Dazzling Cafe (The ONE) (已結業)

呢間cafe好靚，約左女朋友去今次，佢好開心，食到草莓鬆餅同松露薯條，仲可以試埋水果茶，環境優美，點左一個草莓鬆餅，賣相滿分，而家食落好鬆化，甜甜地，加埋草莓係絕配，另外仲有3隻唔同既醬比你倒落去，好味水果茶同薯條都係值得推介，薯條係加左松露，價錢適中，可以搵日約朋友試下全部都好好味，價錢適中，岩哂帶朋友仔食個下午茶丫，環境優美而且服務員態度好，記得訂定位

第一印象係呢度好high class,環境優美，點左一個草莓鬆餅，賣相滿分，而家食落好鬆化，甜甜地，加埋草莓係絕配，另外仲有3隻唔同既醬比你倒落去，好味水果茶同薯條都係值得推介，薯條係加左松露，好脆口，食完再想叫過，雪糕磚頭都好好味，價錢適中，可以搵日約朋友試下

本身其實唔特別鍾愛少女食品，但公司男同事話食物OK(好味)，唔貴，重點係侍應生們服務好好，所以決定同朋友一試。先講排隊，人龍好長，有少少嚇親，但其實排30-40分鐘倒就有枱，係OK的。食物方面，我同朋友各自點咗一個經典吐司同朱古力吐司（唔記得影）頭一兩啖是OK，但再食落去其實真係好漏，最後浪費都冇辦法，真係食唔晒（食淨半個）。嘢飲極甜，（朋友點咗一杯類似柚子菠蘿茶），而後來聽到隔離枱女生想要少甜，侍應生竟然話冇。最後，服務亦非常一般，可能因為好多人。除非真係好想打卡影相，如果係想食啲好味嘅嘢，就真係唔推薦了。P.S. 同朋友後尾即刻去咗茶記食返個茶餐補返。

返完教會後，過左尖沙咀，行左陣突然好想食呢間。坦白講，開左咁耐以來，我都係第一次黎。原因係因為我好唔想排隊, 所以等到依家先黎食。不過今次都係要等, 但條隊都算短架喇!! 等左陣就入得去喇!店內既裝修其實都幾靚幾可愛, 椅背有D有兔仔耳, 好攪笑! 等入座既時候已經諗定食乜, 店內每位客人最少要點一杯飲品作最低消費! 最後, 我地點左以下食物: 松露薯條 $48炸得好鬆脆, 而且有濃郁松露味, 唔洗加茄汁都掂呀!! (因為我個人係茄汁精)黑色幽默蜜糖吐司 $95比想象中細份 (如果相比其他台式店, 例如: 茶X, 咖啡X等)上層一定有球雪糕, 側邊有士多啤梨圍住, 再有D吉士忌廉.食完面, 就撩底, 入面有脆脆既蜜糖多士條, 個人黎講, 幾難夾~另外, 自己可加糖漿再醮黎食, 蜜糖多士條都做得唔錯喎! 可惜件數有D少, 所以我地連埋個穀 (即係面包皮) 都食埋, 咁當然, 越食就越腍, 唔再脆口啦, 不過當蜜糖面包食唔好浪費嘛!焦糖芒果沙冰 $50冇得試飲呢杯......嗚 (so, no comment)法式苺果歐蕾 $48點解點呢杯, 查實係我 (呢十個月) 冇乜選擇, 自己又想知

經歷唔開心既一日 接完男朋友放工掛住dazzling個明太子意粉所以就一枝箭就去左尖沙咀The One平日去到都8點幾9點都仲要等一兩檯可見熱情未減好快坐低嗌野食低消一人一杯飲品如果可以用食物抵消會好d🙈🙈嗌左香草抹茶歐蕾三層美美噠飲落又唔會好甜啵抹茶混鮮奶呷入口唔錯仲有杯叫加勒比綜合水果沙冰好香果味 食冰 天氣熱食好正話左為明太子而來緊係嗌明太子義大利麵唔。。。好似份量比之前小左都無之前咁香汁都比之前稀有小小失望但都合格既跟住就黎左松露薯條Must 點item一上檯 香到隔離都望過黎 哈哈見到d松露一d都唔野小條條都沾有 唔會大細超唔洗點ketchup 熱辣辣 放入口哇哇哇最後嗌埋草莓繽紛冰淇淋鬆餅加QQ麻糬好夢幻呢近鏡一睇有雪糕，鍊奶，草莓果醬，楓糖漿去點鬆餅可以完全滿足我依個肥妹仔沾上雪糕食 一凍一熱再加埋煙韌麻糬真係開心返一半🙈🙈不停食食好快清哂食哂唔開心落肚整理心情 重新出發

