Cubus 28 (已易手) 新餐厅

今晚同朋友來到銅鑼灣的Cubus 28食晚餐。餐廳居高臨下，有落地玻璃窗，可以睇到出面到維景夜景，環境舒適。手撕鵪鶉伴海膽汁海蜇，鵪鶉肉整得好薄，肉質入味煙韌，咬落有口感。花膠螺頭片波士頓龍蝦湯，湯底濃厚，龍蝦味香濃，用料豐富，有花膠，螺頭片同龍蝦肉。黑松露海皇鮑汁燴米形粉, 飯粒煮得入味，軟稔，飯粒分明，炒得入味。黑珍珠海膽炖燒賣，燒賣皮薄餡多，蝦肉份量多，新鮮嫩滑。牛油果川味辣子雞，辣度足，入口嫩滑香濃，肉質入味。叫咗杯飲品，Passionate Dance,賣相好靚，通透清澈，面有切開的熱情果肉，點綴好靚，橙味香濃，香甜美味。

同大家推介銅鑼灣的中式酒吧餐廳😋首先佢主打中西混合fushion菜式，有西式的環境，佔了三層，除左有美景，仲可以睇波飲酒，頂層露天位置更可以看煙花！第一次食中西融洽的菜式，感覺幾新奇，菜式將意想不到的食材放在一起，體驗幾華麗。兩人晚餐套餐 $480 一位海膽牛油果藜麥蟹肉沙律海膽和蟹肉的鮮 鹹 味再加上牛油果的草香味，入口半融化，很好食！花膠螺頭片波士頓龍蝦湯湯匙一舀，湯杰身，入口 蝦味夠濃，夠滑夠香。黑松露海皇鮑汁燴米形粉燴米形粉第一次聽，原來係意大利粉既一種，入口煙韌有彈性，有點似意大利飯。每粒燴米形粉都吸收左鮑汁，再撈埋黑松露香上加香！牛油果川味辣子雞辣子雞外脆內軟，而川辣味並不是一味辣，再加上牛油果，多了一份奶油感！三文魚籽蝦餃 呢款賣相已好精緻，皮薄，蝦餃爽滑，好吃！

放工來到銅鑼灣新地標Cubus、整棟大樓有多間不同食肆、日本菜、西餐等、第一次來到這裡頂層- Cubus 28黑紅為主調、中西合壁的設計、裝潢頗有型格、開放式廚房可以看到廚師即席烹調食物。古銅色餐具設計特別、華麗唯美。先點杯雞尾酒 Rosy Cheek 以荔枝玫瑰Vodka調成、呷一口滲透著清甜的荔枝味與玫瑰香氣、酒味不算重、清新怡人。友人的Freezy Sweet 以荔枝、薄荷、檸檬汁調製、味道同樣清新討好。手撕法國鵪鶉伴海膽汁海蜇冰冰凍凍的海蜇配上鮮甜的海膽汁很開胃。海膽牛油果藜麥蟹肉沙律牛油果跟蟹肉是最佳配搭花膠螺頭片波士頓龍蝦湯 好濃郁、螺頭龍蝦肉鮮美突出。金箔阿拉斯加蟹肉南瓜羹 口感幼滑、吃到啖啖蟹肉。金湯蟹肉窩筍絲 醬汁以南瓜制成較厚身、配窩筍絲挺搭的。三文魚籽鳳眼餃造型精緻、三文魚籽更添鹹鮮。黑珍珠海膽炖燒賣上面的海膽很鮮甜飯後還可以到樓下的Bar喝杯。

