Dazzling Cafe (The ONE) (已結業)

Dazzling Cafe係香港都開左一段時間, 但隊長今日先第一次去食~佢主打係好fantasy既吐司盒..........坦白講, 我麻麻地麵包的, 仲要食甘大個麵包盒........(!?) 同埋今次係約左附近返工既朋友食lunch, 所以都係叫意粉包肚d.其實平日lunch都唔需要排隊的, 裡面裝修都係好fancy果種啦, 不過鍾意The One呢間有落地玻璃夠光猛, 陽光燦爛既下午好去, 感覺好舒服, 我地2個叫左個明太子意粉同黑松露意粉share食, 2個意粉都ok, 唔會太杰, 一pat野甘的, 尤其係個明太子, 忌廉汁加明太子, 中和左明太子既辣味, 怕辣既人都食到. 不過我buy佢杯果茶多d, 我點左杯pineapple earl grey, 好飲喎! 菠蘿粒放晒係杯到, 唔會怕係壺倒極都倒唔到出黎, 雖然都係罐頭貨式, 不過同個茶係夾的, 特別係有d怕earl grey有陣味的人, 呢個茶應該接受到.總括而言, 味道唔錯, 覺得係陽光燦爛既下午, 嘆住茶甘食lunch/tea係最寫意~

走進店內，風格可愛，椅子設計成兔子形狀，雪白可人。坐下後，點了一個檸檬青醬雞腿麵，為甚麼要點這個看似奇怪的菜呢，因為某人非常鍾意綠色，為左就佢既喜好，我就要點一個綠色的菜了。上菜時就像意粉一般，幾塊雞腿在上面，下面是一團沾滿青醬的麵條。雞肉份量不多，但煎得很好味，肉嫩而有肉汁。而青醬蒜味幾重，和芝士的香味混和後，其實十分好食。麵條有點嚼勁，飽沾青醬後，賣相，味道都十分不錯.

忙左一個早上，下晝我約左奶去HIGH個TEA佢LEE兩日好唔開心，所以就約出黎見下，順便同佢傾下計啦我地去左THE ONE間DAZZLING CAFE冇得BOOK位又冇得拎飛，要排隊入的排左大約20分鐘就有位了我地一坐低就快快叫野食了樂活蜜桃柚香冰茶~~~SO FRESH，味道不錯喎鳳梨伯爵風味茶~~~伯爵茶加入新鮮的菠蘿原來都好夾架喎！松露薯條~~~個薯條一放低已經聞到超香呀！薯條炸得好香好脆但一D都唔油，加入了少少黑松露醬又真係好香喎！草莓繽紛冰淇淋鬆餅~~~個WAFFLE的質感係脆脆的，我覺得脆得黎硬左少少，味道OK的，士多啤梨好甜，其實見到都好開心了抺茶蜜紅豆蜜糖吐司~~~見到已經好興奮了，不過抺茶味唔係咁濃，如果濃D會更好，個蜜糖吐司都做得不錯，脆脆的一粒一粒，食起來好方便LEE度有限時架，每張枱都係坐90分鐘

同朋友去左呢間好像吾錯嘅cafe 食下tea，入到裝修都好靚，感覺舒適。嗌左墨西哥薄餅，配上三文魚醬同蕃茄醬，兩種味道都幾好，份量都多，食完都少少飽飽地。再試埋碟意粉share 嚟食，嗌左弗羅倫斯花支干貝面，好大粒帶子，煎得好香，仲有尤魚，吾錯，比薄餅好食。其實仲想試cake，不過飽左，下次先食啦。

放工約左閨蜜傾偈仔緊係搵間cafe 啦去左好高人氣既Dazzling cafe叫左明太子pasta~好好食！！個汁好濃好杰 好肥但真係食到停唔到綠茶latte 一般唔特別 仲幾貴野莓smoothies 幾清新 貴相都唔錯最後緊係到女仔ge 主菜 登登登登 麻薯waffle 好精緻呀 唔算好甜 推介

今日行Isquare，見到Dazzling無乜人排隊，就即刻去排隊啦~可能是下午茶時間吧！想吃很耐了，之前次次行經都要等超過一小時便想也不用想：轉場！今次真是幸運~因為有2個人，所以就叫了一個小食同麵，再加多個甜品~原來每人都要叫一杯飲料的！麵叫了香港店限定的黃金烏魚子蒜香義大利麵。上台的時候，見到烏魚子一大堆的灑在麵上。乾身的烏魚子配合大蒜炒香，每一啖麵都有烏魚子和蒜的味道~正！小食叫了松露薯條。因為有松露醬，所以一定很香。薯條和平時在連鎖快餐店食的不同，不油，放了一會仍然是脆和乾身的~如果送薯條來的時候附上一小碟醬汁就好了~要不會太乾。主角係經典Dazzling蜜糖吐司！！超好味！好香！好甜！好脆！我落單個陣都無話口感選擇正常還是香脆~又熱又甜又脆的麵飽沾上雪糕，放入口中，感覺非常幸福。我朋友叫了一杯香港店限定的特調冰茶，我覺得係藍莓薄荷蘋果梳打，藍色部份混合了藍莓薄荷糖漿，有點酸，攪拌一下好一點~我就叫了一杯玫瑰蜜香奶茶(壺)，玫瑰花瓣自己放在杯內，一邊倒，一邊有玫瑰的香氣發出。食完，好飽，晚餐都不想吃了！下次再來Dazzling，我想我吃的東西只點吐司好了。如果不是，那一定要叫