今日約咗朋友喺餐廳食一個午餐，大概等5分鐘就入得，侍應都係講國語嘅都幾得意，店內環境嘈雜沒有台灣的傳統咖啡室嘅嗰種優雅感覺。可能店舖客人多員工忙所以叫人落單時佢都係目口目面態度又唔係咁好！可以講係茶記啲服務態度都好過佢地我們點咗花枝元貝意粉，元貝同花技亦魷魚新鮮，不過份量就少咗啲，意粉煮得硬左少少本人鐘意食軟身啲另外點咗綠茶雪糕多士，賣相好靚攞嚟影相放上網最好綠茶雪糕及忌廉都好香滑好味，份量都夠兩個女仔share食飲品方面點咗荔枝草莓沙冰及芒果沙冰，飲品夠凍，夏天消暑最正不過個草莓荔枝沙冰就酸咗少少，朋友叫嗰柸芒果沙冰佢就話幾好味又唔太甜

大姨媽一家相隔三載後重臨香江，太太一家自然亦嚴陣以待相迎，準備了一系列的好節目來為她洗洗塵。而我呢，當然是負責安排美食的這一個重要部份....第一站，就帶她一家來到這長龍台式cafe去體驗一下....她們一眾人剛啱才吃過點心午餐，現在又過來排隊大吃一頓台式嘢，想不到還蠻有食力的....來這裡的主要目的，當是為了這個窩夫加上蜜糖吐司的無敵組合....窩夫烘得外酥脆而內軟綿，蛋香亦相當的明顯。料想不到這裡的窩夫底也真的做得不賴；topping配上非常滑溜的忌廉、卜卜脆的朱古力小顆粒以及濃厚的朱古力醬，愛朱古力的人自然不能錯過；最後添上一小口朱古力雪糕，那就接近完美了....台式cafe的台柱蜜糖吐司固之然一定要介紹給對此一無所知的大姨媽一家....可愛的姨甥女挑選了榛果朱古力口味的。賣相依舊是讓人(特別是對陌生的大姨媽來說)嘩了一聲喊了出來；吐司粒十分的crispy色水又夠金黃。吃時一定要沾超大量的忌廉及蜜糖才能嗒得出它的滋味來。這絕對是一道睇得又打得的甜食....吃至最後，就連吐司的皮也不放過，要食至碟底朝天，連醬都吸乾淨的地步....一向不能光只吃甜食當成一餐的我，一定要來一份招牌火腿

這台灣過江龍來港一段時間了，前陣子都是排長龍的，現在人氣稍退了點，我便與友人前來試試甜品和咖啡，還有拍照啊！餐廳用上白色為主調，落地玻璃讓陽光穿透而進，自然光讓甜品變得更美，拍照一流！我們點了經典巧克力鬆糕($90)並加$15轉麻糬，兩人各點了法式焦糖茶 ($45)和Caramel Latte Machhiato($45)。這裡上食物的速度很慢，點了差不多半小時巧克力鬆糕才送上，Caramel Latte則最快，法式焦糖茶是最慢的，接近45分鐘！ 這真的要改善丫！至於食物和賣相方面，我真心覺得漂亮，女孩子是很喜歡的。經典巧克力鬆糕($90)麻糬有咬感，配合Chocolate source同cream，很好味！法式焦糖茶 ($45)有棉花糖，味度一般，不見得有甚麼特別，Caramel Latte Machhiato($45)香濃咖啡，配合ginger味餅，很好配合！

一直都想試試Dazzling Cafe, 今天逛The One 時發現不用等位，馬上進店品嚐。餐廳的空間頗大，有些椅背上有兔耳，可愛的裝修會令女生們非常喜愛的，如果幸運地被安排坐在窗旁，更能欣賞街景。侍應都是台灣人，很有禮貌。聽說Dazzling 的招牌菜是鬆餅，我們點了草莓蜜糖口味，並配上草莓雪糕球，加上，我們可按個人喜好，為鬆餅倒上朱古力醬，草莓醬，煉奶，更是提昇了鬆餅的味道。鬆餅的質感是外脆內軟的，厚度適中，本人十分喜愛建議將少量雪糕加入鬆餅上吃，口感便會更特別。由於我們都還未吃午飯，另外也點了一客明太子意大利麵。配料充足，有一點蒜味，友人不喜濃味食物，也把它吃光，而我也很滿意意大利麵的調味。總括來說，這是一次滿意的用餐經驗。

尖沙咀呢間Dazzling CAFÉ 已經開左一段時間, 但熱潮總係未減卻,每次行過必定要攞籌排隊👫👫👫👫今日相約左幾位好姐妹黎食, 為既就係扮下少女影下靚相😆😆😆職員以國語同客人溝通令人至身於台灣既感覺, 好自自然就會溶入左佢地講國語。👏🏻草莓繽紛冰淇淋鬆餅 $95呢道甜品既賣相的確幾吸引, 上枱職員會好有耐性咁講解每款醬既口味同點食。WAFFLE好有蛋香味而且食落口感軟熟, 夾埋佢個雪糕食口感比較好👍🏻草莓蜜糖吐司 🍞職員會為客人切開佢, 不過我地為左影相所以要求自己整CREAM真係好多, 中意CREAM既就會好中意, 唔中意既就會覺得有D OVER ☹️吐司咬落好鬆脆, 撈埋CREAM一齊食口感更好, 可惜.. .. 我係後者, 覺得CREAM真係太多了, 整體感覺一般。