上次黎銅鑼灣呢棟新既大廈見到好多食肆喔, 一於再黎試另一間先~揀左位處大廈頂樓既Cubus 28, 果然坐得高望得遠個view好得好靚丫!!適逢聖誕節前後, 餐廳滿佈聖誕既裝飾~好有氣氛呢!餐廳設計特別, 有條透明既樓梯直通頂樓...座位方面就有2人, 4人或多人桌 四周環境寧靜優雅, 適合情侶或親朋好友一齊用餐手撕法國鵪鶉伴海膽汁海蜇海膽汁配海蜇非常特別! 味道出奇地夾!海蜇爽口, 鵪鶉幼嫩, 伴碟脆脆好香口~花膠螺頭片波士頓龍蝦湯中西合璧, 西化得黎巧滋補呢!!龍蝦湯味濃, 花膠同螺頭片好足料!!成個湯好夾好好味!!三文魚籽鳳眼餃賣相標緻, 3顆唔同顏色色彩繽紛~鳳眼餃皮薄餡靚, 每粒都有大大隻鮮蝦, 爽口彈牙!三文魚籽夠新鮮, 一D都唔腥~牛油果川味辣子雞本身唔係好食辣, 好在有得揀辣既程度...辣子雞又脆口又嫩滑!第一次食炒既牛油果, 味道又唔錯喎~黑松露海皇鮑汁燴米形粉好cute cute既米形粉...每粒都粘上鮑汁, 好入味呢!有好多海鮮粒, 好足料!配埋黑松露, 成碟粉整得好出色!!Wildberry DreamBlueberry, Raspberry, Cranberr

既是餐館又是酒吧，是西式又是中式，將不同文化融為一體，非常有趣的一間餐廳，坐落於銅鑼灣開平道一商厦內，有美麗的夜景伴，環境舒適。海膽牛油果藜麥蟹肉沙律，賣相精緻。口感複雜，有鹹香，有鮮甜，有清爽...非常清新開胃的前菜。三文魚籽鳯眼餃好吸睛，三種色彩非常艷麗。味道跟蝦餃有點相似，面層的三文魚籽爆汁，鹹鹹香香，增添味蕾。矜貴的一道湯出場了，金箔阿拉斯加蟹肉南瓜蛋白羹。數片的金箔另整個湯生色不少，非常悅目。有著濃濃的南瓜清甜，又帶有蟹肉的鮮，啖啖蟹肉，有滿足感。底層的蛋白滑溜，融合湯內，味道高雅。西班牙油香臘味炒飯跟中式臘味煲仔飯無異，只是盛戴的器具有所不同，變得西式化了。飯粒軟軟糯糯，吸收了臘味的油香，好正！不油不膩。臘腸，潤腸味道濃厚，唯獨臘肉太過肥了。既然是酒吧，不如來一杯cocktails “Passionate Dance”主要成分是熱情果和Rum酒，酸酸的味道，有點酒香，適合一邊飲用一邊欣賞夜景。

位於銅鑼灣的Cubus 28係一間高級中西fusion酒吧餐廳，位於28樓，能飽覽跑馬地同維港夜景，主打多款中西特色菜同酒精類飲品等等，適合放工或放假同朋友來chill一下！當晚七點半黎到已經差不多全場滿座，樓上仲有私人包場派對，好受歡迎的啊晚上設有dinner tasting menu，套餐包左頭盤、湯羹、主菜及點心每款各一，盛惠每位$480我同朋友一人點左一個餐，另外再點左杯飲品：Wildberry Dream無酒精飲品，裏面有藍莓同紅莓，味道好fresh，甜度適中！櫻花蝦避風塘茄子炸粉外皮薄脆唔油膩，避風塘口味充滿蒜蓉香，極之香口惹味！內裡的茄子好軟腍，好食啊海膽牛油果藜麥蟹肉沙律呢個配搭都幾創新！海膽新鮮冇苦味；牛油果熟度剛好好軟滑；健康又好味！花膠螺頭片波士頓龍蝦湯湯嘅龍蝦味好出，夠晒鮮味，幾好飲的！花膠同螺頭片份量都幾充足，食到多塊螺頭片，真係真材實料啊金箔阿拉斯加蟹肉南瓜蛋白羹蟹肉份量多而且好鮮甜，南瓜湯清甜得黎有南瓜香，湯碗底下仲有嫩滑蒸蛋白，好味哦黑松露海皇鮑汁燴米形粉米形粉滑溜溜，口感軟軟的好特別！海鮮配料都幾多，將黑松露撈勻整個粉，每口都是松露香金湯蟹肉萵筍絲廚師

