錯老實講，佢哋個豬扒意粉都要$86 㗎，咁嘅味道一啲都唔值如果收得呢個價錢品質質素真係要提高先得喇

今天和女兒來圖書館，為方便，到這間吃午餐，選了沙律和冬甩，等了大概半小時，有小朋友在旁的我，可能沒有太多耐性，覺得可以快點上菜。沙律的牛油果中心部分是冰，不是新鮮不要緊，但應該等到完全解凍再上會比較好。提子乾很細小，擺盤一般，蛋切得有少少爛，8十多元來說，性格比不高。我離遠看着冬甩放在餐盤上很久，等着沙律到齊才被送過來，冬甩一拿上，上面的朱古力都是溶化狀態，而且過份甜，內有帶有藥水味的果醬，只能吃下一口，然後吃不下。整體來說，比較多年前，現在的送餐質素真的差太多了。

好朋友從外國因工作關係遠道而來，住喺銅鑼灣嘅酒店，大概會喺香港留幾日😊朋友其實琴晚先到香港，但係聽日佢就已經會展開一連串嘅工作，所以就趁今日佢有少少空閒時間，約佢同埋佢嘅同事一齊喺佢酒店附近食晚餐☺️由於佢仲有時差，所以我哋決定食早少少，等佢哋可以食完早啲返酒店休息🥰由於佢住嘅酒店好近中央圖書館，而我哋大家都想悠悠閑閑咁食個簡單晚餐傾吓偈，所以我決定帶佢哋去位於中央圖書館嘅Delifrance 食個簡單西式晚餐😊由於我好鍾意食三文魚，所以我叫咗煙三文魚卡邦尼意粉套餐😆，包杯嘢飲，飲品我揀咗熱嘅有機綠茶☺️煙三文魚卡邦尼意粉唔錯，份量亦都幾好，我都覺得幾飽肚😊 今晚天氣幾凍，所以飲熱嘅有機綠茶覺得好舒服☺️我覺得呢間位於中央圖書館嘅 Delifrance, 係一個好適合週末喺銅鑼灣想食個悠閒晚餐嘅好地方😄👍

點了個粉和包，上包的時候就放在旁邊，一句話沒說，粉就上給剛來的顧客，人家都問為什麼這麼快，那個顧客剛剛前台下單走到自己桌子。隔了一會，我去問才想起來少了一個，還說謊說在叮了。後面送了個撻，本來我就算了，後面又想給我送錯。真是毫無質量和態度。2024年7月15號下午六點二十下的單。

銅鑼灣嘅香港中央圖書館📚相信好多人都去過！原來位於1樓有間環境好chill嘅Delifrance，有户外同室內可以坐，淨係睇住咁靚嘅天空同植物 ，嘆番杯飲品心情都不知幾放鬆! 今日叫咗🌸玫瑰蝶豆花檸檬梳打，睇見佢嘅漸變層已經心心眼，好靚呀！檸檬🍋嘅微酸加上梳打，真係爽呀！透心涼🌸白汁碎蛋焗薯配芝士盛，依款口味嘅焗薯係我由讀書到而家都一直咁鐘意食！香滑可口！🌸卡邦尼意粉，仔仔最愛，芝味滿分🌸法國🇫🇷杏仁撻，真正口法國入口運到，不會過甜而且好香杏仁味！🌸士多啤梨🍓可頌，買多個扁扁牛角酥返屋企第二日慢慢嘆，酥脆可口食到停唔到口

讀書累了？來Délifrance小憩一下吧！-Délifrance最近推出了新產品蝶豆花和越式法包系列，超吸引人的,迫不及待地要來嚐嚐新看看！首先是橙香蝶豆花牛奶咖啡。咖啡的顏色很漂亮，是淡淡的藍紫色。喝起來味道也很不錯，咖啡的苦味和牛奶的甜味完美融合，再加上橙子的清香，非常清新。-大推新出的辣醬牛肉越式法包！越式法包是即場焗烤的，所以吃起來非常香脆可口。餡料也很豐富，有牛肉、青瓜、酸紅蘿蔔絲、酸白蘿蔔絲等。牛肉很嫩，而且辣醬的味道也很夠味。-下午茶時份十分推薦烘芝士白汁碎蛋小班尼尼包配迷你蘑菇湯螺絲粉。小班尼尼包烤得香脆, 裡面的芝士和碎蛋都很香口，而且蘑菇湯螺絲粉簡單不錯吃甜點的話，點了的兩款pastry 士多啤梨法式拿破崙蛋糕和藍莓撻也很不錯,拿破崙蛋糕的餅皮很酥脆，吉士醬也很香滑。藍莓撻的藍莓很新鮮，而且朱古力撻的口感也很濃郁。#Délifrance #中央圖書館 #蝶豆花 #越式法包 #小班尼尼 #蘑菇湯螺絲粉 #拿破崙蛋糕 #藍莓撻

