Crêpe Delicious (Urban Cafe)

营业中

休息中

尋日行過利東街見到門口有好多Gelato，俾佢吸引咗。食 左All You Can Eat 2.0- 90分鐘，$298 任食頭盤，選擇非常多，包括： - 蒜蓉焗青口- 鮮味十足，蒜香濃郁。 - 凱撒沙律配煙三文魚- 新鮮健康，煙三文魚增添風味。 - 吉列炸蝦- 外脆內嫩，味道極佳。 - 香脆魷魚圈- 酥脆可口 - 脆炸洋蔥圈- 香脆的口感 - 蜜糖雞翼- 主菜- 我選擇咗： - 烤加拿大豬鞍配薯條- 肉質嫩滑，薯條亦剛剛好,我認為加拿大豬鞍比較好食 - 香烤西冷牛扒（802）配薯條- 牛扒煮得恰到好處，肉味濃厚。飲品- 任飲飲品，任飲無限。甜品- 意式雪糕Gelato

即日Openrice 預購本來想去旺角店，但預訂滿座，唯有去利東街分店，雖然兩層但不太寬敞，幸好安排我們坐卡位👍。因為只有90分鐘，所以就即下單主菜，飲品，店員說會首先上一份齊全的小食，但來了一份三文魚沙律後，主菜飲品都到齊，等了差不多半小時才出小食，可能是星期五，客比較多，廚房接應不暇！安格斯牛排不錯5成還算嫩口，可推薦！因很多套餐安格斯是要加錢。鱸魚就正常稍為淡口，要點醬！ 酸甜的士多啤梨雪葩很解滯，美中不足沒有朱古力雪糕！ 可能當晚客多，人手不足，店員下單有點甩漏，有點不耐煩，如果平日可能會好些，餐廳餐牌也是$298，不過openrice 就$298包加一，所以不知道餐廳是否$298要加一？

**6款Starter無限任食**，推薦香脆的炸魷魚圈、洋蔥圈和炸蝦，外皮酥脆不油膩；蜜糖雞翼甜香惹味，三文魚沙律則清新開胃。主菜可自選兩款，**8安士西冷牛扒**肉質軟嫩，牛味濃郁，單點已值回票價；豬鞍亦煎得恰到好處， juicy 不柴。套餐還包飲品及香滑雪糕，整體份量十足，性價比極高！ 相比散叫（單點牛扒或豬鞍已要$200+），這個套餐能用$298享用到前菜、主菜、飲品及甜品，絕對是「大胃王」或聚餐首選。服務態度良好，上菜速度合理，適合朋友或家庭聚會盡情享受！

呢間crepe 專門店位於利東街，樓高兩層，crepe有好多款口味選擇，有鹹和甜的crepe，而且雪糕都好好食呀。🔹️伯爵茶金寶crepe $98賣相靚，食落有蛋香味，邊邊和切開內裡都有伯爵茶慕絲，加埋焦糖醬好好食，呢個crepe 本身配一球雪糕，我地揀左榛子味🌰，超好食，堅果味香好出，即刻要試埋其他味。🍧雪糕我另外叫左個雪糕筒，揀左朱古力味個芒果味，兩樣都幾好食，不過最愛都係榛子味。🐖意式手工肉丸意粉有四粒好食嘅手工肉丸，好多肉汁，而且彈牙，手工製造果然唔同啲，意粉係用蕃茄sauce，同肉丸最佳配搭。

灣仔分店既Crepe Delicious係我去過既第二間, 雖然上次同老公去第一間喺中上環，我地兩公婆係好鍾意環境，service，但我更鍾意灣仔利東街，因為本身呢度已經係我最鍾意既打卡點，再加埋灣仔店既上層，有條簡約不失優雅感既樓梯更係最吸引我既地方。不過今次係同女仔friend 黎，傾計話題同氣氛都更係唔同，不過有樣野無變既就係黎到灣仔分店，我仍然都係最想食Crab & Avacado Stack,因為有脆脆既包同擺入口即溶既口感，一樣唔會失望至從少左食甜野之後，我都係keep住選擇savoury 既crepe (咸點系列既可麗餅），今次同朋友一齊食呢個一人兩件既cheesy spinach crepe,個crepe 都有少少位係脆脆口感而覺得每件既脆脆口感令自己未好夠喉。溫馨提示：店員同時有同我同朋友呢個crepe 既製作須時20分鍾。好可能比其他野食上枱既時間耐少少，但so far, 我同朋友輕鬆等候時又傾計就覺得所有野黎得夠岩timing 了。

