Curry Boy

营业中

休息中

大圍都算係一個多野食嘅地方，間中都唔難發現一啲比特別嘅小店。今次去Curry Boy試下熟成咖哩。有少少日式嘅感覺，開放式廚房，一眼睇曬出餐過程。內部空間唔算大，座位唔太多，另外有半戶外空間嘅吧枱。 主打兩款熟成咖哩，牛油咖哩同麻辣鬼咖椒咖哩。今次叫左牛油咖哩黑毛豬肉餅配薄餅同埋麻辣鬼椒咖哩黑啤牛肋肉配飯。 🍛牛油咖哩黑毛豬肉餅配薄餅：牛油咖哩係接近一般日式咖哩甜甜地嘅感覺，濃香細滑。肉餅都煎得香口又有適量咀嚼感。薄餅有三塊，不過不失。 🌶️麻辣鬼椒咖哩黑啤牛肋肉配飯：用香港人比較熟悉嘅表達，麻辣鬼椒咖哩個預設辣度係大概譚仔中辣，而且後勁比較強，會有越食越辣嘅感覺。咖哩味道方面有少少偏酸，可能係鬼椒嘅味道，但係我就食唔出有「麻」嘅感覺。我幾鍾意配菜嘅炸蓮藕片。可惜牛肋肉比較乾身，亦食唔出有黑啤嘅感覺。 順帶一提，如果想牛油咖哩加辣或者麻辣鬼椒咖哩減辣係可以嘅，會按比例將兩款咖哩適量混合。不過我覺得如果大家想試嘅話應該忠於原味道，怕辣就食唔辣。

之前喺社交平台睇嗰啲foodie推薦，專登save低咗，今日終於有時間過嚟試吓，舖頭比我想像中細，叫咗個咖喱雞飯，雖然份量好少，但係味道真係唔錯，有機會會再嚟食。值得一提嘅係舖頭入邊好熱，唔知係冷氣壞咗定係點，出邊天氣都差唔多35度，體感溫度覺得舖頭入邊仲熱過出邊，一邊食一邊滴汗，希望下次去會舒服啲😂

藏在大圍小巷內的一家很有風味的咖喱小店臨近截單時間還一直有人前來可見非常受歡迎！我們很幸運地成為他們今晚最後的一台客人還剛好遇到了夏日限定餐單！（冷）湯咖喱烏冬 配 黑毛豬肉餅 $98第一次吃到冷咖喱，比傳統咖喱口感輕盈很多非常適合夏天的一份餐點黑毛豬肉餅煎得很香口，份量極多，兩件大大件！牛油咖喱 $98 配 黑啤牛肋肉 （+$10）非常香口惹味的咖喱牛肋骨炆得很腍，肥瘦適中，超級好吃但飯粒方便應該是用了印度米，口感偏乾身和硬，我們認為使用日本米會更適合蒜蓉包 $38這份麵包非常鬆軟，麵包烘得很香口就算不沾咖喱汁，也非常好吃！霹靂雞軟骨 $38這份小食說實話，味道與賣相不成正比賣相大大粒，看起來很好肉但其實只是炸粉非常的厚讓人失望～

招牌咖喱好食，味道豐富，因用左多種材料，可細味當中酸甜辣，好有層次感豬肉餅比牛肋肉好食，仲唔駛加錢可惜飯不是用珍珠米份量適中，不會太飽餐廳座位只有十幾個，星期六中午人不多，唔駛等。環境乾淨舒適，因 Open kitchen，會有一點油煙味。咖喱飯+烏冬+凍咖啡+可樂，埋單 $254

𝙲𝚞𝚛𝚛𝚢 𝙱𝚘𝚢 🍛 大圍今次黎到大圍食咖哩，本身都勁鐘意食咖哩既食物🥹特登長征入黎試試佢餐廳有小量室外吧枱位置係望住廚房煮嘢食，亦都有室內既位置，但吾算好多，內外加埋大約坐到𝟷𝟻-𝟸𝟶人左右一入去已經聞到咖哩既味道👅牆身有塊版會𝚜𝚑𝚘𝚠出佢地用左多種香料去調個咖哩咖哩汁吾係辣果種，而係甜甜帶微酸既感覺，朋友就比較鐘意帶香辣既咖哩，而我食吾到辣就偏向係香甜既咖哩但咖哩食落無聞咁香😂😂食落帶酸就還好，所以個汁還好，吾驚喜反而個豬肉餅幾出色，煎到個面好脆身，食落好香，無肉臊味，因為好怕食豬有果陣味😂同埋口感實淨👍牛肉無咩香味同好夠腍！🐮🐮🐮薄餅好香酥同脆，食咖哩一定要配薄餅👍🌮最後，必叫真正既忌廉溝鮮奶😂😂🍼🍼🥛黑毛豬肉餅 🐷 $𝟿𝟾 加太陽蛋 $𝟷𝟶黑啤牛肋肉 🐮 $𝟷𝟶𝟾 轉薄餅 $𝟷𝟸📍沙田大圍海福商場地下𝟸𝟸號舖

