Cucina Emilia

营业中

休息中

本身八點幾收工就嚟九點嘅時候打算去一田度買嘢食，就打算買兩塊pizza食吓，五分鐘時間都冇，點知拎返去Office食一拎上手即刻感到不妙！成塊pizza硬過石頭，咬咗兩啖真係頂唔順我都拍咗條片試吓用塊pizza打爛個紙皮… 嗰個菠蘿pizza就好少少，因為有少少菠蘿汁就淋少少，但真係少少only… 唔係好明點解間鋪做咗咁長時間水準突然間直插，但係我好肯定咁樣落去一定做唔住返咗成日工食完個石頭pizza真心有啲燥底！

Cucina Emilia 平價正宗薄餅行過見到佢地現埸即整一個個麵團漲卜卜好得意有好多味道可以揀 當然岩岩出爐係最正 不過凍左店員都會問你洗唔洗焗熱 四方形既pizza 可以一開二/ 一開四都OK包底好脆口唔厚實  pizza黎講係比較鬆脆唔係pizza包既質地 勁正水牛芝士 味道有多重芝士 Blue Cheese 啊妹就覺得某D多芝士既位有D臭 家姐就覺得芝士愈濃愈好 大家自行判斷啦松露野菌味聞落比較香 松露味重  味道都比較豐富入邊有好多唔同既材料 芝士味都濃 回頭食過幾次都係keep到高水準入邊既師傅望落都好專業 唔洗次次order成大塊pizza都係食唔哂 值得一試架

原本打算隨隨便便的打發掉晚餐，腦海中卻突然閃過吃薄餅的念頭（這就是為甚麼我的減肥之路從不成功)，便到了這家在超市內的薄餅小店。點了Set C，自選一款薄餅、蘑菇和一枝汽水。盛惠七十大洋。先說這枝意大利制的檸檬汽水，超級酸，未必適合每個人口味，就像我，下次都係飲返肥仔水算啦！烤蘑菇厚肉又多汁，配上濃厚的芝士、黑松露和小蕃茄，口感與味道都很豐富！值得推薦。以往都是選野菌薄餅，今次轉轉口味，選了這個水牛芝士薄餅。味道相對而言比較簡單，就是芝士的奶香配上小蕃茄的酸甜，就是少了引人食慾的香氣。值得一提的是，這家薄餅味道挺正宗的。只是今次給了我最邊邊的那塊，有點失望。兩條餅邊都很硬，沒有吃完。想便便宜宜簡簡單單的嚐嚐意式風味，這家小店是不錯的選擇。

係apm間一田行，有檔賣d西式小食，見個賣相都幾好，就買黎食下啦! 芝士黑松露薯角。😋😋😋😋😋😋 薯角夠熱! 芝士黑松露好濃，仲可以拉到好高😂😂😂另外仲有左件pizza! Order完之後，可以叫職員整返熱，大約等三四分鐘就食得! 味道唔錯，個蕃茄芝士味夠濃! 大約20-30蚊一份小食，性價比算高!

今日同老公約左係觀塘食飯，行左一轉Apm,間間舖都排曬隊🤦🏻‍♀️豫憶起一田超市入面好似有野食，於是向一田進發，超市入面熟食不多，有一排枱櫈比人即買即食.有一間生蠔，一間日本定食，一間散賣刺身壽司的，還有西式薯條。我地決係係度食野，打算買壽司飯食，同埋一件Pizza share.呢間Pizza 店只賣Pizza, 大概有十款，我接近八點去，其實得返幾款，我揀左意式卡邦尼味，店員幫我翻叮，再一切二.Pizza 好抵食，好大件，饀料豐富，濃郁的芝士，仲有啲醃肉，配合得好好，同埋pizza 叮完個皮好脆😋😋😋😋下次試埋其他味

佢有好多唔同種類嘅pizza交哂出黎任均選擇次次經常都想試嫁 但今次終於去試喇選擇種類多 令我糾始緊食邊隻松露野菌pizza熱辣辣勁香松露味芝士味濃四四方方形狀方面幾特別一反傳統Pizza嘅形狀個餅底係屬於厚個啲同埋佢係手製Pizza嚟都幾好咬佢同平時我地食開個啲pizza個feel係唔同啲但依隻同平時連鎖個啲pizza店舖嘅 各有特色大家雖則個款式 姐係芝士 菠蘿火腿pizza都似只係味覺點都有啲唔同 但都算係唔錯 $36依個都食到依啲水準嘅pizza唔錯🤤同埋一個人食都好夠飽👍🏻👍🏻👍🏻