上次在新世紀廣場試過這間Crepe Delicious, 可麗餅令人回味無窮，見到灣仔有分店，一於試試，果然不負所望。餐廳有兩層，我們坐樓上那層，餐廳環境很舒適❇️紅豆抹茶忌廉可麗餅可麗餅真的美味得無法抗拒，薄薄的外皮很柔軟，裏面包裹着甜美的紅豆餡料，可麗餅上面有香濃的抹茶忌廉，配上口感煙靭的小丸子和濃郁抹茶味的雪糕😋😋😋❇️香煎北海道帶子伴香草醬扁意粉帶子很大粒，新鮮的帶子外脆內嫩，帶有海洋的鮮甜，與香草醬的清新完美融合。扁意粉則柔韌滑順，吸收了香草醬的精華。👍👍☺️❇️Mango-go裏面充滿很多新鮮的芒果塊，飲品很順滑😍😍

上網見到呢間Crèpe Delicious做緊All you can eat $298就可以揀一個main 再任食starter 飲品同Gelato 另外加$38仲可以升級任食sweet crèpe 今日喺灣仔附近收工就去試試佢先餐廳美式風格裝潢 有上下兩層今次就坐咗喺上層 餐廳唔算好大所以比較寧靜舒適夠光猛 座位闊落 放到成枱都係嘢食都得店員都好Nice！Starter有8款 有得任食真係啱晒我呢啲有選擇困難嘅人 一於就每款都試下啦Caesar Salad with smoked Salmon 煙三文魚煙燻味好香 唔會太鹹 Salad清新 生菜口感爽脆 仲配有多士粒蒜蓉焗青口好新鮮 麵包糠份量啱啱好 青口肉質彈牙蜜糖雞翼水牛城雞翼雞翼唔乾幾juicy 蜜糖雞翼表面裹滿香甜蜜糖 夠晒sweet水牛城雞翼辣得嚟好惹味吉列炸蝦非常酥脆 外表金黃色 蝦肉爽口脆炸洋蔥圈脆卜卜 炸粉唔會太厚啱啱好黑松露薯條上枱熱辣辣 用咗粗薯條 最鍾配黑松露醬食粟米片配牛油果及墨西哥辣椒醬 粟米片份量充足 仲配有兩款醬 個人比較鍾意牛油果醬Main香煎鱸魚配薯蓉 鱸魚大大條夠厚肉 煎得外脆內嫩 魚肉食落肉質細嫩

✨灣仔皇后大道東一帶好多特色小店，其中crepe delicious門口紅卜卜招牌好吸引的，出名有好多甜品選擇，點都揀到一款啱口味。***** ***** ***** ***** ***** 紅酒慢煮牛頰肉配薯蓉🥩🥩🥩牛頰肉熟到適中，肉質軟腍，牛肉汁仲好好味，薯蓉有牛肉汁滲入去，口感Creamy味道濃香。Awful Chocolate 🍫🍫🍫濃香朱古力味道嘅Gelato shake, 飲完唔怕肥，口感好厚身好軟滑，飲完超滿足啊。總括來說，未試餐牌的可麗餅，下次一定要試，plan定搵次再嚟過。

今次係第二次去Crepe Delicious食嘢。記得第一次去係幾年前聖誕節期間，利東街好有聖誕氣氛，佈置得好靚。餐廳有兩層，樓上有卡位，坐位舒適。餐廳以橙色、藍色為主調色。佢哋而家推出咗All you can eat. 每位$298. 前菜任食：蒜蓉焗青口、凱撒沙律配煙三文魚、蜜糖雞翼、水牛城雞翼、🍤吉列炸蝦、粟米片配牛油果及墨西哥辣椒醬、黑松露薯條、脆炸洋蔥圈我比較鍾意兩款雞翼，好入味。薯條新鮮熱辣，配上黑松露醬，好味道。主菜我哋揀咗北海道帶子蟹肉可麗餅同黑松霤忌廉雞肉關條麵。甜嘅可麗餅就食過幾次，咸嘅就比較少食。帶子爽口，可麗餅入面有好多蟹肉，咬落去啖啖肉。黑松霤忌廉雞肉關條麵，麵質軟硬度適中。意式雪糕Gelato我揀咗朱古力味，超好味，好濃郁嘅朱古力味，軟綿綿。

估唔到加$38可以任食crepes一齊食咗好多款，試咗香蕉榛子、Oreo、棉花糖、Tiramisu、芒果咖吔，加埋食咗七個crepes🤣肥死最鍾意都係棉花糖～加埋食咗三個，好誇張🫠因為加$38有得任食甜可麗餅真係好抵，所以一入座已經開始叫定甜品，隔籬枱見到都呆一呆🫢$298包主菜一款、小食八款任食、飲品任飲，有果茶、檸茶檸水、熱茶、汽水，入咗開始計90分鐘，埋單前30分鐘截單✂️安格斯肉眼扒唔錯，幾嫩滑