遍佈各區嘅Delifrance喺銅鑼灣中央圖書館都有分店每次自修室溫完習．最好嘅歇腳點室內同Outdoor座位都好舒適$198 二人套餐 比單點更抵食除咗主菜．仲跟沙律．餐湯．甜品．飲品試咗兩款新推出嘅Main Course✨ 焗意式蜆肉意粉即焗熱辣辣．醬汁同意粉比例恰好食到最後一啖都好夠醬汁裡面仲有粒粒蜆肉✨ 手撕豬肉芝士班里尼包外層選用Panini 包著充滿肉汁嘅手撕豬肉．口感豐富份量充足．食完好飽肚✨ 迷你雪糕牛角酥底層嘅牛角酥非常酥脆面層添上幼滑冰凍嘅雲呢嗱雪糕 同 朱古力醬超好味．下次都要再Encore

每一次去完銅鑼灣嘅中央圖書館借書，都必定嚟地面嘅Delifrance食。呢個位置簡直完美配合。通常我都會叫佢嘅二人餐($198)，加埋上一次食完嘢嘅coupon，減完就會係$188。二人餐會有兩個前菜，通常會叫一個沙律同一個是日湯。正餐就一定會叫我最鍾意嘅Carbonara和蕃茄菠菜意粉。佢哋嘅甜品好有驚喜，牛角包配雲呢拿雪糕。唔會太甜，擺落又暖又軟嘅牛角包。好開心嘅一個午餐！通常平日嘅午餐時分都唔會太多人，帶埋啱啱至完嘅書喺度打書釘，既悠閒又開心！

有中央圖書館作為最大賣點 呢間Cafe值得坐低飲杯咖啡 坐低寧靜吓落地大玻璃望住城景 根本唔使開燈 自然可見光舒服又環保 見到有位女士坐喺度望住城景畫畫 勁有feel!煙三文魚卡邦尼意粉奶油香氣 點綴橙紅色澤煙三文魚 絲絲洋蔥 粒粒煙肉一齊炒 煙三文魚鹹香與奶油醬汁一齊發力醇厚細膩 凍鮮果伯爵茶伯爵茶茶底 香橙 檸檬 青檸🍋‍🟩楓糖濃郁bergamot柑橘香 入口醇厚朱古力布朗尼 雲呢拿雪糕方形朱古力布朗尼擺放在白瓷盤上上面整球我哋拿雪糕 我嘅食法比較暴力，將布朗尼壓碎 撈埋雪糕一齊食 個人覺得效果更好

去到中央圖書館 借返本書探過下午茶， 我會揀去呢一間delifrance。慳呢度環境優美可以坐出露天， 喺露天一路曬太陽一路飲嘢係一個賞心悅目的享受。首先我嗌咗個卡邦尼意粉 呢度用上正宗意大利卡邦尼意 意粉咬落煙 䟴 彈牙 配上意粉醬同埋火腿 淡淡都係醒胃。之後就叫咗杯柚子橘子梳打 透心涼的感覺 柚子橘子梳打太甜 解渴消暑之 選。最後叫咗個杏仁方塊磚， 杏仁方塊 脆卜卜 杏仁未豐富 用來做下午茶就最啱喇。呢度客戶服務員好有禮 值得推介

咖喱白汁雞肉越式法包 新出嘅越式系列，咖喱白汁雞肉幾好味喎，咖喱香但唔辣，鹹香煙肉碎，鍾意加咗紫洋蔥，增添越式法包嘅惹味，每份仲配有酸蘿蔔絲，好開胃。加$5轉中杯咖啡迷你法式三文治 下午茶餐，四款口味嘅法包，白汁三文魚丶白汁吞拿魚丶白汁碎蛋丶芝士蕃茄甜點多選擇，花多眼亂鮮士多啤梨法式拿破崙蛋糕 香甜士多啤梨，香滑吉士醬，鬆脆拿破崙餅，食完呢件甜品好滿足呀！以往會揀蜜桃撻，今次終於見到士多啤梨撻，底層嘅朱古力撻再加上吉士醬，仲有士多啤梨片朱古力合桃牛角包 近期好興嘅扁扁牛角酥產品，有三款口味我就鍾意朱古力合桃，原來扁左嘅牛角包口感係更加酥脆