環境：系apm地庫一田超市入面, 搵佢其實唔難, 見到有一排焗得好靚既pizza就知係emilia. 座位唔算多, 但環境舒適, 在同一個位置, 有4-5間特色食店.食物：呢間pizza係因為我fd話幾出名所以去試下, 呢間pizza店佢有10幾種pizza款式, 今次我叫左個黑松露芝士pizza, 平日出面也不多見可以點了一個來試. 試完覺得呢間pizza係高水準, pizza松露味重, 芝士味濃香, 餅也焗得剛剛好, 不會太硬但有咬口. 佢雖然唔係即時焗製, 但你落完order 佢會幫你放入焗爐焗熱個pizza,所以食起黎其實都好似即時焗. 呢間絕對係可以講係隱世pizza.- 價錢：一份30幾蚊, 都算大個pizza, 有兩個長方形的pizza, 兩個人食剛剛好, 不過其實我仲想試佢其他pizza, 可能下再試吧！

好鍾意食呢度嘅松露野菌pizza，好香濃嘅松露加上份量十足嘅芝士，真係好香好好食。方形大大的一塊，想食得方便d可要求切半。一人份量，價錢合理，味道very good，十分推薦

呢間Pizza有少少隱蔽佢係APM廣場底層間一天行到最入。。。會聞到好香好香嘅Pizza味🍕🍕🍕食過好幾次佢嘅Parma Ham同松露野菌pizza都好好味今次係買松露野菌pizza😏佢可以幫你即時叮翻熱。即食。正

瑜珈miss經常提醒上堂前要吃東西，但不能吃太飽。有見及此，每次過黎觀塘上yoga，我同同學仔都會過黎APM一田搵食，呢度食物選擇多樣化，而且份量適中。今次我幫襯Emilia - 松露pizza🍕($38)，pizza餅底夠簿身，pizza餡反而夠厚身，香濃芝士配上煙肉，好好味，點點松露食落口，味道會殘留口腔💯。呢度pizza通常有四、五款出售，而且會不定期換款式，次次過黎都好似食新野，唔會厭。八達通可以即場付款，唔洗走出收銀處卑錢，非常方便。

Pizza 🍕 and mushroom 🍄 買套餐$58有a piece of pizza and one mushroom, can choose any favour我勁中意火箭菜，揀咗巴馬火腿火箭菜pizza，好味！光面粉皮差得好煙un喺出面啲Pizza好油膩 尼啲完全唔會！仲好健康個樣蘑菇勁香勁多汁 係有一種大蘑菇獨特香味 揀咗黑松露味 中間有一啲松露 好香 可以送pizza食個蘑菇好厚肉 好come食！嗰啲芝士份量仲勁多 多到食唔晒

其實諗住去做運動，所以一早已經輕食左一轉。行行下等消化又口痕，其實成個APM啲野食係無乜小食吸引我，因為全部都好大路😅諗住落超市買薯片食算數，點知見到呢間，佢啲pizza香味飄晒出黎，因為附近幾間都係賣海鮮同壽司無味既。見到好多人企響度睇個師傅仔搓個軟棉棉既麵粉團好療癒（好似啲鬼lam叉燒既feel😂)咁我唯有響人響堆人頭中選擇左mozzarella pizza$31，Size有手掌大小，佢地仲會再焗翻熱到熔啲芝士仲𠝹開四件先俾我方便食。咬一口芝士當然拉晒絲，濃濃茄醬味，批邊唔厚，差杯有氣野就prefect池😂滿足口慾後乖乖地跑去做運動喇

大年初四偶然來到APM 一田超市，兩口子被一陣香味吸引，原來是這間Pizza店。款式不算太多，眼見招牌寫道（大概如此）「80%水份...沒有飽膩感....」由於我對芝士敏感，所以這句說話都吸引了。可以$50跟套餐會有多一杯汽水，但Pizza一份價錢都只是$3x，屈指一算一杯飲品都差不多要$20，所以點了一份香辣沙樂美腸Pizza。點餐後師傅還幫忙翻熱（本身pizza都賣得快算是新鮮），這個服務非常值得一讚Pizza非常足料，味道亦不錯，只是略嫌偏乾。整體上都很好味，可惜只有APM才吃得到😑

好耐未食過咁正嘅薄餅，切好＄33/34/36一件，若手板的大小，有四色芝士薄餅、巴馬火腿芝士薄餅、還有二式卡幫尼薄餅，聖誕薄餅和松露野菌薄餅。餐廳前邊有自助餐枱及座位，買了食物，便可以坐下，我和幾個朋友買了兩塊Pizza作下午茶小食，熱辣辣食非一般的感覺，很多芝士淡香的，不油不膩值得一讚。

每次過 apM 都會落去 YATA 食呢個 pizza, 我同朋友們都好鍾意食呀因為~香噴噴 熱辣辣, 店員親切友善 會問下你想食咩 又會介紹吓你食咩口味~見住佢新鮮出爐,  薄餅面嘅芝士好澎湃 卜卜卜郁湧住, 好吸引呀！雖然超級難搵位, 十次都冇兩次會有位坐, 但係唔緊要啊 可以立食啊~都好開心!芝士味香濃, 配料有十足, 仲可以揀要邊塊, 好似有人鍾意食邊邊 香口D, 而我鍾意食中間位軟林林, 各取所需 好好啊！！！