Dazzling Cafe (The ONE) (已結業)

下午四時左右到達，可能因為是平日的下午，完全不用等位。餐廳地方清潔，舒適又靚，由入店到離開，甜美的女侍應都用國語，讓我有置身台灣的錯覺。點了一個窩夫及每人一杯咖啡，食品的名都無刻意記，上載了相片供參考窩夫賣相及味道都一流咖啡襯了一件曲奇，見到都開心，甜度十足。由於人流不多，可以靜靜拍拖傾計。唯離開店面時，穿制服的職員在店外都說廣東話，有點尷尬，不過唔影響美食。

Strawberry Lover Honey Toast這個甜點最適合帶同愛侶一起品嚐，無得輸吧!! 甜姐兒和暖男，誰會不喜歡? 再加上熱情如火既紅色士多啤梨，味蕾未嚐手機先嚐吧! 一啖下去味道是甜到入心，所以同愛侶一起食就可以的，但如果是小情人就可能不太對位了，對小孩來說又甜了些，不過，對於三五成群的珠朋久友，這股熱情又是另一番的味道。整體而論，環境設計已粉及淺色為主調，吾只味覺連視覺顧及，可惜因為名聲大，人流旺，四圍的人聲會使舒適度降低了。有時做人是否吾可以太貪心，已夠好了，不是嗎? 還是沒有，最好只有更好? 你說呢 … …

每次來這間為得是經典巧克力鬆餅 ! 重點要加$15添加麻糬,口感更好!鬆餅外層鬆脆 , 進口煙煙韌韌的麻糬餡..口感有層次!再配上面層滑忌廉, 朱古力醬不會過甜, 罪惡之物也!松露薯條炸得香脆,香香的松露令人不禁食完一條又一條, 不過索價$48有點昂貴~經典可可濃濃的朱古力味..微甜得來帶點苦澀味, 正是我杯茶!

覺得佢D主菜是普通西餐, 所以事願試佢個招牌TOAST草莓雪糕吐司:   好大舊呀, 有D 似茶木, 入面切開左幾塊,方便你夾住, TOAST面有一球STAWBERRY 雪糕, 有D STRAWBERRY醬, CREAM 不算多, 只是面頭有少許。仲附有糖漿。但食落就知完全唔需要糖漿La, 本身toast 夾埋雪糕/  醬食已經好甜.... 個麵包crust 幾脆, 都ok。奇異果茶:  幾酸架, 好重klwi味, 真材實料桃味紅茶:  呢款味道人工d, 不過都有很多果肉, 唔太甜, ok服務有待改善, 員工超慢, 叫佢地叫十世先叫到, 愛理不理的。

今天和朋友去了tst 食tea. 這兒待應很特別。 人人是說普通話。好像置身於台灣。這兒環境都很優美。 坐椅舒適。 我想說這飲品顏色很漂亮。每杯飲品的賣相都超靚，但我飲的香港限定 味道就一般。 但勝在外表真討人歡喜。最令人回味的是經典蜜糖吐司，必食。外脆內軟配上雪糕,口感豐富。正！！

還記得當初Dazzlin Cafe 新開張，每日派籌攞位，一大早就要去排隊，仲要等幾個鐘先有食，我當然就無咁做到不過食完一次之後，發現佢咁受歡迎係有原因，並唔係單單因為表面，而真係幾好食，話貴又唔係真係好貴黑松露意粉，明太子意粉睇下張兔耳櫈，好可愛好有公主風格，啱哂一班「少女」去食嘢吹水黑松露意粉都ok，黑松露味特別想講個意粉，唔會粗，唔會淋，剛剛好！台式Cafe黎講係有返咁上下水準明太子意粉超正，一啲都唔漏，上面仲有紫菜，好味黑松露薯條炸到好脆，上枱時熱辣辣基本上每條薯條都有黑松露已經返兜咗幾次就係為咗啲薯條士多啤梨窩夫都幾正，有3種sauce，雪糕食落應該係Haagen daz 窩夫都好香，中間夾住麻糬好飽肚