每個月都有一天留俾姪兒同佢哋去銅鑼灣中央圖書館閱讀和借書，我都好enjoy 這個活動。小朋友們話餓就要立即去搵食，而最近就係大堂旁邊的 Delifrance 我由讀書時期已經幫襯，唸起以前邊有咁多餐廳選擇，去到Delifrance 已给我很高級的感覺。相對小朋友而且佢哋去到見到餅櫃內的包餅，都不其然興𡚒起來。我試左新推出越式法包系列咖喱白汁雞肉越式法包$69咁嘅賣相完全乎合預期，越式法包是即點再焗脆，入口香脆可口，餡料超豐富，有青瓜、酸紅蘿蔔絲、酸白蘿蔔絲等，咖喱鷄藏在包中；重點是咖喱汁香而不辣和酸蘿蔔絲起了化學作用，感覺冇咁膩，估唔到又幾好味，不過食晒都幾飽吓。Cappuccino 以咖啡機冲出嚟，喝慣精品咖啡的我感覺當然差幾皮小朋友就食返口味大衆化的酥餅，重點是做緊特價，$68可以任選3 個藍莓鬆餅 入口不黏口，鬆餅中混合了藍莓醬，每口也甜絲絲，大人小朋友也喜歡的味道。吞拿魚蘑菇酥; 咖喱牛肉酥店員再為翻焗，焗到熱辣辣令酥皮的牛油味揮發出來，拎上手也會沾上油份，入口酥皮則香脆無比，如果餡料多些就更好。順手買多兩個扁牛角包比小朋友，一人拎住一個氹得佢哋好開心

今日朝早要去位於維多利亞公園對面嘅中央圖書館參觀兼考察，由要係新界區出去港島區，又唔想太晏去到，所以未食早餐就要去搭車啦。落車之後落毛毛雨，個肚又超級餓，好彩中央圖書館一樓有Delifrance！即刻入去叫早餐解決個肚餓呢個問題。🥢烘芝士白汁碎蛋小班里尼包。迷你蘑菇湯螺絲粉小班里尼包好軟熟，但係外層烘過所以有少少脆，入面夾住碎蛋沙律+芝士片，咬落去軟軟脆脆好好味。蘑菇湯唔算好濃，但係有輕輕嘅蘑菇味，螺絲粉都唔會煮到爛晒，入邊有啲粟米粒同蘑菇粒，唔會太寡口。🥢自選特級早餐揀左法國香酥牛角包+烤雞+珍寶腸+溫泉蛋牛角包酥酥軟軟，咬落去啲碎飛晒出黎，夠酥！烤雞比較細舊，唔夠juicy。珍寶腸無乜特別，少少乾。溫泉蛋煮得啱啱好，加左少少調味令粒蛋好味左。間餐廳有室內室外位置，如果唔係今日落毛毛雨，坐喺室外都幾舒服。喺圖書館睇書睇到悶/自修室溫書溫到眼瞓落嚟食啲嘢唞吓氣都唔錯。

中央圖書館呢間Délifrance已經好多年除咗去圖書館嘅人會去食都有唔少街坊會特登去其一附近無咩選擇，其二佢啲選擇算多同唔貴仲有室外座位，環境空曠舒適🐶而且仲係pet-friendly!可以帶埋毛孩好加分👍🏻 有lunch 及 tea set之餘仲有唔少pastry選擇～ i.e. donut, muffin, scone, croissant🥐, macaroon, danish, madeleine etc 《 招牌至尊公司三文治 💲75 》 好大份足料~ ( 配 一壺水果茶 +💲12 ) 有鮮果肉，幾抵飲～《 招牌火雞煙火腿雙芝士班里尼包 💲65 》 Panini 微熱外脆內鬆軟，夾有火雞、煙火腿、雙芝士同蕃茄肉幾可口～（ 配 凍檸茶 +💲9 ）** 新品 ** 《 檸檬柚子蜜咖啡梳打 💲36 》 似加左檸檬柚子蜜嘅Espresso Tonic ，幾fresh～如果跟餐就+💲12《 提子英式鬆餅 💲12 》焗熱咗好鬆脆，細細粒唔會好dry~有時上去睇下書，再落去食個tea都幾悠閒～

放假去咗中央圖書館吸下書卷味，呢個充滿回憶嘅地方，留成日都唔會悶，差唔多時間就落樓下醫肚，順便吹下水。S1 招牌煙三文魚白汁碎蛋 $69揀咗牛角包，白汁碎蛋夠晒經典，依然好味。如果覺得跟餐咖啡唔夠喉，可以加$5升級至中size，感覺上抵啲T5b 烘芝士白汁碎蛋小班里尼包配迷你香甜粟米有機鮮蘑菇湯螺絲粉 $48咁岩遇着下午茶時間，香脆Panini配白汁碎蛋，蘑菇湯質感較稀，但味道算濃蜜桃撻 +$22以前好鍾意食呢款蜜桃撻，吉士醬唔會好甜，撻皮鬆脆，水準依然！朱古力鬆餅 $25加熱過先送上枱，朱古力味香濃，微脆外層，鬆軟質感，入邊仲有半溶朱古力粒，趁熱食最正！雙球雪糕特濃咖啡配法式蝴蝶酥 +$29為咗食呢個Cafe Glace，我就無加大杯咖啡，而店員好細心，提我係咪需要後上。蝴蝶酥夠酥脆之餘，仲好有牛油香，配埋特濃咖啡加雪糕，好滿足！