Crêpe Delicious朋友話呢間餐廳做緊優惠，$298 可任食頭盤、飲品、意式雪糕，加錢仲可以升級食可麗餅添。前菜一共有8款前菜，分別有蒜蓉焗青口、吉列炸蝦、凱撒沙律配煙三文魚、粟米片配牛油果及墨西哥辣椒醬、水牛城雞翼、蜜糖雞翼、黑松露薯條、脆炸洋蔥圈。咁多款前菜入面蒜蓉焗青口質素唔錯，軟淋嘅青口帶有蒜頭香；水牛城雞翼口感微辣開胃，脆炸洋蔥圈外脆內軟，食多幾舊都唔膩。主菜香煎鱸魚配薯蓉燒烤醬豬肋骨配薯蓉主菜叫咗鱸魚同埋豬肋骨，鱸魚肉質嫩滑，外皮脆口，加有甘筍、薯蓉、蔬菜等配料，淋上醬汁味道香濃；豬肋骨份量十足，表面塗上燒烤醬，燒烤醬嘅味道滲入豬肋骨入面，香口惹味提拉米蘇意式雪糕是日一共有四款意式雪糕可以選擇，分別係朱古力、士多啤梨、榛子同埋提拉米蘇。最後揀選咗提拉米蘇口味，入口有明顯咖啡香同埋忌廉香，記得要快啲食，唔係好快溶水果冰茶洋甘菊茶飲品分別叫咗蜜桃冰茶同埋熱洋甘菊茶，前者味道清甜，後者帶淡淡洋甘菊香

以前食過旺角間Crepe Delicious，原來灣仔利東街都有都好方便，呢度嘅Crepe有鹹有甜，好多口味🍴BBQ Pulled Pork Crepe 慢烤手撕豬肉可麗餅Crepe好薄好軟熟，BBQ pork烤得有啲乾身，入面仲有三色椒、bbq醬汁食完幾飽肚🍴Homemade Meatball Spaghetti 意式手工肉丸意粉用咗車厘茄、番茄醬，酸酸哋幾開胃，好襯肉丸，肉丸幾有質感，整體好食🚩Crepe Delicious (Urban Cafe) (灣仔)📍灣仔皇后大道東200號利東街地下G26及F26A號舖

呢間餐廳想試好耐 佢好出名食可麗餅 所以一於去試吓 唔知正唔正呢😚👅煙三文魚牛油果可麗餅 $138呢個招牌菜果然好食😋佢嘅可麗餅唔會太過厚 亦都唔會太薄 整得幾香甜 煙三文魚同牛油果都幾新鮮 好味道😛👅黑松露忌廉雞肉闊條麵 $168佢嘅闊條麵質地煙煙韌韌 醬汁有啲似牛肝菌汁 同埋都幾多雞肉同蘑菇 都唔錯😆總括嚟講 呢間餐廳嘅可麗餅真係幾高質 大家要嚟呢度試吓呀🥰😋 好味：8.54/10🤑 價錢：7.78/10🤗 服務：7.76/10😝 環境：7.87/10😚 衞生：7.67/10🤩 整體：8.46/10

今日介紹幾多一間餐廳來自加拿大，以其健康而美味的可麗餅和手工意式雪糕而聞名。牛油果蟹餅 $108蟹肉與牛油果、青蔥、蒔蘿和番茄完美結合，搭配香脆的烤吐司。慢烤手撕豬肉可麗餅 $138可麗餅內餡由慢烤的BBQ手撕豬肉、紅洋蔥、甜椒和莫札瑞拉奶酪組成，搭配酥脆的可麗餅皮，每一口都充滿了豐富的層次。香蕉榛子朱古力可麗餅 $88可麗餅搭配切片香蕉和Nutella，甜而不膩。Crepe Delicious (Urban Cafe) (灣仔)灣仔皇后大道東200號利東街地下G26及F26A號舖

今晚去咗灣仔利東街嗰間專食Crab嘅餐廳「Crêpe Delicious」，真係好有驚喜！一入到去，環境好正，有個Bar枱，成個感覺好似去咗外國咁，氣氛好Chill。我哋一坐低就即刻點咗個鹹嘅可麗餅，叫咗個「烤牛肉可麗餅」，嘩！個賣相真係靚到冇得彈，打開一睇，啲生菜排得整整齊齊，新鮮又爽脆。切開中間，啲烤牛肉粉粉嫩嫩，食落去好Juicy，仲有好多Mozzarella芝士，拉絲效果一流，真係多重口感！最正係個可麗餅皮，煙靭得嚟又唔會太厚，啱啱好，食落好滿足。另外仲點咗個「香煎北海道帶子半香草醬扁意粉」，個帶子真係冇得頂！表面煎到金黃香脆，但入面依然保持到鮮嫩，咬落去好鮮甜，完全冇過熟。個香草醬香味十足，意粉煮得啱啱好，彈牙有咬口，上面仲有蘆筍，爽脆得嚟又帶出咗成個菜嘅層次感。整體嚟講，呢間餐廳無論係食物質素定係環境都做得好好，絕對值得再嚟！