Croissant Taiyaki (已結業)

某天經過要吃一點甜✨ 酥皮紅豆鯛魚燒（hkd $15💸）買左之後請店員姐姐幫我加熱，拎上手都有微溫既（當時已經有啲心知不妙🙇🙇），所以一影左相就已經即刻食🙊第一啖咬落口都ok既，酥皮脆身帶甜！但當食到中間就出事啦！！！紅豆餡係凍既，而層酥皮已經係淋晒😢得啲邊邊係脆既😭😭其實紅豆餡都做得幾好架，唔太甜！但凍左真係😔😔Overall黎講味道唔算差既，如果下次咁岩撞到係岩岩出爐既話，我諗我會試多次既！試埋個吉士味😝但唔係新鮮出爐既就🙅🏻🙅🏻🙅🏻👋

今日出左尖沙咀，見有啲肚餓，就去左尖沙咀SOGO,一嚐滿心期待既鯛魚燒。可能去既時間下午5:00零，冇乜人光顧。店員好似好沒精打采，冇乜笑容。我買左個吉士打鯛魚燒，但當我擰起時，立即失望。冷冰冰，一啲暖意都冇囉，到我咬下去，只是邊緣脆，但內裏既吉士醬就滑，不過變左凍吃。我心諗熱返啲就好了。

買6個有盒裝，就方便啲拎呢個係吉士味，真係成條鯛魚嘅樣吉士味好重，唔係太甜，好香同脆口，做甜品一流朱古力味唔係好睇到條魚，可能係比較黑d，朱古力味好濃，但係就係偏甜都好香同脆口

平時行尖沙咀sogo 都無留意原來有超級市場，入面行到最入仲有野食賣。女朋友又扭計話要食甜野，見呢度有鯛魚燒幾得意，又有幾種口味所以買黎試下。 我地揀左吉士同朱古力味。因為吉士係新鮮出爐既關係，所以熱辣辣，入面既吉士醬帶甜甜既奶黃味道，而外層唔算香脆。朱古力因為放左一段時間既關係，只係暖暖地，而朱古力味道太甜，又唔夠熱，食左半個已經好想放棄。

話說喺韓國驪州食過熱辣辣、新鮮即製嘅鯛魚燒，對鯛魚燒有個不解嘅情意結，一直念念不忘！ 鯛魚燒已進駐尖沙咀Sogo一段時間，但由於地點隱蔽關係，一直都冇乜人追捧，而我每次經過都會食番個！源於東京嘅鯛魚燒用咗24層酥皮，唔洗33層已經好鬆化，饀料有日本直送嘅紅豆、吉士、朱古力，大力推介吉士饀！

之前喺日本試過酥皮鯛魚燒後有啲回味，知道原來香港都有一於試一試佢虛實。揀左冇咁傳統嘅朱古力味，貪佢夠破格。拎上手都算暖暖地，但都係唔夠熱。酥皮真係要熱辣辣食先夠脆。唔知係咪因為唔夠熱嘅關係，酥皮有部分都係幾塊叠埋左一齊。皮有淡淡嘅朱古力味，入面嘅涵料都幾有朱古力味，唔算太甜。不過如果揀多次應該會揀返原味皮紅豆涵。

和男友分享過一個芝士撻後尚有胃納，嗅到旁邊即做的鯛魚燒傳來陣陣香氣，八卦行近望望，見它的出品不如一般的鯛魚燒用麵粉漿做外皮，而是更邪惡的用了像牛角包般的酥皮，二話不說要來一客。朱古力味牛角鯛魚燒 $15店員姨姨笑咪咪的向我們遞上一件份量不少的鯛魚燒，足足有我成隻手掌般長，匆匆拍過照後襯熱往嘴裡送，輕輕咬一口發現它的外皮仍是脆卜卜，酥皮帶有滿滿的牛油香，中間的吉士朱古力味濃郁，甜度適中，用來做個下午茶或小甜點合適不過。和男友一致認為比芝士撻更有驚喜，且大件抵食，共享一份已感滿足！

朱古力酥皮鯛魚燒 $15 （7.5/10）終於試到佢 大大個又平 相對隔幾條街盛行既$22芝士撻 作為小食 依個性價比確係幾高 但當然芝士撻都好好味 講番鯛魚燒 比左錢會即熱番俾客人 外層酥皮脆身富朱古力味 內層既朱古力吉士甜度亦恰到好處 面頭既杏仁脆片錦上添花 朱古力迷不可錯過呀 不過酥皮比人感覺稍稍油膩 所以食完都有啲heavy 建議二人分享 下次會試埋其他口味 真係性價比高

見到佢有紅豆味,吉士味,朱古力味...我揀左吉士食落第一啖...好甜..講緊已經未食到d吉士漿...講緊一黎本身佢自己塊酥皮已經甜到爆二黎好乾身三黎要咬到好入先食到d吉士漿...到吉士漿...帶酸..唔知做咩..有種好似擺到過期既漿咁..><可一不可再...