放工跟朋友約左地鐵站等 經過希慎再行多幾條街就到。 一到餐廳 個景同氣氛都好正 可惜出面冇晒位 如果唔係仲正 侍應安排左我地坐bar台。 頭盤叫左手撕法國鵪鶉伴海膽汁海哲 個海哲索左海膽汁 配搭得幾夾個味! 我同朋友都不約而同揀左個花膠螺頭片波士頓龍蝦湯 飲落口龍蝦味非常濃郁 絕對真材實料 仲有舊龍蝦肉伴湯 好飲到停唔到口 黑松露海皇鮑汁燴米形飯 其實我點菜果時都唔知係咩飯 不過見到有黑松露就點左 食落口感非常特別 粒粒分明 同意大利飯係有分別! 我印象中意大利飯係"潔"身同圓潤啲 米形飯就相對較大粒 滑身啲。 朋友再叫左個西班牙油香臘味炒飯 可能因為佢多料 所以食落比較咸 不過臘味堅係香! 最後點心叫左個竹碳甘蔗汁黑毛豬咸水角 賣相非常精緻 有黑有黃 好似水晶包咁 咬落感覺到入面係有層次 唔係一咬就到底 師傅手勢非常讚 講返飲品 我同朋友望到menu 當然揀mocktail 冇理由仲飲orange juice掛 叫左fairy green 朋友話好清新 好大浸青瓜味 我就揀左杯blue tint 檸檬味 都不錯。 總結 餐廳氣氛一流 食物設計有心思 味道高水準 服務都非常好 滿載

今次揀咗呢度慶祝男友的生日飯，餐廳除咗有靚景，食物款式唔算多但質素真係唔錯，職員亦勤幫客人加水，收碟快有禮貌餐廳高質感的裝潢充滿空間感，環境格調高雅之餘氣氛悠閒放鬆，開揚景緻，飽覽景色毫不遜色，門面得體，餐廳環境之美令人留下極佳印象先黎頭盤：櫻花蝦避風塘茄子，外層炸漿非常薄脆，避風塘風味的茄子香口惹味，入口酥化，炸完之後 -熱辣辣內裏充滿水分，原來茄子都可以有咁特別嘅口感而男友的另一道頭盤是燈影紅曲米牛腱，好靚，啲牛腱帶點爽口，牛腱切得算薄容易入口，味道甜甜的，不錯不錯!湯我揀左花膠螺頭片波士頓龍蝦湯-膠原豐富，一上枱香味撲鼻，龍蝦湯濃郁鮮甜，花膠、螺頭片，龍蝦的精華煮進湯中，飲完好想再ENCORE，多吃無妨男友點了竹笙如意海皇羹-淺嘗一口，用了好多材料去烹調，他不停說真材實料 阿拉斯加蟹肉的金柱蛋白燴飯有多阿拉斯加蟹肉好香。蟹肉加金柱蛋白口豐富，燴飯粒粒意粉都充滿蟹的鮮味，正金莎芥末鴛鴦蝦球-越南虎蝦分別配以完全不同風味的醬汁日本芥末沙律汁同埋金沙鹹蛋黃醬兩款醬汁，蝦肉爽口彈牙。控制火侯功夫十足!還有脆皮意大利風乾火腿蘿蔔糕配果醬-中西合璧，口味創新。每塊蘿蔔糕用米網紙包住嚟炸到香脆

每年冬至都要去嗰啲普通傳統嘅酒樓食一圍菜， 價錢又貴，又係食啲雪藏魚雪藏龍蝦又冇味又難食， 於是我提議今年搞搞新意思，去食一餐中西fusion菜，又滿足到爸爸傳統要食中餐既諗法，見大家都冇異議我就上網搵咗呢一間Cubus 28，好彩都冇令到大家失望。餐廳位於銅鑼灣一棟大廈頂樓， lift門一開，見餐廳整體格局高級，非常有情調，座位寬敞舒適，環境十分舒服，同行父母仲問我有冇去錯地方添。仲有一樣野要讚既就係餐廳提供英超直播，令我同我爸爸可以一邊食飯一邊睇波，爸爸非常滿意。講番主題 ，叫左幾樣食物，首先前菜係櫻花蝦避風塘茄子，啱啱炸起所以外脆內軟，少少辣好惹味，配撘茄子估唔到係咁夾，又特別又好味。湯羹係花膠螺片頭波士頓龍蝦湯，用料上乘而且又夠足料，味道香濃又夠滑，又好味又健康。主菜叫左兩個，首先要講既係牛油果川味辣子雞，呢個一定要強烈推介，因為個雞雖然係有少少辣，但係非常惹味又香口，食完會勁開胃食到停唔到口，好辣人士一定要試，配菜牛油果估唔到配合埋d辣汁勁香勁好味，仲有個脆皮都可以食埋，入哂d辣味真係無得頂。另一個係黑松露海皇鮑汁燴米形粉，首先黑松露既香口唔洗多介紹，但最值得一提既係米形粉完