聽咗班foodie吹咁耐，本身真係幾期待🥹食完只可以話正常，冇想象中咁好味。小店主推既熟成咖哩同平時食到既任何一種咖哩都好唔一樣，食落比較清爽唔係creamy口感。味道就有蔬菜同香料味，酸酸辣辣都幾開胃，但硬係覺得陣蔬菜味有啲違和唔太夾，可能單純唔啱我口味啦😂肉餅就正正常常，juicy又幾大塊，煎得幾香但冇乜肉味。但唔知點解咁多人話份量唔夠，我食咗兩塊肉餅都半碟飯已經飽到上心口🤣整體我覺得味道係特別既，咖哩愛好者或者經開附近既朋友可以一試，但就唔洗特登入大圍食啦

之前bookmark咗皓耐，去過一次撞啱休息😴，今次check咗先去，午市walk in有位，出面high table有5個位，都皓通風，望到開放式厨房，問咗厨師，牛豬同雞軟骨都多人叫，我叫咗豬肉餅咖喱🍛$98，加$12轉薄餅🍕，加阿多波炸雞🍗$38。水💦就自己斟。等咗13分鐘一次過有三個咖喱🍛上，我係其中一個，咖喱🍛係熟成牛油🧈咖喱🍛，偏酸，唔啱我，但肉餅唔餅，薄餅🍕脆香皓食，阿多波炸雞🍗脆香，正👍🏻可簽卡

今日同事話嚟呢間事食晏，試吓佢個咖喱聽聞呢間咖喱呢排好出名行過都好多人食同等緊位今日我哋大約12:30到等10分鐘到就入到座我叫咗佢個黑啤咖喱牛肋肉佢呢度做熟成牛油咖喱老實講，我都唔係好識以前食開深水埗咖喱，好多洋蔥嗰隻我都覺得好好食今次試佢個黑啤咖喱牛肋肉係幾濃味嘅都有浸牛油香午餐嚟講，每位大約$100我覺得牛肉算少咗啲大約好似得八粒左右，唔算大粒如果經過開唔使等位，都可以試吓嘅不過如果特登過嚟又要排隊，我就覺得一般啦

小編平時好少過嚟大圍呢邊，今次咁啱經過記得有一間咖喱店Curry Boy一直好想試吓，就特登過到嚟。附近嘅店舖都好舊式，唯獨呢間嘅咖喱店有種日式嘅vibe，都幾特別。呢度以熟成牛油咖哩作主打，餐廳講法所謂熟成係指咖哩煮完會擺係度12-24小時，等所有嘢融為一體。不過都有啲評論喺度爭拗呢種方式到底係咪熟成。小編就撇開呢樣嘢唔講，純粹講吓佢個味道啱唔啱口味。黑毛豬肉餅（$98）+薄餅（+$12）佢嘅擺盤盤有心思，味道上確係幾特別，味道甜甜哋，帶有果酸味，之後會有輕微辣味，香料味亦幾突出，幾有層次。可能因為用得多蔬果，質地介乎汁同醬中間，食到少少蔬菜煮到爛晒嗰種質地。不過佢嘅酸味都比想像中重，好唔好食，真係好視乎你接唔接受到。小編就接受到，但唔係特別鍾意。小編加配薄餅，薄餅煎得幾香脆，有少少燶位，薄餅帶油香，配埋佢酸酸地嘅咖喱汁都幾夾。豬肉餅兩邊香脆，肉質有少少彈性，肥瘦適中，幾香口。整體佢嘅咖喱係幾唔同，但未至於好特別一定要特登去試吓嗰種，而且定價偏貴，份量唔多。味道：7.8/10抵食：7.6/10環境：7.7/10服務：7.6/10Curry Boy (大圍)大圍積運街2-8號海福花園商

「咖哩系一門學問，根據味道性質而劃分出吾同流派」咖哩，之前就同大家介紹過元朗天龍咖哩、重廈大廈正宗印度咖哩，而小編今次就帶大家黎到大圍，同大家介紹一間隱世心機咖哩店 一 CurryBoy @curryboyhkCurryBoy自家奶油咖哩加入27種香料調製，再加以熟成處理而成，絕對系心機之作。🌟黑啤牛肋咖哩飯 $108牛肋軟腍入味，奶油咖哩質地醇厚，味道香中帶辣，同時食得出吾同既香料堆叠出層次感🤤👍🏻👍🏻太陽蛋+$10🌟薄餅 $28口感略帶酥脆，最岩用黎配咖哩🤤👍🏻👍🏻🌟霹靂雞軟骨 $38粒粒都炸得金黃酥脆🤤👍🏻📍Curry Boy地址：大圍海福花園商場地下22號舖

