Crema

营业中

休息中

今日喺到食咗個lunch ，成日經過終於有機會試！叫咗個辣味雞肉炒意粉，個份量啱啱好，味道都幾過癮 唔會話好辣 但又炒得好香😋👍🏾加$8有個餐湯 咖啡跟餐免費！！咖啡嘅水準都唔錯👍🏾👍🏾下次去再試吓其他嘢先😋

今日喺 crema 食咗個蒜香忌廉意粉，跟咗杯凍橙汁咖啡，成套 $80。講真一開始覺得有少少貴，不過原來普通咖啡平時都係$62，有杯咖啡送都算抵。意粉熱辣辣上枱，啲忌廉香得嚟又唔膩，配埋蒜香好惹味，啖啖都好滿足。醬汁唔係死杰嗰種，係滑身又有味道，食到最後都唔覺 heavy。但最大驚喜係杯凍橙汁咖啡，第一次試，居然幾夾。橙味清爽，帶少少果酸，啱啱好中和咗咖啡嘅微苦，飲落唔會甜膩，真係幾 refreshing。今次體驗唔錯，唔算平價快餐，但感覺用料有心思，特別係杯橙汁咖啡，值得一試。

1:19叫左個lunch到一點九都末到，見隔離枱遲過我入都有嘢食，問下個職員佢十分不耐煩，自問已經好有耐性，叫個意粉冇諗過要等20分鐘都上唔到菜，到上菜的時候是用掉的形式放在我枱面。上到來的時候意粉10分難食，非常鹹都不知道他有什麼自信態度可以那麼差叫咗個香蒜菠菜煙肉意粉，完全沒有蒜味只有鹹味同埋難食的味道，好似阿媽在家煮的水烚意粉一樣

之前路經吃過早餐，味道正常，latte也不俗，懷著小小信心去吃午餐。選擇了較大路的carbonara，以為可以較保險，怎知一上枱就知出事，一堆白色杰撻撻的醬汁，只有幾條火腿絲及煙肉絲，完全沒有味道唯有自行加上大量芝士粉，但實在難吃只吃了幾口便放棄，可幸餐飲加了10元的mocha味道可以，但是以後也不會再回頭吃午餐了。

係lunchtime見到個價錢都唔貴就入咗去試😆 不過lunch set就唔太多選擇，所以叫咗個雞肉炒意粉set ($59)。個辣汁都幾惹味，不過雞肉個份量唔算太多。但咁嘅價錢包一杯飲品（叫咗伯爵茶）都算ok👍🏻😆另外就散叫咗個雞肉直布羅陀腸意粉 ($62)，但相對上芝士味比較濃，但我覺得冇第一個意粉咁香、咁好食🙈整體嚟講，價錢唔太貴，都值得一試❤️

今日約左朋友行尖沙咀，諗起crema,好掛住佢d咖啡🥰想食個早餐，但已經過左早餐時間。好彩去到原來依家佢地都有全日早餐🥹🥹太好啦，可以坐低慢慢享受我既早餐😌重有5G Wi-Fi比我用，冇限時真係可以坐成個晏晝👍🏻我最鐘意飲榛子咖啡🥰全日早餐$78連野飲。不過佢平時早餐$44連野飲重抵👍🏻下次要早d黎😁全日早餐最驚喜係個窩夫配埋個焦糖漿真係好香好好味😋同出面d窩夫好唔同。一問之下原來佢地d窩夫係用新鮮牛奶整咖😌等我下次都自己試吓整先。個全日早餐都好飽肚，食埋個迷你沙律🥗岩岩好。我朋友就唔飲咖啡既，佢叫左杯抹茶鮮奶，佢讚不絕口，話好香滑好夠熱👍🏻 佢就叫左今日既午餐有蒜香菠菜蘑菇炒意粉（$59）都過好香好惹味🤤🤤不過唔記得照相就已經食晒😂好細心一點係原來今日係初一係特登出素食🥰真係好細心睇一睇佢地既餐牌，甘多年都冇點加價真係好抵👍🏻依度真係好好坐，又靜又舒服，我真係要幫襯多啲先得💪🏻支持下香港多年既小店