星期五晚7點到，排左一小時先入到去呢度所有職員都係講國語既，用餐時間90分鐘兩個女仔驚大飽，諗諗下都係叫個拼盤同甜點算啦，每人最低消費係一杯飲品$75小食拼盤，有兩件炸魚塊，4隻雞中翼，6個洋蔥圈，同埋薯條，配有沙律汁同蕃茄汁，幾好食，尤其個炸魚，juicy鳯梨英倫茶，甜左少少，但好香，好味朋友點既仲夏水果茶，佢話好味，同埋有水果粒粒食下主角出場，草苺鬆餅+麻糬，有焦糖、煉奶同埋草苺醬。個草苺雪糕好好味，加埋麻糬又夠飽肚鬆脆好味

見食店裝修雅致，環境不俗，在openrice又有200多個好評，便來一試，我們約6時45分到場排隊，等位等了約30分鐘便可入坐，排隊時間比想像中短，但很奇怪，剛入坐便獲告知每人最少必須惠顧一杯飲品，不論你是否也叫其他食物，而用餐時間有45分鐘，飲品又必須要在入座後40分鐘內落單……規矩超多!我們4個人，總共叫了3個意粉，地中海炒菌菇，草莓冰淇淋鬆餅，並跟"指示"叫了4杯熱飲。意粉賣相不俗，但感覺味精甚重，吃後相當口乾，至晚上回到家中仍飲了多杯水(可能因此餐廳規定必須要點飲品吧！😜) 甜品可算是賣相出色，但味道並不怎麼樣，隨甜品附上的醬汁有三種，有味道略酸的草莓醬，焦糖漿和味道似煉奶的醬料，感覺沒什麼特別。結賬連小費約700元，人均消費接近200元。

明太子義大利麵 $98醬汁濃厚，鐘意食多醬意粉既朋友仔岩哂！明太子落得唔吝嗇，每啖都有滿滿既明太子。墨西哥起司薄餅 $75似一份小食，薄餅又薄又脆，沾上墨西哥醬或者吞拿魚醬，略嫌醬汁太少。特調冰茶 $40攪勻之後，成杯藍色，外表已經好fresh，飲落充滿氣，夏日炎炎消暑一流。熱金莎榛果可可 $50配一塊曲奇，美感提升，可惜曲奇同可可既味道稍為普通。

還記得尖咀Dazzling Cafe 剛開業時, 特意來朝聖, 排隊排了幾個蛇餅, 用一個半小時的等候時間才換來一個半小時的用餐時間, 用時間的角度來看, 看似很不值, 但仍然吸引很多追逐這股台風的人來朝聖! 相隔一年多, 台風依舊, 想不到仍然要排隊, 已經是閒日晚上, 還要排隊等35分鐘, 相信Dazzling Cafe有一定的實力, 才能留住一班並非因風氣而來的粉絲們!第二次來, 尚算是力保不失, 還能保持一年前的水準! 我們兩人, 不是太餓, 沒有點太多東西, 只點了三樣挺王牌的小吃!松露薯條單靠嗅覺, 已經聞到好香黑松露味! 那種香味很吸引你食完一條又一條! 之前每次食薯條都一定點茄汁, 唯獨是這個松露薯條不用配茄汁已經好好味! 茄汁反而會蓋過黑松露的香味! 而且松露分佈均衡, 基本上每條薯條都有黑松露! 我兩次來都有點, 相信下次有機會再來也會再點!草莓繽紛冰淇淋鬆餅 + QQ 麻薯第一次來也有點鬆餅, 但沒有加麻薯, 今次有加, 兩者比較之下, 有麻薯的確會好食好多! 麻薯唔會太甜太膩, 我們每人食了4 件也不覺膩! 再值得一讚是鬆餅能有外脆內軟的效果, 與煙韌的麻薯很夾