Curry Boy@大圍🪡大圍積運街2-8號海福花園商場地下22號舖💰$80-$120難得嚟到大圍當然想揾返啲隱世美食，Curry Boy一聽嗰名覺得好得意，店舖位置有啲隱蔽，要啲時間揾下，不過店舖裝修好有個人風格。雖然店舖位置唔多，但感覺上好似日式家庭風格，feel good。🍛鼠尾草烤飯咖喱飯餐廳採用27種以上調味料調整已成既咖喱汁，咖喱汁濃郁香醇，配合埋鼠尾草既清香，好有Fusion菜式感覺，烤雞份量好足，mix埋一齊食好滿足，記住一定要加太陽蛋 🥚 ~餐廳主打四款咖喱飯，黑啤牛肋肉/黑毛豬肉餅/味噌燒茄子，本身想try豬肉餅，不過咁啱餐廳準備試新menu，所以話之後會有更多特色口味，大家可以期待下❤️❤️

Curry Boy (大圍)評分：🌝🌝🌗🌑🌑店家以熟成咖哩作招徠，老實講真係唔知咖哩點「熟成」，睇餐廳既「訪問」話咖哩煮完會擺係度12小時，所以就係熟成。擺係度就係熟成的話，我打包外賣返黎夜晚先食係咪都可以話熟成了幾個小時？而且就算肉類，都無聽過熟成12小時咁少。之後見到好多「食評」都用呢個concept黎sell又讚呢間野，我覺得好突兀。另外餐廳有點隔涉，係份量好少而且味道算不上特別出色之下，收費偏高。日式咖喱強烈建議去食坐忘。🆗黑毛豬肉餅 ($98): 咖哩不屬於任何一種傳統咖哩菜系。味道好甜，帶有酸味，辣度適中，仲有各種香料，但可惜組合起來感覺怪怪。質地偏稀。豬肉餅外脆內鬆。白飯唔知點解要壓到咁扁，想看起來多一點？但犧牲了飯既鬆軟度。整體份量太少，我食量唔大都係剛剛去到唔餓既界線。而且呢個地點呢個價錢性價比不高。🆗黑啤牛肋肉 ($108): 牛肉幾淋，味道ok。環境🖼️：小店有8個室內座位。因為係open kitchen，覺得冷氣不足。裝修偏型格風。走時候先發現原來地上濕了一片，整濕了我條長裙。服務🧍🏻：不止裝修，連員工都係走型格路線，一打開門入去見到得8個座位但有4-5個員工在

上網睇咗啲Foodie介紹，咩驚世，咩隱世小店，以為咖喱會好好食，個價錢又貴，成90幾蚊一碟，仲要唔包嘢飲喎，個心梗係有啲期待。個餐一上到，賣相係OK嘅，一食落肚，個咖喱係好多香料味，但係個味道古靈精怪，完全唔似咖喱，小小都唔夾，個味就好似啱啱行過嚟食燒賣嘅辣汁咁樣，成個飯都冇食晒，食完滯住滯住成日咁，大圍咁多好嘢食，真係浪費咗一日嘅quota。總之一句講晒，以後都係唔好信晒Foodie，沒有下次。

咖哩食得出有心機煮，味道食落會有啲辣，同埋咖哩偏酸。整體係幾好味。不過價錢就係有啲貴齋一個飯$98唔包野飲，雖然好食但係未必回頭。環境都算乾淨，唔係好差好污糟。但店面有啲細，店內大約只可以做到8位客人生意。

位於新界大圍的Curry Boy是由幾位年輕人開的, 並沒有任何的印度師傅, 但吃起來的咖喱在香港來說數一數二的出色, 只因他們用心製作, 咖喱沒有椰奶味, 香料味夠濃特別強調香草的味道, 質感夠濃稠, 但是吃得出中間的蔬果碎而又沒有出水, 這些就是烹調時間的控制, 要在最後階段才將蔬菜加進咖喱之中, 防止過分的出水令其質感變得浠薄. 辣勁在喉嚨底慢慢滲出, 味道層次豐富, 雖然說自己是Buttermilk Curry, 但沒有被弄得太甜太滑.配菜選擇不多, 但全都有心思, 牛肋肉用了黑啤等醃製數小時, 肉香甘香和咖喱香, 結合起來相當惹味, 更重要是口感更為軟腍, 同時間也有肉汁, 如果份量再多一點就完美. 煎豬肉餅兩大塊顯得更為超值, 用上黑毛豬製作, 煎起來兩邊香脆, 內裏剛剛熟, 肉汁豐富不在話下, 最重要是口感不會太過死實, 但又不會一咬即散, 你說是高質素的漢堡扒也有人相信. 小食以燒物和炸物為主, 後者附上的蛋黃醬也不錯, 但個人還是覺得將其伴在咖喱醬更惹味.