影片
相关文章
近年喺华都都开左唔少食店，食物类型唔再局限于小食，其中呢间热狗店我都经常帮衬。早前喺网上见到小店因为租约期满，黎紧24号就结业喇，同朋友大叹可惜，我地都觉得喺屯门黎讲算质素相当唔错嘅热狗店。未知老板会否喺其他地方再开店呢？热狗即时制作，有多款味道可选，特别喜欢佢地嘅自家制酱汁，柚子蜜糖芥茉、他他酱、蒜蓉酱、wasabi酱。另有小食，相对食过其他热狗店，价钱合理。以往有套餐供应，热狗配薯角、汽水大概四、五十蚊。不过近几次经过都唔觉有，可能临近结业，冇套餐都唔定。热溶芝士够大方，芝味够浓，唔会食落冇料到热狗肠足足8吋长，今次拣左鸡肉肠，就冇上次嘅辣肉肠咁惹味。薯角都系现炸，好难唔好食。唯一挑剔系佢地系外卖店，冇位食，我次次都系拎落楼下吃。结业前唔知有冇机会去食多次呢。
继续阅读
估唔到呢间小店虽然唔起眼，但食物质素可以咁高！特别系几款秘制酱汁，真系同坊间食到嘅酱汁好唔同，尤其推介Wasabi酱（唔会好攻鼻，出乎意料地同个热狗好夹）同香辣蒜蓉酱（超级辣！）。店员好nice，我拣紧要咩款嘅时候佢仲问我食唔食金莎又会好细心问要唔要袋要唔要纸巾。由第一次发现呢间铺到依家唔够一个月我已经帮衬左三四次，论价钱佢唔系最平，一个热狗连配料都要～$40，但味道绝对值回票价，以后都会多多帮衬！
继续阅读
#放假就是要懒 今日三个90后吃货懒到呢😂 唯有留返系屯门区揾食啦 #屯门人 挥手👋🏻.近近地 去左屯门华都 Delicious hot dog shop 食热狗 点了一个辣辣之选热狗套餐$52 有 8'' 墨西哥辣肉肠 配香辣蒜蓉酱 加香辣薯角 汽水 个热狗包先烘烤 烤得香脆 加上个辣辣酱汁 辣得惹味 仲有薯角 份量刚刚好💓.Hotdog shop开店一年多 虽然小店 都每天买接近个百只热狗😋 开店时间12-9pm 屯门人还等什么 gogogo! 而家华都商场好多野食 迟下等 #三个90后吃货 会逐一品尝👏🏻👏🏻👏🏻再向大家
继续阅读
(1) 香草猪肉肠配柚子蜜糖芥末酱(2) 牛仔肠配香辣蒜蓉酱第一次食觉得配搭很新鲜又唔错，加上热辣辣包包，因同朋友share食，两款食落口有唔同层次质感。有机会下次经过又支持小食店！
继续阅读
香港d商场食市就黎变到一式一样，小商店越来越少。真系要好好珍惜同支持小店。所以我先会写呢篇食评。已经食左第三次架喇。珍宝鸡肉肠热狗+茄汁/日式烧烤酱个包煎脆左，夹住条珍宝肠，劲多酱，真系好满足。日式烧烤酱有d似章鱼烧上面果款汁，食闷左茄汁芥末都可以试下呢个酱，都几好食架。QQ炸鸡粒配他他酱真系好好食，鸡入面唔干，外面脆卜卜，配埋个酱系会食唔停口，所以我要叫两份！棉棉芝士条外脆内软，外卖返到屋企都好食！日式紫薯栗子饼紫薯馅唔会太甜，正！佢d炸野真系炸得好好食架！又唔会油林林！
继续阅读