試過茶木，想睇下dazzling cafe味道會否更好，所以一試，不過最後有點失望。同朋友兩人點左士多啤梨吐司，點完吐司之後店員一直話仲差飲品未點，以為係送的，原來係每人一定要點一杯飲品，唔計其他食物。。。同朋友都一向唔喜歡嗌飲品，寧願飲水既我地都要被迫是但揀杯野飲，而且飲品大部分都$45或以上。我地嗌左咖啡朱古力沙冰同士多啤梨荔枝沙冰。咖啡朱古力沙冰好苦，朋友一向喜歡咖啡同朱古力都不太參能接受。士多啤梨荔枝沙冰不過不失，味道偏酸。另外沙冰好多大冰塊，飲得好辛苦，雖然好大的一杯，但見好多人根本都只係飲到一半就無飲了（包括我地），無奈一人一定要嗌一杯。重點係店員話沙冰要等比較長既時候，好似要半小時，同朋友都o左咀，最後杯咖啡朱古力沙冰係我地成個吐司都食完了，再等左陣先上。。。唔明點解可以咁耐。士多啤梨吐司也沒有太大驚喜，但可以根據個人喜好選擇鬆軟程度。如果要同茶木相比，食物味道同質素大家都差不多，但茶木價錢更便宜，份量較大，沒有每人最小要叫一杯飲品的規例，食物種類也更多，食物等候時間亦更快，而且dazzling cafe是要說普通話的。

約2年前, Dazzling Cafe剛在港開業時, 食過1次。那時很紅很多人排隊, 我和朋友於開舖前約半小時到達, 人龍由門口轉大彎地排到去後樓梯, 等到12點開舖, 排前面的就可以入座, 店坐滿座後, 就開始派籌, 我們的籌差不多等到3點才有位!! 店員像是從台灣來, 有笑容有禮貌, 很有台灣人的親切感。店員細心解釋每一款有什麼選擇, 就是店員推介了鬆餅可以加麻糬, 食起來有QQ口感, 味道真係一試難忘呢!! 好服務及好味道一直都想再食, 但就不願排隊!事隔差不多兩年, 這店已經開了一家分店在銅鑼灣, 心想人流分了在2間店, 現在應該不用排隊了!! 剛巧在尖沙咀要找晚飯地點, 朋友完全交我決定, 就係咁我終於可以再食啦!! 1900 到達, 有人龍在排隊, 從門口排到電梯口, 而且好快就向前移動, 等了半個多小時終於入坐了。朋友不肚餓, 所以我們沒有點主菜, 點了最低消費必須點的2杯飲品, 及1款小食和2款甜品, 這樣已經很夠飽了!!松露薯條($48): 炸到香脆的薯條加入松露醬拌勻, 看似沒有太多松露醬, 但其實很夠味, 不需要再加其他醬汁食!! 草莓繽粉冰淇淋鬆餅($95)(另

夏天行街係一件苦差，商場室內會好啲，始終有冷氣。呢日行到有啲攰，就入左黎嘆下啦~明太子意粉係我既最愛，首先明太子料理既顏色通常都好好睇，粉橙色岩晒女仔。然後面頭又加左好多紫菜，食既時候唔好撈勻佢，如果唔係D紫菜就會淋晒~~ 就咁食就會食到D脆脆地既紫菜，加上明太子忌廉既鮮甜味，意粉既生熟度又剛剛好，唔會過淋，成件事加埋一齊就係一個質感好幼滑既意粉喇加埋杯香濃咖啡，淨係個presentation而家加晒分啦! 將餅乾浸入咖啡然後先食，餅乾就會濕濕地有又咖啡味，非常正~!

因為不介意坐出面，所以好快就有位了。唔講咁多叫野食先！朋友叫了朱古力凍飲，我叫了凍的熱帶水果茶，不錯，生果夠多，好大的一壺！只是兩杯飲品也遍甜，還是台灣整的好飲。食物就了弗羅倫斯花枝干貝麵和草莓窩夫視覺略勝味覺!!!

曾幾何時開業階段曾經到這裡午餐當時 沒有點甜品只點了意粉 及 一壺無味的茶包茶自此 blacklist了這裡但經過家人再度推介這裡的甜品（聽說與咖啡弄不遑多讓）用上了45分鐘排隊時間再度光顧入座限時90分鐘服務員需用國語落單（其實講廣東話都ok架 哈哈）鹹食選擇太少或許這裡重點是甜品飲品種類多但店內規定每位客人必須點一杯飲品友人不想飲都被迫點了一杯（其實有最低消費額就已經可以還要強制客人點飲品 有待改善）今次點了黑松露意大利麵墨西哥薄餅草莓冰淇淋鬆餅葡萄果香茶香草布蕾鮮奶茶上茶速度太快沒有顧及客人進餐次序鹹點未吃完已上了甜品松露意大利麵夠味3片松露完全沒味的建議可加點配料 如三文魚或肉（太單調了）墨西哥薄餅配三文魚醬、蕃茄醬薄餅出奇好吃草莓冰淇淋鬆餅果然不錯窩夫外胞內鬆軟香草布蕾鮮奶茶就太甜了壺上飲了半杯就放棄若果要用上長時間排隊以此食品種類質素及服務會有更好選擇