Délifrance (已結業)

買外賣急急腳回家吃，另外一讚係店員有禮貌食物方面牛角包好脆，好食又唔會好乾身👍🏻長通粉好味道，湯底不會過咸包裝得好好，我拎嘢成日會fing fung 吓，點知道成個餐返去都冇漏呀，哈哈。外賣有時就係好驚佢包得唔好，漏咗出嚟

炸魚薯條🐟🥔，炸魚當然係好普通的魚柳材料，唔緊要，處理得好一樣可以鬆脆可口，起碼外皮香脆，可惜，魚肉本身當然不能改變，外皮好健康，無特別調味所以好淡。扁意粉🍝⋯⋯一般香港人100%全熟做法，無特別唔好無特別好，Um....如果冇影相會完全忘記。沙律🥗因為有50蚊現金卷，所以先去食，但係呢，除咗個湯正常少少，其實都係無心機無動力咁去食，最差係個沙律，d菜好粗個沙律醬又好流下，唔值得加錢要沙律

Delifrance推出回收計劃，將已清潔之Delifrance旗下指定品牌金屬罐或其他品牌月餅金屬罐連同金屬蓋到全線Delifrance分店回收，每回收1個金屬罐，可獲贈Delifrance $50禮券1張。有禮券去食買左炸魚柳薯條+迷你火雞片鮮蘑菇湯長通粉+三文魚炒蛋+法國貴族牛角酥+白糖衣吉士忌廉軟心冬甩。炸魚柳薯條，即叫即炸～ 熱辣辣！魚柳香脆，外脆内滑，完全唔乾。薯條新鮮炸，配合個醬好食。迷你火雞片鮮蘑菇湯長通粉+三文魚炒蛋+法國貴族牛角酥，蘑菇湯底好香, 有火雞和粟米粒, 軟硬適中長通粉，味道好！炒蛋好嫩滑, 有蛋香, 加埋三文魚, 好惹味。牛角酥皮一層層, 外皮鬆脆, 內裏軟綿綿， 香濃牛油味。

終於放假有得休息食個早餐平時返工淨係咬過班冇得靜靜地食個早餐叫咗呢個$42嘅餐佢有牛角包 又有蕃茄 節瓜 炒蛋 同埋一個蘑菇 雞肉片 長通粉最好食個包 都幾鬆軟不過個蛋就差左啲 完全凍哂個通粉 又好似未煮熟 不過個湯底都OK嘅

Delifrance 始終係大牌子，食物係有保障既，可以話合埋眼點，都唔會錯得去邊，但係…今次試既係黑松露帶子意粉，我係連 set買既，因為貪老波俾既coupon(要3月31日前用)。本身個 set 可以食物連飲品就80幾蚊既，但唔夠100又唔用得 coupon 喎，加多個沙律都唔夠，要upgrade 埋杯飲品，結果同平時出面食五六十蚊都係差唔多價錢。食物係就鮮既，黑松露唔會太濃，有啲太濃味既話，去到下午茶時間，仲會嘔返啲氣出黎，但呢次冇。咁即係洽到好處啦。食物賣相好，上菜就好快。但都要彈下：1.  排隊只係2個係我面前，但就要得成3分幾鐘，點做生意呀？咁係因為得一份 menu 係收銀前面，掛係牆既又唔清晰。前面果2位小姐咪係收銀面前左揀右揀囉。2. 杯 Mocha 既賣相係差少少，但味道幾好

近期此餐廳大熱，係因為它中秋節期間，推行金屬盒環保回收活動。不論牌子嘅金屬盒，都可以係任何一間分店換取$50優惠券。星期日同honey行完Apita，就去左建安閣地下間分店午餐。優惠卷要買滿$100以上先可以用。我哋補左$122點左個二人餐$172，套餐包：芒果熱情果梳打(兩杯)芒果味清淡而微酸，可幫助消化。法式芝士焗薯批(兩個)薯批帶點焦香，算是綿滑。主菜(兩個)拿坡里大蝦蜆肉炒天使麵喜歡天使麵較纖細質感，加上洋蔥、菇菇、大蝦同蜆肉材料，配上開胃嘅蕃茄味醬汁。夏威夷大蝦燴飯米飯粒粒分明，大蝦同樣爽口彈牙。都係蕃茄味嘅好！雲呢拿雪糕伴法式蝴蝶酥(兩杯)酥脆蝴蝶酥蘸香滑雪糕一齊食，兩者非常夾。整個午餐相當豐富滿足，又抵食。希望此食市繼續支持環保，而其他食市亦同響應就錦上添花啦。

看到有個期間限定的Special 龍蝦汁海鮮意粉，就試試看吧！這個龍蝦汁海鮮意粉共有二款，一款配煙三文魚，另一配上帶子。這天本想試煙三文魚，可惜售罄，就選了帶子那款。這「龍蝦汁蘑菇帶子扁意粉」味道不錯。醬汁，份量適中，每條意粉/配菜都沾上醬汁，它的味道不咸又不會太稠。配菜如蘑菇、甜椒、洋蔥等份量亦多。主角帶子亦見彈牙和鮮味。整體配搭及味道很好，有驚喜這天點的是套餐，除主菜外還配有餐湯及飲品。今天點的熱巧克力加了棉花糖及朱古力醬，既好味又有驚喜