觀完禮、食完自助午餐，一行人各散東西，我同大少就去行吓SOGO，本來都知道間SOGO細架喇，無諗過真係細到行15分鐘已經行完，既然咁細，當然要去會一會最細嘅SOGO超市~~行樓梯落去夠搞笑，個超市真係細到……無人能及點知……原來food court已經係埋入面，真係超誇張~本來都食到好飽，點知，見到有鯛魚燒，大少問我食唔食，因為佢知我好鍾意食呢啲，本來我話好飽唔食，點知佢話，係酥皮嚟喎，咁就買嚟試吓~可能因為真係無乜客關係，連店入面Staff都唔多個，兩個Staff都係懶洋洋，行動慢9拍其實酥皮就真係幾酥皮喇，但係……紅荳蓉唔夠多，得中間一點，雖然紅荳蓉唔太甜，但係份量真係未免太少，我覺得自己似食緊齋酥皮，外層似有蜜糖，因為外皮有啲甜甜感覺可能因為無客人關係，一早整好，只係有客人要就翻熱，有紅荳蓉位置脆度不足

仍需工作的星期天，工作過後，決定到尖沙咀走走，享受午後的漫步時光。來到崇光，踏進細小的超市，見這兒的「酥皮鯛魚燒」看來不錯，便買來充當飯前小吃。吃的是紅豆、吉士打和朱古力醬三款口味中的「吉士打餡酥皮鯛魚燒」，雖然鯛魚燒裡面香甜的吉士打餡是少了點，幸好魚身略嫌扁平的鯛魚酥的酥皮都算酥脆，不會太硬或太軟，吃來感覺還算可以。兩夫妻一起分享過這餐前小吃後，再拍拖一會，又是時候吃晚飯了。

同朋友摸完酒杯底，仲有少少肚餓，友人提議到Sogo地庫尋吃的. 要不是友人告知，我也不知尖沙咀Sogo也有food court，原來隱身在超市內部一角，相當神秘. 到達時，一個客人也沒有，相當寧靜，而且food court的小食檔口也不多，只有這間鯛魚燒、拉麵店、日式咖喱店，選擇很少!紅豆鯛魚燒 ($15)不過既然來到，就試試這條酥皮鯛魚燒，選了紅豆味的. 不過並非即叫即做，而是番熱的.酥皮好軟身，好似索滿油似的，亦只是暖暖的. 內裡的紅豆餡亦不多，魚身好扁，賣相絕不討好，亦不能稱身好吃.好失望啊! 好彩旁邊另一間店的煎餃子是即叫即煎的，好吃多了尖沙咀彌敦道20號 Sogo B1層40號舖3911 1043

一直都好想試呢條鯛魚燒，初時以為店子在銅鑼灣sogo地庫(而我忘記了尖沙咀也有sogo)結果百尋也找不獲，正在發茅時，同行朋友說是否在尖沙咀分店，原來係喎，哈哈哈！今日在尖沙咀做完野要趕入元朗食生日飯，巴士站對面就係sogo 了，咁近唔係唔去呀？下午5點幾，成個counter都無人，師傅洗緊個燒板，又無人排隊，好似係無開咁！問左係有得賣，就叫左個朱古力口味的（$15）竟然見到店員把放左o係膠盒凍冰冰的鯛魚燒(已做好)，重新放到模中再加熱，下！返叮！？好啦，咁叮法，啲紋理完全唔清晰，魚形真係抽象到阿媽都唔認得，用牛油夾紙包著，少少微暖！朱古力餡都算多，酥餅皮返叮再返叮，自然唔多脆淋淋地，杏仁片挺香，間中會食到砂糖粒！整體來說，試過叫做了左個心願，建議有心試的朋友，新鮮造緊先好買，返叮就留返個Quota了！

 那天絕對是慕明而來的, 在尖沙咀 Sogo 超市逛了一圈, 原來它在超市的一角二話不說即買了一條酥皮紅豆鯛魚燒。阿姐亦好快手咁取出一條比小妹。不過都唔係即整既, 條魚放到只有小小暖。條鯛魚好瘦削, 陰公 ~一口咬落去, 酥皮剝落, 十分鬆脆, 但亦都非常之油。紅豆涵也小得可憐, 紅豆亦得個甜字, 無香味既!點解同我係大板吃過的落差咁大既。吾通要去日本先再吃到, 哭~阿姐亦好快手咁取出一條比小妹。不過都唔係即整既, 條魚放到只有小小暖。條鯛魚好瘦削, 陰公 ~一口咬落去, 酥皮剝落, 十分鬆脆, 但亦都非常之油。紅豆涵也小得可憐, 紅豆亦得個甜字, 無香味既!點解同我係大板吃過的落差咁大既。吾通要去日本先再吃到, 哭~

在很餓的時候, 第一次走進SOGO的FRESH MART 諗住找零食頂肚點知被入面food court的味道吸引入去由於又就黎到晚飯時間, 所以只可以吃份量少的眼看只得3間餐廳, 其中一間就是"鯛魚燒"立即跑去看....可能6pm時間, 還沒人多, 完全無人招呼2位職員背住收銀處在做朱古力餡, 叫我叫"唔該"才知道有客人檯上放著只得3款味道的鯛魚燒, 有北海道紅豆, 吉士及朱古力, 每條$15其實3隻色都想試, 但最後揀左吉士味見到佢將魚放入燒板上翻熱, 唔係新鮮即造, 印象已經麻麻不過算, 諗住起碼佢有翻熱, 好過無遞過用紙袋裝著的吉士魚, 都很熱, 但拎上手感覺很匾很瘦咬一口, 外皮有點像葡撻的外皮, 但咬下去會feel到還未溶的糖>.<感覺不良好, 而且吉士餡很少, 整體都過甜$15食條唔新鮮既瘦魚, 很不值, 唔會再有下次