今次嚟到Dazzling cafe搵食！ 自從第一次食完dazzling cafe～心裏耐唔耐就會想再去～尤其係約朋友仔食飯而又冇idea時就不禁提議食dazzling～佢哋好著重台灣風～所以店員們由接待處到點菜、上菜都堅持用台灣式國語嚟對話～有趣！法式莓果歐蕾 （$48）新嘗試嘅飲料～雪泡部分非常幼滑～因為有草莓、紅莓等酸味～飲落去不會過份甜～都幾開胃史密斯蘋果歐蕾 （$48）朋友仔點的～試了一口、蘋果味有點假～亦比較甜～不太建議選擇…墨西哥風起司薄餅 （$75）同想像中完全唔同嘅薄餅～以兩個脆脆餅底夾住芝士～另外仲有吞拿魚醬同小蕃茄～有3種口味～芝士都幾濃郁～個人覺得就咁芝士已經好好味～吞拿魚同平時三文治嘅饀料差不多～而蕃茄酸酸哋同個薄餅都幾夾！就愛草莓蜜糖吐司 （$98）始終覺得呢類吐司係同士多啤梨最夾～因為酸酸甜甜會冇咁膩！好喜歡佢將麵包牆入面嘅麵包切條去焗～然後再淋上蜜糖～再喺上面加上吉士醬、士多啤梨、士多啤梨雪糕同士多啤梨醬！個包焗得火喉完美！非常酥脆～即是沾上醬同雪糕都冇變腍！士多啤梨果肉亦都鮮甜～唔會得個酸字～本身都幾鍾意呢度坐得舒服、食物又好味～要留意係有限時90分鐘

佛羅倫斯花枝干貝麵好重的黑椒味，我不喜歡這麼重的調味料味。黑色大片的是乾菇片，很硬，真的太硬了。花枝和干貝算是弄的不錯。整體被強烈的黑椒味破壞了，失敗。香草布蕾鮮奶茶加左雲呢拿的奶茶是有一點清淡的芬香，當你適應了她微微的芳甜，更讓人浸醉。

揀左呢間cafe同朋友慶生, 無位book,只可以walk in, 幸好星期一既晚上唔算多人,唔需要排長龍就可以入去坐, 限時90mins,待應全用普通話對話, 而且每人必需點一杯飲品...內在環境都幾靚, 而且每枱有張兔仔椅,影相個頭就多左對兔仔耳, 幾cute...加勒綜合水果沙冰味似益力多沙冰, 配上蘋果菠蘿等水生,好fresh好冰凍, 夏天啱曬... 野莓荔枝沙冰其實係飲唔到荔枝味, 因為比d野莓覆蓋曬,野莓又唔酸, 甜甜地, 幾解渴...香料雞腿凱薩沙拉雞腿得兩塊, 生菜, 麵包粒及車厘茄,沙律醬汁幾開胃...松露薯條薯條炸到脆卜卜又熱辣辣,有茄汁同松露沙律醬, 吃完一條又一條豬排BBQ三明治麵包好軟熟, 個BBQ醬汁好香,豬排又炸到脆卜卜, 配生菜一齊吃...黑松露意大利麵黑松露醬好香, 又多汁,雜菇份量又多, 必推介檸檬青檸雞腿麵雞腿有三塊, 上面舖滿芝士粉,檸檬青檸醬汁, 吃落酸酸甜甜, 幾特別...抺茶蜜紅豆蜜糖吐司好多cream, 好香濃抺茶味,d吐司好酥軟, 配抺茶糕, 馬卡龍及杏仁脆片,吃完覺得好邪惡, 不過又真係吃唔停口　整體上呢間cafe食物質素都高水準,

因為距離睇戲既時間仲有成2個鐘, 趁住呢個空檔就去左DAZZLING CAFÉ到食下野……之前就好想黎呢到一嘗個麵包吐司, 雖然呢樣野已經係好多地方都有得食, 但係都要黎呢到朝聖一下, 諗左一陣就點左幾樣野食:松露薯條呢個味道真係好一般, 食落真係得薯條同鹹鹹地既味道, 完全食唔到有松露既味道, 只可以話係好普通既炸薯條。和風辣味噌義大利麵一上枱, 見到個份量唔係好多, 食落味道都係好一般, 麵條有小小硬…..味道除左辣之外就食唔到其他味道。豬排BBQ三明治呢個係我覺得最有驚喜既野食: 麵包十分鬆軟, 豬排炸得好金黃而且裡面好多汁。炸衣好薄, 再加埋佢既醬汁同埋生菜仲有蕃茄, 好清新得黎又唔油膩, 仲可以突出埋豬排既香滑濃郁既味道。就愛草莓蜜糖吐司佢呢到有分吐司既口感程度, 我地就揀左酥脆。佢既賣相好吸引, 裡面既吐司真係造到酥香香脆既味道, 再加埋佢既雪糕, 吉士仲有草莓, 草莓有啲酸, 整體一般。