今次朋友介紹, 銅鑼灣區高級飲食娛樂新天地, Cubus 28我們在27樓用餐,  因為 28樓餐廳滿座.  有大電視機, 入坐高枱, 好特別餐廳燈光好幻彩, 有酒吧.提供多款中西 fusion 特色菜, 我們點了這個餐, 有前菜, 湯, 主菜, 點心餐具和餐巾獨特又高貴. 我們先點   Fizzy sweet,  荔枝梳打, 夠清新 !前菜：燈影紅曲米牛腱 + 櫻花蝦避風塘茄子燈影紅曲米牛腱,  牛腱 - 口感軟腍,   牛味濃郁.  飲酒最佳.櫻花蝦避風塘茄子 - 外面炸得好香脆, 餐前理想小食.我同朋友都揀  花膠螺頭片波士頓龍蝦湯 -足料好味, 有花膠, 螺頭片及波士頓龍蝦肉, 湯鮮味濃郁, 好飲.金沙芥末鴛鴦蝦球  - 擺碟靚, 蝦分兩種煮法, 每人兩件, 炸米纸底, 脆卜卜.   鹹蛋黃或配以芥末醬.蝦球大隻, 蝦味濃, 爽口彈牙. 阿拉斯加蟹肉金柱蛋白燴飯用蟹肉加蛋白燴飯, 蟹肉鲜甜, 飯粒細滑, 入口美味.最後是 中式點心時間, 好特別, 好似嘆茶般食點心. 脆皮意大利風乾火腿蘿蔔糕配果醬看來中西合璧,   蘿蔔糕內有脆皮意大利風乾火腿, 香味比中式臘肉, 臘腸更惹味

突然想食間fine dining 嘅餐廳，上網搵到呢間fusion 菜,見到啲菜式好特別就同男朋友試下。餐廳環境非常高級優雅，氣氛好浪漫! 有bar枱同埋普通座位可以選擇，坐窗邊的話景都唔錯。店員仲服務好好。Menu 選擇唔算太多但每款都喺獨特嘅fusion菜式，我地叫set dinner。海膽牛油果藜麥蟹肉沙律。呢款沙律非常驚豔!一上枱已經比個賣相滿分佢!除左擺盤精緻，味道更出色。一片片軟綿綿嘅牛油果配搭火灸海膽，蟹肉同埋香脆嘅藜麥，喺我食果最好食嘅沙律之一!金箔阿拉斯加蟹肉南瓜羹。金箔鋪喺滿滿嘅蟹肉上面，加多一份高貴感。原來湯底另有驚喜，有一層嫩滑豆腐，配搭足料蟹肉，令成個湯口感極佳。竹炭甘筍汁黑毛豬咸水角。賣相好特別，有黑色竹炭款同埋橙色甘筍汁款，食落外皮香脆帶甜，黑毛豬肉餡多肉汁。牛油果川味辣子雞。好惹味，辣味適中。出奇地同牛油果好夾。西班牙油香臘味炒飯。炒飯有熱鍋保持溫度，好貼心。飯炒得幾有鑊氣，粒粒分明帶臘味嘅咸香味。