依家咖啡店開咗好多年，偶然都會幫襯，通常都係食早餐。但係絕對唔會係我嘅首選，因為食物比較一般。每一次揀佢都係因為想同同事傾吓偈，覺得佢坐得舒服啲，人少少。其實佢服務唔錯嘅，幾個女仔都幾好面口，唔會係黑口黑面嗰種，自己出去買又得，叫佢order食完先俾錢又得。已經差唔多半年冇去過，對上一次已經感覺麻麻哋，食物比較Hea。但同事話以前好鍾意食佢嘅鹹牛肉炒蛋bagel，就再去試吓，$48連齋啡 ，一上枱嘅時候佢有少少唔開心，因為個樣同以前有啲分別，冇咗啲伴碟之餘，鹹牛肉餡料亦都比較少。不過我個吞拿魚三文治先至精彩，首先我係叫咗烘底，嚟到個樣同冇烘差唔多只係硬咗少少，好似隔夜麵包嘅感覺，冇香味嘅。同職員講咗我係要烘底，佢嘅回覆係已經烘咗，都冇打算幫我再加烘。我見到件三文治薄切切，就打開睇吓，吞拿魚，應該1mm都冇，早餐$44 連普通咖啡，孤寒到有啲過分。唔怪得知間間食早餐都多人，就係呢度長期小貓三兩隻，總是有原因。

𝟚𝟘𝟚𝟜𝟘𝟙𝟙𝟜很久沒有去Crema了。星期天的尖沙咀，出奇意料地少人。從街道的櫥窗望進餐廳，很多餐廳也剩下很多座位。想著去哪間cafe吃tea，走著走著，到了Crema。忌廉汁雞肉意大利粉味道不錯，不過忌廉汁比較水狀，不是creamy的質感。而matcha latte 的奶和綠茶🍵比例適中，奶的甜味和綠茶的苦味比較平衡。P.S. 喜歡小小的咖啡店☕️。

今日經過尖東見肚餓就求其搵咗間餐廳食飯叫咗個和風雞肉意粉可以免費多意粉，啱晒我呢啲大食人士咖啡拉花亦好可愛食物飲品質素絕對有下次呢度環境都唔錯，算靜。喺度坐咗個下午店員亦冇催促埋單，坐得舒服，喺尖東可以搵到呢個價錢嘅咖啡店仲可以坐得咁舒服咁耐真係好抵☕️☕️

中午的尖東特別熱經過希爾頓大廈 睇到小樓梯有間佈置不錯的coffee shop經樓梯後，就到一間小咖啡店整間餐廳都係日式意大利餐廳佈置一入餐廳，冷氣非常夠，就算繁忙午餐時間，職員也安排一張4人位比我地2位坐Coffee is life.litter and sweet are included.牆上的字句 很有意思！order 咗 set lunch熱咖啡 咖啡豆味道好濃 份量適中蕃茄意式肉丸天使麵蕃茄汁不會太酸，肉丸煮得剛剛好，肉質不會硬。意大利包配沙律意大利包好軟熟薯仔沙律配菜 一片新鮮蕃茄環境 食物味道都不錯難得在尖東鬧市中有一間坐得舒服的餐廳

好耐無嚟,諗住入嚟懷緬一下以前星期六常常來lunch嘅日子嗌了杯12oz cappuccino, 味道依舊正常，環境舒適，但有無人話到比我知以下拉花係乜圖案嚟？😂是人是狗還是兔？

Crema Coffee - 尖沙咀今次經過尖沙咀，發現一間在希爾頓大廈低層，店舖不是非常顯眼的一間意式coffee shop，見價錢方面平均一個午餐$50，非常抵食，所以決定一於入去試一試。午餐C - 黑椒煙鴨胸炒意大利粉 $57抹茶鮮奶 +$10見左一個意粉及一杯飲品，大約等左5分鐘就有得食，非常快手。意粉外貌雖然不是特別精緻，但還卷得都幾整齊咁簡潔。味道方面都正常但稍為偏鹹，煙鴨胸很香濃彈牙，意粉硬度適中，黑椒及蒜油香草味道都幾濃烈。至於抹茶鮮奶，店員都很細心拉出一個靚靚的心形，味道方面雖然鮮奶不算是很香滑濃郁，但抹茶味道都幾香。飲品方面上得很快，比主食還要早到，所以最終飲品的溫度會變得暖暖的不夠熱度，見意喜歡飲熱點的餐飲既朋友，落單前要求飲品後上。