昨天與朋友一起去dazzling cafe，感覺好elegant ，所以上open rice 寫一篇嘉許一下！店內主要的色調是藍白色，簡單得來卻不失高貴明太子意大利麵！ 我其實很怕有辣味，可是這個把奶油味和明太子調得正好，我跟我好姐妹連最後一口都要搶吃～松露薯條！上面看到的黑色點點全部都是黑松露，真的好香，好惹味！咖啡，好香好濃，加上一片餅乾泡一下，整個感覺大大的加分！甜品！～綠茶多士～他們的whripcream 絕對不是拿噴咀的whrip cream 敷衍我們，看得出來是自己打的，在whrip cream 低下還有一球綠茶雪糕，給我們塗面包吃旳我覺得這個大家一定要試哦！唯一美中不足是店員太忙了，吩咐他們的事真的拖很久，但是整個過程我和我朋友都是很享受的

第一次去Dazzling Cafe 食Tea ^^ 星期日下午四點半去，要等半個鐘先有位今次同兩位小公主同她們的契媽去^_^諗住有意粉有甜品，坐得舒服d，所以選擇去食啦^_^但要留意Dazzling Cafe只適合短聚因為用餐時間只有90分鐘，有最低消費沙律份量大，雞扒香脆生菜爽脆明太子意粉意粉軟硬適中，醬汁香濃，味道野味唯一美中不足份量偏少松露薯條 必食即炸香脆松露香味撲鼻香港限定 特製冰茶 味道特別加上新鮮雜果配上梳打個人喜歡夏日限定加勒比綜合水果可爾必思沙冰個人十分推介消暑必飲^_^加上新鮮生果，味道清新朋友就叫左仲夏熱帶水果茶，她話甜道適中重點到啦^_^甜蜜派對蜜糖吐司吐司可選口感（酥軟、適中、酥脆）蜜糖吐司加上吉士醬草萄完美組合香脆可口 ，吉士香滑，令人回味無窮總括食物水準高，食物上菜速度快，環境優雅^_^值得再黎

Dazzling Café 剛到港的時候掀起了排隊的熱潮，現在去吃很多時候都不用再等很久了。坦白說，識食的一定係食甜品 –窩夫和吐司都是必吃的。今次點了窩夫，在Dazzling叫。我和友人在三款(Chocolate, vanilla and strawberry) 中選擇了很久才決定到士多啤梨。真的很值得稱讚是他們讓客人選擇口感，有正常和脆口，那當然一定是選脆口。因為坊間不多能夠做出脆口窩夫的餐廳。等了大約十分鐘，熱哄哄的窩夫終於到了。眼前一亮，賣相真的十分吸引，精緻的餅底配CREAM, 士多啤梨還有三款糖漿。影完相終於可以開餐，窩夫真的脆底有口感，蛋味十足配上不同的SYRUP好似有三款口味咁，真係好好食。下午茶有佢再加杯夏日特飲，正!

悠閒的一個星期六下午同好姊妹打扮靚靚，行完街街去食tea ～今日嘅打扮係清新仙氣系（講完自己都大笑，紅都面哂，唔好意思添～）孖公仔裝束：全白跌膊上衣襯粉藍短褲白鞋仔絶對同呢間Dazzling cafe襯番哂架！呢間cafe嘅裝修好靚，以白色嘅法式設計為主，相信每個女仔都俾佢深深吸引～Dazzling併盤：有雞翼，魚柳，洋蔥圈同薯條，炸脆熱辣辣好新鮮，火路剛好，洋蔥圈好好食，唔會有＂離粉＂現象，出面有d店係炸到粉還粉，洋蔥圈還圈，加d檸檬汁，同點埋佢嘅茄蓉醬同沙拉醬，好味道！經典巧克力鬆餅～賣相靚靚，想連碟都拎走甘滯！鬆餅口感鬆軟，加埋忌廉，好似食左舊雲落肚甘，朱古力醬好濃，可以不時點埋朱古力雪糕食，yummy yummy ! 喺呢d地方要食得特別有儀態，如果唔係會影響氛圍架～

食物其實一般，也不算有新驚喜。但冇得拎飛等，要客人喺門口排隊......明太子意粉相信最多人食，味道不過不失。鬆餅好多果醬配，感覺同咖啡弄的差不多，甚至咖啡弄好食d飲品：普通果茶，🈚️新鮮感。好大壺！*入座前，店員話至少每人要消費一杯飲品。佢d飲品好大壺，根本一個人飲唔曬，上述要求有d不太人道！總結：不會再嚟！試過就夠！