呢間餐廳話就話食廣東菜，但一入去完全吾似食廣東菜，裝修更似酒吧西餐廳之類，感覺好特別~而佢地D餐具亦都好靚好中意!!櫻花蝦避風塘茄子外脆內軟正好黎形容呢味菜式，外皮炸得又脆又薄，而裏面的茄子夠juicy，配上櫻花蝦乾一六食，更多一份鮮味~燈影紅曲米牛腱牛腱切得好薄，口感好軟，好想試多幾塊~花膠螺頭片波士頓龍蝦湯好濃香的龍蝦湯味，仲有螺頭片和花膠係入面，不得不說這款龍蝦湯煮得很出色，令人難忘!竹笙如意海皇羹材料非常豐富，有豆腐，蝦同帶子粒等等，中意中式菜的友人較喜愛這道湯...阿拉斯加蟹肉金柱蛋白繪飯份量岩岩好，仲怕會食得太飽食唔哂，蟹肉醬味道帶點creamy，有種畫龍點晴的效果!金莎芥末鴛鴦蝦球這款小吃分別是芥末味同黃金蛋黃味，前者是芥末醬配大蝦球，芥未醬味道豐富，但後者黃火蛋黃比較香濃，而蝦球的大小及口感配合得岩岩好整體感覺不錯~竹碳金箔蝦餃黑白蝦餃點上少許金萡，夠哂高貴，而蝦肉飽滿，口感不錯!脆皮意大利風乾火腿蘿蔔糕配果醬此款蘿蔔糕特別之處是外層炸得香脆，配上甜甜的果醬，口感特別!飲品方面~友人叫左杯Wild Awaka，而我就叫左杯Gin & Tea

聖誕大餐在銅記，一心以為係食西餐啦。點知係帶我食中餐？估唔到係兩者兼備。Bar既形式，但有fine dining感覺，價錢比fine dining平。27 28樓都係佢地，我地係28樓遠望大橋。有特色這餐具，好似一個小螺絲批嘅筷子。手撕法國鵪鶉伴海膽汁海蜇Hand shredded quail with urchin sauce’s jellyfish邊圍着脆脆，西方炸野特色咁？落去有啲似炸雲吞皮。海膽汁海蜇一點也沒有馬虎，係好似食緊海膽醬海蜇。鵪鶉有食雞肉嘅口感，同脆脆形成對比。前者紮實後者脆口中帶油。海膽牛油果藜麥蟹肉沙律Avocado quinoa and crab meat salad with sea urchin海膽火炙過，外鎖味內爆發，更正！食用靚花，藜麥包住青瓜粒同蟹肉。青掛粒顯得好出汁，同藜麥好夾，幫助佢濕潤。女生至愛牛油果creamy，成個都超級健康。花膠螺頭片波士頓龍蝦湯American lobster soup with fish maw sliced sea conch好足料！圖中花膠有兩件。咸少少，但無損喜愛！花膠處理得好好完全無任何腥味，螺頭都去晒d雪味。

約朋友聚會，環境氣氛好重要，銅鑼灣商廈 Cubus 頂樓開了間酒吧餐廳， 兩層樓兼有天台，內置樓梯，落地大玻璃，裝潢型格，取名貮捌，聽個名都知玩意十足。 坐在酒吧先發現試管型紅白酒，相信是市場新產品，作為 House Wine，非常稱職。 酒水選擇豐富，我的 Rosy Cheek，正是我喜歡的清雅秀麗造型，花香甜美。 以 tablet 作餐牌，既潮流亦環保。 伴酒食物有創意，夠膽嘗試，組合有趣，賣相亦出眾，味道相當好，雖然比較濃郁，但這正 bar food 的特色。櫻花蝦避風塘茄子 香辣味足，尤其喜歡櫻花蝦的香惹，茄子外脆內嫩不油膩。 燈影紅穀米牛鍵 燈影下筋肉分明，層疊交錯，口感一流，味道豐富。花膠螺頭片波士頓龍蝦湯 特色自然是添加的滋補花膠螺頭片，都幾足料，龍蝦湯味道足。竹笙如意海皇羹 味道非常好，意料之外有水準。竹炭金箔蝦餃 精緻漂亮，皮薄饀靚。脆皮意大利風乾火腿蘿蔔糕配果醬 非常特色有創意，鹹香出眾，與果醬的甜成強烈對比。阿拉斯加蟹肉的金柱蛋白燴飯 份量比想像中少，芡汁幾多，味道唔錯。金沙芥末鴛鴦蝦球 蝦球大大粒，爽彈味濃，金沙芥末味道各有風