路過尖沙咀希爾頓大廈見到早餐幾啱食就入去試吓喇 !早餐選擇都幾多和抵食 ~~炒蛋、雞尖腸、火腿、茄汁豆和牛角包 + 咖啡都係 HK$42最吸引儍媽的就是 +HK$8 就可以轉杯奶啡 ~~用的咖啡豆都是店家新鮮烘焙的，香濃好飲 ~~一早嘆杯靚靚拉花的咖啡，心情都好啲架 ~~儍媽點了份 Bagel Breakfast ... 鹹牛肉炒蛋比高包 + Latte〈HK$45 + HK$8〉香滑炒蛋配鹹香牛肉再加上口感煙靱的比高包，滋味又滿足 ~~** 以上分享是以我的口味、體質和情況作出分享及感受，一試 / 合用與否請自行決定

今日因工作再次路過，只見空舖處處，但神奇的是，Crema竟然屹立不倒。如果您需要好高端/好好食/至啱打卡嘅cafe，Crema絕對唔啱你，你去半島啦。但如果你想在尖咀鬧市找一個cp值高的cafe 放鬆 or 寫稿，Crema會係best choice。☕Coffee: 佢出名係用咖啡泡沫劃動物，我記得以前會問我要乜動物先落單，但冇所謂啦。上級質素。🥞Cake and Ice cream: 中上質素，甜度／朱古力濃度／軟硬度適中🥘Pasta: 始終佢係cafe，主食應該只是bonus，所以唔好期望太多 (你預係大X活的朋友)。你見我個天使麵不過不失。話說回來，其實 Cafe 原本就唔係主力賣pasta，去到香港才變質，變成食評斟酌點。尖東地段，lunch hour 人流不多，還café應有的安靜，佢亦唔會主動趕人走。價錢嘛，pasta+咖啡+湯 $78/ cake + 雪糕 $35= $113，單杯咖啡約 $35。花少少錢，在尖東有冷氣嘆有嘢飲，又可以寫稿打機到無電為止，算係咁喇！

有時想靜下 去個冇咁繁擾既地方 又冇時間過海或者去離島 對小編W嚟講 尖東真係一個唔錯既選擇☺️餐廳係尖東 仲要係商場地庫 所以人流比較小由於餐廳係地庫 而且有木枱配藤椅 令我諗返之前俄羅斯旅行去café既回憶🥹想大聲咆哮「幾時有得去旅行啊」🥲小編W好喜歡餐廳牆上面一句quote👇🏽“𝐂𝐨𝐟𝐟𝐞𝐞 𝐢𝐬 𝐥𝐢𝐟𝐞, 𝐛𝐢𝐭𝐭𝐞𝐫 𝐚𝐧𝐝 𝐬𝐰𝐞𝐞𝐭 𝐚𝐫𝐞 𝐢𝐧𝐜𝐥𝐮𝐝𝐞𝐝”對啊 人生就係咁🚬又想講經啦🚬🍝蕃茄肉醬意大利粉 （Lunch menu）$55就…很普通的意粉🤣🤣好似小編自己係屋企整既意粉咁🤣但依個價錢 我覺得可以啦~☕️Latte +$8👉🏽餐廳冇oat milk選擇 只有soy milk👈🏽轉soy milk亦唔洗再額外加$ 👍🏾Latte味道醇香 個泡打得好細密但係！！！最驚喜係 佢個🐰兔仔拉花🐰！！！！因為見Lunch咁平 所以冇expect過咁有心仲有個咁可愛既拉花🥰[指數以🤍🤍🤍🤍🤍為最高］味道指數：食物🤍🤍 咖啡🤍🤍🤍🤍 就係咁偏心🤪環境指數：🤍🤍🤍🤍服務質素：🤍🤍🤍食回頭草指數：🤍🤍🤍💡飲食情報💡雖然食物比較普通 但咖啡幾好飲仲配上可愛拉花 見到心情都變好🤪Cre