前陣子Delifrance 推出了中秋環保優惠，只要把任何牌子的金屬罐（如：月餅罐或曲奇罐）帶到任何分店昨即可換領餐廳$50現金券。作為慳妹，我又怎會錯過！餐廳的現金券需於11月底前買滿$100食品方可使用。這天就來個豐富一人午餐奬勵自己！點了一個套餐，有湯+意粉+飲品。芝士蕃茄湯，雖沒蕃茄味不算濃、不帶酸，易入口。拿破崙大蝦蜆肉天使麵，天使麵的海鮮份量頗多，有三隻大蝦、近十多件蜆肉👍🏻、大量磨菇，大蝦雖欠鮮味，但蜆肉不錯，完全沒有沙，鮮👍🏻。整體來說，蕃茄、海鮮、天使麵十分搭配，好味道👍🏻熱朱古力，味道較淡，似沖即溶朱古力粉，還要額外加錢升級，才可以由啡茶轉為朱古力👎🏻扣除$50禮券後，原本超過$100元的午餐，現只需$54👍🏻既環保♻️，幫助環境，又可享特惠午餐！正！

今早本來想食另一間餐廳, 可惜烏雲密佈, 揀左間就腳既,免得淋雨去到眼見角落個卡位冇人坐好開心, 點知原來行入去要9曲13彎, 因為d枱椅太密密麻麻, 好似行迷宮咁過去, 冇得行直線點左餐俾錢, 點知2張信用卡都唔work, 好在有8達通揀左1號餐 蘑菇粟米雞扒長通粉($37), 加個42蚊既餐, 收銀話食夠100蚊送20蚊coupon, 好似好抵, 我就改左42蚊既餐做87蚊既餐(11號), 收銀就俾左個牌我以前食開果間係拎住牌拎飲品自己拎餐具搵位坐, 呢度係拎住個牌之後佢會送俾你, 我唔清楚個流程所以拎住個牌等飲品個報紙架十分唔方便, 係正個食客旁邊, 要佢完全借開先拎到報紙, 呢個問題舊太古分店都有送左餐上黎了, 個牛角包扁哂, 11號餐所有食物都係凍既, 好失望真實圖(凍既, 冇蕃茄既)廣告圖1號餐就唔熱既, 湯底一d都唔好飲, 我點檸茶佢俾左奶茶真實圖廣告圖我拎住張20蚊現金卷發現佢一個包都賣25蚊我以後都唔會再幫襯呢間一個bad breakfast有一個bad day

之前係Delifrance 做咗Member，每消費$50有一個印花，4個印花就免費送一客煙火腿鮮蘑菇扁意粉配熱鮮蘑咖啡 ! 真係好抵 !呢幾日不同的團年gathering已食到飽飽滯滯，所以今日午餐決定來一個free lunch, 迎接悠長的新年假期。熱騰騰的煙火腿鮮蘑菇扁意粉雖然配料不多，但卡邦尼汁很好味，也不會太乾身，份量也足夠午餐的食量。食完意粉再慢慢品嘗香濃的咖啡，也是忙碌中偷一點的空閒吧！另外一提，店舖裏面也坐得舒適，店員不會趕客。

難得不用太早返工，難得有人陪今天决定去嘆個早餐（其實最緊要係嘆杯咖啡）牛角包唔够香脆，蛋亦有些少炒老左 好彩杯茶好香，飲左即刻醒神哂而尼個全麥包外脆內軟，麥味够濃，十分好味杯咖啡都掂環境一般般，座位也不是太舒適。價錢合理我諗，下次有閒日而又唔使咁早返工，我會再來飲杯咖啡，食個全麥包

星期六下午二時多，叫了一個焗薯，一個burger首先是衛生問題，比兩隻叉我，都係污糟，我碗湯隻碗，仲污糟。見到d漬都唔想飲。之後個焗薯，d煙肉碎唔知點解要放係側邊，仲要燶哂Burger無影相，但個魚柳無味。其實以前delifrance都無咁差，唉。

今日午餐想飲杯醒神咖啡，於是就去了這間位於太古城嘅Delifrance 午膳，因為餐飲是連一杯咖啡。如果套餐加八元，還可以upgrade 選擇其他味道的咖啡，so good 😊 套裝有多款不同價錢的選擇，今天我就點了「夏威夷烤雞燴飯」。這款是即叫即焗嘅燴飯，熱洪洪的。鷄肉連汁一起焗便令這個飯更香、更嘢味。份量方面又啱啱好，so perfect 👍

早餐或午餐的三文治真是太港式了, corn beef象是罐頭狗食，panini 面包好細，那些hot dog和deli meat也是便宜的料，pasta只能說ok，稍微好過三文治，烘焙土豆很久也沒吃所以無法評判。

又到下午茶時間，食我的late lunch了。風雨交加的太古城港島東，簡簡單單食個好西。40零蚊一個意粉餐連凍飲。。。。不過不失，賣相不俗，但滿有一種金寶蘑菇湯味道。份量走高檔（雞啄咁細），希望食完頂到兩個鐘啦。值唔值就見人見志啦。(我當然係話自己煮好味好多啦。）服務都好友善，此終位置於住宅同office 區，做慣熟客同街坊生意，態度差少少都會俾人投訴。環境新裝修冇耐。