朋友原話“Not many options, plus a bit expensive”餐單~見好多人都食甜品，其實真係有D貴，而且份量少，我唔餓都食得哂待應所聽所見都係台灣人，佢講左句"……飲料兩杯……"，以為係包飲品or有優惠，但當然係無啦，不過本身都準備叫野飲所以都無咩所謂，所以果句應該係最低消費飲品兩杯，咁其實都叫左兩個意粉……好快就上菜，好大陣紫菜吧，第一口食落好咸，不過我幾鐘意明太子，但係對比朋友果款略微單調左朋友話係3粒半星~好多料粒帶子都好大粒，佢加左九層塔，香料既味道未必個個鐘意~但鐘意九層塔既應該都會欣賞呢個意粉奶茶好白，飲落無味，茶味有但唔出，奶味同佢顏色成反正，即係佢白還白但無奶味朋友都係覺得3粒半星星，不過塊餅佢無食我食左，唔好味既，拿鐵有分香奶同香濃，香奶係落1 sort咖啡，所以會奶多D，香濃就2 sorts，無脫脂奶，朋友話都ok，我聞落都好香總括黎講，間野都唔錯，但員工講野唔知點解唔多聽得清楚，利申:去台灣係無溝通問題架

今日同女友人行the one, 大家都心思思試下台灣好火紅,港女必打卡既dazzling cafe, 人龍唔算多, 店員話30分鐘左右, 我地一於去朝聖下.我地叫左一個意粉同一個甜品一齊share呢個係檸檬青醬雞腿意粉真係好有驚喜, 青醬蒜味夠濃, 汁夠creamy, 每條意粉都有汁包住, 意粉岩岩好, 煙韌有咬口, 雞扒煎得好嫩, 不過可能餐廳係輕食為主, 份量少, 咁好食唔夠喉呀!好啦, 我地既主菜黎啦, 草莓繽紛冰淇淋鬆餅, 就咁睇都好少女啦, 我地加左錢入面有麻糬, waffle可以配合士多啤梨醬,蜜糖,鍊奶三隻醬唔同既醬比你自由沾, 再加埋個士多啤梨雪糕, 好正呀, waffle 烘得好鬆軟, 有蛋既餘香, 入面有煙韌既麻糬, 口感一流每人規定叫一杯野飲, 我唔記得個兩杯, 因為冇咩特別, 如果冇呢個規定我一定叫多樣野食呀!

窩夫我食得多 但係造型咁特別嘅我真係未食過 今日朋友帶我去左一間位於尖沙咀嘅cafe 叫做一個窩夫 份量好大 可以適合幾個朋友一齊享用 因為窩夫可以分成8件 而且有多種醬料可以畀你配合 窩夫食落去 香軟鬆化一啲都唔硬 而且有新鮮水果配合 食落一啲都唔漏

首先每人一定要叫一杯野飲。佢得茶，咖啡。呢兩樣我都唔想飲。我食過咁多地方未聽過一定要叫野飲。你去食午飯就算食到$200一位都係要叫野飲。我唔覺佢出名成咁囉。諗住你咁串啲野唔太差啦，叫左個黃金烏魚子意粉。我諗住JO個啲都叫做勉強入得口。點知呢間仲死。一食就知抄人地既菜。仲要個味差好遠。跟住叫個榛果朱古力吐司。諗住佢專賣呢樣野點都唔差啦。黎到一睇，嘩，廢到呢。炸過既麵包在啲cream加兩粒士多啤梨同舊雪糕。上面淋啲超級市場榛子醬。係人都識整啦。食個陣cream仲多個麵包。總結：垃圾名氣野。識食一定唔番黎。又可能出左名越做越差。

定期的女子會，前輩的三心兩意最後選擇了Dazzling Cafe點餐全普通話，置身在台灣一樣似的，店員有禮，加分！我叫了杯熱Dazzing經典可可，香濃朱古力，滿滿的一杯，店員放到我面前朱古力香已飄到我鼻內，正！！！而前輩的拿鐵賣相都不錯，有小花點綴！松露薯條，前輩每次必點，香脆可口，食到不能停。松露都好香，鹽的份量不多不少剛剛好，邊食邊聊天，女士至愛！佛羅倫斯花枝干貝麵：帶子好大粒，意大利麵不太硬，和蔬菜炒食落口好清爽。食到最後當然要叫甜品啦！草莓繽紛冰琪琳鬆餅，心心眼，有蜜糖、草莓漿、練奶，一食無回頭，冰琪琳內有有草莓肉，好Good！唯一尾中不足是雪杯溶得快。我會再黎食的，好味！